„ქ.თბილისში, სამგორის რაიონში, გარდაბნის გზატკეცილის მიმდებარე ტერიტორიასთან არსებული უსახელო ქუჩებისთვის და მასთან მდებარე შესახვევებისთვის, გასასვლელებისთვის და ჩიხებისთვის სახელის მინიჭების შესახებ“ ქ.თბილისის საკრებულოს 2014 წლის 6 მაისის №103 დადგენილების ძალადაკარგულად გამოცხადების და ქუჩების სახელდების შესახებ

„ქ.თბილისში, სამგორის რაიონში, გარდაბნის გზატკეცილის მიმდებარე ტერიტორიასთან არსებული უსახელო ქუჩებისთვის და მასთან მდებარე შესახვევებისთვის, გასასვლელებისთვის და ჩიხებისთვის სახელის მინიჭების შესახებ“ ქ.თბილისის საკრებულოს 2014 წლის 6 მაისის №103 დადგენილების ძალადაკარგულად გამოცხადების და ქუჩების სახელდების შესახებ

ქალაქ თბილისის მუნიციპალიტეტის საკრებულოს

განკარგულება №376

2017 წლის 29 სექტემბერი

ქ. თბილისი

„ქ. თბილისში, სამგორის რაიონში, გარდაბნის გზატკეცილის მიმდებარე ტერიტორიასთან არსებული უსახელო ქუჩებისთვის და მათთან მდებარე შესახვევებისთვის, გასასვლელებისთვის და ჩიხებისთვის სახელის მინიჭების შესახებ“ ქ. თბილისის საკრებულოს 2014 წლის 6 მაისის №103 დადგენილების ძალადაკარგულად გამოცხადების და ქუჩების სახელდების შესახებ

1. ქ. თბილისის საკრებულოს 2014 წლის 6 მაისის №103 დადგენილებით განხორციელდა თბილისის ადმინისტრაციულ საზღვრებში მდებარე 10 უსახელო ქუჩის სახელდება, რომელთაგან 9 ქუჩა მდებარეობს სამგორის, ხოლო ერთი – ისნის რაიონში. დადგენილების გამოცემის პროცესში დაშვებულ იქნა ტექნიკური ხასიათის შეცდომა და აქტში მითითებული არ იქნა, რომ ერთი ქუჩა მდებარეობს ისნის რაიონში.

ვინაიდან ქუჩების სახელდების მომენტისთვის საკრებულოს ინდივიდუალური ადმინისტრაციული სამართლებრივი აქტი იყო დადგენილება, ხოლო დღეს ინდივიდუალური სამართლებრივი აქტი არის განკარგულება, მიზანშეწონილია 2014 წლის 6 მაისის №103 დადგენილების ძალადაკარგულად გამოცხადება და ქუჩებისთვის სახელების ხელახლა მინიჭება იმ ტექნიკური ხარვეზის გათვალისწინებით, რაც 2014 წელს იქნა დაშვებული.

საქართველოს ორგანული კანონის „ადგილობრივი თვითმმართველობის კოდექსი” 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილებისა და „ქ. თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ ქ.თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად, ქ.თბილისის მუნიციპალიტეტის საკრებულომ დაადგინა:

ა) ძალადაკარგულად გამოცხადდეს „ქ.თბილისში, სამგორის რაიონში, გარდაბნის გზატკეცილის მიმდებარე ტერიტორიასთან არსებული უსახელო ქუჩებისთვის და მათთან მდებარე შესახვევებისთვის, გასასვლელებისთვის და ჩიხებისთვის სახელის მინიჭების შესახებ“ ქ.თბილისის საკრებულოს 2014 წლის 6 მაისის №103 დადგენილება;

ბ) ისნის რაიონში, ჯავახეთის ქუჩასთან მდებარე ქუჩას მიენიჭოს ანდრია დადიანის სახელი, თანდართული რუკის თანახმად;

გ) სამგორის რაიონში, გარდაბნის გზატკეცილის მიმდებარე ტერიტორიასთან არსებულ ქუჩებს, შესახვევებს და ჩიხებს, თანდართული რუკის თანახმად, მიენიჭოს შემდეგი სახელები:

გაიოზ რექტორის ქუჩა;

ვლადიმერ აღნიაშვილის ქუჩა;

თეკლა ბატონიშვილის ქუჩა;

ფილადელფოს კიკნაძის ქუჩა;

დოსითეოს ქუთათელის ქუჩა;

დათო ყიფიანის ქუჩა;

რევაზ კვირიკაშვილის ქუჩა;

ვალენტინ გიგინეიშვილის ქუჩა;

მარია პერინის ქუჩა;

დ) ქ.თბილისის მუნიციპალიტეტის მერიამ ოთხი თვის ვადაში უზრუნველყოს ამ განკარგულების შესასრულებლად საჭირო ღონისძიებების განხორციელება.

2. განკარგულება ერთი თვის ვადაში შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე
-12 კმ., №6).

საკრებულოს თავმჯდომარე                                     გიორგი ალიბეგაშვილი