სახელმწიფო საკუთრებაში არსებული უძრავი ნივთის შპს „აკურასათვის“ პირდაპირი მიყიდვის ფორმით პრივატიზების შესახებ

2. ამ განკარგულების პირველი პუნქტით გათვალისწინებული უძრავი ნივთის საპრივატიზებო პირობებად განისაზღვროს:

ა) საპრივატიზებო თანხის გადახდა შესაბამისი განკარგულების გამოცემიდან არა უმეტეს 12 (თორმეტი) თვის  ვადაში, შემდეგი გრაფიკის მიხედვით:

ა.ა) შესაბამისი განკარგულების გამოცემიდან არა უმეტეს 3 (სამი) თვის ვადაში არანაკლებ 184 000 (ას ოთხმოცდაოთხი ათასი) ლარის გადახდა;

ა.ბ) შესაბამისი განკარგულების გამოცემიდან არა უმეტეს 6 (ექვსი) თვის ვადაში არანაკლებ 368 000 (სამას სამოცდარვა ათასი) ლარის გადახდა;

ა.გ) შესაბამისი განკარგულების გამოცემიდან არა უმეტეს 9 (ცხრა) თვის ვადაში არანაკლებ 552 000 (ხუთას ორმოცდათორმეტი ათასი) ლარის გადახდა;

ა.დ) შესაბამისი განკარგულების გამოცემიდან არა უმეტეს 12 (თორმეტი) თვის ვადაში 735 670 (შვიდას ოცდათხუთმეტი ათას ექვსას სამოცდაათი) ლარის გადახდა;

ბ) შესაბამისი ხელშეკრულების გაფორმებიდან არა უმეტეს 24 (ოცდაოთხი) თვის ვადაში, პირადად ან მესამე პირის მეშვეობით, ამ განკარგულების პირველი პუნქტით გათვალისწინებული უძრავი ნივთის არანაკლებ 85% ფართობზე (რაც შეიძლება მოიცავდეს ნარგავებით გაშენებულ ტერიტორიას, ნარგავებს შორის გადასაადგილებელ (მათ შორის,  სპეციალური ტექნიკის გადასაადგილებელი) ბილიკებს/საირიგაციო სისტემის მიერ დაკავებულ ფართობს) ვაზის გაშენება და ინფრასტრუქტურის (რაც მოიცავს (მაგრამ შესაძლოა, არ შემოიფარგლებოდეს) ნარგავებით გაშენებული მიწის ნაკვეთის ან მისი ნაწილის დამცავი მესრით უზრუნველყოფას) მოწყობა;

გ) ამ განკარგულების პირველი პუნქტით გათვალისწინებულ უძრავ ნივთზე შესაბამისი ხელშეკრულების გაფორმებიდან 15 (თხუთმეტი) წლის განმავლობაში:

გ.ა) ყოველი წლის დეკემბრის თვეში საქართველოს სოფლის მეურნეობის სამინისტროსათვის  ინფორმაციის წარდგენა, ამ განკარგულების დანართის შესაბამისად;

გ.ბ) შესაბამისი ხელშეკრულების გაფორმებიდან არა უმეტეს 12 (თორმეტი) თვის ვადაში და შემდგომ ყოველ 5 (ხუთი) წელიწადში ერთხელ,  ნიადაგის ნაყოფიერებისა და ხარისხის შენარჩუნება-გაუმჯობესების  გამოკვლევის  მიზნით, ნიადაგის ანალიზის დამადასტურებელი დოკუმენტის საქართველოს სოფლის მეურნეობის სამინისტროსათვის წარდგენა.    

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა − სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიებების განხორციელება.

პრემიერ-მინისტრი                                                              გიორგი კვირიკაშვილი