აზიის განვითარების ბანკის (ADB) მიერ „მდგრადი ურბანული ტრანსპორტის საინვესტიციო პროგრამა - პროექტი 5“-ის დაფინანსების შესახებ

საქართველოს მთავრობის

განკარგულება №1071

2017 წლის 1 ივნისი

ქ. თბილისი

აზიის განვითარების ბანკის (ADB) მიერ „მდგრადი ურბანული ტრანსპორტის საინვესტიციო პროგრამა – პროექტი 5“-ის დაფინანსების შესახებ

1.მიღებულ იქნეს ცნობად საქართველოს ფინანსთა სამინისტროს ინფორმაცია აზიის განვითარების ბანკის (ADB) მიერ „მდგრადი ურბანული ტრანსპორტის საინვესტიციო პროგრამა –პროექტი 5“-ის დაფინანსების თაობაზე.

2.საქართველოს ფინანსთა სამინისტრომ მიმართოს აზიის განვითარების ბანკს (ADB) „მდგრადი ურბანული ტრანსპორტის საინვესტიციო პროგრამა – პროექტი 5“-ის დაფინანსების მიზნით 36 მლნ აშშ დოლარის (ეკვივალენტი ევროში) ოდენობის სესხის (ჩვეულებრივი სასესხო რესურსები – OCR (Ordinary Capital Resources) პირობებით) გამოყოფის თაობაზე შემდეგი ფინანსური პირობებით:

OCR სესხის ფინანსური პირობები:

●სესხის ხანგრძლივობა – 23 წელი (მათ შორის, შეღავათიანი პერიოდი 14 წელი);

●საპროცენტო განაკვეთის ტიპი – 6-თვიან EURIBOR-ს დამატებული ფიქსირებული მარჟა 0.7%;

●სესხის ვალუტა – ევრო;

●ვალდებულების გადასახდელი (Commitment fee) – წლიური 0.15%.

 

 

პრემიერ-მინისტრი                                            გიორგი კვირიკაშვილი