„რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამის დამტკიცების შესახებ“ საქართველოს მთავრობის 2016 წლის 29 მარტის №150 დადგენილებაში ცვლილების შეტანის თაობაზე

1. მე-2 მუხლი ჩამოყალიბდეს შემდეგი რედაქციით:

„მუხლი 2.  ამ დადგენილების პირველ მუხლში აღნიშნული „რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამის“ დაფინანსება განხორციელდეს  სსიპ – სასოფლო-სამეურნეო კოოპერატივების განვითარების სააგენტოსთვის 2017-2018 წლებში საქართველოს სახელმწიფო ბიუჯეტით გამოყოფილი ასიგნებების ფარგლებში.“.

2. დადგენილებით დამტკიცებული „რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამის“:

ა) მე-9 მუხლის მე-4 პუნქტი ჩამოყალიბდეს შემდეგი რედაქციით:

„4. იმ შემთხვევაში, თუ მონაწილე ვერ აკმაყოფილებს ამ მუხლით განსაზღვრულ მოთხოვნებს, სააგენტო უფლებამოსილია, ამ მონაწილისათვის გათვალისწინებული კაპიტალური ინვესტირება გადასცეს პროგრამაში მონაწილე სხვა სასოფლო-სამეურნეო კოოპერატივს, რომელსაც კაპიტალური ინვესტიციის დამატებით მისაღებად  მოწყობილი აქვს  ამ მუხლის პირველი პუნქტის „დ“ ქვეპუნქტით განსაზღვრული შესაბამისი შენობა-ნაგებობა.“;

ბ) მე-11 მუხლის მე-3 პუნქტი ჩამოყალიბდეს შემდეგი რედაქციით:

„3. იმ შემთხვევაში, თუ ხელშეკრულების შეწყვეტისას მონაწილეს მიღებული აქვს კაპიტალური ინვესტირება, სააგენტო უფლებამოსილია, მოითხოვოს მონაწილისაგან მიღებული კაპიტალური ინვესტირების ღირებულების 100%-ის სახელმწიფო ბიუჯეტში გადახდა ან მისი დაბრუნება ამ პროგრამით დადგენილი წესით სხვა სასოფლო-სამეურნეო კოოპერატივისათვის გადასაცემად.“.