საქართველოს რეგიონებში განსახორციელებელი პროექტების ფონდიდან საქართველოს რეგიონული განვითარებისა და ინფრასტრუქტურის სამინისტროსათვის თანხის გამოყოფის შესახებ

საქართველოს მთავრობის

განკარგულება №22 63

2017 წლის 27 ოქტომბერი

ქ. თბილისი

საქართველოს რეგიონებში განსახორციელებელი პროექტების ფონდიდან  საქართველოს რეგიონული განვითარებისა და ინფრასტრუქტურის სამინისტროსათვის თანხის გამოყოფის შესახებ

1. ცნობად იქნეს მიღებული, რომ:

ა) საქართველოს რეგიონული განვითარებისა და ინფრასტრუქტურის სამინისტროს სსიპ − საქართველოს მუნიციპალური განვითარების ფონდს (შემდგომში − სსიპ − საქართველოს მუნიციპალური განვითარების ფონდი) „სსიპ − საქართველოს მუნიციპალური განვითარების ფონდის მიერ განსახორციელებელი ღონისძიებების შესახებ“ საქართველოს მთავრობის 2017 წლის 30 ივნისის №1371 განკარგულებით დაევალა ყაზბეგის მუნიციპალიტეტში გუდაური-კობის საბაგირო გზის მოწყობი სათვის საჭირო საპროექტო-სახარჯთაღრიცხვო დოკუმენტაციის მოსამზადებლად მომსახურებისა და შესაბამისი სამშენებლო სამუშაოების შესყიდვა, მსოფლიო ბანკის მიერ განსაზღვრული შესყიდვების პროცედურების შესაბამისად;

ბ) შემსრულებელთან დადებული ხელშეკრულების თანახმად, პროექტის ღირებულება შეადგენს 27 876 .4 ათასი ევროს ეკვივალენტ ლარს.

2. საქართველოს ფინანსთა სამინისტრომ „საქართველოს 2017 წლის სახელმწიფო ბიუჯეტის შე­სა­ხებ“ საქართველოს კანონით გათვალისწინებული საქართველოს რეგიონებში განსახორციელებელი პროექ­­­ტების ფონდიდან სსიპ − საქართველოს მუნიციპალური განვითარების ფონდს პროგრამის − „რეგიონული და მუნიციპალური ინფრასტრუქტურის რეაბილიტაცია“ (პროგრამული კოდი: 25 03) ფარგლებში გამოუყოს 25 000 000 (ოცდახუთი მილიონი) ლარი.

 

პრემიერ-მინისტრი                                                   გიორგი კვირიკაშვილი