საქართველოსა და საფრანგეთის განვითარების სააგენტოს (AFD) შორის საკრედიტო შეთანხმების – „ბიუჯეტის მხარდამჭერი სესხის“ ტექსტის მიღების მიზნით მოლაპარაკებების გამართვისა და სესხის ფინანსური პირობების შესახებ

საქართველოს მთავრობის

განკარგულება №1896

2017 წლის 7 სექტემბერი

ქ. თბილისი

საქართველოსა და საფრანგეთის განვითარების სააგენტოს (AFD) შორის საკრედიტო შეთანხმების – „ბიუჯეტის მხარდამჭერი სესხის“ ტექსტის მიღების მიზნით მოლაპარაკებების გამართვისა და სესხის ფინანსური პირობების შესახებ

1. გაიმართოს მოლაპარაკება „საქართველოსა და საფრანგეთის განვითარების სააგენტოს შორის საკრედიტო შეთანხმების – „ბიუჯეტის მხარდამჭერი სესხის“ ტექსტის მიღების მიზნით.

2. საქართველოს ფინანსთა მინისტრის მოადგილეს – ნიკოლოზ გაგუასა და საქართველოს ეკონომიკისა და მდგრადი განვითარების მინისტრის მოადგილეს – ნინო ჯავახაძეს მიენიჭოთ „საქართველოსა და საფრანგეთის განვითარების სააგენტოს შორის საკრედიტო შეთანხმების – „ბიუჯეტის მხარდამჭერი სესხის“ ტექსტის მიღების მიზნით მოლაპარაკებების გამართვისა და, საჭიროების შემთხვევაში, მოლაპარაკებების შედეგად მიღებული შესაბამისი დოკუმენტების ხელმოწერის უფლებამოსილება.

3. მოწონებულ იქნეს საფრანგეთის განვითარების სააგენტოს მიერ შემოთავაზებული სესხის შემდეგი ძირითადი ფინანსური პირობები:

• სესხის ოდენობა – 60 მილიონი ევრო;

• სესხის ვადიანობა – 20 წელი (მათ შორის, შეღავათიანი პერიოდი 6 წელი);

• საპროცენტო განაკვეთის ტიპი – ცვლადი, EURIBOR + 0.6%;

• ვალდებულების გადასახდელი (Commitment fee) – 0.5% (ერიცხება სესხის აუთვისებელ თანხას);

• ადმინისტრირების გადასახდელი – სესხის ოდენობის 0.5% (სესხის თანხიდან გადახდა არ ხდება).

 

 

პრემიერ-მინისტრი                                                გიორგი კვირიკაშვილი