სსიპ – ქართული სპორტის მუზეუმის სსიპ – საქართველოს ეროვნულ მუზეუმთან მიერთების გზით რეორგანიზაციის შესახებ

სსიპ – ქართული სპორტის მუზეუმის სსიპ – საქართველოს ეროვნულ მუზეუმთან მიერთების გზით რეორგანიზაციის შესახებ საქართველოს მთავრობის დადგენილება №177 2018 წლის 12 აპრილი    ქ. თბილისი სსიპ – ქართული სპორტის მუზეუმის სსიპ – საქართველოს ეროვნულ მუზეუმთან მიერთების გზით რეორგანიზაციის შესახებ „მუზეუმების შესახებ“ საქართველოს კანონის მე-12 მუხლის პირველი პუნქტის, „საჯარო სამართლის იურიდიული პირის შესახებ“ საქართველოს კანონის მე-2 მუხლის პირველი პუნქტისა და „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის  შესაბამისად: მუხლი 1🔗 რეორგანიზებულ იქნეს სსიპ – ქართული სპორტის მუზეუმი სსიპ – საქართველოს ეროვნულ მუზეუმთან  მიერთების გზით. სსიპ – საქართველოს ეროვნული მუზეუმი ჩაითვალოს სსიპ – ქართული სპორტის მუზეუმის უფლებამონაცვლედ. მუხლი 2🔗 საქართველოს კულტურისა და სპორტის სამინისტრომ და  სსიპ – საქართველოს ეროვნულმა მუზეუმმა უზრუნველყონ დადგენილების პირველი მუხლის შესაბამისად რეორგანიზაციასთან დაკავშირებული კანონმდებლობით გათვალისწინებული ღონისძიებების განხორციელება. მუხლი 3🔗 შეტანილ იქნეს ცვლილება „საქართველოს სპორტისა და ახალგაზრდობის საქმეთა სამინისტროს მმართველობის სფეროში ზოგიერთი საჯარო სამართლის იურიდიული პირის დაფუძნების შესახებ“ საქართველოს მთავრობის 2014 წლის 26 ნოემბრის №637 დადგენილებაში (www.matsne.gov.ge, 27/11/2014, 040030000.10.003.018256) და დადგენილებიდან ამოღებულ იქნეს დადგენილების  პირველი მუხლის პირველი პუნქტის „ა“ ქვეპუნქტი და ამავე მუხლის მე-2 პუნქტი. მუხლი 4🔗 ამ დადგენილებით გათვალისწინებულ რეორგანიზაციასთან დაკავშირებული ღონისძიებები დასრულდეს 2018 წლის 1 ივნისამდე. მუხლი 5🔗 დადგენილება ამოქმედდეს გამოქვეყნებისთანავე. პრემიერ-მინისტრიგიორგი კვირიკაშვილი