შვილად აყვანის წესის დამტკიცების შესახებ

შვილად აყვანის წესის დამტკიცების შესახებ საქართველოს შრომის, ჯანმრთელობისა და სოციალური დაცვის მინისტრის ბრძანება №01-73/ნ 2017 წლის 27 დეკემბერი ქ. თბილისი შვილად აყვანის წესის დამტკიცების შესახებ ,,შვილად აყვანისა და მინდობით აღზრდის შესახებ“ საქართველოს კანონის მე-3 მუხლის „ხ“ ქვეპუნქტის, მე-7 მუხლის მე-4 პუნქტის, მე-9 მუხლის მე-2 პუნქტის „ე“ ქვეპუნქტის, მე-10 მუხლის მე-4 პუნქტის,  მე-17 მუხლის პირველი პუნქტის „გ“ ქვეპუნქტის და მე-6 პუნქტის, 21-ე მუხლის მე-5 პუნქტის, 34-ე მუხლის მე-4 პუნქტის, 46-ე მუხლის მე-3 პუნქტის და 58-ე მუხლის მე-4 პუნქტის, 79-ე მუხლის პირველი პუნქტის ,,ა“ ქვეპუნქტისა და საქართველოს ზოგადი ადმინისტრაციული კოდექსის 61-ე მუხლის შესაბამისად, ვბრძანებ: მუხლი 1🔗 დამტკიცდეს თანდართული შვილად აყვანის თანდართული წესი (დანართი №1) და შვილად აყვანის კომისიის მუშაობის წესი (დანართი №2). მუხლი 2🔗 ძალადაკარგულად გამოცხადდეს ,,შვილად აყვანის პროცედურებისა და ფორმების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2010 წლის 26 თებერვლის №50/ნ ბრძანება.  მუხლი 3🔗 ბრძანება ამოქმედდეს 2018 წლის 1 იანვრიდან. საქართველოს შრომის, ჯანმრთელობისა და სოციალური დაცვის მინისტრიდავით სერგეენკო