საქართველოს უზენაესი სასამართლოს სარგებლობაში არსებული უძრავი ქონების აუქციონის გარეშე, იჯარის უფლებით გადაცემის თაობაზე თანხმობის მიცემის შესახებ

„სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს უზენაეს სასამართლოს, მის სარგებლობაში არსებული ქ. თბილისში, ძმები ზუბალაშვილების ქ. №32-ში  მდებარე შენობა-ნაგებობა №1-ის პირველ სართულზე არსებული ფართი (მიწის (უძრავი ქონების) საკადასტრო კოდი: 01.15.05.012.014) აუქციონის გარეშე, იჯარის უფლებით ბანკომატის განსათავსებლად 1 (ერთი) წლის ვადით გადასცეს:

ა) სს „თიბისი ბანკს“ (ს/ნ: 204854595) 1 კვ. მ ფართი, რომლის  ყოველთვიურად გადასახდელი საიჯარო ქირა შეადგენს 90 ლარს;

ბ) სს „საქართველოს ბანკს“ (ს/ნ: 204378869 ) 1 კვ. მ ფართი, რომლის ყოველთვიურად გადასახდელი საიჯარო ქირა შეადგენს 90 ლარს.

პრემიერ-მინისტრი                                                      გიორგი კვირიკაშვილი .