ზუგდიდის საკრებულოს 2018 წლის 13 მაისის შუალედური არჩევნებისათვის საუბნო საარჩევნო კომისიის წევრთა

სახელმძღვანელო ინსტრუქცია

დამტკიცებულია ცესკოს 2018 წლის 16 აპრილის №26/2018 დადგენილებით

წარმოდგენილი სახელმძღვანელო ინსტრუქცია განკუთვნილია მუნიციპალიტეტის წარმომადგენლობითი ორგანოს – საკრებულოს 2017 წლის 21 ოქტომბრის არჩევნების მაჟორიტარული საარჩევნო სისტემით №67 ზუგდიდის საარჩევნო ოლქის №67.27 ცაიშის თემის ადგილობრივ მაჟორიტარულ საარჩევნო ოლქში გასამართი ზუგდიდის მუნიციპალიტეტის საკრებულოს 2018 წლის 13 მაისის შუალედური არჩევნებისთვის საუბნო საარჩევნო კომისიების წევრთა სასწავლო მიზნებისთვის. საუბნო საარჩევნო კომისიის უფლებამოსილებებსა და საქმიანობის წესთან დაკავშირებული საკანონმდებლო რეგულაციების სრული სახით გაცნობის მიზნით, იხილეთ საქართველოს ორგანული კანონი „საქართველოს საარჩევნო კოდექსი“ და ცესკოს შესაბამისი სამართლებრივი აქტები.

სარჩევი

ნაწილი I. საუბნო საარჩევნო კომისიის შემადგენლობა და მუშაობის წესი 0

თავი I. საუბნო საარჩევნო კომისიის დაკომპლექტების წესი 0

საუბნო საარჩევნო კომისიის დაკომპლექტების წესი 0

საუბნო საარჩევნო კომისიის წევრის უფლება-მოვალეობანი 0

თავი II. საუბნო საარჩევნო კომისიის მუშაობის წესი 0

საუბნო საარჩევნო კომისიის ხელმძღვანელ პირთა უფლებამოსილებები 0

საუბნო საარჩევნო კომისიის საქმისწარმოების წესი 0

საუბნო საარჩევნო კომისიის სამართლებრივი აქტები 0

საუბნო საარჩევნო კომისიის სხდომაზე განკარგულების მიღების წესი 0

საუბნო საარჩევნო კომისიის ჩართულობა და შეზღუდვები წინასაარჩევნო აგიტაციაში/კამპანიაში 0

ნაწილი II. საუბნო საარჩევნო კომისიის საქმიანობა წინასაარჩევნო პერიოდში 0

თავი I. ამომრჩეველთა სიები 0

ამომრჩეველთა ერთიანი სია და მისი გამოქვეყნების წესი 7

ამომრჩეველთა ერთიანი სიის მონაცემების გადამოწმება 0

ამომრჩეველთა სპეციალური სია 0

გადასატანი საარჩევნო ყუთის სიის ფორმირების წესი 0

ამომრჩევლის ბარათი 0

თავი II. საარჩევნო დოკუმენტაციის მიღება, კენჭისყრის შენობის მოწყობა 0

საოლქო საარჩევნო კომისიისგან საარჩევნო დოკუმენტაციისა და ინვენტარის მიღება 0

საარჩევნო დოკუმენტაციისა და ინვენტარის მიღება-ჩაბარების აქტი 0

კენჭისყრის შენობის მოწყობა 0

ნაწილი III. საუბნო საარჩევნო კომისიის საქმიანობა კენჭისყრის დღეს 0

თავი I. საარჩევნო უბნის გახსნა, კენჭისყრის დაწყებამდე ჩასატარებელი პროცედურები 0

საარჩევნო უბნის გახსნა 0

კენჭისყრის შენობაში ყოფნის უფლების მქონე პირები 0

დამკვირვებლის, საარჩევნო სუბიექტის წარმომადგენლისა და მასობრივი ინფორმაციის საშუალების წარმომადგენლის უფლებრივი მდგომარეობა 0

საარჩევნო უბნის გახსნიდან კენჭისყრის დაწყებამდე ჩასატარებელი პროცედურები 0

თავი II. კენჭისყრის პროცესი 0

კენჭისყრის ჩატარება 0

„ფიზიკური მდგომარეობის“ გამო ამომრჩევლის მიერ ხმის მიცემის პროცედურა 0

კენჭისყრის დღეს კენჭისყრის შენობაში და მის მიმდებარე ტერიტორიაზე წესრიგის დაცვა 0

კენჭისყრის პროცესის დროებით შეჩერება 0

კენჭისყრაში მონაწილე ამომრჩეველთა აღრიცხვა 0

გადასატანი საარჩევნო ყუთის მეშვეობით ხმის მიცემა 0

თავი III. კენჭისყრის გაგრძელება ხმის მიცემის და დათვლის სპეციალური
აპარატის გამოყენების გარეშე 0

თავი IV. საარჩევნო უბნის დახურვა, კენჭისყრის შედეგების შეჯამება 0

საარჩევნო უბნის დახურვა 0

გადასატანი საარჩევნო ყუთის გახსნა 26

ხმის მიცემის და დათვლის სპეციალური აპარატის საშუალებით დადგენილი კენჭისყრის წინასწარი შედეგების გამოცხადება 0

ხმის დათვლამდე ჩასატარებელი პროცედურები 0

საარჩევნო უბნის მოწყობა ხმების დათვლის პროცედურისთვის 0

საარჩევნო ყუთის გახსნამდე ჩასატარებელი პროცედურები 0

ამომრჩეველთა სიების, გაფუჭებული და გამოუყენებელი საარჩევნო ბიულეტენების დალუქვა 0

ძირითადი საარჩევნო ყუთის გახსნა და საარჩევნო ბიულეტენების დახარისხება 0

საარჩევნო ბიულეტენების დათვლა 0

საარჩევნო ბიულეტენების დალუქვა 0

კენჭისყრის შედეგების შემაჯამებელი ოქმის შედგენა 31

კენჭისყრის შედეგების შემაჯამებელი ოქმის საჯაროობა 0

სარეგისტრაციო ჟურნალის დახურვა, კენჭისყრის დღის ჩანაწერთა წიგნის დალუქვა,საარჩევნო დოკუმენტაციის გადაცემა საოლქო საარჩევნო კომისიისთვის 0

ნაწილი IV. კენჭისყრის დღის განცხადებები/საჩივრები 0

თავი I. კენჭისყრის დღის განცხადებების/საჩივრების რეგისტრაცია 0

კენჭისყრის დღის განცხადებებზე/საჩივრებზე ხარვეზის დადგენის წესი 0

თავი II. კენჭისყრის დღის განცხადებებზე/საჩივრებზე რეაგირება 0

დანართი №1. საარჩევნო კომისიაში წარდგენილი განცხადების/საჩივრის რეკვიზიტები 35

დანართი №2. ცნობა განცხადების/საჩივრის რეგისტრაციაში გატარების შესახებ 35

დანართი №3. საუბნო საარჩევნო კომისიის თავმჯდომარის უფლებამოსილებანი 2

დანართი №4. საუბნო საარჩევნო კომისიის მდივნის უფლებამოსილებანი კენჭისყრის დღეს 46

დანართი №5. ამომრჩეველთა ნაკადის მომწესრიგებელი კომისიის წევრის ფუნქციები 50

დანართი №6. ამომრჩეველთა რეგისტრატორი კომისიის წევრის ფუნქციები 2

დანართი №7. საარჩევნო ყუთისა და ხმის მიცემის და დათვლის სპეციალური აპარატის ზედამხედველი კომისიის წევრის ფუნქციები 53

დანართი №8. სპეციალური ჩარჩო-კონვერტების ზედამხედველი კომისიის წევრის ფუნქციები 54

დანართი №9. გადასატანი საარჩევნო ყუთის წამღები კომისიის წევრის ფუნქციები 55

დანართი №10. ფოტოვიდეოგადაღება საარჩევნო უბანზე 2

საუბნო საარჩევნო კომისია შედგება 12 წევრისაგან (საარჩევნო კოდექსი – მუხლი 24.1,2,4; მუხლი 29.9)

• 6 წევრს კონკურსის საფუძველზე ირჩევს საოლქო საარჩევნო კომისია;

• 6 წევრს ნიშნავენ პარტიები.

აკრძალულია საუბნო საარჩევნო კომისიის წევრის გამოწვევა კენჭისყრის დღემდე 15 დღით ადრე (28 აპრილი).

ყურადღება!

საარჩევნო კომისიის წევრი არ არის მისი დამნიშვნელი/ამრჩევი სუბიექტის წარმომადგენელი. იგი თავის საქმიანობაში დამოუკიდებელია და ემორჩილება მხოლოდ საქართველოს კონსტიტუციას, კანონსა და შესაბამის კანონქვემდებარე აქტებს (საარჩევნო კოდექსი – მუხლი 8.21).

(საუბნო საარჩევნო კომისიის რეგლამენტი – მუხლი 5)

საუბნო საარჩევნო კომისიის წევრი ვალდებულია შესაბამისი კომისიის წევრად დანიშვნის/არჩევის მომენტიდან:

• მონაწილეობა მიიღოს კომისიის ყოველდღიურ საქმიანობაში;

• მონაწილეობა მიიღოს კომისიის წევრთა კვალიფიკაციის ამაღლების მიზნით საქართველოს საარჩევნო ადმინისტრაციის/სწავლების ცენტრის მიერ ორგანიზებულ კურსებსა და ტრენინგ/სემინარებში;

• სისტემატურად ესწრებოდეს კომისიის სხდომებს და მონაწილეობდეს კომისიის მიერ შესასრულებელ საარჩევნო ღონისძიებებში;

• საპატიო მიზეზით სხდომის გაცდენის შემთხვევაში აცნობოს აღნიშნულის თაობაზე კომისიის თავმჯდომარის მოადგილეს, ან კომისიის მდივანს;

• დროულად ასრულებდეს კომისიის თავმჯდომარის მიერ დაკისრებულ მოვალეობებს.

ყურადღება!

საუბნო საარჩევნო კომისიის წევრების მიერ აღნიშნული ვალდებულებების შეუსრულებლობა ზემდგომი საარჩევნო კომისიის მიერ შეიძლება განხილულ იქნეს, როგორც დისციპლინური გადაცდომა და გახდეს მის მიმართ დისციპლინური პასუხისმგებლობის დაკისრების საფუძველი.

საუბნო საარჩევნო კომისიის ხელმძღვანელი პირები არიან

(საარჩევნო კოდექსი – მუხლი 25.1):

• კომისიის თავმჯდომარე;

• კომისიის თავმჯდომარის მოადგილე;

• კომისიის მდივანი.

საუბნო საარჩევნო კომისიის თავმჯდომარე

(საარჩევნო კოდექსი – მუხლი 8.15; მუხლი 27.1):

• ასრულებს სრულ ადმინისტრაციულ ფუნქციებს საუბნო საარჩევნო კომისიაში;

• იწვევს და უძღვება კომისიის სხდომას;

• იღებს განკარგულებას დამრღვევის საარჩევნო კომისიის შენობიდან გაძევების შესახებ;

• იღებს და ანაწილებს კომისიაში შემოსულ საარჩევნო საბუთებს და კორესპონდენციას;

• პირადად აგებს პასუხს საარჩევნო დოკუმენტაციისა და ინვენტარის შენახვისთვის/გაცემისთვის;

• საარჩევნო ადმინისტრაციის რეგლამენტის შესაბამისად დავალებას აძლევს კომისიის თავმჯდომარის მოადგილეს, კომისიის მდივანს და კომისიის სხვა წევრებს;

• კენჭისყრის დღეს ორგანიზებას უწევს კომისიის წევრთა შორის ფუნქციების წილისყრით განაწილებას;

• პასუხისმგებელია კენჭისყრის დღეს კენჭისყრის შენობაში წესრიგის დაცვისთვის;

• ვალდებულია კენჭისყრის შენობაში არ დაუშვას კენჭისყრის შენობაში ყოფნის უფლების მქონე პირები შესაბამისი სამკერდე ნიშნის გარეშე;

• კენჭისყრის შედეგების შეჯამებისთანავე ზემდგომ საოლქო საარჩევნო კომისიას გადასცემს ყველა სახის საარჩევნო დოკუმენტაციას;

• ახორციელებს საქართველოს საარჩევნო კანონმდებლობით მინიჭებულ სხვა უფლებამოსილებებს.

საუბნო საარჩევნო კომისიის თავმჯდომარის მოადგილე

(საარჩევნო კოდექსი – მუხლი 27.2):

• ასრულებს კომისიის თავმჯდომარის მოვალეობას, თუ კომისიას არ ჰყავს თავმჯდომარე ან მას არ შეუძლია თავისი მოვალეობის შესრულება;

• კომისიის თავმჯდომარის განკარგულებით ახორციელებს კომისიის თავმჯდომარის ცალკეულ უფლებამოსილებებს (განკარგულებით ზუსტად უნდა განისაზღვროს მინიჭებული უფლებამოსილების ფარგლები და ვადა).

საუბნო საარჩევნო კომისიის მდივანი

(საარჩევნო კოდექსი –მუხლი 27.3):

• ამზადებს კომისიის სხდომის დღის წესრიგს და განკარგულებათა პროექტებს;

• პასუხისმგებელია საჯარო ინფორმაციის გაცემისთვის;

• ადგენს კომისიის სხდომათა ოქმებს, მათ შორის, კენჭისყრის შედეგების შემაჯამებელ ოქმს;

• ახორციელებს ამ კანონით მინიჭებულ სხვა უფლებამოსილებებს.

საუბნო საარჩევნო კომისიის სხდომა ღიაა. მასზე დასწრების უფლება აქვთ მხოლოდ (საარჩევნო კოდექსი –მუხლი 8.15):

• ცესკოს და საოლქო საარჩევნო კომისიის წევრებს;

• ცესკოს და საოლქო საარჩევნო კომისიის წარმომადგენლებს;

• ცესკოს აპარატისა და შესაბამისი საოლქო საარჩევნო კომისიის თანამშრომლებს;

• ცესკოში ან/და შესაბამის საოლქო საარჩევნო კომისიაში აკრედიტებულ მედიის წარმომადგენლებს;

• საარჩევნო სუბიექტების თითო წარმომადგენელს შესაბამის საუბნო საარჩევნო კომისიაში;

• ცესკოში ან/და შესაბამის საოლქო საარჩევნო კომისიაში რეგისტრირებულ ადგილობრივი დამკვირვებელი ორგანიზაციების თითო დამკვირვებელს;

• საერთაშორისო ორგანიზაციების ორ დამკვირვებელს (თარჯიმანთან ერთად).

ყურადღება!

• საარჩევნო კომისიის მუშაობისათვის ხელის შეშლის და წესრიგის დარღვევის შემთხვევაში დამრღვევის (მათ შორის, კომისიის წევრის) საარჩევნო კომისიის სხდომიდან გაძევების საკითხზე გადაწყვეტილებას იღებს საარჩევნო კომისია, რაც აღინიშნება სხდომის ოქმში.

• დამრღვევის საარჩევნო კომისიის სხდომიდან გაძევება გულისხმობს მის საარჩევნო კომისიის შენობიდან/კენჭისყრის შენობიდან გაძევებასაც.

(საუბნო საარჩევნო კომისიის რეგლამენტი – მუხლი 11)

საუბნო საარჩევნო კომისიაში წარმოებს სარეგისტრაციო ჟურნალი, რომლის წარმოებისთვის პასუხისმგებელია კომისიის მდივანი.

სარეგისტრაციო ჟურნალი შედგება ორი ნაწილისაგან:

I. შემოსული დოკუმენტაცია

კომისიის მდივანი ვალდებულია დოკუმენტაციის (განცხადება, საჩივარი, ცნობა) შემოსვლისას სარეგისტრაციო ჟურნალში დაუყოვნებლივ რეგისტრაციაში გაატაროს შემოსული დოკუმენტაცია.

ყურადღება!

დოკუმენტის/განცხადების მიღების და სარეგისტრაციო ჟურნალში სათანადო რეგისტრაციის შემდეგ კომისიის მდივანი ვალდებულია გასცეს ცნობა (იხ. დანართი №2), რომელშიც მიეთითება დოკუმენტის/განცხადების მიღების თარიღი და ზუსტი დრო, აგრეთვე ჟურნალში მისთვის მინიჭებული სარეგისტრაციო ნომერი. აღნიშნული ცნობა კომისიის მდივანმა ხელმოწერით უნდა დაადასტუროს (საუბნო საარჩევნო კომისიის რეგლამენტი – მუხლი 11.5).

II. გასული დოკუმენტაცია

კომისიის მდივანი ვალდებულია დოკუმენტის გაცემა რეგისტრაციაში გაატაროს სარეგისტრაციო ჟურნალის გასული დოკუმენ­ტაციის ნაწილში.

საარჩევნო დოკუმენტაცია ხელმისაწვდომია ყველასთვის, გარდა საქართველოს კანონმდებლობით გათვალისწინებული შემთხვევებისა. საარჩევნო კომისია ვალდებულია საარჩევნო დოკუმენტაცია და არჩევნების შესახებ ინფორმაცია მათი მოთხოვნიდან 2 დღის ვადაში გააცნოს ყველა დაინტერესებულ პირს. თუ აღნიშნული ინფორმაციის გაცემა მეტ დროს მოითხოვს, საჯარო ინფორმაციის გაცემა ხორციელდება საქართველოს ზოგადი ადმინისტრაციული კოდექსით დადგენილი წესით.

ყურადღება!

საუბნო საარჩევნო კომისიის/კომისიის თავმჯდომარის განკარგულება და კენჭისყრის შედეგების შემაჯამებელი ოქმის ასლები მოთხოვნის შემთხვევაში გაიცემა დაუყოვნებლივ.

სარეგისტრაციო ჟურნალი იხურება ყოველი დღის 18 საათზე, გარდა კენჭისყრის დღისა. სარეგისტრაციო ჟურნალის ორივე ნაწილში ბოლო ჩანაწერის შემდეგ აღინიშნება „ჟურნალი დახურულია“ და მიეთითება თარიღი და ზუსტი დრო. ამ აღნიშვნას კომისიის მდივანი ხელმოწერით ადასტურებს. სარეგისტრაციო ჟურნალის დახურვის შემდეგ იკრძალება მასში იმავე თარიღით დამატებით რაიმე დოკუმენტის რეგისტრაცია (საუბნო საარჩევნო კომისიის რეგლამენტი – მუხლი 11.15).

ყურადღება!

კენჭისყრის დღეს სარეგისტრაციო ჟურნალი იწარმოება მთელი საარჩევნო პროცესის პარალელურად. კენჭისყრის დღის ყველა პროცედურის დასრულებისა და შესაბამისი საარჩევნო დოკუმენტაციის რეგისტრაციაში გატარების შემდეგ სარეგისტრაციო ჟურნალი იხურება კომისიის მდივნისა და თავმჯდომარის ხელმოწერებით და მოწმდება საუბნო საარჩევნო კომისიის ბეჭდით.

(საუბნო საარჩევნო კომისიის რეგლამენტი – მუხლი 6)

საუბნო საარჩევნო კომისიის სამართლებრივი აქტებია:

• კომისიის განკარგულება;

• კომისიის თავმჯდომარის განკარგულება;

• კენჭისყრის შედეგების შემაჯამებელი ოქმი.

ყურადღება!

საუბნო საარჩევნო კომისიის თავმჯდომარის განკარგულება უნდა გაფორმდეს მისი მიღებისთანავე და არაუგვიანეს მეორე დღისა უნდა გამოიკრას საარჩევნო უბანში თვალსაჩინო ადგილას. საუბნო საარჩევნო კომისიის თავმჯდომარის განკარგულებას ხელს აწერს კომისიის თავმჯდომარე (საარჩევნო კოდექსი – მუხლი 30.4; საუბნო საარჩევნო კომისიის რეგლამენტი – მუხლი 6.3-4).

საუბნო საარჩევნო კომისიის განკარგულების პროექტს ამზადებს კომისიის მდივანი (საუბნო საარჩევნო კომისიის რეგლამენტი – მუხლი 9.4). კომისიის განკარგულება მიღებულად ჩაითვლება, თუ მას მხარს დაუჭერს კომისიის სხდომაზე დამსწრეთა უმრავლესობა, მაგრამ არანაკლებ კომისიის სრული შემადგენლობის ერთი მესამედისა (არანაკლებ 4 წევრი). ხმების თანაბრად გაყოფის შემთხვევაში გადამწყვეტად ითვლება კომისიის სხდომის თავმჯდომარის ხმა, გარდა საკადრო საკითხებზე გადაწყვეტილების მიღებისას (არანაკლებ 7 ხმა) (საარჩევნო კოდექსი – მუხლი 8.4-5).

საუბნო საარჩევნო კომისიის განკარგულებას ხელს აწერენ კომისიის სხდომის თავმჯდომარე და კომისიის მდივანი. კომისიის განკარგულება მეორე დღესვე გამოიკვრება საარჩევნო უბანში (საარჩევნო კოდექსი - მუხლი 26.3; მუხლი 30.4; საუბნო საარჩევნო კომისიის რეგლამენტი – მუხლი 6.4).

საუბნო საარჩევნო კომისია კენჭისყრის შენობაში თვალსაჩინო ადგილას აკრავს კანდიდატთა სიებს (საარჩევნო კოდექსი – მუხლი 58.4.დ; საუბნო საარჩევნო კომისიის რეგლამენტი – მუხლი 8.2.გ).

ყურადღება!

საარჩევნო კომისიის წევრს ეკრძალება საარჩევნო აგიტაციაში მონაწილეობა (საარჩევნო კოდექსი - მუხლი 45.4.ა).

(საარჩევნო კოდექსი – მუხლი 31)

ამომრჩეველთა ერთიან სიაში შეიტანება ამომრჩევლის შესახებ შემდეგი მონაცემები:

• გვარი, სახელი;

• დაბადების თარიღი (რიცხვი, თვე, წელი);

• მისამართი (საქართველოს მოქალაქის პირადობის მოწმობის ან სახელმწიფო სერვისების განვითარების სააგენტოს მონაცემთა ბაზის მიხედვით);

• საქართველოს მოქალაქის პირადი ნომერი;

• ფაქტობრივი საცხოვრებელი ადგილი (საქართველოს ოკუპირებული ტერიტორიიდან იძულებით გადაადგილებული პირისთვის, მისამართის მითითების გარეშე რეგისტრირებული პირისთვის, საცხოვრებელი ადგილის მიხედვით რეგისტრაციიდან მოხსნილი პირისთვის, აგრეთვე პირისთვის, რომლის რეგისტრაციაც ძალადაკარგულად გამოცხადდა სახელმწიფო სერვისების განვითარების სააგენტოს გადაწყვეტილებით, აღინიშნება დროებითი საცხოვრებლის მისამართი; სხვა სახელმწიფოში მყოფი პირისთვის მიეთითება „საკონსულო აღრიცხვაზეა“, ხოლო თუ ასეთი პირი არ დგას საქართველოს საკონსულო აღრიცხვაზე – „იმყოფება უცხოეთში“);

• ამომრჩეველთა ერთიან სიაში რეგისტრაციის თარიღი;

• ფოტოსურათი (სახელმწიფო სერვისების განვითარების სააგენტოს მონაცემთა ელექტრონულ ბაზაში არსებული უახლესი ფოტოსურათი ციფრულ ფორმატში);

• სქესი.

საუბნო საარჩევნო კომისიას არაუგვიანეს მისი პირველი შეკრების დღისა გადაეცემა ცესკოს მიერ დამოწმებული ამომრჩეველთა ერთიანი სიის საჯარო ინფორმაციისთვის მიკუთვნებული ვერსია, ხოლო კენჭისყრის დღემდე არაუგვიანეს მეორე დღისა (11 მაისი) გადაეცემა სიების საბოლოო ვერსიები:

• საარჩევნო კომისიისათვის განკუთვნილი ვერსია (სამაგიდო სია ფოტოსურათებით);

• საჯარო ინფორმაციისთვის მიკუთვნებული ვერსია (კედლის სია ფოტოსურათების გარეშე).

ყურადღება!

• საუბნო საარჩევნო კომისია ვალდებულია ამომრჩეველთა სიებთან დაკავშირებით საჩივრის შეტანის კანონით განსაზღვრული წესი კომისიის პირველივე შეკრების დღეს, თვალსაჩინო ადგილას გამოაკრას საუბნო საარჩევნო კომისიისა და კენჭისყრის შენობებში (საარჩევნო კოდექსი - მუხლი 34);

• კედლის სიის თავდაპირველი ვერსია უნდა ჩამოიხსნას და იმავე ადგილას განთავსდეს დაზუსტებული ვერსია;

• დაუშვებელია სამაგიდო სიის და მისი ასლის საჯარო ინფორმაციის სახით გაცემა, ასევე აღნიშნული სიის ფოტო/ვიდეო გადაღება.

(საარჩევნო კოდექსი – მუხლი 26.2.ბ)

საუბნო საარჩევნო კომისია:

• ამოწმებს ამომრჩეველთა ერთიანი სიის სისწორეს; შეცდომების ან უზუსტობების აღმოჩენის შემთხვევაში არაუგვიანეს მომდევნო დღისა, მაგრამ არჩევნების დღემდე არაუგვიანეს მე-18 დღისა (25 აპრილი) სიაში ცვლილების შეტანის წინადადებით მიმართავს საოლქო საარჩევნო კომისიას;

• ამომრჩეველთა სიებთან დაკავშირებით შემოსულ განცხადებებს (თანდართული დოკუმენტებით - ასეთის არსებობის შემთხვევაში) დაუყოვნებლივ გადასცემს საოლქო საარჩევნო კომისიას.

(საარჩევნო კოდექსი – მუხლი 32)

საოლქო საარჩევნო კომისია კენჭისყრის დღემდე არაუგვიანეს მე-3 დღისა (10 მაისი) ადგენს და განკარგულებით ამტკიცებს ამომრჩეველთა სპეციალურ სიას და ამავე კომისიის თავმჯდომარისა და მდივნის ხელმოწერით დაუყოვნებლივ გადასცემს შესაბამის საუბნო საარჩევნო კომისიას. ამომრჩეველთა სპეციალური სიის საჯარო ინფორმაციისთვის მიკუთვნებული ვერსია (კედლის სია) გამოიკვრება კენჭისყრის შენობაში თვალსაჩინო ადგილას.

საოლქო საარჩევნო კომისია საუბნო საარჩევნო კომისიას ასევე გადასცემს იმ საარჩევნო ადმინისტრაციის მოხელეების შესახებ ინფორმაციას, რომლებიც საარჩევნო კომისიებში საქმიანობის გამო კენჭისყრის დღეს ვერ მონაწილეობენ არჩევნებში თავიანთი რეგისტრაციის ადგილის მიხედვით. სპეციალურ სიაში ამომრჩევლის შეყვანის შემთხვევაში ამომრჩეველთა ერთიან სიაში მისი გვარის გასწვრივ, გრაფაში „ფაქტობრივი მდგომარეობა“ უნდა გაკეთდეს ჩანაწერი „კომისიის წევრია“.

თუ საუბნო საარჩევნო კომისიას კენჭისყრის დღეს არჩევნებში მონაწილეობის მიღების მოთხოვნით მიმართავს ამომრჩეველი, რომელმაც არჩევნების დღემდე არაუგვიანეს მე-18 დღისა (25 აპრილი) ვერ მოასწრო, მიემართა კომისიისთვის სიაში რეგისტრაციის მოთხოვნით (ჩამოვიდა საზღვარგარეთიდან, გამოეწერა სტაციონარული სამკურნალო დაწესებულებიდან, გათავისუფლდა პენიტენციური დაწესებულებიდან), შესაბამისი დოკუმენტების (საზღვრის გადაკვეთის შესახებ ჩანაწერი პასპორტში, ცნობა სტაციონარული სამკურნალო დაწესებულებიდან, ცნობა პენიტენციური დაწესებულებიდან განთავისუფლების შესახებ) წარდგენის შემთხვევაში მას სპეციალურ სიაში რეგის­ტრაციაში გაატარებს საუბნო საარჩევნო კომისია და ამომრჩეველთა სიებს დაურთავს წარდგენილი დოკუმენტების ფოტოასლებს (საარჩევნო კოდექსი - მუხლი 31.12).

იმ შემთხვევაში, თუ ამომრჩეველის მიერ წარდგენილ პირადობის დამადასტურებელ დოკუმენტში არ არის მითითებული რეგისტრაციის მისამართი, საუბნო საარჩევნო კომისიის თავმჯდომარე უკავშირდება ცესკოს ცხელ ხაზს.

(საარჩევნო კოდექსი – მუხლები 33-34)

გადასატანი საარჩევნო ყუთის სიის ფორმირებისთვის პასუხისმგებელია საუბნო საარჩევნო კომისია. გადასატანი საარჩევნო ყუთის სია დგება ამომრჩეველთა ერთიანი და სპეციალური სიების საფუძველზე.

ამომრჩეველი გადასატანი საარჩევნო ყუთის სიაში შეჰყავთ, თუ:

• ჯანმრთელობის მდგომარეობის გამო არ შეუძლია კენჭისყრის შენობაში მისვლა (ასეთი ამომრჩევლების რაოდენობა არ უნდა აღემატებოდეს საარჩევნო უბანზე ამომრჩეველთა ერთიან სიაში არსებული ამომრჩევლების 3 პროცენტს. აღნიშნული რაოდენობის შევსების შემდეგ საუბნო საარჩევნო კომისიის თავმჯდომარე ვალდებულია ყოველი ახალი შემოსული განცხადების შესახებ დაუყოვნებლივ შეატყობინოს საოლქო საარჩევნო კომისიას და დაელოდოს შესაბამის მითითებებს);

• იმყოფება საარჩევნო უბნის ტერიტორიაზე, მაგრამ ძნელად მისადგომ ადგილას (ასეთ შემთხვევაში რეკომენდებულია კონსულტაციის გავლა საოლქო საარჩევნო კომისიასთან).

ყურადღება!

გადასატანი საარჩევნო ყუთის მეშვეობით ხმის მიცემის მოთხოვნით ამომრჩეველი საუბნო საარჩევნო კომისიას წერილობით ან სატელეფონო შეტ­ყობინებით მიმართავს კენჭისყრის დღემდე 2 დღით ადრე მაინც (10 მაისი) კომისიის მდივანი სარეგისტრაციო ჟურნალში რეგისტრაციაში ატარებს ამომრჩევლის წერილობით განცხადებას ან სატელეფონო ზეპირ განცხადებას და უთითებს სატელეფონო შეტყობინების შემოსვლის ზუსტ დროს, ტელეფონის ნომერს, ამომრჩევლის სახელს, გვარს, პირად ნომერს და იმ მისამართს, სადაც ამომრჩეველი ითხოვს გადასატანი საარჩევნო ყუთის მიტანას. თუ ეს მისამართი არ არის იმ საარჩევნო უბნის ტერიტორიის საზღვრებში, სადაც ამომრჩეველი რეგისტრირებულია, მას განემარტება, რომ ის არ შეიყვანება გადასატანი საარჩევნო ყუთის სიაში.

• სამკურნალოდ წევს საავადმყოფოში ან სხვა სტაციონარულ სამკურნალო დაწესებულებაში და მასში არ იხსნება საარჩევნო უბანი (კენჭისყრის დღეს სტაციონარულ სამკურნალო დაწესებულებაში მყოფი ამომრჩევლის შესახებ ინფორმაციას საოლქო საარჩევნო კომისია კენჭისყრის დღემდე არაუგვიანეს 2 დღისა გადასცემს საუბნო საარჩევნო კომისიას);

• იმყოფება ადმინისტრაციულ პატიმრობაში.

ყურადღება!

გადასატანი საარჩევნო ყუთის სიაში შესაყვანი ამომრჩევლების შესახებ ინფორმაცია დაუყოვნებლივ უნდა გამოიკრას კენჭისყრის შენობაში თვალსაჩინო ადგილას.

გადასატანი საარჩევნო ყუთის სიაში (სამაგიდო სიაში) შეიტანება ამომრჩევლის შესახებ იგივე მონაცემები, რომლებიც არის ამომრჩეველთა ერთიან სიაში, გარდა მისი ფოტოსურათისა, და დამატებით აღინიშნება მისი რიგითი ნომერი ამომრჩეველთა ერთიან ან სპეციალურ სიაში. (საარჩევნო კოდექსი – მუხლი 33.5).

გადასატანი საარჩევნო ყუთის სიის საჯარო ინფორმაციისთვის მიკუთვნებული ვერსია (კედლის სია, რომელშიც შეიტანება იგივე მონაცემები, რომლებიც გადასატანი საარჩევნო ყუთის სიის სამაგიდო ვერსიაში, გარდა ამომრჩევლის პირადი ნომრისა) მისი შედგენისთანავე გამოიკვრება კენჭისყრის შენობაში თვალსაჩინო ადგილას.

გადასატანი საარჩევნო ყუთის სია (კედლის და სამაგიდო) მოწმდება საუბნო საარჩევნო კომისიის თავმჯდომარისა და კომისიის მდივნის ხელმოწერებით.

ყურადღება!

• გადასატანი საარჩევნო ყუთის სიაში ამომრჩევლის შეყვანის შემთხვევაში ამომრჩეველთა ერთიან და სპეციალურ სიებში მისი გვარის გასწვრივ, გრაფაში „ფაქტობრივი მდგომარეობა“ უნდა გაკეთდეს ჩანაწერი „გადასატანი ყუთი“, ხოლო ერთიანი სიის კედლის და სამაგიდო ვერსიებში, შესაბამის გვერდზე ხელს აწერს საუბნო საარჩევნო კომისიის თავმჯდომარე და კომისიის მდივანი;

• საუბნო საარჩევნო კომისიის წევრებს, საარჩევნო სუბიექტების წარმომადგენლებსა და დამკვირვებლებს უფლება აქვთ, გადაამოწმონ გადასატანი საარჩევნო ყუთის მეშვეობით ხმის მიცემის მოთხოვნის საფუძვლიანობა და არჩევნების დღემდე ნებისმიერ დროს დასვან საუბნო საარჩევნო კომისიის წინაშე შესაბამისი პირების გადასატანი საარჩევნო ყუთის სიაში შეყვანის მიზანშეწონილობის საკითხი. აღნიშნულ საკითხთან დაკავშირებით გადაწყვეტილებას იღებს საუბნო საარჩევნო კომისია. (საარჩევნო კოდექსი მუხლი 33.3).

(საარჩევნო კოდექსი – მუხლი 35)

საუბნო საარჩევნო კომისია უფლებამოსილია კენჭისყრის დღემდე არაუგვიანეს 3 დღისა (10 მაისი) საარჩევნო უბნის ტერიტორიაზე რეგისტრირებულ და ამომრჩეველთა ერთიან სიაში შეყვანილ ყველა ამომრჩეველს გადასცეს საოლქო საარჩევნო კომისიისგან მიღებული ამომრჩეველთა ბარათები.

საუბნო საარჩევნო კომისიის წევრებმა უნდა დაუბრუნონ კომისიის მდივანს ის ამომრჩეველთა ბარათები, რომლებიც ვერ დაურიგეს ამომრჩევლებს.

ყურადღება!

ამომრჩევლის ბარათის მიუღებლობა არ არის კენჭისყრაში მონაწილეობის უფლების შეზღუდვის საფუძველი.

საუბნო საარჩევნო კომისია კენჭისყრისთვის მზადების და მისი ჩატარების მიზნით საოლქო საარჩევნო კომისიისგან იღებს:

საარჩევნო დოკუმენტაციას:

• ამომრჩეველთა ერთიანი სიის საბოლოო ვერსიას (კედლის და სამაგიდო სია);

• ამომრჩეველთა სპეციალურ სიას, ასეთის არსებობის შემთხვევაში (კედლის და სამაგიდო სია);

• გადასატანი საარჩევნო ყუთის სიის (კედლის და სამაგიდო) ბლანკებს;

• ამომრჩეველთა ბარათებს;

• 50-50 ცალად შეფუთულ საარჩევნო ბიულეტენების შეკვრებს;

• კენჭისყრის დღის ჩანაწერთა წიგნს (ე. წ. ზონარგაყრილი წიგნი);

• კენჭისყრის შედეგების შემაჯამებელ ოქმს და შესწორების ოქმის ფორმებს;

• კენჭისყრის შედეგების სადემონსტრაციო ოქმს.

საარჩევნო ინვენტარს:

• ძირითად ყუთს, მასზე დასამონტაჟებელ ხმის მიცემის და დათვლის სპეციალური აპარატს და გადასატან საარჩევნო ყუთს (საჭიროებისამებრ);

• საარჩევნო ყუთის ლუქებს;

• საარჩევნო ყუთის ჭრილის ლუქებს;

• კენჭისყრის კაბინებს (საჭიროების შემთხვევაში გათვალისწინებული უნდა იქნეს შშმ პირებისთვის ადაპტირებული კენჭისყრის კაბინა);

• მარკირების სითხეს და მარკირების შესამოწმებელ სპეციალურ ხელსაწყოს (ულტრაიისფერი ფარანი);

• საუბნო საარჩევნო კომისიის ბეჭედს;

• რეგისტრატორების სპეციალურ ბეჭდებს (რეგისტრატორების რაოდენობის შესაბამისად);

• ასლგადამღებ მანქანას;

• სამელნე ბალიშებს;

• ლითონის შემკერს („სტეპლერს“);

• საარჩევნო ბიულეტენის შესავსებ სპეციალურ მარკერებს;

• გამადიდებელ ლინზას მცირემხედველი ამომრჩევლებისთვის და სპეციალურ ჩარჩოს უსინათლო ამომრჩევლებისთვის.

სხვა საარჩევნო მასალას:

• კანდიდატთა სიებს;

• ცესკოს მიერ დადგენილ საარჩევნო ბიულეტენის შევსების წესს;

• ამონარიდს ცესკოს დადგენილებიდან რა შემთხვევაშია საარჩევნო ბიულეტენი ბათილი;

• საარჩევნო დოკუმენტაციის შესაფუთ კონვერტებს;

• სპეციალურ ჩარჩო-კონვერტებს.

(საარჩევნო კოდექსი – მუხლი 27.1.დ; მუხლი 63.6)

კომისიის თავმჯდომარე, ან კომისიის თავმჯდომარის განკარგულების საფუძ­ველზე − თავმჯდომარის მოადგილე, არის საოლქო საარჩევნო კო­მისიისგან საარჩევნო დოკუმენტაციის მიღებისთვის პასუხისმგებელი პირი, ხოლო საარჩევნო დოკუმენტაციის შენახვისა და დანიშნულე­ბისამებრ გაცემისთვის პასუხისმგებელი არიან საუბნო საარჩევნო კომი­სიის თავმჯდომარე და კომისიის მდივანი.

ყურადღება!

საოლქო საარჩევნო კომისია საარჩევნო ბიულეტენებსა და სპეციალურ კონვერტებს კენჭისყრის დაწყებამდე არაუგვიანეს 12 საათისა გადასცემს საუბნო საარჩევნო კომისიებს (საარჩევნო კოდექსი - მუხლი 63.9).

საოლქო საარჩევნო კომისიის მიერ საუბნო საარჩევნო კომისიისთვის საარჩევნო ბიულეტენებისა და სპეციალური ჩარჩო-კონვერტების გადაცემისას ორ ცალად დგება მიღება ჩაბარების აქტი, რომელშიც აღინიშნება (საარჩევნო კოდექსი - მუხლი 63.10):

• მათი გადამცემი და მიმღები კომისიების დასახელებები;

• სპეციალური ჩარჩო-კონვერტების რაოდენობა;

• ბიულეტენების სახეობა;

• 50-50 ცალად შეფუთული ბიულეტენების შეკვრების რაოდენობა;

• მათი გამცემი და მიმღები პირების ვინაობა.

ყურადღება!

მიღება-ჩაბარების აქტის გაფორმებამდე მიმღები და გამცემი პირები ამოწმებენ საარჩევნო ბიულეტენების რეკვიზიტების სისწორეს და საარჩევნო ბიულეტენებისა და სპეციალური ჩარჩო-კონვერტების რაოდენობის შესაბამისობას მიღება-ჩაბარების აქტში შეტანილ მონაცემებთან. ამის შემდეგ საარჩევნო ბიულეტენები კვლავ ილუქება, რასაც მხარეები ხელმოწერით ადასტურებენ.

მიღება-ჩაბარების აქტს ხელს აწერენ საარჩევნო დოკუმენტაციის გამცემი და მიმღები პირები. აქტის ერთი ცალი რჩება საოლქო საარჩევნო კომისიაში, მეორე გადაეცემა საუბნო საარჩევნო კომისიას. მიღება-ჩაბარების აქტს საუბნო საარჩევნო კომისიის მდივანი რეგისტრაციაში ატარებს სარეგისტრაციო ჟურნალის შემოსული დოკუმენტაციის ნაწილში. მიღება-ჩაბარების აქტი საჯარო ინფორმაციაა.

საუბნო საარჩევნო კომისიის წევრები ვალდებული არიან, კენჭისყრის პროცედურების ჩასატარებლად, კანონით დადგენილი წესების დაცვით, კენჭისყრამდე არაუგვიანეს ერთი დღისა მოაწყონ კენჭისყრის შენობა. საუბნო საარჩევნო კომისიამ უნდა მოაწყოს (საარჩევნო კოდექსი - მუხლი 58.4.ა−გ):

• ამომრჩეველთა სარეგისტრაციო მაგიდები;

• ყოველი 500 ამომრჩევლისთვის არანაკლებ ერთი კენჭისყრის კაბინა, სადაც უნდა იყოს ერთი საარჩევნო ბიულეტენის შესავსებ სპეციალურ მარკერი;

• მაგიდა სპეციალური ჩარჩო-კონვერტებისთვის (უნდა იდგეს ძირითად საარჩევნო ყუთთან ახლოს);

• აწყობილი, დაულუქავი საარჩევნო ყუთები და ძირითად საარჩევნო ყუთზე დასამონტაჟებელი ხმის მიცემის და დათვლის სპეციალური აპარატი.

კენჭისყრის შენობაში საარჩევნო ყუთი თვალსაჩინო ადგილას ისე უნდა იყოს მოთავსე­ბული, რომ ამომრჩეველი დაუბრკოლებლად მივიდეს მასთან, ხმის მიცემის და დათვლის სპეციალური აპარატში ბიულეტენის მოთავსების შემდეგ სპეციალური ჩარჩო-კონვერტი დადოს სპეციალურად გამოყოფილ მაგიდაზე და დაუყოვნებლივ დატოვოს საარჩევნო უბანი.

კენჭისყრის შენობაში თვალსაჩინო ადგილას გამოკრული უნდა იყოს (საარჩევნო კოდექსი - მუხლი 58.4.დ; 58.5):

• ამომრჩეველთა ერთიანი სიის საჯარო ინფორმაციისთვის მიკუთვნებული ვერსია (კედლის სია);

• ამომრჩეველთა სპეციალური სიის (ასეთის არსებობის შემთხვევაში) საჯარო ინფორმაციისთვის მიკუთვნებული ვერსია (კედლის სია);

• გადასატანი საარჩევნო ყუთის სიის (ასეთის არსებობის შემთხვევაში) საჯარო ინფორმაციისთვის მიკუთვნებული ვერსია (კედლის სია);

• კანდიდატთა სიები;

• ცესკოს მიერ დადგენილი საარჩევნო ბიულეტენის შევსების წესი;

• ამონარიდი ცესკოს დადგენილებიდან რა შემთხვევაშია საარჩევნო ბიულეტენი ბათილი;

• კენჭისყრის შედეგების სადემონსტრაციო ოქმი.

ყურადღება!

თუ საარჩევნო ბიულეტენში შეტანილი რომელიმე საარჩევნო სუბიექტი აღარ მონაწილეობს არჩევნებში, განცხადება ამის შესახებ უნდა გამოიკრას თვალსაჩინო ადგილას კენჭისყრის შენობაში და ფარული კენჭისყრის კაბინებში.

საარჩევნო უბანი იხსნება კენჭისყრის დღის 7 საათზე.

ყურადღება!

თუ ამ დროისთვის საუბნო საარჩევნო კომისიის წევრთა რაოდენობა შვიდზე ნაკლები აღმოჩნდა, აღნიშნული ინფორმაცია დაუყოვნებლივ მიეწოდება საოლქო საარჩევნო კომისიას, რომელიც დაუყოვნებლივ იღებს შესაბამის გადაწყვეტილებას.

საუბნო საარჩევნო კომისიის წევრები ვალდებული არიან, კენჭისყრის დღის განმავლობაში ატარონ მათთვის განკუთვნილი სპეციალური ფორმები. აღნიშნული მოთხოვნის შეუსრულებლობა ზემდგომი საარჩევნო კომისიის მიერ განხილული იქნება, როგორც დისციპლინური გადაცდომა, რაც დისციპლინური პასუხისმგებლობის დაკისრების საფუძველია.

კენჭისყრის შენობაში ყოფნის უფლება აქვთ (საარჩევნო კოდექსი - მუხლი 8.16; მუხლი 39.3,6; მუხლი 42.5; მუხლი 44.5):

• საუბნო საარჩევნო კომისიის წევრებს;

• ზემდგომი საარჩევნო კომისიის წევრებს/წარმომადგენლებს;

• შესაბამის საუბნო საარჩევნო კომისიაში რეგისტრირებულ საარჩევნო სუბიექტების წარმომადგენელს (ერთი და იმავე საარჩევნო სუბიექტის არაუმეტეს 1 წარმომადგენელს);

• რეგისტრირებული ადგილობრივი დამკვირვებელი ორგანიზაციის დამკვირვებლებს (ერთი და იმავე ადგილობრივი დამკვირვებელი ორგანიზაციის არაუმეტეს 1 დამკვირვებელს);

• რეგისტრირებული საერთაშორისო ორგანიზაციის დამკვირვებლებს (ერთი და იმავე საერთაშორისო ორგანიზაციის არაუმეტეს 2 დამკვირვებელს (მათ შესაძლოა ახლდეთ თარჯიმანი);

• მედიის აკრედიტებულ წარმომადგენლებს (ერთი და იმავე პრესისა და მასობრივი ინფორმაციის სხვა საშუალების არაუმეტეს 3 წარმომადგენელს).

ყურადღება!

• კენჭისყრის შენობაში ყოფნის უფლების მქონე ყველა პირს აუცილებლად უნდა ეკეთოს მისი ვინაობისა და სტატუსის დამადასტურებელი სამკერდე ნიშანი (საარჩევნო კოდექსი - მუხლი 8.17).

• საარჩევნო სუბიექტის (არჩევნებში დამოუკიდებლად მონაწილე პარტიის, საარჩევნო ბლოკის, ამომრჩეველთა საინიციატივო ჯგუფის) წარმომადგენელი საარჩევნო სუბიექტს წარმოადგენს მხოლოდ იმ საარჩევნო კომისიასთან ურთიერთობაში, რომელშიც მას აქვს რეგისტრაცია (საარჩევნო კოდექსი - მუხლი 42.1).

• საარჩევნო სუბიექტის წარმომადგენლად არ შეიძლება დაინიშნოს ამავე ან სხვა საარჩევნო სუბიექტის მიერ წარდგენილი კანდიდატი(საარჩევნო კოდექსი - მუხლი 42.2²).

(საარჩევნო კოდექსი - მუხლი 41)

დამკვირვებელს, საარჩევნო სუბიექტის წარმომადგენელს უფლება აქვს:

• კენჭისყრის დღეს ნებისმიერ დროს იმყოფებოდეს კენჭისყრის შენობაში, შეუზღუდავად გადა­ადგილდეს საარჩევნო უბნის ტერიტორიაზე და თავისუფლად, დაუბრკოლებლად დააკვირდეს კენჭისყრის პროცესის ყველა ეტაპს ნებისმიერი ადგილიდან;

• კენჭისყრის დღეს ნებისმიერ დროს შეენაცვლოს მისი წარმდგენი ორგანიზაციის სხვა რეგისტრირებულ წარმომადგენელს.

დამკვირვებელს, საარჩევნო სუბიექტის წარმომადგენელს, მასობრივი ინფორმაციის საშუალების წარმომად­გენელს უფლება არ აქვს:

• ჩაერიოს საარჩევნო კომისიის ფუნქციებსა და საქმიანობაში;

• გავლენა მოახდინოს ამომრჩეველთა ნების თავისუფალ გამოვლენაზე;

• აგიტაცია გაუწიოს ამომრჩეველს რომელიმე საარჩევნო სუბიექტის სასარგებლოდ ან საწინააღმდეგოდ;

• ატაროს რომელიმე საარჩევნო სუბიექტის სიმბოლიკა და ნიშანი.

საარჩევნო უბნის გახსნიდან კენჭისყრის დაწყებამდე პროცედურები ტარდება შემდეგი თანამიმდევ­რობით (საარჩევნო კოდექსი - მუხლი 61-62):

საარჩევნო უბნის გახსნისთანავე იხსნება კენჭისყრის დღის ჩანაწერთა წიგნი (საარჩევნო კოდექსი - მუხლი 61.2.ა).

საუბნო საარჩევნო კომისიის თავმჯდომარე საარჩევნო უბნის გახსნისთანავე კენჭისყრის დღის ჩანაწერთა წიგნს გადასცემს კომისიის მდივანს. კომისიის მდივანი ვალდებულია კომისიის თავმჯდომარესთან ერთად აღრიცხოს კენჭისყრის დღის ყველა საარჩევნო პროცედურა და მიუთითოს მათი ჩატარების დრო (საარჩევნო კოდექსი - მუხლი 62.3).

კენჭისყრის დღის ჩანაწერთა წიგნის პირველ და მეორე გვერდებზე, ხოლო საჭიროების შემთხვევაში − მე-10 და მომდევნო გვერდებზეც კომისიის მდივანს შეაქვს კენჭისყრის შენობაში მყოფი კომისიის ყველა წევრის სახელი და გვარი (მათი წარმდგენი სუბიექტების მითითებით) და კენჭისყრის შენობაში ყოფნის უფლების მქონე ყველა სხვა პირის მონაცემები (სახელი, გვარი, წარმდგენი ორგანიზაცია ან საარჩევნო სუბიექტი) და ხელმოწერით ამოწმებინებს მათ.

საუბნო საარჩევნო კომისიის თავმჯდომარე ამოწმებს დალუქული პაკეტის მთლიანობას, რომელშიც მოთავსებულია კომისიის სპეციალური ბეჭედი და ხსნის მას (ბეჭდის ნომერს კომისიის მდივანი უთითებს კენჭისყრის დღის ჩანაწერთა წიგნში) (საარჩევნო კოდექსი - მუხლი 61.2.ბ).

საუბნო საარჩევნო კომისიის თავმჯდომარე ატარებს წილისყრას კომისიის წევრთა შორის ფუნქციების გასანაწილებლად.

საუბნო საარჩევნო კომისიის წევრთა შორის გასანაწილებელი ფუნქციებია:

• ამომრჩეველთა ნაკადის მომწესრიგებელი კომისიის წევრი;

• ამომრჩეველთა რეგისტრატორი კომისიის წევრი (არანაკლებ ერთი რეგისტრატორი ყოველ 300 ამომ­რჩეველზე);

• სპეციალური ჩარჩო-კონვერტების ზედამხედველი კომისიის წევრი;

• გადასატანი საარჩევნო ყუთის წამღები კომისიის 2 წევრი (აუცილებლობის შემთხვევაში).

ყურადღება!

• წილისყრაში არ მონაწილეობენ კომისიის თავმჯდომარე/კომისიის თავმჯდომარის მოადგილე/კომისიის მდივანი.

• საარჩევნო ყუთისა და ხმის მიცემის და დათვლის სპეციალური აპარატის ზედამხედველობას ახორციელებს კომისიის თავმჯდომარის მოადგილე ან აუცილებლობის შემთხვევაში კომისიის თავმჯდომარის ან თავმჯდომარის მოადგილის დავალებით, კომისიის სხვა წევრი.

საუბნო საარჩევნო კომისიის თავმჯდომარემ წილისყრის ჩატარებამდე უნდა შეადაროს საუბნო საარჩევნო კომისიის წევრთა რაოდენობა გასანაწილებელი ფუნქციების რაოდენობას.

თუ წილისყრის ჩატარების დროს დამსწრე კომისიის წევრთა რაოდენობა აღმოჩნდება გასანაწილებელ ფუნქციებზე:

• 1-ით ნაკლები, მცირდება ამომრჩეველთა რეგისტრატორი კომისიის წევრების რაოდენობა;

• 2-ით ნაკლები, კომისიის თავმჯდომარე ასრულებს სპეციალური ჩარჩო-კონვერტების ზედამხედველი კომისიის წევრის ფუნქციას.

• 3-ით ნაკლები, კომისიის თავმჯდომარის მოადგილე ასრულებს ამომრჩეველთა ნაკადის მომწესრიგებელი კომისიის წევრის ფუნქციას, ხოლო საარჩევნო ყუთისა და ხმის დათვლის აპარატის, ასევე სპეციალური ჩარჩო-კონვერტების ზედამხედველი კომისიის წევრის ფუნქციას ასრულებს კომისიის თავმჯდომარე.

პირველ რიგში, საუბნო საარჩევნო კომისიის თავმჯდომარე კომისიის წევრებს შორის ატარებს წილისყრას გადასატანი საარჩევნო ყუთის წამღები კომისიის 2 წევრის გამოსავლენად (აუცილებლობის შემთხვევაში).

საუბნო საარჩევნო კომისიის თავმჯდომარე:

• წილისყრაში მონაწილე კომისიის წევრების რაოდენობის შესაბამისად ამზადებს ერთი ფორმისა და სახეობის ფურცლებს;

• 2 ფურცელზე ერთი და იმავე საწერი საშუალებით წერს ფუნქციის დასახელებას − „გადასატანი საარჩევნო ყუთის წამღები“;

• წილისყრის ფურცლებს ამოწმებს კომისიის სპეციალური ბეჭდით;

• წილისყრის ფურცლებს იმგვარად კეცავს, რომ შეუძლებელი იყოს ტექსტის წაკითხვა, და ათავსებს მაგიდაზე.

წილისყრის მონაწილე კომისიის წევრები სათითაოდ იღებენ წილისყრის ფურცლებს.

ყურადღება!

• თუ წილისყრით გამოვლენილი გადასატანი ყუთის წამღები კომისიის წევრი უარს განაცხადებს მისთვის მინიჭებული ფუნქციის შესრულებაზე, იგი კარგავს კომისიის წევრთა სხვა ფუნქციების (ნაკადის მომწესრიგებელი, რეგისტრატორი, სპეციალური ჩარჩო-კონვერტების ზედამხედველი) გასანაწილებლად ჩასატარებელ მორიგ წილისყრაში მონაწილეობის მიღების უფლებას. აღნიშნული კომისიის წევრისთვის ფუნქციის მინიჭების საკითხს წყვეტს საუბნო საარჩევნო კომისიის თავმჯდომარე.

• თუ წილისყრის შედეგად გამოვლინდა, რომ გადასატანი საარჩევნო ყუთის წამღები კომისიის ორივე წევრი ერთი საარჩევნო სუბიექტის მიერ დანიშნული კომისიის წევრები არიან, ასეთ შემთხვევაში ამ ფუნქციის შესრულება დაეკისრება მათგან ერთ-ერთს ურთიერთშეთანხმების საფუძველზე, ხოლო გადასატანი საარჩევნო ყუთის წამღები კომისიის მეორე წევრის გამოსავლენად გაიმართება ხელახალი წილისყრა, ამ სუბიექტის მიერ დანიშნული კომისიის წევრების მონაწილეობის გარეშე.

• ურთიერთშეთანხმების მიუღწევლობის შემთხვევაში, გადასატანი ყუთის წამღები კომისიის 2 წევრის გამოსავლენად ასევე გაიმართება ხელახალი წილისყრა, ზემოაღნიშნული კომისიის წევრების მონაწილეობის გარეშე. აღნიშნული ურთიერთშეუთანხმებლობა წარმოადგენს კომისიის წევრების უარს მათთვის მინიჭებული ფუნქციის შესრულებაზე, შესაბამისად ისინი კარგავენ კომისიის წევრთა სხვა ფუნქციების (ნაკადის მომწესრიგებელი, რეგისტრატორი, სპეციალური ჩარჩო-კონვერტების ზედამხედველი) გასანაწილებლად ჩასატარებელ მორიგ წილისყრაში მონაწილეობის მიღების უფლებას. აღნიშნული კომისიის წევრისთვის ფუნქციის მინიჭების საკითხს წყვეტს საუბნო საარჩევნო კომისიის თავმჯდომარე.

წილისყრის შედეგები კომისიის მდივანს შეაქვს კენჭისყრის დღის ჩანაწერთა წიგნის მე-3 გვერდზე (კომისიის წევრები ხელმოწერით ადასტურებენ ფუნქციის მინიჭებას).

გადასატანი საარჩევნო ყუთის წამღებ კომისიის წევრთა გამოვლენის შემდეგ საუბნო საარჩევნო კომისიის თავმჯდომარე ატარებს წილისყრას სხვა ფუნქციების გასანაწილებლად.

საუბნო საარჩევნო კომისიის თავმჯდომარე:

• კომისიის წევრების რაოდენობის შესაბამისად ამზადებს ერთი ფორმისა და სახეობის ფურცლებს;

• ფურცელზე ერთი და იმავე საწერი საშუალებით წერს ფუნქციის დასახელებას − „ნაკადის მომწესრიგებელი“, „რეგისტრატორი“, „სპეციალური ჩარჩო-კონვერტების ზედამხედველი“;

• წილისყრის ფურცლებს ამოწმებს კომისიის სპეციალური ბეჭდით;

• წილისყრის ფურცლებს იმგვარად კეცავს, რომ შეუძლებელი იყოს ტექსტის წაკითხვა და ათავსებს მაგიდაზე;

• წილისყრის მონაწილე კომისიის წევრები სათითაოდ იღებენ წილისყრის ფურცლებს.

წილისყრის შედეგები კომისიის მდივანს შეაქვს კენჭისყრის დღის ჩანაწერთა წიგნის მე-3 გვერდზე (კომისიის წევრები ხელმოწერით ადასტურებენ ფუნქციის მინიჭებას).

კომისიის წევრის წილისყრით დადგენილი ფუნქციის კომისიის სხვა წევრისთვის დროებით გადაცემა შეიძლება მხოლოდ კომისიის თავმჯდომარის ნებართვით, რასაც კომისიის მდივანი აღნიშნავს კენჭისყრის დღის ჩანაწერთა წიგნის მე-5 გვერდზე დროის მითითებით. კომისიის წევრი ხელმოწერით ადასტურებს ფუნქციის გადაცემას (საარჩევნო კოდექსი - 61.2.ზ).

თუ კომისიის რომელიმე წევრი კომისიაში წილისყრის პროცედურის დასრულების შემდეგ გამოცხადდა, მისთვის ფუნქციის მინიჭების საკითხს წყვეტს საუბნო საარჩევნო კომისიის თავმჯდომარე, ხოლო მისი შრომის ანაზღაურების საკითხს − საოლქო საარჩევნო კომისია (საარჩევნო კოდექსი - მუხლი 61.4).

საუბნო საარჩევნო კომისიის თავმჯდომარე საარჩევნო უბანზე მყოფი საარჩევნო სუბიექტების წარმომადგენლებისაგან წილისყრით გამოავლენს არაუმეტეს 2 წარმომადგენელს, რომლებიც დააკვირდებიან საჩივრების რეგისტრაციის პროცესს (საარჩევნო კოდექსი - მუხლი 61.5).

ყურადღება!

წილისყრაში არ მონაწილეობენ კომისიის მდივნად არჩეული კომისიის წევრის დამნიშვნელი საარჩევნო სუბიექტის წარმომადგენლები (საარჩევნო კოდექსი - მუხლი 61.5).

საუბნო საარჩევნო კომისიის თავმჯდომარე აცხადებს ამომრჩეველთა რაოდე­ნო­ბას ამომრჩეველთა სიების მიხედვით, აგრეთვე მიღებული საარჩევნო ბიულე­ტე­ნე­ბი­ს და სპეციალური ჩარჩო-კონვერტების რაოდენობებს. კომისიის მდივანს აღნიშნული მონაცემები, გარდა სპეციალური ჩარჩო-კონვერტების რაოდენობისა, შეაქვს კენჭისყრის დღის ჩანაწერთა წიგნში და კენჭისყრის შედეგების სადემონსტრაციო ოქმში (საარჩევნო კოდექსი - მუხლი 61.6.ა-ბ; მუხლი 61.9). სადემონსტრაციო ოქმში და კენჭისყრის დღის ჩანაწერთა წიგნში სპეციალურ სიაში ამომრჩეველთა რაოდენობა შეიტანება კენჭისყრის დასრულების შემდგომ.

საუბნო საარჩევნო კომისიის თავმჯდომარე კომისიის წევრებს გადასცემს მასალებს.

საუბნო საარჩევნო კომისიის თავმჯდომარე ამომრჩეველთა რეგისტრატორ კომისიის წევრებს გადასცემს:

• ანბანის მიხედვით დანაწილებულ ამომრჩეველთა ერთიან სიას. ის ერთ-ერთ რეგისტრატორს აგრეთვე გადასცემს ამომრჩეველთა სპეციალურ სიას (ასეთის არსებობის შემთხვევაში);

• 50 ცალად შეფუთული საარჩევნო ბიულეტენების თითო შეკვრას (რეგისტრატორმა უნდა გადაამოწმოს შეკვრაში ბიულეტენების რაოდენობის სიზუსტე და თავმჯდომარესთან ერთად ხელმოწერით დაადასტუროს მიღება-ჩაბარების აქტით);

• 10 ცალ სპეციალურ ჩარჩო-კონვერტს;

• მარკირების სითხეს;

• რეგისტრატორების ბეჭდებს (ბეჭდების ნომრები მიეთითება კენჭისყრის დღის ჩანაწერთა წიგნის მე-3 და მე-9 გვერდებზე).

ყურადღება!

• საუბნო საარჩევნო კომისიის თავმჯდომარემ თითოეულ სარეგისტრაციო მაგიდასთან უნდა გამოაკრას ამომ­რჩეველთა გვარების ანბანური თანამიმდევრობა მაგიდაზე განლაგებული სიების შესაბამისად

• იმ შემთხვევაში, თუ რეგისტრატორის ბეჭდები საჭირო რაოდენობაზე ნაკლები აღმოჩდა, ან ბეჭედი დაზიანდა, კომისიის თავმჯდომარის გადაწყვეტილებით მცირდება რეგისტრატორების რაოდენობა.

საუბნო საარჩევნო კომისიის თავმჯდომარე ამომრჩეველთა ნაკადის მომწესრიგებელ კომისიის წევრს გადასცემს მარკირების შესამოწმებელ ულტრაიისფერ ფარანს.

საუბნო საარჩევნო კომისიის თავმჯდომარე საარჩევნო ყუთისა და ხმის მიცემის და დათვლის სპეციალური აპარატის ზედამხედველ კომისიის წევრს გადასცემს ძირითად საარჩევნო ყუთსა და ხმის მიცემის და დათვლის სპეციალურ აპარატს.

(საარჩევნო კოდექსი - მუხლი 60; მუხლი 64; მუხლი 65)

კენჭისყრა ტარდება კენჭისყრის დღის (13 მაისი) 08:00 საათიდან 20:00 საათამდე.

პირველი ამომრჩეველი:

საარჩევნო უბანზე მოსული პირველი ამომრჩეველი გადის რეგისტრაციას (ხმის მიცემის პროცედურისთვის დადგენილი წესისა და თანამიმდევრობის დაცვით) და იღებს საარჩევნო ბიულეტენს.

ამის შემდეგ საუბნო საარჩევნო კომისიის თავმჯდომარე პირველ ამომრჩეველთან ერთად ამოწმებს ძირითად და გადასატან საარჩევნო ყუთებს და ლუქავს მათ. დალუქვამდე კომისიის თავმჯდომარე და პირველი ამომრჩეველი უნდა დარწმუნდნენ, რომ საარჩევნო ყუთები ცარიელია.

ძირითადი საარჩევნო ყუთი ილუქება იმგვარად, რომ შეუძლებელი იყოს ლუქის დაზიანების გარეშე მასზე დამონტაჟებული ხმის მიცემის და დათვლის აპარატის მოხსნა. დალუქვის შემდეგ, საუბნო საარჩევნო კომისიის თავმჯდომარე ხმის მიცემის და დათვლის აპარატიდან ბეჭდავს დასტურს, რომ იმ დროისთვის არცერთ ამომრჩეველს ხმა არ მიუცია აღნიშნული აპარატის საშუალებით და ამონაბეჭდს გადასცემს კომისიის მდივანს შენახვის მიზნით.

კომისიის მდივანს ყუთების ლუქების ნომრები, დალუქვის ზუსტი დრო და პირველი ამომრჩევლის შესახებ მონაცემები შეაქვს კენჭისყრის დღის ჩანაწერთა წიგნის მე-4 გვერდზე. პირველი ამომრჩეველი ჩანაწერთა წიგნის მე-4 გვერდზე ხელმოწერით ადასტურებს ცარიელი ყუთების დალუქვას და ამონაწერში მოცემულ ინფორმაციას იმის თაობაზე, რომ იმ მომენტისათვის ხმის მიცემისა და დათვლის აპარატის საშუალებით არცერთ ამომრჩეველს არ მიუცია ხმა.

ყურადღება!

• თუ ამომრჩეველის მიერ წარდგენილ საქართველოს მოქალაქის პირადობის მოწმობაში/პასპორტში არ არის მითითებული რეგისტრაციის მისამართი, კომისიის მდივანმა აღნიშნული მონაცემი ჩანაწერთა წიგნში უნდა გადმოიტანოს ამომრჩეველთა შესაბამისი სიიდან.

• საუბნო საარჩევნო კომისიის თავმჯდომარე საოლქო საარჩევნო კომისიას აცნობებს პირველი ამომრჩევლის რეგისტრაციისა და საარჩევნო ყუთების დალუქვის შესახებ.

ხმის მიცემის პროცედურა ტარდება შემდეგი წესისა და თანამიმდევ­რობის დაცვით:

კენჭისყრის შენობაში შესვლისას ამომრჩეველი ამომრჩეველთა ნაკადის მომწესრი­გებელ­თან გადის მარკირების შემოწმების პროცედურას.

ამომრჩეველთა ნაკადის მომწესრიგებელი:

• არეგულირებს საარჩევნო უბანში შემოსულ ამომრჩეველთა ნაკადს;

• სთხოვს ამომრჩეველს, წარმოადგინოს საქართველოს მოქალაქის პირადობის მოწმობა ან საქართველოს მოქალაქის პასპორტი;

• ულტრაიისფერი ფარნით ამოწმებს, აქვს თუ არა ამომრჩეველს მარკირება;

• თვალყურს ადევნებს, რამდენი ამომრჩეველი დგას ამომრჩევლისთვის განკუთვნილ სარეგისტრაციო მაგიდასთან; თუ სარეგისტრაციო მაგიდასთან ორზე მეტი ამომრჩეველი დგას, დროებით აყოვნებს კენჭისყრის შენობაში მორიგი ამომრჩევლის შესვლას;

• მიუთითებს ამომრჩეველს, მივიდეს იმ სარეგისტრაციო მაგიდასთან, რომელსაც მიეკუთვნება ამომრჩეველთა სიაში შეტანილი მისი გვარის პირველი ასო.

ყურადღება!

თუ მარკირების შესამოწმებელმა სპეციალურმა ხელსაწყომ გამოავლინა, რომ ამომრჩეველს უკვე აქვს მარკირება, მას ეკრძალება კენჭისყრაში მონაწილეობა, ხოლო მისი ვინაობა მიეთითება კენჭისყრის დღის ჩანაწერთა წიგნში.

ამომრჩეველი ამომრჩეველთა რეგისტრატორთან გადის რეგისტრაციას.

ამომრჩეველთა რეგისტრატორი:

• სთხოვს ამომრჩეველს, წარმოადგინოს საქართველოს მოქალაქის პირადობის მოწმობა ან საქართველოს მოქალაქის პა­სპორტი;

ყურადღება!

თუ ამომრჩეველთა ერთიან სიაში ამომრჩევლის შესახებ მონაცემები არ მოიძებნა:

• საარჩევნო უბანზე ელექტრონული სიების არსებობის შემთხვევაში მონაცემთა გადამოწმებისთვის პასუ­ხის­მგებელი პირი ვალდებულია ამომრჩეველი მოძებნოს ელექტრონულ სიებში და მიაწოდოს ინფორმაცია იმ უბნის შესახებ, რომელშიც ის არის რეგისტრირებული;

• საარჩევნო უბანზე ელექტრონული სიების არარსებობის შემთხვევაში მონაცემთა გადამოწმებისთვის პასუხისმგებელი პირი უნდა დაუკავშირდეს საოლქო საარჩევნო კომისიას ან ცესკოს ცხელ ხაზს ამომრჩევლის შესახებ ინფორმაციის მისაღებად;

• ამომრჩეველი, რომელსაც ერთიან სიაში მინიჭებული აქვს სტატუსი „არის საზღვარგარეთ“, „იმყოფება უცხოეთში“ ან „საკონსულო აღრიცხვაზეა“ კენჭისყრაში მონაწი­ლეო­ბას იღებს ზოგადი წესით.

• ამოწმებს წარდგენილ დოკუმენტში/დოკუმენტებში შეტანილი ამომრჩევლის სარეგისტრაციო მონაცემებისა და ამომრჩეველთა სიაში არსებული მონაცემების შესაბამისობას. ამომრჩეველი კენჭისყრაში მონაწილეობს, თუ ამომრჩეველთა შესაბამის სიაში საქართველოს მოქალაქის პირად ნომერთან, სქესთან და ფოტოსურათთან ერთად, სრულად ემთხვევა ქვემოთ ჩამოთვლილ მონაცემთაგან 3 მაინც:

• სახელი;

• გვარი;

• დაბადების თარიღი (რიცხვი, თვე, წელი);

• მისამართი (საქართველოს მოქალაქის პირადობის მოწმობის ან სააგენტოს მონაცემთა ბაზის მიხედვით);

• ამოწმებს წარდგენილ დოკუმენტში/დოკუმენტებში და ამომრჩეველთა სიაში არსებული ფოტოსურათების და ამომრჩევლის სახის ერთმანეთთან შესაბამისობას;

ყურადღება!

• თუ ამომრჩევლის შესახებ მონაცემების შემოწმებისას დადასტურდა, რომ წარდგენილ დოკუმენტში/დოკუმენტებში შეტანილი ამომრჩევლის სარეგისტრაციო მონაცემები (გარდა ფოტოსურათისა) შეესაბამება ამომრჩეველთა სიაში არსებულ მონაცემებს, მაგრამ ამომრჩეველთა რეგისტრატორმა ამ ამომრჩევლის სახე და წარდგენილ დოკუმენტში/დოკუმენტებში ან ამომრჩეველთა სიაში არსებული ფოტოსურათი ერთმანეთთან შეუსაბამოდ მიიჩნია, იგი მიმართავს საუბნო საარჩევნო კომისიის თავმჯდომარეს, რომელიც ქვემოთ განსაზღვრული შესაბამისი პროცედურის შესრულების შემდეგ ამომრჩეველს მისცემს კენჭისყრაში მონაწილეობის უფლებას.

• თუ საუბნო საარჩევნო კომისიის თავმჯდომარე დაადასტურებს აღნიშნულ შეუსაბამობას, საუბნო საარჩევნო კომისიის მდივანი კენჭისყრის დღის ჩანაწერთა წიგნში საამისოდ განკუთვნილ გვერდზე აკეთებს ჩანაწერს, რომელშიც აღნიშნავს შეუსაბამობის ფაქტს, ამომრჩევლის სახელს, გვარს და ამომრჩეველთა სიაში მის რიგით ნომერს. ეს ჩანაწერი დასტურდება საუბნო საარჩევნო კომისიის თავმჯდომარისა და კომისიის მდივნის ხელმოწერებით.

• თუ საუბნო საარჩევნო კომისიის თავმჯდომარე არ დაადასტურებს აღნიშნულ შეუსაბამობას, ამომრჩეველთა რეგისტრატორს უფლება აქვს, კენჭისყრის დღის ჩანაწერთა წიგნში საამისოდ განკუთვნილ გვერდზე ჩაწეროს თავისი განსაკუთრებული აზრი.

• ზემოთ აღნიშნულ შემთხვევებში საუბნო საარჩევნო კომისიის მდივანი ჩანაწერთა წიგნს დაურთავს ამომრჩევლის მიერ წარდგენილი დოკუმენტის ფოტოასლს, რომელსაც დაამოწმებს ხელმოწერით (საარჩევნო კოდექსი - მუხლი 65.2.ბ; მუხლი 65.2¹).

• ამომრჩეველთა სიაში ამომრჩევლის შესახებ მონაცემების შესაბამისობის დადასტურების შემთხვევაში ახორციელებს მის მარკირებას. (მარკირება არ გამოიყენება პენიტენციურ დაწესებუ­ლებებში, საავადმყოფოებსა და სხვა სტაციონარულ სამკურნალო დაწესებულებებში (ავადმყოფების მიმართ));

ყურადღება!

• მარკირება კეთდება მარჯვენა ხელის ცერა ან საჩვენებელი თითის ფრჩხილზე, თუ აღნიშნული მოქმედების შესრულება შეუძლებელია - მარჯვენა ხელის სხვა თითებზე, ხოლო თუ ესეც შეუძლებელია, იმავე წესით მარცხენა ხელზე;

• მარკირების პროცედურის გავლაზე უარის თქმის შემთხვევაში ამომრჩეველს არ აქვს კენჭისყრაში მონაწილეობის უფლება და მას საარჩევნო ბიულეტენი არ გადაეცემა.

• ხელს აწერს ამომრჩეველთა ერთიანი სიის სათანადო გრაფაში, ხოლო შემდეგ ამომრჩეველი ხელმოწერით ადასტურებს საარჩევნო ბიულეტენის მიღებას;

ყურადღება!

თუ კენჭისყრის პროცესში გამოვლინდა, რომ ამომრჩეველმა საარჩევნო სიაში ხელი მოაწერა სხვა ამომრჩევლის გვარის გასწვრივ არსებულ გრაფაში, ასეთ შემთხვევაში ამომრჩეველმა, რომლის გვარის გასწვრივ ფიქსირდება ხელმოწერა, ხელი უნდა მოაწეროს იმავე გრაფაში. აღნიშნულის თაობაზე ამომრჩეველთა რეგისტრატორმა უნდა დაწეროს ახსნა-განმარტება (ამომრჩევლის სახელისა და გვარის მითითებით).

• საარჩევნო ბიულეტენის გაცემისას, საარჩევნო ბიულეტენს წინა გვერდზე სათანადო გრაფაში ამოწმებს რეგისტრატორის ბეჭდით და სპეციალურ ჩარჩო-კონვერტთან ერთად გადასცემს ამომრჩეველს.

• ამომრჩეველს განუმარტავს საარჩევნო ბიულეტენის შევსების და ჩარჩო-კონვერტის გამოყენების წესს, კერძოდ, ამომრჩეველმა კენჭისყრის კაბინაში არსებული სპეციალური მარკერით უნდა გააფერადოს საარჩევნო ბიულეტენში მისთვის სასურველი მხოლოდ ერთი საარჩევნო სუბიექტის რიგითი ნომრის გასწვრივ არსებული შესაბამისი ოვალი (რეგისტრატორი ამომრჩეველს უთითებს, გააფერადოს საარჩევნო ბიულეტენის ზედა ნაწილში არსებული საცდელი ოვალი); ამომრჩეველმა შევსებული საარჩევნო ბიულეტენი უნდა მოათავსოს სპეციალურ ჩარჩო-კონვერტში, საარჩევნო ბიულეტენზე არსებულ შესაბამის ნიშნულამდე.

ყურადღება!

თუ რეგისტრატორს არ აღმოაჩნდა სპეციალური ჩარჩო-კონვერტების საჭირო რაოდენობა, უნდა მიმართოს სპეციალური ჩარჩო-კონვერტების ზედამხედველ კომისიის წევრს, რომელიც უზრუნველყოფს მათი რაოდენობის შევსებას სპეციალური ჩარჩო კონვერტებისათვის განკუთვნილი მაგიდიდან.

• ამომრჩეველთა რეგისტრატორის ფუნქციის დროებით გადაცემის შემთხვევაში რეგისტრატორი ვალდებულია გადაითვალოს მის ხელთ არსებული გამოუყენებელი საარჩევნო ბიულეტენების რაოდენობა (კომისიის თავმჯდომარისთვის გადაცემული გაფუჭებული საარჩევნო ბიულეტენების რაოდენობის ჩათვლით) და გამოაკლოს თავმჯდომარისგან მიღებულ საარჩევნო ბიულეტენების რაოდენობას. მონაცემი ტოლი უნდა იყოს ამომრჩეველთა სიებში ამომრჩეველთა ხელმოწერების რაოდენობისა. მონაცემებს შორის ტოლობის არარსებობის შემთხვევაში ამომრჩეველთა რეგისტრატორმა უნდა დაწეროს ახსნა-განმარტება, რომელიც დაერთვება კენჭისყრის შედეგების შემაჯამებელ ოქმს.

ამომრჩეველი შედის კენჭისყრის კაბინაში, ავსებს საარჩევნო ბიულეტენს და ათავსებს მას სპეცია­ლურ ჩარჩო-კონვერტში. საარჩევნო ბიულეტენის შევსებისას აკრძალულია სხვა პირის დასწრება.

ყურადღება!

• თუ ამომრჩეველს არ შეუძლია საარჩევნო ბიულეტენის დამოუკიდე­ბლად შევსება, მას უფლება აქვს, კენჭისყრის კაბინაში დასახმარებლად მიიწვიოს ნებისმიერი პირი (შესაბამისი საარჩევნო უბნის სხვა ამომრჩეველი), გარდა საარჩევნო კომისიის წევრისა, კანდიდატისა, საარჩევნო სუბიექტის წარმომადგენლისა, პრესისა და მასობრივი ინფორმაციის სხვა საშუალებების წარმომადგენლისა და დამკვირვებლისა (საარჩევნო კოდექსი - მუხლი 65.3).

• თუ ამომრჩეველს ან საუბნო საარჩევნო კომისიის წევრს გაუფუჭდა საარჩევნო ბიულეტენი, მათ ეს უნდა აცნობონ კომისიის თავმჯდომარეს. კომისიის თავმჯდომარის დავალებით ამომრჩეველთა რეგისტრატორი ვალდებულია ამომრჩეველს შეუცვალოს გაფუჭებული საარჩევნო ბიულეტენი ახლით. კომისიის თავმჯდომარე გაფუჭებულ ბიულეტენს ამომრჩევლის თანდასწრებით ჩამოაჭრის კუთხეს, დააწერს „გაფუჭებულია“ და ხელს მოაწერს. კომისიის თავმჯდომარე გაფუჭებულ ბიულეტენს ცალკე ინახავს (საარჩევნო კოდექსი - მუხლი 65.4).

საარჩევნო ყუთისა და ხმის მიცემის და დათვლის სპეციალური აპარატის ზედამხედველი მას შემდეგ, რაც დარწმუნდება, რომ ამომრჩეველს ჩარჩო-კონვერტში მხოლოდ ერთი ბიულეტენი აქვს და ბიულეტენი დამოწმებულია რეგისტრატორის ბეჭდით, განუმარტავს მას საარჩევნო ბიულეტენის ხმის მიცემის და დათვლის აპარატში მოთავსების წესს და მიუთითებს დამოუკიდებლად განახორციელოს აღნიშნული ქმედება.

ყურადღება!

თუ საარჩევნო ბიულეტენი დამოწმებული არ არის რეგისტრატორის ბეჭდით, საარჩევნო ყუთისა და ხმის მიცემის და დათვლის სპეციალური აპარატის ზედამხედველი კომისიის წევრი ატყობინებს კომისიის თავმჯდომარეს, რომელიც უზრუნველყოფს შესაბამისი რეგისტრატორის მიერ რეგისტრატორის ბეჭდით საარჩევნო ბიულეტენის დამოწმებას, ხმის მიცემის ფარულობის პრინციპის დაცვით.

ამომრჩეველი სპეციალური ჩარჩო-კონვერტის საშუალებით ათავსებს ბიულეტენს ხმის მიცემის და დათვლის სპეციალური აპარატში.

ყურადღება!

• საარჩევნო ყუთთან ერთდროულად ერთზე მეტი ამომრჩევლის მისვლა არ შეიძლება.

• დამკვირვებელს, საარჩევნო სუბიექტის წარმომადგენელს უფლება აქვს, დააკვირდეს საარჩევნო ყუთს და ხმის მიცემის და დათვლის სპეციალური აპარატში სპეციალური ჩარჩო-კონვერტის საშუალებით ბიულეტენის მოთავსებას.

• თუ ხმის მიცემის და დათვლის სპეციალური აპარატი უკან დააბრუნებს საარჩევნო ბიულეტენს, იგი ჩაითვლება გაფუჭებულ ბიულეტენად, ცალკე შეინახება და კენჭისყრის დასრულების შემდეგ ემატება გაფუჭებული საარჩევნო ბიულეტენების რაოდენობას. რეგისტრატორი ვალდებულია შეუცვალოს ამომრჩეველს გაფუჭებული ბიულეტენი.

მას შემდეგ, რაც ბიულეტენი, ხმის მიცემის და დათვლის სპეციალური აპარატის საშუალებით, აღმოჩნდება საარჩევნო ყუთში, ამომრჩეველი დებს სპეციალურ ჩარჩო კონვერტს საამისოდ განკუთვნილ მაგიდაზე და ტოვებს საარჩევნო უბანს.

სპეციალური ჩარჩო-კონვერტის ზედამხედველი:

სპეციალური ჩარჩო-კონვერტის ზედამხედველი თვალყურს ადევნებს ამომრჩევლის მიერ სპეციალური ჩარჩო-კონვერტის საამისოდ განკუთვნილ მაგიდაზე მოთავსებას და უზრუნველყოფს უკვე გამოყენებული სპეციალური ჩარჩო-კონვერტების გადაცემას რეგისტრატორებისათვის.

ამომრჩეველი, რომელიც ფიზიკური მდგომარეობის, კერძოდ, ზედა კიდურების არქონის, გამო ვერ ახერხებს ხმის მიცემის პროცედურების (მარკირება, საარჩევნო ბიულეტენის მიღებისას ხელის მოწერა, საარჩევნო ბიულეტენის სპეციალურ ჩარჩო-კონვერტში ჩადება და ხმის მიცემის და დათვლის სპეციალურ აპარატში მოთავსება) დამოუკიდებლად შესრულებას, კენჭისყრაში მონაწილეობს შემდეგი პროცედურების გათვალისწინებით:

• ამომრჩეველი არ გადის მარკირების შემოწმებისა და მარკირების პროცედურებს;

• ამომრჩევლისათვის საარჩევნო ბიულეტენის გადაცემისას ამომრჩეველთა რეგისტრატორი ამომრჩეველთა ერთიანი სიის გრაფაში „ამომრჩევლის ხელმოწერა“ აკეთებს ჩანაწერს „ფიზიკური მდგომარეობა“ და ხელმოწერით ადასტურებს;

• ამომრჩეველს უფლება აქვს, დასახმარებლად მიიწვიოს ნებისმიერი პირი, გარდა საარჩევნო კომისიის წევრისა, კანდიდატისა, საარჩევნო სუბიექტის წარმომადგენლის, პრესისა და მასობრივი ინფორმაციის სხვა საშუალებების წარმომადგენლისა და დამკვირვებლისა;

• აღნიშნული ამომრჩევლის ნაცვლად მისი თანდასწრებით საარჩევნო ბიულეტენს სპეციალურ ჩარჩო-კონვერტში დებს და ხმის მიცემის აპარატში ათავსებს მის მიერ არჩეული პირი, რომელიც დაეხმარება მას კენჭისყრის კაბინაში საარჩევნო ბიულეტენის შევსებაში.

(საარჩევნო კოდექსი - მუხლი 59)

კენჭისყრის დღეს კენჭისყრის შენობაში წესრიგის დაცვისთვის პასუხის­მგებელია საუბნო საარჩევნო კომისიის თავმჯდომარე. საუბნო საარჩევნო კომისიის თავმჯდომარის მიერ კენჭისყრის შენობაში წესრიგის დაცვის მიზნით მიღებულ გადაწყვეტილებათა შესრულება სავალდებულოა საარჩევნო კომისიის წევრებისათვის, კენჭისყრის შენობაში ყოფნის უფლების მქონე ყველა პირისა და ამომრჩევლისათვის.

საუბნო საარჩევნო კომისიას უფლება აქვს, კომისიის მუშაობისთვის ხელის შეშლისა და წესრიგის დარღვევის შემთხვევაში წესრიგის დამრღვევი გააძევოს იმ შენობიდან, სადაც კომისიაა განთავსებული. დამრღვევის გაძევების შემთხვევაში დგება შესაბამისი აქტი, რომელსაც ხელს აწერენ კომისიის თავმჯდომარე და წევრები. ფაქტთან დაკავშირებით სათანადო აღნიშვნა კეთდება ჩანაწერთა წიგნში.

ყურადღება!

• დაუშვებელია კენჭისყრის შენობაში შეიარაღებულ პირთა შესვლა.

• თუ კენჭისყრის შენობაში ან მის მიმდებარე ტერიტორიაზე საფრთხე ექმნება საზოგადოებრივ წესრიგს, კენჭისყრის ჩატარებას ან საარჩევნო დოკუმენტაციის უსაფრთხო გადაადგილებას, საუბნო საარ­ჩევნო კომისიის თავმჯდომარის მოთხოვნით შეიძლება გამოძახებულ იქნენ პოლიციის მუშაკები. საზოგადოებრივი წესრიგის დარ­ღვევის აღკვეთისთანავე და საუბნო საარჩევნო კომისიის თავმჯდომარის თანხმობით პოლიციის მუშაკები ტოვებენ კენჭისყრის შენობას და მის მიმდებარე ტერიტორიას.

კენჭისყრის დროს აკრძალულია კენჭისყრის შენობის ჩაკეტვა, კენჭისყრის შეწყვეტა ან შეჩერება. თუ რაიმე გარემოება აფერხებს კენჭისყრის პროცესის მიმდინარეობას, საუბნო საარჩევნო კომისიის თავმჯდომარე ვალდებულია ეს დაუყოვნებლივ შეატყობინოს საოლქო საარჩევნო კომისიას და დაელოდოს შესაბამის მითითებებს.

(საარჩევნო კოდექსი - მუხლი 65.6)

რეკომენდებულია!

ამომრჩეველთა რეგისტრატორებმა კენჭისყრის პროცესისთვის ხელის შეუშლელად 10:00, 12:00, 15:00 და 17:00 საათებზე გადათვალონ მათ ხელთ არსებული გამოუყენებელი საარჩევნო ბიულეტენების რაოდენობა (კომისიის თავმჯდომარისთვის გადაცემული გაფუჭებული საარჩევნო ბიულეტენების რაოდენობის ჩათვლით) და ამომრჩეველთა სიებში ამომრჩეველთა ხელმოწერების რაოდენობა. აღნიშნული მონაცემები სისწორის გადამოწმების მიზნით აცნობონ კომისიის თავმჯდომარეს:

თუ მონაცემებს შორის სხვაობა გამოვლინდა, ამომრჩეველთა რეგისტრატორმა დაუყოვნებლივ უნდა დაწეროს ახსნა-განმარტება (მასში ასახული მონაცემების კენჭისყრის შედეგების შემაჯამებელ ოქმში გათვალისწინების მიზნით), რომელიც დაერთვება კენჭისყრის შედეგების შემაჯამებელ ოქმს.

საუბნო საარჩევნო კომისიის მდივანი ამომრჩეველთა სიებში კენჭისყრაში მონაწილე ამომრჩეველთა ხელმოწერების რაოდენობას 12:00 და 17:00 საათის მდგომარეობით უთითებს კენჭისყრის შედეგების სადემონსტრაციო ოქმში, კენჭისყრის დღის ჩანაწერთა წიგნში და აცნობებს საოლქო საარჩევნო კომისიას.

გადასატანი საარჩევნო ყუთის მეშვეობით კენჭისყრის პროცედურა იწყება კენჭისყრის დღის 09:00 საათიდან და სრულდება 19:00 საათზე. კენ­ჭისყრის დასრულების შემდეგ დაუყოვნებლივ ილუქება საარჩევნო ყუთში სპეციალური ჩარჩო-კონვერტის ჩასაგდები ჭრილი. გადასატანი საარჩევნო ყუთი საარჩევნო უბანზე უნდა დაბრუნდეს არაუგვიანეს 20 საათისა. (საარჩევნო კოდექსი - მუხლი 66.1, 66.10).

კენჭისყრის შენობაში ყოფნის უფლების მქონე პირებს, სურვილისამებრ, უფლება აქვთ, დააკვირდნენ გადასატანი საარჩევნო ყუთის მეშვეობით ხმის მიცემის პროცედურას. გადასატანი საარჩევნო ყუთის მეშვეობით ხმის მიცემისას ავტომანქანის გამოყენების შემთხვევაში საუბნო საარჩევნო კომისია ვალდებულია გამოყოს ადგილი ავტომანქანაში კენჭისყრის შენობაში ყოფნის უფლების მქონე პირთაგან წილისყრით გამოვლენილი 2 მეთვალყურისათვის (საარჩევნო კოდექსი - მუხლი 66.4; 66.5).

საუბნო საარჩევნო კომისიის თავმჯდომარე გადასატანი საარჩევნო ყუთის წამღებ კომისიის წევრებს გადასცემს (საარჩევნო კოდექსი - მუხლი 66.3):

• დალუქულ გადასატან საარჩევნო ყუთს;

• გადასატანი საარჩევნო ყუთის სიას;

• სპეციალურ ჩარჩო-კონვერტებს (გადასატანი საარჩევნო ყუთის სიაში არსებული ამომრჩევლების რაოდენობის შესაბამისად);

• სამაგრებს (სპეციალურ ჩარჩო-კონვერტში ჩადებული ბიულეტენის დასამაგრებლად);

• ამომრჩეველთა რეგისტრატორის მიერ ბეჭდით დამოწმებულ საჭირო რაოდენობის საარჩევნო ბიულეტენებს;

• საარჩევნო ბიულეტენის შესავსებ სპეციალურ მარკერებს;

• გადასატანი ყუთის ჭრილის ლუქს.

კომისიის მდივანს კენჭისყრის დღის ჩანაწერთა წიგნის მე-4 გვერდზე შეაქვს გადასატანი საარჩევნო ყუთის თანმხლები კომისიის წევრებისთვის გადაცემული ბიულეტენებისა და სპეციალური ჩარჩო-კონვერტების რაოდენობა, ასევე გადასატანი საარჩევნო ყუთის საარჩევნო უბნიდან წაღების დრო.

ყურადღება!

• მარკირება არ გამოიყენება გადასატანი საარჩევნო ყუთის მეშვეობით კენჭისყრაში მონაწილე ამომრჩეველთა მიმართ (საარჩევნო კოდექსი - მუხლი 64.5).

გადასატანი საარჩევნო ყუთის წამღები კომისიის წევრი:

• სთხოვს ამომრჩეველს, წარმოადგინოს საქართველოს მოქალაქის პირადობის მოწმობა ან საქართველოს მოქალაქის პა­სპორტი;

• ამომრჩეველთა სიაში ამომრჩევლის შესახებ მონაცემების შესაბამისობის დადასტურების შემთხვევაში ხელს აწერს ამომრჩეველთა ერთიანი სიის სათანადო გრაფაში, ხოლო შემდეგ ამომრჩეველი ხელმოწერით ადასტურებს საარჩევნო ბიულეტენის მიღებას;

ყურადღება!

• თუ კენჭისყრის პროცესში გამოვლინდა, რომ ამომრჩეველმა საარჩევნო სიაში ხელი მოაწერა სხვა ამომრჩევლის გვარის გასწვრივ არსებულ გრაფაში, ასეთ შემთხვევაში ამომრჩეველმა, რომლის გვარის გასწვრივ ფიქსირდება ხელმოწერა, ხელი უნდა მოაწეროს იმავე გრაფაში. აღნიშნულის თაობაზე გადასატანი საარჩევნო ყუთის წამღებმა კომისიის წევრმა უნდა დაწეროს ახსნა-განმარტება (ამომრჩევლის სახელისა და გვარის მითითებით).

• ამომრჩეველს განუმარტავს საარჩევნო ბიულეტენის შევსების და ჩარჩო-კონვერტის გამოყენების წესს, კერძოდ, ამომრჩეველმა სპეციალური მარკერით უნდა გააფერადოს საარჩევნო ბიულეტენში მისთვის სასურველი მხოლოდ ერთი საარჩევნო სუბიექტის რიგითი ნომრის გასწვრივ არსებული შესაბამისი ოვალი (კომისიის წევრი ამომრჩეველს უთითებს, გააფერადოს საარჩევნო ბიულტენის ზედა ნაწილში არსებული საცდელი ოვალი); ამომრჩეველმა შევსებული საარჩევნო ბიულეტენი უნდა მოათავსოს სპეციალურ ჩარჩო-კონვერტში, საარჩევნო ბიულეტენზე არსებულ შესაბამის ნიშნულამდე და დაამაგროს სამაგრით ისე, რომ საარჩევნო ბიულეტენი არ გადმოვარდეს სპეციალური ჩარჩო-კონვერტიდან.

ყურადღება!

• თუ ამომრჩეველს არ შეუძლია საარჩევნო ბიულეტენის დამოუკიდე­ბლად შევსება, მას უფლება აქვს, დასახმარებლად მიიწვიოს ნებისმიერი პირი, გარდა საარჩევნო კომისიის წევრისა, კანდიდატისა, საარჩევნო სუბიექტის წარმომადგენლისა, პრესისა და მასობრივი ინფორმაციის სხვა საშუალებების წარმომადგენლისა და დამკვირვებლისა.

• „ფიზიკური მდგომარეობის“ გამო ამომრჩევლის მიერ გადასატანი საარჩევნო ყუთის მეშვეობით ხმის მიცემის შემთხვევაში გადასატანი საარჩევნო ყუთის სიის გრაფაში „ამომრჩევლის ხელმოწერა“ გადასატანი საარჩევნო ყუთის წამღები კომისიის წევრი აკეთებს ჩანაწერს „ფიზიკური მდგომარეობა“ და ხელმოწერით ადასტურებს. აღნიშნული ამომრჩევლის ნაცვლად მისი თანდასწრებით საარჩევნო ბიულეტენს ავსებს, სპეციალურ ჩარჩო-კონ­ვერტში ათავსებს, ამაგრებს სამაგრს და კონვერტს გადასატან საარჩევნო ყუთში აგდებს მის მიერ არჩეული პირი (გარდა საარჩევნო კომისიის წევრისა, კანდიდატისა, საარჩევნო სუბიექტის წარმომადგენლისა, პრესისა და მასობრივი ინფორმაციის სხვა საშუალებების წარმომადგენლისა და დამკვირვებლისა).

• ამომჩეველს მიუთითებს სპეციალური ჩარჩო-კონვერტი მოათავსოს გადასატან საარჩევნო ყუთში.

კენ­ჭისყრის დასრულების შემდეგ დაუყოვნებლივ ილუქება გადასატან საარჩევნო ყუთში სპეციალური ჩარჩო-კონვერტის ჩასაგდები ჭრილი. გადასატანი საარჩევნო ყუთი საარჩევნო უბანზე უნდა დაბრუნდეს არაუგვიანეს 20 საათისა.

ყურადღება!

თუ დაირღვა გადასატანი საარჩევნო ყუთის ლუქის მთლიანობა, გადასატანი ყუთის წამღებმა კომისიის წევრებმა დაუყოვნებლივ უნდა აცნობონ კომისიის თავმჯდომარეს, შეადგინონ ახსნა-განმარტება მიზეზის მითითებით და ხელი მოაწერონ თანმხლებ პირებთან ერთად.

გადასატანი საარჩევნო ყუთის წამღებმა კომისიის წევრებმა კენჭისყრის შენობაში დაბრუნების შემდეგ საუბნო საარჩევნო კომისიის მდივანს უნდა გადასცენ გამოუყენებელი საარჩევნო ბიულეტენები და სპეციალური ჩარჩო-კონვერტები.

კომისიის მდივანი ამოწმებს გადასატანი ყუთის სიაში არსებული ხელმოწერების და გამოუყენებელი საარჩევნო ბიულეტენების რაოდენობის სისწორეს. უზუსტობის აღმოჩენის შემთხვევაში გადასატანი ყუთის თანმხლებმა კომისიის წევრებმა უნდა დაწერონ ახსნა-განმარტება მიზეზის მითითებით. ახსნა-განმარტებაში ასახული მონაცემები გათვალისწინებულ უნდა იქნას შესაბამისი კენჭისყრის შედეგების შემაჯამებელი ოქმის მონაცემებში და დაერთოს კენჭისყრის შედეგების შემაჯამებელ ოქმს.

კომისიის მდივანს ამომრჩეველთა ხელმოწერების რაოდენობა გადასატანი ყუთის სიაში, გამოუყენებელი საარჩევნო ბიულეტენების რაოდენობა, ასევე საარჩევნო უბანში გადასატანი საარჩევნო ყუთის დაბრუნების დრო შეაქვს ჩანაწერთა წიგნში.

კომისიის თავმჯდომარე გამოუყენებელ ბიულეტენებს აჭრის კუთხეს, აწერს გაფუჭებულია და ხელმოწერით ადასტურებს.

იმ შემთხვევაში, თუ ტექნიკური ხარვეზის გამო შეფერხდა ხმის მიცემის და დათვლის სპეციალური აპარატით კენჭისყრის პროცესი:

• კომისიის თავმჯდომარე იღებს გადაწყვეტილებას კენჭისყრის პროცესის დროებით შეჩერების შესახებ, რის თაობაზეც ვალდებულია დაუყოვნებლივ შეატყობინოს ზემდგომ საოლქო საარჩევნო კომისიას;

• მისი აღმოფხვრისთანავე, კენჭისყრა გრძელდება ხმის მიცემის და დათვლის სპეციალური აპარატის საშუალებით.

თუ შეუძლებელი გახდა ხმის მიცემის და დათვლის სპეციალური აპარატით კენჭისყრის გაგრძელება:

• ხმის მიცემის და დათვლის სპეციალური აპარატის გამოყენების გარეშე კენჭისყრის გაგრძელების თაობაზე დგება აქტი და კეთდება შესაბამისი ჩანაწერი კენჭისყრის დღის ჩანაწერთა წიგნის 32-ე გვერდზე;

• ხმის მიცემის და დათვლის სპეციალური აპარატის გამოყენების გარეშე კენჭისყრის გაგრძელების მიზნით, კენჭისყრის შენობაში ყოფნის უფლების მქონე პირების თანდასწრებით, კომისიის თავმჯდომარე ჭრის ძირითადი საარჩევნო ყუთის სპეციალურ ჭრილს, რის შემდგომაც ამომრჩეველს შესაძლებლობა აქვს ბიულეტენი მოათავსოს პირდაპირ საარჩევნო ყუთში.

კენჭისყრის პროცედურა სრულდება და კენჭისყრის შენობა იკეტება 20:00 საათზე.

ამ დროისთვის რიგში მდგომ ამომრჩევლებს შეუძლიათ ხმის მიცემა. საუბნო საარჩევნო კომისიის თავმჯდომარის დავალებით კომისიის ერთ-ერთი წევრი აღრიცხავს რიგში მდგომ ამომრჩეველთა გვარებსა და სახელებს და მათ რაოდენობას აცნობებს საუბნო საარჩევნო კომისიის თავმჯდომარეს, ხოლო კომისიის მდივანი კენჭისყრის დღის ჩანაწერთა წიგნში უთითებს რიგში მდგომი ამომრჩევლების რაოდენობას. როგორც კი ბოლო ამომრჩეველი მისცემს ხმას, კენჭისყრა დასრულებულად ცხადდება.

საუბნო საარჩევნო კომისიის თავმჯდომარემ უნდა უზრუნველყოს, რომ ყველა პირმა, ხმების დათვლისას კენჭისყრის შენობაში ყოფნის უფლების მქონე პირების გარდა, დატოვოს საარჩევნო უბანი. საუბნო საარჩევნო კომისიის მდივანმა კენჭისყრის დღის ჩანაწერთა წიგნში უნდა მიუთითოს ხმების დათვლის დროს კენჭისყრის შენობაში მყოფ პირთა ვინაობა.

ყურადღება!

კენჭისყრის შენობის დაკეტვის შემდეგ, კენჭისყრის შენობაში შესვლისა და კენჭისყრის შენობის დატოვების უფლება აქვთ კენჭისყრის შენობაში ყოფნის უფლების მქონე პირებს.

კომისია თავდაპირველად ხსნის გადასატან საარჩევნო ყუთს. კომისიის თავმჯდომარე კომისიის წევრებისა და კენჭისყრის შენობაში ყოფნის უფლების მქონე პირთა თანდასწრებით ამოწმებს გადასატანი საარჩევნო ყუთის ლუქის მთლიანობას.

ყურადღება!

თუ საარჩევნო ყუთის ლუქის მთლიანობა დარღვეული აღმოჩნდა, მაგრამ კომისია მიიჩნევს, რომ ამას არ გამოუწვევია კანონის მოთხოვნათა დარღვევა, კომისიის განკარგულებით გრძელდება კენჭისყრის შედეგების შეჯამების პროცედურა (აღნიშნული ფაქტი დაუყოვნებლივ ეცნობება საოლქო საარჩევნო კომისიას). წინააღმდეგ შემთხვევაში საარჩევნო ყუთი ილუქება და საუბნო საარჩევნო კომისიის განკარგულებასთან ერთად დაუყოვნებლივ გადაეცემა ზემდგომ საოლქო საარჩევნო კომისიას.

თუ გადასატანი საარჩევნო ყუთის ლუქის მთლიანობა დარღვეული არ არის, კომისიის თავმჯდომარე და თავმჯდომარის მოადგილე გადასატან საარჩევნო ყუთში არსებულ სპეციალურ ჩარჩო-კონვერტებს ათავსებენ მაგიდაზე, რის შემდეგაც კომისიის თავმჯდომარე სათითაოდ ხსნის სამაგრს და ხმის დათვლის აპარატის საშუალებით ათავსებს ბიულეტენს ძირითად საარჩევნო ყუთში.

ხმის მიცემის აპარატის გამოყენების გარეშე კენჭისყრის ჩატარების შემთხვევაში საუბნო საარჩევნო კომისიის თავმჯდომარე გადასატან საარჩევნო ყუთში არსებულ საარჩევნო ბიულეტენებს ათავსებს ძირითად საარჩევნო ყუთში სპეციალური ჭრილის საშუალებით იმგვარად, რომ შეუძლებელი გახდეს ამომჩევლის მიერ გაკეთებული არჩევანის დანახვა და ლუქავს ძირითადი საარჩევნო ყუთის სპეციალური ჭრილს.

ყურადღება!

• თუ გადასატან საარჩევნო ყუთში აღმოჩნდა სხვა უბნისათვის განკუთვნილი ან დაუდგენელი ნიმუშის ბიულეტენი, ის ცალკე დაიდება და ძირითად საარჩევნო ყუთში აღმოჩენილ (ასეთის არსებობის შემთხვევაში) შესაბამის რაოდენობებს დაემატება.

• თუ სპეციალურ ჩარჩო კონვერტში აღმოჩნდა დადგენილი ნიმუშის ერთზე მეტი საარჩევნო ბიულეტენი, ბიულეტენები ბათილად ჩაითვლება, ცალკე გადაიდება, ხმის დათვლის პროცედურების დასრულების შემდეგ ბათილი ბიულეტენების რაოდენობას დაემატება და მათთან ერთად დაილუქება.

• თუ გადასატან საარჩევნო ყუთში საარჩევნო ბიულეტენი აღმოჩნდა სპეციალური ჩარჩო-კონვერტის გარეშე, საარჩევნო ბიულეტენი დადგენილი წესით მოთავსდება ხმის დათვლის აპარატში.

გადასატანი საარჩევნო ყუთის ბიულეტენების ძირითად ყუთში მოთავსების პროცედურის დასრულების შემდეგ, კომისიის თავმჯდომარე ამობეჭდავს ხმის მიცემის და დათვლის სპეციალური აპარატის მიერ დათვლილ წინასწარი შედეგების საინფორმაციო ფურცელს, რომლის მონაცემების შესახებ ინფორმაციას აწვდის საოლქო საარჩევნო კომისიას, ხოლო ამონაბეჭდს შესანახად გადასცემს კომისიის მდივანს.

მნიშვნელოვანია, რომ კენჭისყრის დასრულების შემდეგ, წილისყრის ჩატარებამდე, კომისიის თავმჯდომარემ დაავალოს ამომრჩეველთა თითოეულ რეგისტრატორს, გადათვალონ მათ ხელთ არსებული გამოუყენებელი საარჩევნო ბიულეტენების რაოდენობა (გადასატანი საარჩევნო ყუთის სიის მიხედვით გაცემული ბიულეტენების გათვალისწინებით), გაფუჭებული საარჩევნო ბიულეტენების რაოდენობა და მათ ხელთ არსებულ ამომრჩეველთა სიებში ამომრჩეველთა ხელმოწერების რაოდენობა (მათ მიერ დაწერილ ახსნა-განმარტებებში აღნიშნული მონაცემების გათვალისწინებით). მონაცემები სისწორის გადამოწმების მიზნით აცნობონ კომისიის თავმჯდომარეს:

ყურადღება!

• თუ მონაცემებს შორის სხვაობა გამოვლინდა, ამომრჩეველთა რეგისტრატორმა ხელახლა უნდა გადაითვალოს და დააზუსტოს რაოდენობები. თუ მონაცემებს შორის კვლავ სხვაობა გამოვლინდა, ამომრჩეველთა რეგისტრატორმა უნდა დაწეროს ახსნა-განმარტება (მიზეზის მითითებით), რომელიც უნდა დაერთოს შემაჯამებელ ოქმს.

• ამომრჩეველთა რეგისტრატორების ახსნა-განმარტებებში (ასეთის არსებობის შემთხვევაში) მითითებული მონაცემები გათვალისწინებული და ასახული უნდა იქნეს კენჭისყრის შედეგების შემაჯამებელი ოქმის შედგენისას.

• ზემოთ აღნიშნული მონაცემების დადგენის შემდეგ, რეკომენდებულია, რეგისტრატორებმა დათვალონ აგრეთვე კენჭისყრაში მონაწილე ამომრჩეველთა გენდერული მონაცემები ყველა სახის სიაში. კომისიის თავმჯდომარე მონაცემებს აწვდის საოლქო საარჩევნო კომისიას.

კომისიის თავმჯდომარე კენჭისყრის შენობაში ყოფნის უფლების მქონე პირთა თანდასწრებით, კომისიის წევრთაგან წილისყრით შეარჩევს ოთხ მთვლელს, ხოლო დამკვირვებლები თავიანთი შემადგენლობიდან ურთიერთშეთანხმებით შეარჩევენ არაუმეტეს ორ მეთვალყურეს. თუ დამკვირვებლები ვერ შეთანხმდებიან, მათგან ორ მეთვალყურეს წილისყრით გამოავლენს კომისიის თავმჯდომარე (საარჩევნო კოდექსი - მუხლი 67.1).

მთვლელების გამოსავლენად წილისყრა შემდეგი წესის დაცვით მიმდინარეობს:

საუბნო საარჩევნო კომისიის თავმჯდომარე:

• კომისიის წევრების რაოდენობის შესაბამისად ამზადებს ერთნაირ ფურცლებს;

• ფურცლებზე ერთი და იმავე საწერი საშუალებით წერს ფუნქციის დასახელებას − „პირველი მთვლელი“, „მეორე მთვლელი“, „მესამე მთვლელი“, „მეოთხე მთვლელი“;

• წილისყრის ფურცლებს ამოწმებს კომისიის სპეციალური ბეჭდით;

• წილისყრის ფურცლებს იმგვარად კეცავს, რომ შეუძლებელი იყოს ტექსტის წაკითხვა და ათავსებს მაგიდაზე.

წილისყრის მონაწილე კომისიის წევრები სათითაოდ იღებენ წილისყრის ფურცლებს. წილისყრის შედეგები კომისიის მდივანს შეაქვს კენჭისყრის დღის ჩანაწერთა წიგნის მე-3 გვერდზე (კომისიის წევრები ხელმოწერით ადასტურებენ ფუნქციის მინიჭებას) (საარჩევნო კოდექსი - მუხლი 61.2.ვ).

კომისიის თავმჯდომარე საარჩევნო უბანზე მყოფი საარჩევნო სუბიექტების წარმომადგენლებისაგან წილისყრით გამოავლენს არაუმეტეს 2 წარმომადგენელს, რომლებიც კომისიის წევრთაგან წილისყრით გამოვლენილ მთვლელებთან ერთად მონაწილეობენ ნამდვილი ან/და ბათილი საარჩევნო ბიულეტენების დათვლის პროცესში (საარჩევნო კოდექსი - მუხლი 67.2).

ყურადღება!

წილისყრაში არ მონაწილეობენ იმ საარჩევნო სუბიექტების წარმომადგენლები, რომელთა მიერ დანიშნული კომისიის წევრებიც არიან წილისყრით გამოვლენილი მთვლელები (საარჩევნო კოდექსი - მუხლი 67.2).

კომისიის თავმჯდომარე და მთვლელები ხმების დათვლის პროცედურისთვის ამზადებენ საარჩევნო უბანს, ისე , რომ:

• მაგიდის ერთ მხარეს მთვლელებმა დაიკავონ ადგილი;

• კომისიის თავმჯდომარემ შეძლოს ყველა მთვლელის დანახვა;

• წილისყრით გამოვლენილმა ორმა წარმომადგენელმა და ორმა დამკვირვებელმა ადგილი დაიკავონ მთვლელების გვერდით;

• კომისიის მდივანმა უნდა შეძლოს პროცესის დანახვა და კენჭისყრის დღის ჩანაწერთა წიგნში განხორციელებული პროცედურების ეტაპობრივი ასახვა;

• კენჭისყრის შენობაში ყოფნის უფლების მქონე დანარჩენმა პირებმა მაგიდისგან (მთვლელებისგან) ორი მეტრის დაშორებით ისე უნდა დაიკავონ ადგილი, რომ შეძლონ ბიულეტენების დათვლის და დახარისხების პროცესის დანახვა (საარჩევნო კოდექსი - მუხლი 68.3).

კომისიის თავმჯდომარემ მთვლელების მაგიდასთან უნდა მიიტანოს:

• ამომრჩეველთა ერთიანი სია, ამომრჩეველთა სპეციალური სია, გადასატანი საარჩევნო ყუთის სია;

• გამოუყენებელი საარჩევნო ბიულეტენები;

• გაფუჭებული საარჩევნო ბიულეტენები;

• ძირითადი საარჩევნო ყუთი;

• კალკულატორი.

(საარჩევნო კოდექსი - მუხლი 67)

მთვლელები თანამიმდევრულად ითვლიან კენჭისყრაში მონაწილე ამომრჩეველთა საერთო რაოდენობას (საარჩევნო კოდექსი - მუხლი 67.3):

• ამომრჩეველთა ერთიანი სიის მიხედვით;

• ამომრჩეველთა სპეციალური სიის მიხედვით (ასეთის არსებობის შემთხვევაში);

• გადასატანი საარჩევნო ყუთის სიის მიხედვით (ასეთის არსებობის შემთხვევაში).

საუბნო საარჩევნო კომისიის მდივანს შედეგები (რეგისტრატორების მიერ დაწერილ ახსნა-განმარტებებში აღნიშნული მონაცემების გათვალისწინებით) დაუყოვნებლივ შეაქვს კენჭისყრის შედეგების სადემონსტრაციო ოქმში და კენჭისყრის დღის ჩანაწერთა წიგნში.

(საარჩევნო კოდექსი - მუხლი 67.4−5¹)

კომისიის მდივანი გამოუყენებელ საარჩევნო ბიულეტენებს ჩამოაჭრის კუთხეს, შემდეგ ცალ-ცალკე პაკეტებში ათავსებს:

• ამომრჩეველთა ერთიან სიას;

• ამომრჩეველთა სპეციალურ სიას;

• გადასატანი საარჩევნო ყუთის სიას;

• გამოუყენებელ საარჩევნო ბიულეტენებს;

• გაფუჭებულ საარჩევნო ბიულეტენებს;

• რეგისტრატორების ბეჭდებს.

თითოეულ პაკეტზე უნდა მიეთითოს საარჩევნო ოლქის დასახელება და ნომერი, საარჩევნო უბნის დასახელება და ნომერი, საარჩევნო დოკუმენტაციის სახე და რაოდენობა. პაკეტები ილუქება, დალუქვის ზოლზე ხელს აწერენ მთვლელები და კომისიის თავმჯდომარე.

აღნიშნული პროცედურების დასრულებისთანავე საუბნო საარჩევნო კომისიის მდივანი აღრიცხავს იმ შემთხვევების რაოდენობას, რომლებიც ეხება ამომრჩევლის სახისა და წარდგენილ დოკუმენტში/დოკუმენტებში/ამომრჩეველთა სიაში არსებული ფოტოსურათების ერთმანეთთან შეუსაბამობას, აგრეთვე კენჭისყრის დღის ჩანაწერთა წიგნისთვის დართული დოკუმენტების რაოდენობას (მონაცემები შეაქვს ჩანაწერთა წიგნში).

საუბნო საარჩევნო კომისიის მდივანი აღნიშნულ დოკუმენტებს ლუქავს; დალუქულ პაკეტზე უთითებს საარჩევნო უბნის დასახელებას, ნომერს, დოკუმენტების სახეობას და აწერს ხელს.

(საარჩევნო კოდექსი - მუხლი 68.1,2,5)

კომისიის თავმჯდომარე კომისიის წევრებისა და კენჭისყრის შენობაში ყოფნის უფლების მქონე პირთა თანდასწრებით ამოწმებს ძირითადი საარჩევნო ყუთის ლუქის მთლიანობას.

ყურადღება!

თუ საარჩევნო ყუთის ლუქის მთლიანობა დარღვეული აღმოჩნდა, მაგრამ კომისია მიიჩნევს, რომ ამას არ გამოუწვევია კანონის მოთხოვნათა დარღვევა, კომისიის განკარგულებით გრძელდება კენჭისყრის შედეგების შეჯამების პროცედურა (აღნიშნული ფაქტი დაუყოვნებლივ ეცნობება საოლქო საარჩევნო კომისიას). წინააღმდეგ შემთხვევაში საარჩევნო ყუთს ეხსნება ხმის მიცემის და დათვლის სპეციალური აპარატი, ყუთი ილუქება და კომისიის გადაწყვეტილებით დაუყოვნებლივ გადაეცემა ზემდგომ საოლქო საარჩევნო კომისიას.

მთვლელები ძირითად საარჩევნო ყუთში არსებულ საარჩევნო ბიულე­ტენებს ათავსებენ მაგიდაზე და იწყებენ დახარისხებას.

ყურადღება!

დადგენილი ნიმუშის საარჩევნო ბიულეტენი მხოლოდ იმ შემთხვევაში მიიჩნევა
ბათილად, თუ:

• საარჩევნო ბიულეტენი დამოწმებული არ არის ამომრჩე­ველ­თა რეგისტრატორის ბეჭდით;

• საარჩევნო ბიულეტენში გაფერადებულია ერთზე მეტი საარჩევნო სუბიექტის რიგითი ნომრის გასწვრივ არსებული შესაბამისი ოვალი;

• შეუძლებელია იმის დადგენა, რომელ საარჩევნო სუბიექტს მისცა ხმა ამომრჩეველმა;

• საარჩევნო ბიულეტენი განკუთვნილი იყო სხვა საარჩევნო უბნისთვის (ასეთი ბიულეტენები ცალკე პაკეტად იკვრება, მათი რაოდენობა არ მიეთითება კენჭისყრის შედეგების შემაჯამებელ ოქმში და აღინიშნება მხოლოდ კენჭისყრის დღის ჩანაწერთა წიგნში).

დადგენილი ნიმუშის საარჩევნო ბიულეტენი არ მიიჩნევა ბათილად იმ შემთხვევაში, თუ:

• საარჩევნო ბიულეტენზე ერთი საარჩევნო სუბიექტის რიგითი ნომრის გასწვრივ გაფერადებული შესაბამისი ოვალის გარდა შემოხაზულია დამატებით სხვა რომელიმე საარჩევნო სუბიექტი ან/და გაკეთებულია სხვა რაიმე აღნიშვნა. ასეთ შემთხვევაში ნამდვილად მიიჩნევა მხოლოდ იმ საარჩევნო სუბიექტის ხმა, რომლის გასწვრივ არის გაფერადებული ოვალი;

• საარჩევნო ბიულეტენზე არ არის გაფერადებული ოვალი, მაგრამ სხვა რაიმე მონიშვნით შესაძლებელია იმის დადგენა, თუ რომელ საარჩევნო სუბიექტს მისცა ხმა ამომრჩეველმა.

პირველი მთვლელი:

• იღებს საარჩევნო ბიულეტენს;

• ამოწმებს საარჩევნო ბიულეტენზე რეგისტრატორის ბეჭდის არსებობას;

• აცხადებს ვისთვისაა მიცემული ხმა და ნამდვილი საარჩევნო ბიულეტენები ხარისხდება შემდეგი წესით:

  • საარჩევნო ბიულეტენებს, რომელშიც გაფერადებულია მხოლოდ ერთი საარჩევნო სუბიექტის რიგითი ნომრის გასწვრივ არსებული შესაბამისი ოვალი (მიუხედავად იმისა, არის თუ არა საარჩევნო ბიულეტენზე სხვა რაიმე ტიპის მონიშვნა) გადასცემს მეორე მთვლელს, რომელიც კანდიდატების შესაბამისად, საარჩევნო სუბიექტის გასწრივ გაფერადებული ოვალის მიხედვით, ახარისხებს მათ;

  • საარჩევნო ბიულეტენებს, რომელშიც არ არის გაფერადებული საარჩევნო სუბიექტის რიგითი ნომრის გასწვრივ არსებული შესაბამისი ოვალი, მაგრამ ამომრჩევლის ნება გამოხატულია მხოლოდ ერთი საარჩევნო სუბიექტის რიგითი ნომრის გასწვრივ სხვაგვარი მონიშვნით, გადასცემს მესამე მთვლელს, რომელიც საარჩევნო ბიულეტენებს ახარისხებს კანდიდატების შესაბამისად;

• ბათილად ან საეჭვოდ მიჩნეულ საარჩევნო ბიულეტენებს, ასევე, დაუდგენელი ნიმუშის საარჩევნო ბიულეტენებს გადასცემს მეოთხე მთვლელს (მეოთხე მთვლელი ცალკე ალაგებს იმ ბათილ საარჩევნო ბიულეტენებს, რომელიც დამოწმებული არ არის რეგისტრატორის ბეჭდით, მაგრამ გაფერადებულია მხოლოდ ერთი საარჩევნო სუბიექტის რიგითი ნომრის გასწვრივ შესაბამისი ოვალი).

კომისიის თავმჯდომარე:

• მას შემდეგ რაც ყველა ბიულეტენი დახარისხდება, უთითებს მთვლელებს, დაითვალონ მეორე მთვლელთან არსებული საარჩევნო ბიულეტენები;

• უთითებს მთვლელებს, დათვალონ ისეთი ბათილი საარჩევნო ბიულეტენების რაოდენობა, რომელიც დამოწმებული არ არის რეგისტრატორის ბეჭდით, მაგრამ გაფერადებულია მხოლოდ ერთი საარჩევნო სუბიექტის რიგითი ნომრის გასწვრივ შესაბამისი ოვალი;

• რაოდენობებს ინიშნავს და გადასცემს საოლქო საარჩევნო კომისიას.

მთვლელები ცალ-ცალკე აწყობენ:

• მეორე და მესამე მთვლელების მიერ დახარისხებულ საარჩევნო ბიულეტენებს, თითოეული საარჩევნო სუბიექტისათვის მიცემული ხმების შესაბამისად;

• დაუდგენელი ნიმუშის საარჩევნო ბიულეტენებს;

• ბათილად მიჩნეულ საარჩევნო ბიულეტენებს;

• საეჭვოდ მიჩნეულ საარჩევნო ბიულეტენებს.

საარჩევნო ბიულეტენების დახარისხების დასრულების შემდეგ კომისია განიხილავს და კენჭისყრით წყვეტს საეჭვოდ მიჩნეული საარჩევნო ბიულეტენების ნამდვილობის საკითხს. ნამდვილად მიჩნეულ საარჩევნო ბიულეტენს კომისიის თავმჯდო­მარე დებს ნამდვილი ბიულეტენების დასტაში (საარჩევნო სუბიექ­ტისთვის მიცემული ხმების მიხედვით), ხოლო ბათილად მიჩნეულ საარჩევნო ბიულეტენს − ბათილად მიჩნეული საარჩევნო ბიულეტენების დასტაში.

საარჩევნო ბიულეტენების დახარისხების შემდეგ კომისიის თავმჯდომარე მთვლელებს მიუთითებს, დაითვალონ:

• ბათილად მიჩნეული საარჩევნო ბიულეტენები;

• თითოეული საარჩევნო სუბიექტისათვის მიცემული ხმები.

ყურადღება!

საარჩევნო სუბიექტისთვის კუთვნილი ყოველი 10 საარჩევნო ბიუ­ლეტენი იკვრება ლითონის შემკერით და ყოველ შეკვრას როგორც სრულს, ისე არასრულს, ეწერება შეკრული საარჩევნო ბიუ­ლეტენების რაოდენობა.

კომისიის თავმჯდომარე აცხადებს თითოეული საარჩევნო სუბიექტის მიერ მიღებული ხმების რაოდენობას და კომისიის მდივანთან ერთად ამოწმებს მონაცემების სისწორეს. მიღებული შედეგები კომისიის მდივანს შეაქვს კენჭისყრის დღის ჩანაწერთა წიგნში და კენჭისყრის შედეგების სადემონსტრაციო ოქმში.

(საარჩევნო კოდექსი - მუხლი 69.6,9)

საარჩევნო ბიულეტენების დათვლის შემდეგ კომისიის თავმჯდო­მარე მთვლელებს მიუთითებს, ცალ-ცალკე პაკეტებად დალუქონ:

• ბათილი ბიულეტენები (მათ ეწერება „ბათილია“);

• საარჩევნო სუბიექტის კუთვნილი საარჩევნო ბიულეტენების დასტა.

ყურადღება!

პაკეტებს უნდა დაეწეროს საარჩევნო ოლქისა და უბნის ნომრები და დასახელება, სარჩევნო ბიულეტენების სახე (ნამდვილი ან ბათილი ბიულეტენები) და რაოდენობა. თითოეული საარჩევნო სუბიექტის კუთვნილი საარჩევნო ბიულეტენების პაკეტზე ასევე უნდა მიეთითოს სუბიექტის მონაცემები (დასახელება, სახელი და გვარი). დალუქულ პაკეტებს ხელს აწერენ მთვლელები და კომისიის თავმჯდომარე.

(საარჩევნო კოდექსი - მუხლი 70-71)

საუბნო საარჩევნო კომისიის მდივანი საარჩევნო ბიულეტენების დალუქვის შემდეგ საუბნო საარჩევნო კომისიის თავმჯდომარესთან შეთანხმებით ავსებს კენჭისყრის შედეგების შემაჯამებელ ოქმს.

კომისიის ყველა წევრი ვალდებულია კენჭისყრის შედეგების შემაჯამებელ ოქმს ხელი მოაწეროს, ხოლო იმ შემთხვევაში, თუ იგი არ ეთანხმება მასში შეტანილ მონაცემებს, უფლება აქვს წერილობით დაურთოს განსხვავებული აზრი. კენჭისყრის შედეგების შემაჯამებელი ოქმი მოწმდება საუბნო საარჩევნო კომისიის სპეციალური ბეჭდით. შემაჯამებელი ოქმი რეგისტრაციაში ტარდება სარეგისტრაციო ჟურნალის გასული დოკუმენტაციის ნაწილში.

აკრძალულია კენჭისყრის შედეგების შემაჯამებელ ოქმში შეტანილი მონაცემების გადასწორება. თუ შემაჯამებელი ოქმის შევსებისას შეცდომა იქნა დაშვებული, შეცდომის გამოსასწორებლად კენჭისყრის შედეგების შემაჯამებელ ოქმში შესაბამისი მონაცემის გასწვრივ კეთდება ჩანაწერი „შესწორებულია“ . საარჩევნო კომისიამ უნდა შეადგინოს შესწორების ოქმი, რომელშიც აღინიშნება შემაჯამებელ ოქმში შეტანილი მონაცემის შესწორება და ამ ოქმის შედგენის თარიღი და დრო. საარჩევნო კომისიის ყველა დამსწრე წევრი ვალდებულია ხელი მოაწეროს შესწორების ოქმს. შესწორების ოქმს დაესმება საარჩევნო კომისიის ბეჭედი, გატარდება ჩანაწერთა წიგნში და დაერთვება იმ შემაჯამებელ ოქმს, რომელში შეტანილი მონაცემიც შესწორდა.

(საარჩევნო კოდექსი - მუხლი 71.8)

კომისია ვალდებულია კენჭისყრის შედეგების შემაჯამებელი ოქმის ფოტოასლები გამოაკრას საჯარო გაცნობისათვის. საუბნო საარჩევნო კომისია კენჭისყრის შედეგების შემაჯა­მებელი ოქმის და შესწორების ოქმის (არსებობის შემთხვევაში) ფოტოასლებს, კომისიის წევრთა თან­დართული განსხვავებული აზრებით (არსებობის შემთხვევაში), მოთხოვნის შემთხვევაში დაუყოვ­ნებლივ გადასცემს კენჭისყრის შენობაში ყოფნის უფლების მქონე ყველა პირს.

კენჭისყრის შედეგების შემაჯამებელი ოქმის და შესწორების ოქმის (არსებობის შემთხვევაში) ფოტოასლები უნდა დამოწმდეს კომისიის ბეჭდით, კომისიის თავმჯდომარისა და კომისიის მდივნის ხელმოწერებით, რასაც მიმღები პირი კენჭისყრის დღის ჩანაწერთა წიგნში ხელმოწერით ადასტურებს.

ყველა პროცედურის დასრულების შემდეგ იხურება კომისიის სარეგისტრაციო ჟურნალი და ჩანაწერთა წიგნი, მას ხელს აწერენ კომისიის თავმჯდომარე და კომისიის მდივანი და იგი მოწმდება კომისიის სპეციალური ბეჭდით.

კომისია ლუქავს:

• კენჭისყრის დღის ჩანაწერთა წიგნს, განცხადებებს/საჩივრებს და ხმის მიცემის და დათვლის აპარატიდან ამონაბეჭდებს (დასტურს, რომ ყუთების დალუქვამდე ამომრჩევლებს ხმა არ მიუციათ და წინასწარი შედეგების საინფორმაციო ფურცელს);

• საუბნო საარჩევნო კომისიის სპეციალურ ბეჭედს (კომისიის სპეციალური ბეჭდის დალუქულ პაკეტს ხელს აწერს კომისიის ყველა წევრი).

ყურადღება !

კენჭისყრის შედეგების შემაჯამებელი ოქმი და სარეგისტრაციო ჟურნალი არ ილუქება.

კომისიის უფლებამოსილი პირები საოლქო საარჩევნო კომისიას გადასცე­მენ საარჩევნო ინვენტარს და საარჩევნო დოკუმენტაციის ყუთს/ტომარას, რომელშიც მოთავსებულია დალუქული საარჩევნო დოკუმენ­ტაცია და მისგან განცალკევებით:

• კენჭისყრის შედეგების შემაჯამებელ ოქმს, შესწორების ოქმს (ასრებობის შემთხვევაში) და განსხვავებულ აზრს (არსებობის შემთხვევაში), იმ ახსნა-განმარტებებთან (არსებობის შემთხვევაში) ერთად, რომელიც ეხება ოქმის მონაცემებს ან რეკვიზიტებს;

• სარეგისტრაციო ჟურნალს;

• განცხადებები/საჩივრებისა და კენჭისყრის დღის ჩანაწერთა წიგნის დალუქულ კონვერტს,ხმის მიცემის და დათვლის სპეციალური აპარატიდან ამობეჭდილ წინასწარ შედეგებს.

საარჩევნო ინვენტარის და საარჩევნო დოკუმენტაციის გადაცემასთან დაკავშირებით დგება მიღება-ჩაბარების აქტი. მიღება-ჩაბარების აქტს ხელს აწერენ საარჩევნო დოკუმენ­ტაციის გამცემი და მიმღები პირები, რის შემდეგაც თითოეულს გადაეცემა აქტის თითო ეგზემპლარი.

პარტიის/საარჩევნო ბლოკის/ამომრჩეველთა საინიციატივო ჯგუფის წარმომადგენელს საუბნო საარჩევნო კომისიაში და დამკვირვებელს უფლება აქვს:

• განცხადება/საჩივარი გადასცეს საუბნო საარჩევნო კომისიის თავმჯდომარეს, კომისიის თავმჯდომარის მოადგილეს ან კომისიის მდივანს (დანართი №1).

• კენჭისყრის დღეს საარჩევნო პროცედურებთან დაკავშირებული პრეტენზიები, საჩივრები და შენიშვნები შეიტანოს კენჭისყრის დღის ჩანაწერთა წიგნში (მე-10 და მომდევნო გვერდებზე).

ყურადღება!

• არავის არ აქვს უფლება, ხელი შეუშალოს კენჭისყრის შენობაში ყოფნის უფლების მქონე პირს, კენჭისყრის დღის ჩანაწერთა წიგნში შეიტანოს პრეტენზია, შენიშვნა ან საჩივარი (საარჩევნო კოდექსი - მუხლი 62.10).

• კენჭისყრის დღის ჩანაწერთა წიგნში ჩანაწერის შემტანი პირი ვალდებულია მიუთითოს თავისი გვარი, სახელი და მისამართი (საქართველოს მოქალაქის პირადობის მოწმობის მიხედვით).

საარჩევნო უბანში კენჭისყრის პროცედურის დარღვევის შესახებ განცხადება/საჩივარი შედგენილი უნდა იქნეს დარღვევის შემჩნევისთანავე, კენჭისყრის დღის 7 საათიდან ძირთადი საარჩევნო ყუთის გახსნამდე, ხოლო განცხადება/საჩივარი ხმის დათვლისა და კენჭისყრის შედეგების შეჯამების პროცედურების დროს ჩადენილი დარღვევის შესახებ და კენჭისყრის შედეგების გადასინჯვის ან ბათილად ცნობის მოთხოვნით შედგენილი უნდა იქნეს ძირითადი საარჩევნო ყუთის გახსნიდან კენჭისყრის შედეგების შემაჯამებელი ოქმის შედგენამდე.

კომისიის მდივანი განცხადებას/საჩივარს რეგისტრაციაში გაატარებს სარეგისტრაციო ჟურნალის შემოსული დოკუმენტაციის ნაწილში, ასევე ჩანაწერთა წიგნში და განმცხადებელს/მომჩივანს გადასცემს ცნობას, რომელშიც აღინიშნება გან­ცხა­დების/საჩივრის მიღების თარიღი, დრო და სარეგისტრაციო ნომერი. ცნობას კომისიის მდივანი ხელმოწერით ადასტურებს (დანართი №2).

საჩივრების რეგისტრაციის პროცესზე დაკვირვების მიზნით წილისყრით გამოვლენილი საარჩევნო სუბი­ექ­­ტების წარმომადგენლების მიერ დარღვევის დაფიქსირების შემთხვევაში, საჩივრის რეგისტრაციასთან დაკავშირებით, გადაწყვეტილებას იღებს კომისია.

საუბნო საარჩევნო კომისიის მდივანი, კომისიის თავმჯდომარე ან კომისიის თავმჯდომარის მოადგილე გან­ცხა­დების/საჩივრის წარმდგენს დაუდგენს ხარვეზს და განუსაზღვრავს გონივრულ ვადას მის შესავსებად, თუ განცხადება/საჩივარი არ შეიცავს:

• განცხადების/საჩივრის შედგენის თარიღსა და დროს;

• განმცხადებლის/მომჩივნის სახელს, გვარს და რეგისტრაციის ადგილს;

• საარჩევნო უბნის ნომერს;

• მოწმის არსებობის შემთხვევაში – მის სახელს, გვარს და რეგისტრაციის ადგილს.

განმცხადებელს/მომჩივანს უფლება აქვს, დადგენილ ვადაში შეავსოს ხარვეზი ანალოგიური განცხადე­ბის/საჩივრის წარდგენის გზით ან წარადგინოს ახალი განცხადება (რომელშიც მიეთითება ის მონაცემები, რომელთა გამოც მას დაუდგინდა ხარვეზი). კომისიის მდივანი სარეგისტრაციო ჟურნალში აკეთებს ჩანაწერს „ხარვეზი“. ჩანაწერის გასწვრივ ხელს აწერენ განცხადების/საჩივრის წარმდგენი და კომისიის შესაბამისი თანამდებობის პირი.

ყურადღება!

ხარვეზის შევსების ვადა დგინდება მხარეთა შეთანხმების საფუძველზე. ხარვეზის შევ­სების ვადის თაობაზე მხარეთა შეუთანხმებლობის შემთხვევაში ვადას ერთ­პიროვ­ნულად ადგენს განცხადების/საჩივრის მიმღები პირი.

ხარვეზის შევსების შემთხვევაში კომისიის მდივანი, კომისიის თავმჯდომარე ან კომისიის თავმჯდომარის მოადგილე სარეგისტრაციო ჟურნალში წერს „შევსებულია“ და უთითებს ხარვეზის შევსების ზუსტ დროსა და თარიღს. ჩანაწერის გასწვრივ ხელს აწერენ განცხადების/საჩივრის წარმდგენი და კომისიის შესაბამისი თანამდებობის პირი.

ყურადღება!

დადგენილ ვადაში ხარვეზის შეუვსებლობის შემთხვევაში განცხადება/საჩივარი არ განი­­­ხი­ლება და შესაბამისი საარჩევნო კომისიის თავმჯდომარე გამოსცემს განკარგულებას განცხადების/საჩივრის განუხილველად დატოვების შესახებ.

კომისიის თავმჯდომარე ვალდებულია განცხადებაზე/საჩივარზე, რომელიც ეხება კენჭისყრის დღის 7 საათიდან ყუთის გახსნამდე ჩატარებული პროცედურების დარღვევას, დაუყოვნებლივ მოახდინოს სათანადო რეაგირება და აღმოფხვრას არსებული დარღვევა.

ყურადღება!

თუ საუბნო საარჩევნო კომისიის თავმჯდომარემ არ ან ვერ აღმოფხვრა დარღვევა ან სხვაგვარი ფორმით უარი განაცხადა რეაგირებაზე, განმცხადებელს/მომჩივანს უფლება აქვს იმავე დარღვევაზე განცხადება/საჩივარი დაუყოვნებლივ წარუდგინოს საოლქო საარჩევნო კომისიას.

დარღვევის აღმოფხვრის შემთხვევაში კენჭისყრის დღის ჩანაწერთა წიგნში კეთდება ჩანაწერი „დარღვევა აღმოფხვრილია“ და მიეთითება ზუსტი დრო.

განცხადებას/საჩივარს, რომელიც ეხება ხმის დათვლისა და კენჭისყრის შედეგების შეჯამების პროცედურების დარღვევას, საუბნო საარჩევნო კომისია არ განიხილავს და გადასცემს საოლქო საარჩევნო კომისიას კენჭისყრის დღიდან 2 კალენდარული დღის განმავლობაში.

წარდგენილი განცხადება/საჩივარი არ განიხილება და საუბნო საარჩევნო კომისიის თავმჯდომარე გამოსცემს განკარგულებას განცხადების/საჩივრის განუხილველად დატოვების შესახებ, თუ:

• განცხადება/საჩივარი შედგენილია არაუფლებამოსილი პირის მიერ;

• განცხადებაში/საჩივარში არ არის აღნიშნული დარღვევის არსი და ჩადენის დრო;

• განცხადება/საჩივარი საარჩევნო კომისიას გადაეცა კანონით მოთხოვნილი ვადების დარღვევით;

• დადგენილ ვადაში არ შეივსო წარდგენილი განცხადების/საჩივრის ხარვეზი.

დანართი №1

საარჩევნო კომისიაში წარდგენილი განცხადების/საჩივრის რეკვიზიტები

განცხადებაში/საჩივარში აღინიშნება:

• განცხადების/საჩივრის შედგენის თარიღი და დრო*;

• განმცხადებლის/მომჩივნის სახელი, გვარი და რეგისტრაციის ადგილი*;

• საარჩევნო უბნის ნომერი*;

• მოწმის არსებობის შემთხვევაში – მისი სახელი, გვარი და რეგისტრაციის ადგილი*;

• დარღვევის არსი და ჩადენის დრო**;

• დამრღვევის დადგენის შემთხვევაში – მისი ის მონაცემები, რომელთა დადგენაც შესაძლებელი გახდა**;

• დამრღვევის ახსნა-განმარტება (ასეთის არსებობის შემთხვევაში)**;

• განმცხადებლის/მომჩივნის საკონტაქტო ტელეფონის (საცხოვრებელი ადგილის ან/და მობილურის) ნომერი***;

• განმცხადებლის/მომჩივნის ფაქსის ნომერი და ელექტრონული ფოსტის მისამართი (მათი არსებობის შემთხვევაში)***;¹

• სხვა დამატებითი ინფორმაცია.

დანართი №2

№ „……“…………………… საარჩევნო ოლქი

№ „……“……………………. საუბნო საარჩევნო კომისია

ცნობა

განცხადების/საჩივრის რეგისტრაციაში გატარების შესახებ

განცხადების/საჩივრის მიღების თარიღი: ...................................................................

განცხადების/საჩივრის მიღების დრო: ...........................................................................................

განცხადების/საჩივრის სარეგისტრაციო ნომერი: ......................................................

კომისიის მდივანი: ....................................

/ხელმოწერა/

დანართი №3

საუბნო საარჩევნო კომისიის თავმჯდომარის

უფლებამოსილებანი

1. საუბნო საარჩევნო კომისიის სხდომასთან დაკავშირებული უფლებამოსილებანი:

• იწვევთ საუბნო საარჩევნო კომისიის სხდომას (საარჩევნო კოდექსი - მუხლი 8.2);

• უძღვებით საუბნო საარჩევნო კომისიის სხდომას (საარჩევნო კოდექსი - მუხლი 27.1.ბ).

1. ადმინისტრაციული ფუნქციები:

• უფლება გაქვთ, დავალება მისცეთ კომისიის თავმჯდომარის მოადგილეს, კომისიის მდივანს და კომისიის სხვა წევრებს (საარჩევნო კოდექსი - მუხლი 27.1.ე);

• უფლება გაქვთ, კომპეტენციის ფარგლებში გამოსცეთ განკარგულება (საარჩევნო კოდექსი - მუხლი 30.1.გ);

• იღებთ და თქვენი რეზოლუციით ანაწილებთ საუბნო საარჩევნო კომისიაში შემოსულ საარ­ჩევნო საბუთებს და საუბნო საარჩევნო კომისიის სახელზე შემოსულ კორეს­პონ­დენციას (საარჩევნო კოდექსი - მუხლი 27.1.გ);

• პასუხისმგებელი ხართ საოლქო საარჩევნო კომისიისგან საარ­ჩევნო დოკუმენტაციის, ინვენტარის და სხვა მასალების მიღებისთვის, შენახვისა და დანიშნულებისამებრ გაცემისთვის (სა­არჩევნო კოდექსი - მუხლი 27.1.დ; მუხლი 63.6).

• საჯაროობის უზრუნველსაყოფად გაითვალისწინეთ, რომ საარჩევნო უბანზე თვალსაჩინო ადგილას გამოკრული უნდა იყოს (საუბნო საარჩევნო კომისიის რეგლამენტი - მუხლი 8):

• საუბნო საარჩევნო კომისიის საკონტაქტო ტელეფონის, ფაქსის ნომრები და სხვა რეკვიზიტები;

• საარჩევნო ადმინისტრაციის ის სამართლებრივი აქტები, რომლებიც შეეხება საუბნო საარჩევნო კომისიის საქმიანობას;

• საუბნო საარჩევნო კომისიისა და კომისიის თავმჯდომარის განკარგულებები;

• ამომრჩეველთა ერთიანი სიის საჯარო ინფორმაციისთვის მიკუთვნებული ვერსია (კედლის სია ფოტოსურათების გარეშე), ამომრჩეველთა სიებში ცვლილებების შეტანის და უზუსტობების გასაჩივრების წესი და ვადები.

ყურადღება!

• კენჭისყრის დღემდე არაუგვიანეს მეორე დღისა გადმოგეცემათ დაზუსტებული სიების საბოლოო ვერსიები (საარჩევნო კომისიისათვის განკუთვნილი ვერსია − სამაგიდო სია და საჯარო ინფორმაციისთვის მიკუთვნებული ვერსია − კედლის სია) (საარჩევნო კოდექსი - მუხლი 31.11);

• საჯარო ინფორმაციისთვის მიკუთვნებული კედლის სიის თავდაპირველი ვერსია უნდა ჩამოხსნათ და იმავე ადგილას დაზუსტებული ვერსია გამოაკრათ.

საუბნო საარჩევნო კომისიის თავმჯდომარის უფლებამოსილებანი

კენჭისყრის წინა დღეს

(12 მაისი)

1. კენჭისყრის შენობის მოწყობასთან დაკავშირებული უფლება­მოსილებანი:

• პასუხისმგებლობა გეკისრებათ კენჭისყრის შენობის მოწყობისათვის. გაითვალისწინეთ (საარჩევნო კოდექსი - მუხლი 58.4):

• კენჭისყრის შენობაში ყოველი 500 ამომრჩევლისთვის უნდა მოეწყოს არანაკლებ ერთი კენჭისყრის კაბინა, სადაც უნდა იყოს ერთი საარჩევნო ბიულეტენის შესავსები სპეციალურ მარკერი (საჭიროების შემთხვევაში გათვალისწინებულ უნდა იქნეს შშმ ამომრჩევლებისთვის ადაპტირებული კენჭისყრის კაბინა);

• უნდა გამოიყოს ადგილები ამომრჩეველთა რეგისტრა­ციისა­თვის და განთავსდეს მაგიდები რეგისტრატორთა რაოდენობის შესაბამისად;

• თვალსაჩინო ადგილას უნდა დაიდგას გამჭვირვალე საარ­ჩევნო ყუთი;

• საარჩევნო ყუთთან ახლოს უნდა დაიდგას მაგიდა სპეციალური ჩარჩო-კონვერტებისთვის;

• მდივნის მაგიდაზე უნდა განთავსდეს გამადიდებელი ლინზა მცირემხედველი ამომრჩევლებისთვის და სპეციალური ჩარჩო უსინათლო ამომრჩევლებისთვის.

• კენჭისყრის შენობაში თვალსაჩინო ადგილას გამოკრული უნდა იყოს (საარჩევნო კოდექსი - მუხლი 58.4.დ; 58.5):

• ამომრჩეველთა ერთიანი სიის საჯარო ინფორმაციისთვის მიკუთვნებული ვერსია (კედლის სია);

• ამომრჩეველთა სპეციალური სიის (ასეთის არსებობის შემთხვევაში) საჯარო ინფორმაციისთვის მიკუთვნებული ვერსია (კედლის სია);

• გადასატანი საარჩევნო ყუთის სიის (ასეთის არსებობის შემთხვევაში) საჯარო ინფორმაციისთვის მიკუთვნებული ვერსია (კედლის სია);

• კანდიდატთა სიები;

• საარჩევნო ბიულეტენის შევსების ინსტრუქცია;

• ამონარიდი ცესკოს დადგენილებიდან, თუ რა შემთხვევაშია საარჩევნო ბიულეტენი ბათილი;

• კენჭისყრის შედეგების სადემონსტრაციო ოქმი;

• თუ საარჩევნო ბიულეტენში შეტანილი რომელიმე საარჩევნო სუბიექტი აღარ მონაწილეობს არჩევნებში, განცხადება აღნიშნულის შესახებ კენჭისყრის შენობასა და ფარული კენჭისყრის კაბინებში.

2. საარჩევნო დოკუმენტაციის მიღებასთან დაკავშირებული უფლებამოსილებანი:

გახსოვდეთ: კენჭისყრის დაწყებამდე არაუგვიანეს 12 საათისა საოლქო საარჩევნო კომისიისგან უნდა მიიღოთ საარჩევნო ბიულეტენები და სპეციალური ჩარჩო-კონვერტები. მიღებისას შეადარეთ გადმოცემული საარჩევნო ბიულეტენებისა და სპეციალური ჩარჩო-კონვერტების რაოდენობა მიღება-ჩაბარების აქტში შეტანილ მონაცემებს (საარჩევნო კოდექსი - მუხლი 63.9−11). გადაამოწმეთ, რომ საარჩევნო ბიულეტენებზე მითითებული იყოს თქვენი საარჩევნო უბნისა და საარჩევნო ოლქის ნომრები.

საუბნო საარჩევნო კომისიის თავმჯდომარის უფლებამოსილებანი

კენჭისყრის დღეს

(13 მაისი)

07:00-08:00 საათი

• 07:00 საათზე გახსენით საარჩევნო უბანი, ტელეფონით შეატყობინეთ საოლქო საარჩევნო კომისიას საარჩევნო უბნის გახსნისა და კომისიის წევრთა კვორუმის (7 წევრი) თაობაზე (საარჩევნო კოდექსი - მუხლი 61.1).

____________________________________________________________________________________________________

• გადაეცით კომისიის მდივანს კენჭისყრის დღის ჩანაწერთა წიგნი, სარე­გისტრაციო ჟურნალი, კენჭის­ყრის შედეგების შემაჯა­მებელი ოქმი და სადემონსტრაციო ოქმი (იკვრება თვალსაჩინო ადგილას).

____________________________________________________________________________________________________

• შეამოწმეთ კენჭისყრის შენობაში მყოფი უფლებამოსილი პირების სააკრედიტაციო მოწმობები (ძალაშია პირადობის მოწმობასთან ერთად). გახსოვდეთ, კენჭისყრის შენობაში ყოფნის უფლება აქვთ მხოლოდ კანონით განსაზღვრულ შესაბამის უფლებამოსილ პირებს.

____________________________________________________________________________________________________

• ყველას დასანახად შეამოწმეთ იმ პაკეტის მთლიანობა, რომელშიც მოთავსებულია კომისიის სპეციალური ბეჭედი და გახსენით ის (სთხოვეთ კომისიის მდივანს ბეჭდის ნომერი მიუთითოს კენჭისყრის დღის ჩანაწერთა წიგნის მე-9 გვერდზე) (საარჩევნო კოდექსი - მუხლი 61.2.ბ).

____________________________________________________________________________________________________

• ჩაატარეთ წილისყრა კომისიის წევრებს შორის გადასატანი საარჩევნო ყუთის წამღები კომისიის 2 წევრის გამოსავლენად (წილისყრაში არ მონაწილეობენ საუბნო საარჩევნო კომისიის ხელმძღვანელი პირები) (საარჩევნო კოდექსი - მუხლი 61.2.დ).

გახსოვდეთ, თუ წილისყრით გამოვლენილი გადასატანი ყუთის წამღები კომისიის წევრი უარს განაცხადებს მისთვის მინიჭებული ფუნქციის შესრულებაზე, იგი კარგავს კომისიის წევრთა სხვა ფუნქციების გასანაწილებლად ჩასატარებელ მორიგ წილისყრაში მონაწილეობის მიღების უფლებას.

გახსოვდეთ, რომ წილისყრით გამოვლენილი გადასატანი საარჩევნო ყუთის წამღები კომისიის წევრები არ შეიძლება იყვნენ ერთი და იმავე საარჩევნო სუბიექტის მიერ დანიშნული კომისიის წევრები.

____________________________________________________________________________________________________

• ჩაატარეთ მორიგი წილისყრა კომისიის წევრთა შორის დარჩენილი ფუნქციების (ამომრჩეველთა ნაკადის მომწესრიგებელი, ამომრჩეველთა რეგისტრატორი, სპეციალური ჩარჩო-კონვერტების ზედამხედველი კომისიის წევრები) გასანაწილებლად (საარჩევნო კოდექსი - მუხლი 61.2.ე).

• იმ შემთხვევაში, თუ საარჩევნო ყუთისა და ხმის მიცემის და დათვლის სპეციალური აპარატის ზედამხედველობას ვერ ახორციელებს კომისიის თავმჯდომარის მოადგილე, დაავალეთ ამ ფუნქციის შესრულება კომისიის სხვა წევრს.

_______________________________________________________________________________________________

• ჩაატარეთ წილისყრა საარჩევნო უბანზე მყოფი საარჩევნო სუბიექტების წარმომადგენლებისაგან არაუმეტეს 2 წარმომადგენლის გამოსავლენად, საჩივრების რეგისტრაციის პროცესზე დაკვირვების მიზნით. გახსოვდეთ: წილისყრით გამოვლენილი წარმომადგენლები და კომისიის მდივანი არ შეიძლება იყვნენ ერთი და იმავე საარჩევნო სუბიექტის მიერ წარდგენილი პირები (საარჩევნო კოდექსი - მუხლი 61.5).

____________________________________________________________________________________________________

• გამოაცხადეთ ამომრჩეველთა რაოდენობა ამომრჩეველთა ერ­თიან სიაში, ამომრჩეველთა სპეციალურ და გადასატანი საარჩევნო ყუთის სიებში (ასეთის არსებობის შემთხვევაში). კომისიის მდივანს სთხოვეთ მონაცემები მიუთითოს კენჭისყრის დღის ჩანაწერთა წიგნის მე-7 გვერდზე და კენჭისყრის შედეგების სადემონსტრაციო ოქმში (სადემონსტრაციო ოქმში და კენჭისყრის დღის ჩანაწერთა წიგნში სპეციალურ სიაში ამომრჩეველთა რაოდენობა შეიტანება კენჭისყრის დასრულების შემდგომ) (საარჩევნო კოდექსი - მუხლი 61.6.ა; მუხლი 61.9).

____________________________________________________________________________________________________

• გამოაცხადეთ მიღებული საარჩევნო ბიულეტენების და სპე­ციალური ჩარჩო-კონვერტების რაოდენობები, კომისიის მდივანს სთხოვეთ მიღებული ბიულეტენების რაოდენობა შეიტანოს სადემონსტრაციო ოქმში და კენჭისყრის დღის ჩანაწერთა წიგნში (საარჩევნო კოდექსი - მუხლი 61.6.ბ; მუხლი 61.9).

________________________________________________________________________________________________

• თითოეულ ამომრჩეველთა რეგისტრატორს გადაეცით: 300-ამომრჩევლიანი სია (ამომრჩეველთა სპეციალური სია აგრეთვე გადაეცით ერთ-ერთ ამომრჩეველთა რეგისტრატორს), 50 ცალად შეფუთული საარჩევნო ბიულეტენების თითო შეკვრა (რეგისტრატორმა უნდა გადაამოწმოს შეკვრაში ბიულეტენების რაოდენობის სიზუსტე და თავმჯდომარესთან ერთად ხელმოწერით დაადასტუროს მიღება-ჩაბარების აქტით), 10 ცალი სპეციალური ჩარჩო-კონვერტი, მარკირების სითხე, რეგისტრატორის ბეჭედი, (ბეჭდის ნომერი მიუთითეთ კენჭისყრის დღის ჩანაწერთა წიგნის მე- 3 და მე-9 გვერდზე).

• იმ შემთხვევაში, თუ რეგისტრატორის ბეჭდები საჭირო რაოდენობაზე ნაკლები აღმოჩნდა ან ბეჭედი დაზიანდა, შეამცირეთ რეგისტრატორების რაოდენობა (საარჩევნო კოდექსი - მუხლი 61.7).

____________________________________________________________________________________________________

• ამომრჩეველთა ნაკადის მომწესრიგებელს გადაეცით მარკირების შესამოწმე­ბელი ულტრაიისფერი ფარანი.

____________________________________________________________________________________________________

• საარჩევნო ყუთისა და ხმის მიცემის და დათვლის სპეციალური აპარატის ზედამხედველ კომისიის წევრს მიუთითეთ დაიკავოს ადგილი ძირითადი საარჩევნო ყუთსა და ხმის მიცემის და დათვლის სპეციალურ აპარატთან.

08:00 საათიდან

• საარჩევნო უბანზე მოსვლისას პირველი ამომრჩეველი გადის რეგისტრაციას და იღებს საარჩევნო ბიულეტენს. ამის შემდეგ პირველ ამომრჩეველთან ერთად შეამოწმეთ ძირითადი და გადასატანი საარჩევნო ყუთები დალუქეთ ისინი. დალუქვამდე თქვენ და პირველი ამომრჩეველი უნდა დარწმუნდეთ, რომ საარჩევნო ყუთები ცარიელია.

• ძირითადი საარჩევნო ყუთი დალუქეთ იმგვარად, რომ შეუძლებელი იყოს ლუქის დაზიანების გარეშე მასზე დამონტაჟებული ხმის მიცემის და დათვლის აპარატის მოხსნა. დალუქვის შემდეგ, ხმის მიცემის და დათვლის აპარატიდან ამობეჭდეთ დასტური, რომ იმ დროისთვის არცერთ ამომრჩეველს ხმა არ მიუცია აღნიშნული აპარატის საშუალებით და ამონაბეჭდი გადაეცით კომისიის მდივანს შენახვის მიზნით.

• ამის შემდეგ მიუთითეთ კომისიის მდივანს ყუთების ლუქების ნომრები, დალუქვის ზუსტი დრო და პირველი ამომრჩევლის შესახებ მონაცემები შეიტანოს კენჭისყრის დღის ჩანაწერთა წიგნის მე-4 გვერდზე. პირველმა ამომრჩეველმა ჩანაწერთა წიგნის მე-4 გვერდზე ხელმოწერით უნდა დაადასტუროს, რომ დაილუქა ცარიელი ყუთები და იმ მომენტისათვის ხმის მიცემისა და დათვლის აპარატის საშუალებით არცერთ ამომრჩეველს არ მიუცია ხმა.

_________________________________________________________________________________________________

• საუბნო საარჩევნო კომისიის თავმჯდომარე საოლქო საარჩევნო კომისიას აცნობებს პირველი ამომრჩევლის რეგისტრაციისა და საარჩევნო ყუთების დალუქვის შესახებ.

____________________________________________________________________________________________________

ხმის მიცემის პროცესის მიმდინარეობისას გაითვალისწინეთ:

■ თუ მარკირების შესამოწმებელმა სპეციალურმა ხელსაწყომ გამოა­ვლინა, რომ ამომრჩეველს უკვე აქვს მარკირება, მას ეკრძალება კენჭისყრაში მონაწილეობა. მიუთითეთ კომისიის მდივანს ამომრ­ჩევლის ვინაობა შეიტანოს კენჭისყრის დღის ჩანაწერთა წიგნში.

■ ამომრჩეველი კენჭისყრაში მონაწილეობს, თუ ამომრჩეველთა შესა­ბამის სიაში საქართველოს მოქალაქის პირად ნომერთან, სქესთან და ფოტოსურათთან ერთად, სრულად ემთხვევა სიაში არსებულ მონაცემთაგან (სახელი, გვარი, დაბადების თარიღი, მისამართი) სამი მაინც.

■ თუ ამომრჩეველთა რეგისტრატორმა ამომრჩევლის სახე და წარდ­გენილ დოკუმენტში ან ამომრჩეველთა სიაში არსებული ფოტოსურა­თი ერთმანეთთან შეუსაბამოდ მიიჩნია, მან უნდა მოგმართოთ თქვენ აღნიშნული შეუსაბამობის დადასტურების თაობაზე.

თუ დაადასტურებთ შეუსაბამობას, მიუთითეთ კომისიის მდივანს, კენჭისყრის დღის ჩანაწერთა წიგნში გააკეთოს შესაბამისი ჩანაწერი (ამომრჩევლის სახელის, გვარის და ამომრჩეველთა სიაში მისი რიგითი ნომრის მითითებით). ეს ჩანაწერი კომისიის მდივანთან ერთად დაასტურეთ ხელმოწერებით. კომისიის მდივანმა ჩანაწერთა წიგნს უნდა დაურთოს მისი ხელმოწერით დადასტურებული ამომრ­ჩევლის მიერ წარდგენილი დოკუმენტის ფოტოასლი.

თუ არ დაადასტურებთ შეუსაბამობას, ამომრჩეველთა რეგისტ­რატორს უფლება აქვს, კენჭისყრის დღის ჩანაწერთა წიგნში ჩაწე­როს თავისი განსაკუთრებული აზრი. კომისიის მდივანმა კენჭისყრის დღის ჩანაწერთა წიგნში უნდა გააკეთოს შესაბამისი ჩანაწერი (ამომრჩევლის სახელის, გვარის და ამომრჩეველთა სიაში მისი რიგითი ნომრის მითითებით). ეს ჩანაწერი რეგისტრატორმა და კომისიის მდივანმა უნდა დაადასტურონ ხელმოწერებით. კომისიის მდივანმა კენჭისყრის დღის ჩანაწერთა წიგნს უნდა დაურთოს მისი ხელმოწერით დადასტურებული ამომრჩევლის მიერ წარდგენილი დოკუმენტის ფოტო­ასლი.

ზემოაღნიშნული პროცედურის შესრულების შემდეგ ამომრჩეველს მიეცით კენჭისყრაში მონაწილეობის უფლება.

■ თუ ამომრჩეველი უარს აცხადებს მარკირების პროცედურის გავ­ლაზე, არ მისცეთ კენჭისყრაში მონაწილეობის უფლება.

■ თუ კენჭისყრის პროცესში გამოვლინდა, რომ ამომრჩეველმა საარ­ჩევნო სიაში ხელი მოაწერა სხვა ამომრჩევლის გვარის გასწვრივ არსებულ გრაფაში, ასეთ შემთხვევაში ამომრჩეველს, რომლის გვარის გასწვრივ ფიქსირდება ხელმოწერა, უნდა მიეთითოს, ხელი მოაწეროს იმავე გრაფაში. ამასთან, მიუთითეთ ამომრჩეველთა რეგისტრატორს, აღნიშნულის თაობაზე დაწეროს ახსნა-განმარტება (ამომრჩევლის სახელისა და გვარის აღნიშვნით).

■ თუ ამომრჩეველს ან საუბნო საარჩევნო კომისიის წევრს გაუფუჭდა საარჩევნო ბიულეტენი, მიეცით მითითება ამომრჩეველთა რეგისტ­რატორს, რომ ამომრჩეველს შეუცვალოს გაფუჭებული საარჩევნო ბიულეტენი ახლით. გაფუჭებულ ბიულეტენს ამომრჩევლის თანდა­სწრებით ჩამოაჭერით კუთხე, დააწერეთ „გაფუჭებულია“, ხელი მოა­წერეთ და ცალკე შეინახეთ (საარჩევნო კოდექსი ‒ მუხლი 65.4).

■ თუ ამომრჩეველს არ შეუძლია საარჩევნო ბიულეტენის დამოუკი­დებლად შევსება და სპეციალურ ჩარჩო-კონვერტში მოთავსება, ყურადღება მიაქციეთ, რომ კენჭისყრის კაბინაში დასახმარებლად არ იქნეს მიწვეული საარჩევნო კომისიის წევრი, კანდიდატი, საარჩევნო სუბიექტის წარმომადგენელი, პრესისა და მასობრივი ინფორმაციის სხვა საშუალებების წარმომადგენელი და დამკვირვებელი. ამომრჩევლისთვის დახმარების აღმოჩენა შეუძლია ნებისმიერ პირს, გარდა ზემოთ აღნიშნული პირებისა (საარ­ჩევნო კოდექსი ‒ მუხლი 65.3).

■ თუ ამომრჩეველი ფიზიკური მდგომარეობის გამო (ზედა კიდურების არქონა) ვერ ახერხებს ხმის მიცემის პროცედურების დამოუკიდებლად შესრულებას, ამ შემთხვევაში შეახსენეთ ამომრჩეველთა რეგისტ­რატორს, რომ ამომრჩევლისათვის საარჩევნო ბიულეტენის გადაცემისას შესაბამისი სიის გრაფაში „ამომრჩევლის ხელმოწერა“ გააკეთოს ჩანაწერი „ფიზიკური მდგომარეობა“ და აღნიშნული ხელმოწერით დაადასტუროს.

• თუ სპეციალური ჩარჩო-კონვერტის ზედამხედველი თვალყურს არ ადევნებს ამომრჩევლის მიერ სპეციალური ჩარჩო-კონვერტის საამისოდ განკუთვნილ მაგიდაზე მოთავსებას და არ უზრუნველყოფს უკვე გამოყენებული სპეციალური ჩარჩო-კონვერტების გადაცემას რეგისტრატორებისათვის. შეახსენეთ მას დროულად განახორციელოს აღნიშნული ქმედება, რათა არ შეფერხდეს კენჭისყრის პროცესი.

• თუ საარჩევნო ყუთისა და ხმის მიცემის და დათვლის სპეციალური აპარატის ზედამხედველი კომისიის წევრი შეგატყობინებთ, რომ საარჩევნო ბიულეტენი დამოწმებული არ არის რეგისტრატორის ბეჭდით, უნდა უზრუნველყოთ შესაბამისი რეგისტრატორის მიერ რეგისტრატორის ბეჭდით საარჩევნო ბიულეტენის დამოწმება, ხმის მიცემის ფარულობის პრინციპის დაცვით.

• იმ შემთხვევაში, თუ ტექნიკური ხარვეზის გამო შეფერხდა ხმის მიცემის და დათვლის სპეციალური აპარატით კენჭისყრის პროცესი მიიღეთ გადაწყვეტილებას კენჭისყრის პროცესის დროებით შეჩერების შესახებ და დაუყოვნებლივ შეატყობინეთ ზემდგომ საოლქო საარჩევნო კომისიას.

• თუ შეუძლებელი გახდა ხმის მიცემის და დათვლის სპეციალური აპარატით კენჭისყრის გაგრძელება, ხმის მიცემის და დათვლის სპეციალური აპარატის გამოყენების გარეშე კენჭისყრის გაგრძელების თაობაზე შეადგინეთ აქტი და მიუთითეთ კომისიის მდივანს შესაბამისი ჩანაწერი კენჭისყრის დღის ჩანაწერთა წიგნში შეიტანოს.

• ხმის მიცემის და დათვლის სპეციალური აპარატის გამოყენების გარეშე კენჭისყრის გაგრძელების მიზნით, კენჭისყრის შენობაში ყოფნის უფლების მქონე პირების თანდასწრებით, გაჭერით ძირითადი საარჩევნო ყუთის სპეციალურ ჭრილი, რის შემდგომაც ამომრჩეველი ბიულეტენს ათავსებს პირდაპირ საარჩევნო ყუთში ჭრილის საშუალებით.

09:00 საათიდან

• გადასატანი საარჩევნო ყუთის მეშვეობით კენჭისყრის ჩატარება დაავალეთ წილისყრით გამოვლენილ კომისიის 2 წევრს და გადაეცით მათ (საარჩევნო კოდექსი - მუხლი 66.3):

• გადასატანი საარჩევნო ყუთის სია;

• ამომრჩეველთა რეგისტრატორის მიერ რეგისტრატორის ბეჭდით დამოწმებული საჭირო რაოდენობის საარჩევნო ბიულეტენი;

• სპეციალური ჩარჩო-კონვერტები(გადასატანი საარჩევნო ყუთის სიაში არსებული ამომრჩევლების რაოდენობის შესაბამისად);

• სამაგრები (სპეციალურ ჩარჩო-კონვერტში ჩადებული ბიულეტენის დასამაგრებლად);

• საარჩევნო ბიულეტენის შესავსები სპეციალური მარკერები;

• დალუქული გადასატანი საარჩევნო ყუთი.

• გადასატანი საარჩევნო ყუთის ჭრილის ლუქი (გადასატანი საარჩევნო ყუთი ილუქება გადასატანი საარჩევნო ყუთის მეშვეობით კენჭისყრის დასრულების შემდგომ).

მიუთითეთ კომისიის მდივანს კენჭისყრის დღის ჩანაწერთა წიგნში შეიტანოს გადასატანი საარჩევნო ყუთის თანმხლები კომისიის წევრებისთვის გადაცემული ბიულეტენებისა და სპეციალური ჩარჩო-კონვერტების რაოდენობა, გადასატანი საარჩევნო ყუთის სიაში ამომრჩეველთა რაოდენობა, ასევე გადასატანი საარჩევნო ყუთის საარჩევნო უბნიდან წაღების დრო.

გადასატანი საარჩევნო ყუთის საარჩევნო უბანში დაბრუნებისთანავე მიუთითეთ კომისიის მდივანს შეამოწმოს გადასატანი ყუთის სიაში არსებული ხელმოწერების, გამოუყენებელი ან/და გაფუჭებული საარჩევნო ბიულეტენების რაოდენობის სისწორე. მიუთითეთ კომისიის მდივანს ამომრჩეველთა ხელმოწერების რაოდენობა გადასატანი საარჩევნო ყუთის სიაში, გამოუყენებელი საარჩევნო ბიულეტენების რაოდენობა, ასევე საარჩევნო უბანში ყუთის დაბრუნების დრო შეიტანოს ჩანაწერთა წიგნში. უზუსტობის აღმოჩენის შემთხვევაში გადასატანი საარჩევნო ყუთის თანმხლებმა კომისიის წევრებმა უნდა დაწერონ ახსნა-განმარტება მიზეზის მითითებით. ახსნა-განმარტება უნდა დაურთოთ კენჭისყრის შედეგების შემაჯამებელ ოქმს, ხოლო მასში ასახული მონაცემები გაითვალისწინოთ შემაჯამებელი ოქმის შევსებისას.

გამოუყენებელ ბიულეტენებს ჩამოაჭერით კუთხე, დააწერეთ გაფუჭებულია და ხელი მოაწერეთ. გადასატანი საარჩევნო ყუთი საარჩევნო უბანზე უნდა დაბრუნდეს არაუგვიანეს 20 საათისა.

____________________________________________________________________________________________________

10:00, 12:00, 15:00 და 17:00 საათზე

სთხოვეთ ამომრჩეველთა რეგისტრატორებს, კენჭისყრის პროცესისთვის ხელის შეუშლელად, გადაითვალონ მათ ხელთ არსებული გამოუყენებელი საარჩევნო ბიულეტენების რაოდენობა (თქვენთვის გადმოცემული გაფუჭებული საარჩევნო ბიულეტენების რაოდენობის ჩათვლით) და ამომრჩეველთა სიებში ამომრჩეველთა ხელმოწერების რაოდენობა. გადაამოწმეთ მონაცემთა სისწორე შემდეგი ფორმულით:

თუ მონაცემებს შორის სხვაობა გამოვლინდა, ამომრჩეველთა რეგისტ­რატორმა დაუყოვნებლივ უნდა დაწეროს ახსნა-განმარტება, რომელიც უნდა დაურთოთ კენჭისყრის შედეგების შემაჯამებელ ოქმს, ხოლო მასში ასახული მონაცემები გაითვალისწინოთ შემაჯამებელი ოქმის შევსებისას.

დააჯამეთ თითოეული რეგისტრატორისგან 10:00, 12:00, 15:00, 17:00 საათზე მიღებული ხელმოწერების რაოდენობა მათ მიერ დაწერილი ახსნა-განმარტებების (ასეთის არსებობის შემთხვევაში) გათვალისწინებით და მონაცემი დაუყოვნებლივ გააგზავნეთ მოკლე ტექსტური შეტყობინებით (sms-ით) საოლქო საარჩევნო კომისიის მიერ მოწოდებულ ნომერზე.

12:00 და 17:00 საათზე ამომრჩეველთა სიებში დათვლილი კენჭისყრაში მონაწილე ამომრჩეველთა ხელმოწერების რაოდენობა კომისიის მდივანს მიათითებინეთ კენჭისყრის დღის ჩანაწერთა წიგნში და კენჭისყრის შედე­გების სადემონსტრაციო ოქმში (საარჩევნო კოდექსი ‒ მუხლი 65.6).

____________________________________________________________________________________________________

20:00 საათიდან საარჩევნო ყუთის გახსნამდე

• 20:00 საათზე კენჭისყრა დასრულებულად გამოაცხადეთ. დაავალეთ კომისიის ერთ-ერთ წევრს, დაითვალოს რიგში მდგომი ამომრჩევლების რაოდენობა (ასეთის არსებობის შემთხვევაში). კენჭისყრის დასრულების შემდეგ დახურეთ საარჩევნო უბნის კარი (საარჩევნო კოდექსი - მუხლი 65.8).

_____________________________________________________________________________________

• დაავალეთ კომისიის მდივანს კენჭისყრის დღის ჩანაწერთა წიგნის შესაბამის გვერდზე მიუთითოს ხმების დათვლის დროს კენჭისყრის შენობაში მყოფი პირების ვინაობა.

________________________________________________________________________________________________

• მნიშვნელოვანია, რომ კენჭისყრის დასრულების შემდეგ, წილისყრის ჩატარებამდე, დაავალოთ ამომრჩეველთა თითოეულ რეგისტრატორს, გადათვალონ მათ ხელთ არსებული გამოუყენებელი საარჩევნო ბიულეტენების რაოდენობა (გადასატანი საარჩევნო ყუთის სიის მიხედვით გაცემული ბიულეტენების გათვალისწინებით), გაფუჭებული საარჩევნო ბიულეტენების რაოდენობა და მათ ხელთ არსებულ ამომრჩეველთა სიებში ამომრჩეველთა ხელმოწერების რაოდენობა (მათ მიერ დაწერილ ახსნა-განმარტებებში აღნიშნული მონაცემების გათვალისწინებით). გადაამოწმეთ მონაცემთა სისწორე შემდეგი ფორმულით:

თუ მონაცემებს შორის სხვაობა გამოვლინდა, დაავალეთ ამომრჩეველთა რეგისტრატორს, ხელახლა გადაითვალოს და დააზუსტოს რაოდენობები. თუ მონაცემებს შორის სხვაობა კვლავ გამოვლინდა, სთხოვეთ ამომრჩეველთა რეგისტრატორს, დაწეროს ახსნა-განმარტება, რომელიც უნდა დაურთოთ კენჭისყრის შედეგების შემაჯამებელ ოქმს, ხოლო მასში ასახული მონაცემები გაითვალისწინოთ შემაჯამებელი ოქმის შევსებისას.

________________________________________________________________________________________________

• ზემოთ აღნიშნული მონაცემების დადგენის შემდეგ დაავალეთ რეგისტრატორებს დაითვალონ კენჭისყრაში მონაწილე ამომრჩეველთა გენდერული მონაცემები (ქალების რაოდენობა) ყველა სახის სიაში. მონაცემები მიაწოდეთ საოლქო საარჩევნო კომისიას.

____________________________________________________________________________________________________

• კომისიის წევრებს შორის ჩაატარეთ წილისყრა ოთხი მთვლელის გამოსავლენად (საარჩევნო კოდექსი - მუხლი 67.1).

__________________________________________________________________________________________________

• დამკვირვებელთა შორის ჩაატარეთ წილისყრა 2 მეთვალ­ყურის გამოსავლენად, თუ დამკვირ­ვებლები თავიანთი შემადგე­ნლობიდან ურთიერთშეთანხმებით ვერ შეარჩევენ საარჩევნო ბიულეტენების დათვლის პროცესის მეთვალყურე პირებს (საარჩევნო კოდექსი - მუხლი 67.1).

__________________________________________________________________________________________________

• ჩაატარეთ წილისყრა საარჩევნო უბანზე მყოფი საარჩევნო სუბიექტების წარმომადგენლებისაგან არაუმეტეს 2 წარმომადგენლის გამოსავლენად, რომლებიც კომისიის წევრთაგან წილისყრით გამოვლენილ მთვლელებთან ერთად მონაწილეობენ ნამდვილი ან/და ბათილი საარჩევნო ბიულეტენების დათვლის პროცესში. გახსოვდეთ, წილისყრაში არ მონაწილეობენ იმ საარჩევნო სუბიექტების წარმომადგენლები, რომელთა მიერ დანიშნული კომისიის წევრებიც არიან წილისყრით გამოვლენილი მთვლელები (საარჩევნო კოდექსი - მუხლი 67.2).

____________________________________________________________________________________________________

• მიუთითეთ მთვლელებს, დაითვალონ ამომრჩეველთა ხელმოწერების რაოდენობა ამომრჩეველთა ერთიან სიაში, ამომრჩეველთა სპეციალურ და გადასატანი საარჩევნო ყუთის სიებში (ასეთის არსებობის შემთხვევაში)(საარჩევნო კოდექსი - მუხლი 67.3).

____________________________________________________________________________________________________

• მიუთითეთ კომისიის მდივანს, ცალ-ცალკე პაკეტებში ჩაალაგოს ამომრჩეველთა ერთიანი, სპეცია­ლური და გადასატანი საარჩევნო ყუთის სიების (ასეთის არსებობის შემთხვევაში) სამაგიდო ვერსიები, გამოუყენებელი და გაფუჭებული ბიულეტენები. კომისიის მდივანმა პაკეტში მოთავსებამდე გამოუყენებელ საარჩევნო ბიულეტენებს უნდა ჩამოაჭრას კუთხე (საარჩევნო კოდექსი - მუხლი 67.3.4).

____________________________________________________________________________________________________

• მიუთითეთ მთვლელებს ცალ-ცალკე დალუქონ ამომრჩეველთა ერთიანი, სპეცია­ლური და გადასატანი საარჩევნო ყუთის სიების სამაგიდო ვერსიები, ასევე გამოუყენებელი და გაფუჭებული საარჩევნო ბიულეტენების პაკეტები და ამომრჩეველ­თა რეგისტრატორების ბეჭდები (საარჩევნო კოდექსი - მუხლი 67.4.5).

____________________________________________________________________________________________________

• დალუქვის ზოლზე ხელი მოაწერეთ მთვლელებთან ერთად. პაკეტზე მიუთითეთ საოლქო და საუბნო საარჩევნო კომისიების დასახელება და ნომერი, საარჩევნო დოკუმენტაციის სახე (საარჩევნო კოდექსი - მუხლი 67.5).

საარჩევნო ყუთის გახსნა, კენჭისყრის შედეგების შემაჯამებელი ოქმის შევსება

• მოაწყვეთ უბანი ხმების დასათვლელად.

____________________________________________________________________________________________________

• შეამოწმეთ გადასატანი საარჩევნო ყუთის (ასეთის არსებობის შემთხვევაში) ლუქების მთლიანობა (საარჩევნო კოდექსი - მუხლი 68.1).

____________________________________________________________________________________________________

• თუ გადასატანი საარჩევნო ყუთის ლუქის მთლიანობა დარღვეული არ არის, თავმჯდომარის მოადგილესთან ერთად გადასატან საარჩევნო ყუთში არსებულ სპეციალურ ჩარჩო-კონვერტები მოათავსეთ მაგიდაზე, რის შემდეგაც სათითაოდ მოხსენით სამაგრი და ხმის დათვლის აპარატის საშუალებით მოათავსეთ ბიულეტენი ძირითად საარჩევნო ყუთში.

• ხმის მიცემის აპარატის გამოყენების გარეშე კენჭისყრის ჩატარების შემთხვევაში გადასატან საარჩევნო ყუთში არსებული საარჩევნო ბიულეტენები მოათავსეთ ძირითად საარჩევნო ყუთში სპეციალური ჭრილის საშუალებით იმგვარად, რომ შეუძლებელი გახდეს ამომჩევლის მიერ გაკეთებული არჩევანის დანახვა და დალუქეთ ძირითადი საარჩევნო ყუთის სპეციალური ჭრილი.

____________________________________________________________________________________________________

• გადასატანი საარჩევნო ყუთის ბიულეტენების ძირითად ყუთში მოთავსების პროცედურის დასრულების შემდეგ, ამობეჭდეთ ხმის მიცემის და დათვლის სპეციალური აპარატის მიერ დათვლილი წინასწარი შედეგების საინფორმაციო ფურცელი, რომლის მონაცემების შესახებ ინფორმაცია მიაწოდეთ საოლქო საარჩევნო კომისიას, ხოლო ამონაბეჭდი შესანახად გადაეცით კომისიის მდივანს.

____________________________________________________________________________________________________

• შეამოწმეთ ძირითადი ყუთის ლუქები და გახსენით ძირითადი საარჩევნო ყუთი (საარჩევნო კოდექსი - მუხლი 68.5).

____________________________________________________________________________________________________

• თუ ყველაფერი წესრიგში აღმოჩნდა, მთვლელებმა ძირითადი ყუთში არსებული საარჩევნო ბიულეტენები უნდა მოათავსონ მაგიდაზე (საარჩევნო კოდექსი - მუხლი 68.5 67.7).

____________________________________________________________________________________________________

• მიუთითეთ მთვლელებს, სუბიექტების შესაბამისად დაახარისხონ საარჩევნო ბიულეტენები (საარჩევნო კოდექსი - მუხლი 69.5).

____________________________________________________________________________________________________

• მას შემდეგ, რაც ყველა ბიულეტენი დახარისხდება მიუთითეთ მთვლელებს, დაითვალონ ის საარჩევნო ბიულეტენები, რომელშიც გაფერადებულია მხოლოდ ერთი საარჩევნო სუბიექტის რიგითი ნომრის გასწვრივ არსებული შესაბამისი ოვალი, ასევე ისეთი ბათილი საარჩევნო ბიულეტენები, რომელიც დამოწმებული არ არის რეგისტრატორის ბეჭდით, მაგრამ გაფერადებულია მხოლოდ ერთი საარჩევნო სუბიექტის რიგითი ნომრის გასწვრივ შესაბამისი ოვალი;

• რაოდენობები გადაეცით საოლქო საარჩევნო კომისიას.

____________________________________________________________________________________________________

• კომისიასთან ერთად სათითაოდ უყა­რეთ კენჭი საეჭვოდ მიჩნეულ საარჩევნო ბიულეტენებს (ასეთის არსებობის შემთხვევაში) (საარჩევნო კოდექსი - მუხლი 69.5).

____________________________________________________________________________________________________

• მიუთითეთ მთვლელებს დაითვალონ თითოეული საარ­­ჩევნო სუბიექტის მიერ მიღებული ხმები/საარჩევნო ბიულეტენები და ბათილი საარჩევნო ბიულეტენები (საარჩევნო კოდექსი - მუხლი 69.6−9).

____________________________________________________________________________________________________

• გამოაცხადეთ თითოეული საარჩევნო სუბიექტის მიერ მიღებული ხმებისა და ბათილი ბიულეტენების რაოდენობა და კომისიის მდივანთან ერთად შეამოწმეთ მონაცემების სისწორე. კომისიის მდივანმა მიღებული შედეგები უნდა შეიტანოს კენჭისყრის დღის ჩანაწერთა წიგნში და კენჭისყრის შედეგების სადემონსტრაციო ოქმში (საარჩევნო კოდექსი - მუხლი 69.8).

____________________________________________________________________________________________________

• მიუთითეთ მთვლელებს შეკრან და დალუქონ: თითოეული საარჩევნო სუბიექტის საარჩევნო ბიულეტენები, ბათილი საარჩევნო ბიულეტენები (ცალკე ილუქება სხვა საარჩევნო უბნისთვის განკუთვნილი ბათილი საარჩევნო ბიულეტენები). პაკეტებს ხელს აწერენ მთვლელები და კომისიის თავმჯდომარე (საარჩევნო კოდექსი - მუხლი 69.6−9).

____________________________________________________________________________________________________

• კომისიის მდივანი თქვენთან შეთანხმებით ავსებს კენჭისყრის შედეგების შემაჯა­მე­ბელ ოქმს. კენჭისყრის შედეგების შემაჯამებელი ოქმის შედგენისას გაითვალისწინეთ ამომრჩეველთა რეგისტრატორების ახსნა-განმარტებებში (ასეთის არსებობის შემთხვევაში) მითითებული მონაცემები. კომისიის ყველა წევრი ვალდებულია ხელი მოა­წე­როს კენჭისყრის შედეგების შემაჯამებელ ოქმს, რითაც დასტურდება მათი ყოფნა საარჩევნო უბანზე. კენჭისყრის შედეგების შემაჯამებელი შევსებული ოქმი დაამოწმეთ კომისიის სპეციალური ბეჭდით. მიუთითეთ კომისიის მდივანს კენჭისყრის შედეგების შემაჯამებელი ოქმი რეგის­ტრაციაში გაატაროს სარეგისტრაციო ჟურ­ნალში გასული დოკუმენტაციის ნაწილში (საარჩევნო კოდექსი - მუხლი 71).

____________________________________________________________________________________________________

• კენჭისყრის შედეგების შემაჯამებელი ოქმის ფოტოასლების გაცემისას (მოთხოვნის შემთხვევაში) კომისიის მდივანთან ერთად ხელი მოაწერეთ და დაამოწმეთ ისინი კომისიის სპეციალური ბეჭდით. ასლის მიმღები პირი ჩანაწერთა წიგნში ხელმოწერით ადასტურებს მის მიღებას (საარჩევნო კოდექსი - მუხლი 71.8).

____________________________________________________________________________________________________

• ყველა პროცედურის დასრულების შემდეგ იხურება კომისიის სარეგისტრაციო ჟურნალი და ჩანაწერთა წიგნი, კომისიის მდივანთან ერთად, ბოლო ჩანაწერის შემდგომ, ხელი მოაწერეთ და დაამოწმეთ კომისიის სპეციალური ბეჭდით.

____________________________________________________________________________________________________

• ცალ-ცალკე პაკეტებად დალუქეთ კომისიის სპეციალური ბეჭედი (კომისიის სპეციალური ბეჭდის დალუქულ პაკეტს კომისიის ყველა წევრი აწერს ხელს) (საარჩევნო კოდექსი - მუხლი 71.13);

• კენჭისყრის დღის ჩანაწერთა წიგნი დალუქეთ განცხადებებთან/საჩივრებთან და ხმის მიცემის და დათვლის აპარატიდან ამონაბეჭდებთან ერთად (დასტური, რომ ყუთების დალუქვამდე ამომრჩევლებს ხმა არ მიუციათ და წინასწარი შედეგების საინფორმაციო ფურცელი).

გახსოვდეთ სარეგისტრაციო ჟურნალი და კენჭისყრის შედეგების შემაჯამებელი ოქმი არ ილუქება.

____________________________________________________________________________________________________

• დალუქული საარჩევნო დოკუმენტაცია დიდ ყუთში ან ტომარაში მოათავსეთ და მიიტანეთ საოლქო საარჩევნო კომისიაში. ყუთისგან/ტომრისგან განცალკევებით წაიღეთ კენჭისყრის შედეგების შემაჯამებელი ოქმი და სარეგისტრა­ციო ჟურნალი, ასევე კენჭისყრის დღის ჩანაწერთა წიგნისა და განცხადება-საჩივრების დალუქული პაკეტები (საარჩევნო კოდექსი მუხლი 71.11).

დანართი №4

საუბნო საარჩევნო კომისიის მდივნის უფლებამოსილებანი კენჭისყრის დღეს

(13 მაისი)

07:00-08:00 საათი

• საარჩევნო უბნის გახსნისას კომისიის თავმჯდომარისგან მიიღეთ კენჭისყრის დღის ჩანაწერთა წიგნი, კენჭისყრის შედეგების შემაჯამებელი ოქმი და სადემონსტრაციო ოქმი.

• ________________________________________________________________________________________________

კენჭისყრის შედეგების სადემონსტრაციო ოქმი საარჩევნო უბანში თვალსაჩინო ადგილას გამოაკარით.

___________________________________________________________________________________________________

• კენჭისყრის დღის ჩანაწერთა წიგნის პირველ და მეორე გვერდებზე, ხოლო საჭიროების შემთხვევაში − მე-10 და მომდევნო გვერდებზეც შეიტანეთ საარჩევნო უბნის გახსნისას კენჭისყრის შენობაში მყოფი უფლებამოსილი პირების (კომისიის წევრების, დამკვირვებლების, წარმომად­გენლების) სახელები და გვარები და სთხოვეთ მათ, კენჭისყრის შენობაში ყოფნა კენჭისყრის დღის ჩანაწერთა წიგნში ხელმოწერით დაადასტურონ (საარჩევნო კოდექსი - მუხლი 61.2.ა).

___________________________________________________________________________________________________

• კომისიის თავმჯდომარის მიერ კომისიის სპეციალური ბეჭდის დალუქული პაკეტის გახსნის შემდეგ, აღნიშნული ბეჭდის ნომერი მიუთითეთ კენჭისყრის დღის ჩანაწერთა წიგნის მე-9 გვერდზე.

___________________________________________________________________________________________________

• კომისიის წევრთა შორის ფუნქციების გასანაწილებლად ჩატარებული წილისყრის შედეგები შეიტანეთ კენჭისყრის დღის ჩანაწერთა წიგნის მე-3 გვერდზე (საარჩევნო კოდექსი - მუხლი 61.2.ვ).

___________________________________________________________________________________________________

• საჩივრების რეგისტრაციის პროცესზე დაკვირვების მიზნით, წილისყრით გამოვლენილი საარჩევნო სუბიექტების წარმომადგენლების მონაცემები შეიტანეთ კენჭისყრის დღის ჩანაწერთა წიგნის მე-3 გვერდზე (საარჩევნო კოდექსი - მუხლი 61.5).

___________________________________________________________________________________________________

• კენჭისყრის დღის ჩანაწერთა წიგნის მე-7 გვერდზე და კენჭისყრის შედეგების სადემონსტრაციო ოქმში შეიტანეთ ამომრჩეველთა ერთიან და გადასატანი საარჩევნო ყუთის სიებში (ასეთის არსებობის შემთხვევაში) არსებული ამომრჩეველთა რაოდენობა (სადემონსტრაციო ოქმში და კენჭისყრის დღის ჩანაწერთა წიგნში სპეციალურ სიაში ამომრჩეველთა რაოდენობა შეიტანება კენჭისყრის დასრულების შემდგომ) (საარჩევნო კოდექსი - მუხლი 61.9).

___________________________________________________________________________________________________

• კენჭისყრის დღის ჩანაწერთა წიგნის მე-7 გვერდზე და კენჭისყრის შედეგების სადემონსტრაციო ოქმში შეიტანეთ მიღებული საარჩევნო ბიულეტენების რაოდენობა (საარჩევნო კოდექსი - მუხლი 61.9).

___________________________________________________________________________________________________

• კენჭისყრის დღის ჩანაწერთა წიგნის მე-3 და მე-9 გვერდზე მიუთითეთ თითოეული ამომრჩეველთა რეგისტრატორებისთვის გადაცემული ბეჭდების ნომრები.

___________________________________________________________________________________________________

08:00 საათიდან

• პირველ ამომრჩეველს რეგისტრაციის გავლისა და საარჩევნო ბიულეტენის მიღების შემდგომ კენჭისყრის დღის ჩანაწერთა წიგნის მე-4 გვერდზე ხელმოწერით დაადასტურებინეთ, რომ ძირითადი და გადასატანი საარჩევნო ყუთები დალუქვამდე იყო ცარიელი, ასევე ყუთების ლუქების ნომრები, ყუთების დალუქვის დრო და პირველი ამომრჩევლის შესახებ მონაცემები ზუსტია.

• შეინახეთ თავმჯდომარის მიერ გადმოცემული ხმის მიცემის და დათვლის აპარატიდან ამობეჭდილი დასტური, რომ ამ დროისთვის ამომრჩევლებს ხმა არ მიუციათ.

09:00 საათიდან

• კენჭისყრის დღის ჩანაწერთა წიგნის მე-4 გვერდზე აღნიშნეთ, რამდენი საარჩევნო ბიულეტენი და სპეციალური ჩარჩო-კონვერტი გადაეცა გადასატანი საარჩევნო ყუთის წამღებ კომისიის წევრებს, ასევე გადასატანი საარჩევნო ყუთის სიაში ამომრჩეველთა საოდენობა და გადასატანი საარჩევნო ყუთის საარჩევნო უბნიდან წაღების დრო (საარჩევნო კოდექსი - მუხლი 62.6).

12:00 საათი

• ამომრჩეველთა სიებში კენჭისყრაში მონაწილე ამომრჩეველთა ხელმოწერების რაოდენობების ჯამი მიუთითეთ ჩანაწერთა წიგნის მე-7 გვერდზე და კენჭისყრის შედეგების სადემონსტრაციო ოქმში.

17:00 საათი

• ამომრჩეველთა სიებში კენჭისყრაში მონაწილე ამომრჩეველთა ხელმოწერების რაოდენობების ჯამი მიუთითეთ ჩანაწერთა წიგნის მე-7 გვერდზე და კენჭისყრის შედეგების სადემონსტრაციო ოქმში.

20:00 საათამდე

• გადასატანი საარჩევნო ყუთის საარჩევნო უბანში დაბრუნებისთანავე შეამოწმეთ გადასატანი ყუთის სიაში არსებული ხელმოწერების და გამოუყენებელი ან/და გაფუჭებული საარჩევნო ბიულეტენების რაოდენობის სისწორე. ჩანაწერთა წიგნის მე-4 გვერდზე შეიტანეთ ამომრჩეველთა ხელმოწერების რაოდენობა გადასატანი საარჩევნო ყუთის სიაში, გამოუყენებელი საარჩევნო ბიულეტენების რაოდენობა, ასევე საარჩევნო უბანში ყუთის დაბრუნების დრო.

• უზუსტობის აღმოჩენის შემთხვევაში გადასატანი საარჩევნო ყუთის თანმხლებმა კომისიის წევრებმა უნდა დაწერონ ახსნა-განმარტება მიზეზის მითითებით. ახსნა-განმარტებაში ასახული მონაცემები გაითვალისწინეთ კენჭისყრის შედეგების შემაჯამებელი ოქმის შევსებისას და ახსნა-განმარტება დაურთეთ კენჭისყრის შედეგების შემაჯამებელ ოქმს.

კომისიის თავმჯდომარე გამოუყენებელ ბიულეტენებს ჩამოაჭრის კუთხეს, აწერს გაფუჭებულია და ადასტურებს ხელმოწერით.

20:00 საათიდან ყუთის გახსნამდე

• კენჭისყრის დღის ჩანაწერთა წიგნის მე-4 გვერდზე მიუთითეთ 20:00 საათისთვის რიგში მდგომ ამომრჩეველთა რაო­დენობა (ასეთის არსებობის შემთხვევაში).

___________________________________________________________________________________________________

• კენჭისყრის დღის ჩანაწერთა წიგნში მიუთითეთ ხმების დათვლის დროს კენჭისყრის შენობაში მყოფი პირების ვინაობა.

___________________________________________________________________________________________________

• კენჭისყრის დღის ჩანაწერთა წიგნის მე-3 გვერდზე აღნიშნეთ კომისიის წევრებს შორის მთვლელების ფუნქციების წილისყრით გადანაწილების შედეგები.

___________________________________________________________________________________________________

• კენჭისყრის დღის ჩანაწერთა წიგნის მე-3 გვერდზე შეიტანეთ საარჩევნო ბიულეტენების დათვლის პროცესის მეთვალყურეობისათვის დამკვირვებელთაგან გამოვლენილი მეთვალყურეების მონაცემები.

___________________________________________________________________________________________________

• კენჭისყრის დღის ჩანაწერთა წიგნის მე-3 გვერდზე შეიტანეთ წილისყრით გამოვლენილი საარჩევნო სუბიექტების წარმომადგენლების მონაცემები, რომლებიც მთვლელებთან ერთად მონაწილეობენ ნამდვილი ან/და ბათილი საარჩევნო ბიულეტენების დათვლის პროცესში.

___________________________________________________________________________________________________

• ამომრჩეველთა ერთიანი სიის, ამომრჩეველთა სპეციალური სიის (ასეთის არსებობის შემთხვევაში) და გადასატანი საარჩევნო ყუთის სიის (ასეთის არსებობის შემთხვევაში) მიხედვით მთვლელების მიერ გამოვლენილი კენჭისყრაში მონაწილე ამომრჩეველთა საერთო რაოდენობა მიუთითეთ კენჭისყრის დღის ჩანაწერთა წიგნში და კენჭისყრის შედეგების სადემონსტრაციო ოქმში, ასევე მიუთეთ ამომრჩეველთა რაოდენობა ამომრჩეველთა სპეციალურ სიაში (საარჩევნო კოდექსი - მუხლი 67.3).

___________________________________________________________________________________________________

• ცალ-ცალკე პაკეტებად შეკარით ამომრჩეველთა ერთიანი სიის, ამომრჩეველთა სპეციალური სიის, აგრეთვე გადასატანი საარჩევნო ყუთის (ასეთის არსებობის შემთხვევაში) სიების სამაგიდო ვერსიები. გამოუყენებელ და გაფუჭებულ საარჩევნო ბიულეტენებს პაკეტში ჩადებამდე ჩამოაჭერით კუთხე. პაკეტებს დალუქვის ზოლზე ხელს აწერენ კომისიის თავმჯდომარე და მთვლელები (საარჩევნო კოდექსი - მუხლი 67.3; მუხლი 67.4 67.5).

__________________________________________________________________________________________________

• არსებობის შემთხვევაში აღრიცხეთ იმ შემთხვევების რაოდენობა, რომლებიც ეხება ამომრჩევლის სახისა და წარდგენილ დოკუმენტში/დოკუმენტებში/ამომრჩეველთა სიაში არსებული ფოტოსურათების ერთმანეთთან შეუსაბამობას და კენჭისყრის დღის ჩანაწერთა წიგნისთვის დართული დოკუმენტების რაოდენობა. მონაცემები შეიტანეთ კენჭისყრის დღის ჩანაწერთა წიგნის 29-ე და მომდევნო გვერდებზე, რის შემდეგაც დალუქეთ აღნიშნული დოკუმენტები. დალუქულ პაკეტზე მიუთითეთ საარჩევნო უბნის დასახელება და ნომერი, დოკუმენტების სახე. დალუქვის ზოლზე ხელი მოაწერეთ (საარჩევნო კოდექსი - მუხლი 67.5¹).

საარჩევნო ყუთის გახსნა, კენჭისყრის შედეგების შემაჯამებელი ოქმის შედგენა

• გადასატანი საარჩევნო ყუთის ბიულეტენების ძირითად ყუთში მოთავსების პროცედურის დასრულების შემდეგ, შეინახეთ ხმის მიცემის და დათვლის სპეციალური აპარატიდან ამობეჭდილი წინასწარი შედეგების საინფორმაციო ფურცელი.

___________________________________________________________________________________________________

• საარჩევნო ყუთის გახსნის შემდეგ მთვლელების მიერ დათვლილი ბათილი საარჩევნო ბიულეტენებისა და საარჩევნო სუბიექტების მიერ მიღებული ხმების რაოდენობები მიუთითეთ კენჭისყრის დღის ჩანაწერთა წიგნში და კენჭისყრის შედეგების სადემონსტრაციო ოქმში (სხვა საარჩევნო უბნისათვის განკუთვნილი ბათილი საარჩევნო ბიულეტენების რაოდენობა აღინიშნება მხოლოდ კენჭისყრის დღის ჩანაწერთა წიგნში) (საარჩევნო კოდექსი - მუხლი 69.6,8).

___________________________________________________________________________________________________

• კომისიის თავმჯდომარესთან შეამოწმეთ მონაცემების სისწორე. მიღებული შედეგები შეიტანეთ კენჭისყრის დღის ჩანაწერთა წიგნში და კენჭისყრის შედეგების სადემონსტრაციო ოქმში (საარჩევნო კოდექსი - მუხლი 69.8).

___________________________________________________________________________________________________

• მთვლელების მიერ ხმების დათვლის პროცედურის დამთავრების შემდეგ კომისიის თავმჯდომარესთან შეთანხმებით შეავსეთ კენჭისყრის შედეგების შემაჯამებელი ოქმი (საარჩევნო კოდექსი - მუხლი 71.1). კენჭისყრის შედეგების შემაჯამებელი ოქმის შედგენისას გათვალისწინებული უნდა იქნეს ამომრჩეველთა რეგისტრატორების ახსნა-განმარტებებში (ასეთის არსებობის შემთხვევაში) მითითებული მონაცემები. გახსოვდეთ: კენჭისყრის შედეგების შემაჯამებელ ოქმში შეტანილი მონაცემების გადასწორება აკრძალულია! (საარჩევნო კოდექსი - მუხლი 70.3).

___________________________________________________________________________________________________

• ხელი მოაწერეთ კენჭისყრის შედეგების შემაჯამებელ ოქმს და თვალყური ადევნეთ, რომ მათ კომისიის ყველა წევრმა მოაწეროს ხელი. კენჭისყრის შედეგების შემაჯამებელი ოქმი დაამოწმეთ კომისიის სპეციალური ბეჭდით და რეგისტრაციაში გაატარეთ სარეგისტრაციო ჟურნალის გასული დოკუმენტაციის ნაწილში (საარჩევნო კოდექსი - მუხლი 71.4).

_______________________________________________________________________________________________

• კენჭისყრის შედეგების შემაჯამებელი ოქმის ფოტოასლების გაცემისას (მოთხოვნის შემთხვევაში) აღნიშნული ფოტოასლები დაამოწმეთ კომისიის სპეციალური ბეჭდით და კომისიის თავმჯდომარესთან ერთად ხელი მოაწერეთ მას. გაცემული ასლები გაატარეთ კენჭისყრის დღის ჩანაწერთა წიგნში. მიმღებ პირებს ხელმოწერით დაადასტურებინეთ შემაჯამებელი ოქმის ასლის მიღება (საარჩევნო კოდექსი - მუხლი 71.8).

___________________________________________________________________________________________________

• კენჭისყრის შედეგების შეჯამების შემდეგ დახურეთ კენჭისყრის დღის ჩანაწერთა წიგნი და სარეგისტრაციო ჟურნალი შესაბამისი ჩანაწერით „ჟურნალი დახურულია“. ჩანაწერი დაადასტურეთ თქვენი და კომისიის თავმჯდომარის ხელმოწერებით, რის შემდეგაც ისინი კომისიის სპეციალური ბეჭდით დაამოწმეთ (საარჩევნო კოდექსი - მუხლი 62.11, 71.12).

გაითვალისწინეთ!

• სარეგისტრაციო ჟურნალში და კენჭისყრის დღის ჩანაწერთა წიგნის მე-10 და მომდევნო გვერდებზე და სარეგისტრაციო ჟურნალში რეგისტრაციაში გაატარეთ კენჭისყრის დღეს შემოსული ყველა განცხადება/საჩივარი (საარჩევნო კოდექსი - მუხლი 62.9);

• კომისიის წევრთა წილისყრით დადგენილი ფუნქციების სხვა წევრისთვის დროებით გადაცემის შემთხვევაში ინფორმაცია შეიტანეთ კენჭისყრის დღის ჩანაწერთა წიგნის მე-5 გვერდზე (საარჩევნო კოდექსი - მუხლი 61.2.ზ);

• თუ მარკირების შემოწმებისას აღმოჩნდა, რომ ამომრჩეველს უკვე აქვს მარკირება, მისი ვინაობა მიუთითეთ კენჭისყრის დღის ჩანაწერთა წიგნის მე-4 გვერდზე;

• ხმის მიცემის და დათვლის სპეციალური აპარატის გამოყენების გარეშე კენჭისყრის გაგრძელების თაობაზე შესაბამისი ჩანაწერი შეიტანეთ კენჭისყრის დღის ჩანაწერთა წიგნის 32-ე გვერდზე.

დანართი №5

ამომრჩეველთა ნაკადის მომწესრიგებელი კომისიის წევრის ფუნქციები

(საარჩევნო კოდექსი - მუხლი 64, 65)

• არეგულირეთ საარჩევნო უბანში შემოსულ ამომრჩეველთა ნაკადი.

• სთხოვეთ ამომრჩეველს, წარმოადგინოს საქართველოს მოქალაქის პირადობის მოწმობა ან საქართველოს მოქალაქის პასპორტი.

• ულტრაიისფერი ფარნით შეამოწმეთ, აქვს თუ არა ამომრჩეველს მარკირება, და მას შემდეგ, რაც დარწმუნდებით, რომ ამომრჩეველს მარკირება არ აქვს, მიეცით მას კენჭისყრაში მონაწილეობის უფლება.

• თვალყური ადევნეთ, რამდენი ამომრჩეველი დგას ამომრჩევლისთვის განკუთვნილ სარეგისტრაციო მაგიდასთან. თუ სარეგისტრაციო მაგიდასთან ორზე მეტი ამომრჩეველი დგას, დროებით შეაყოვნეთ კენჭისყრის შენობაში მორიგი ამომრჩევლის შესვლა.

• მიუთითეთ ამომრჩეველს, მივიდეს იმ სარეგისტრაციო მაგიდასთან, რომელსაც მიეკუთვნება ამომრჩეველთა სიაში შეტანილი მისი გვარის პირველი ასო.

ყურადღება!

• თუ ამომრჩეველს არ აღმოაჩნდება საქართველოს მოქალაქის პირადობის მოწმობა ან საქართველოს მოქალაქის პასპორტი, აუხსენით მას, რომ იგი ვერ მიიღებს კენჭისყრაში მონაწილეობას და სთხოვეთ, დატოვოს საარჩევნო უბანი.

• თუ ულტრაიისფერი ფარნით მარკირების შემოწმებისას გამოვლინდება, რომ ამომრჩეველს უკვე აქვს მარკირება, მას ეკრძალება კენჭისყრაში მონაწილეობა. ამომრჩევლის ვინაობა აცნობეთ კომისიის თავმჯდომარეს. სთხოვეთ ამომრჩეველს, დატოვოს საარჩევნო უბანი.

• ამომრჩეველი, რომელიც „ფიზიკური მდგომარეობის“, კერძოდ, ზედა კიდურების არქონის გამო ვერ ახერხებს ხმის მიცემის პროცედურების დამოუკიდებლად შესრულებას, არ გადის მარკირების შემოწმებისა და მარკირების პროცედურებს.

დანართი №6

ამომრჩეველთა რეგისტრატორი კომისიის წევრის ფუნქციები

(საარჩევნო კოდექსი - მუხლი 65)

• სთხოვეთ ამომრჩეველს, წარმოადგინოს საქართველოს მოქალაქის პირადობის მოწმობა ან საქართველოს მოქალაქის პასპორტი.

• შეამოწმეთ, არის თუ არა ამომრჩეველი შეყვანილი ამომრჩეველთა ერთიან ან სპეციალურ სიაში და შეადარეთ ამომრჩევლის პირადი ნომერი ამომრჩეველთა სიაში არსებულ ნომერს.

• შეამოწმეთ წარდგენილ დოკუმენტში აღნიშნული ამომრჩევლის სარეგისტრაციო მონაცემებისა და ამომრჩეველთა სიაში არსებული მონაცემების შესაბამისობა.

• შეამოწმეთ წარდგენილ დოკუმენტში და ამომრჩეველთა შესაბამის სიაში არსებული ფოტოსურათების და ამომრჩევლის სახის ერთმანეთთან შესაბამისობა. თუ ამომრჩევლის სახე და წარდგენილ დოკუმენტში ან ამომრჩეველთა სიაში არსებული ფოტოსურათი ერთმანეთთან შეუსაბამოდ მიიჩნიეთ, აღნიშნული შეუსაბამობის დადასტურების თაობაზე მიმართეთ კომისიის თავმჯდომარეს და დაელოდეთ მის მითითებებს. თუ კომისიის თავმჯდომარე შეუსაბამობას არ დაადასტურებს, უფლება გაქვთ, ჩანაწერთა წიგნში მიუთითოთ თქვენი განსაკუთრებული აზრი, რასაც კომისიის მდივანთან ერთად ამოწმებთ ხელმოწერით.

• შესაბამისობის დადასტურების შემთხვევაში (ამომრჩეველთა შესაბამის სიაში საქართველოს მოქალაქის პირად ნომერთან, სქესთან და ფოტოსურათთან ერთად, სრულად ემთხვევა სიაში არსებულ მონაცემთაგან (სახელი, გვარი, დაბადების თარიღი, მისამართი) სამი მაინც) (ცესკოს 2012 წლის 21 სექტემბრის დადგენილება №41/2012) ამომრჩეველს გაუკეთეთ მარკირება მარჯვენა ხელის ცერა ან საჩვენებელი თითის ფრჩხილზე, თუ აღნიშნული მოქმედების შესრულება შეუძლებელია - მარჯვენა ხელის სხვა თითებზე, ხოლო თუ ესეც შეუძლებელია, იმავე წესით მარცხენა ხელზე.) (ცესკოს 2012 წლის 21ივნისი დადგენილება №20/2012)

• თუ ამომრჩეველი უარს აცხადებს მარკირებაზე, მას არ აქვს კენჭისყრაში მონაწილეობის უფლება და არ უნდა გადასცეთ საარჩევნო ბიულეტენი.

• ხელი მოაწერეთ ამომრჩეველთა სიის სათანადო გრაფაში ამომრჩევლის გვარის გასწვრივ.

• სთხოვეთ ამომრჩეველს, ამომრჩეველთა სიაში თავისი გვარის გასწვრივ ხელმოწერით დაადასტუროს საარჩევნო ბიულეტენის მიღება. თუ კენჭისყრის პროცესში გამოვლინდა, რომ ამომრჩეველმა საარჩევნო სიაში ხელი მოაწერა სხვა ამომრჩევლის გვარის გასწვრივ არსებულ გრაფაში, ასეთ შემთხვევაში ამომრჩეველს, რომლის გვარის გასწვრივ ფიქსირდება ხელმოწერა, უნდა მიუთითოთ ხელი მოაწეროს იმავე გრაფაში. ამასთან, აღნიშნულის თაობაზე უნდა დაწეროთ ახსნა-განმარტება (ამომრჩევლის სახელისა და გვარის აღნიშვნით).

• საარჩევნო ბიულეტენის გაცემისას, საარჩევნო ბიულეტენს წინა გვერდზე სათანადო გრაფაში დაამოწმეთ რეგისტრატორის ბეჭდით და სპეციალურ ჩარჩო-კონვერტთან ერთად გადაეცით ამომრჩეველს.

• ამომრჩეველს განუმარტეთ საარჩევნო ბიულეტენის შევსების და ჩარჩო-კონვერტის გამოყენების წესი:

  • ამომრჩეველმა კენჭისყრის კაბინაში არსებული სპეციალური მარკერით უნდა გააფერადოს საარჩევნო ბიულეტენში მისთვის სასურველი მხოლოდ ერთი საარჩევნო სუბიექტის რიგითი ნომრის გასწვრივ არსებული შესაბამისი ოვალი (ამომრჩეველს მიუთითეთ გააფერადოს საარჩევნო ბიულეტენის ზედა ნაწილში არსებული საცდელი ოვალი);

  • მიუთითეთ ამომრჩეველს შევსებული საარჩევნო ბიულეტენი მოათავსოს სპეციალურ ჩარჩო-კონვერტში, საარჩევნო ბიულეტენზე არსებულ შესაბამის ნიშნულამდე.

• თუ თქვენ ან ამომრჩეველს გაგიფუჭდებათ საარჩევნო ბიულეტენი, ეს დაუყოვნებლივ აცნობეთ კომისიის თავმჯდომარეს და ამომრჩეველს გადაეცით ახალი, რეგისტრატორის ბეჭდით დამოწმებული საარჩევნო ბიულეტენი.

• მიუთითეთ ამომრჩეველს, შევიდეს კენჭისყრის კაბინაში.

გაითვალისწინეთ!

• თუ არ აღმოგაჩნდათ სპეციალური ჩარჩო-კონვერტების საჭირო რაოდენობა, მიმართეთ სპეციალური ჩარჩო-კონვერტების ზედამხედველ კომისიის წევრს, რომელიც უზრუნველყოფს მათი რაოდენობის შევსებას.

• თუ საარჩევნო ბიულეტენი დამოწმებული არ არის რეგისტრატორის ბეჭდით, კომისიის თავმჯდომარე უზრუნველყოფს შესაბამისი რეგისტრატორის მიერ რეგისტრატორის ბეჭდით საარჩევნო ბიულეტენის დამოწმებას, ხმის მიცემის ფარულობის პრინციპის დაცვით.

• ამომრჩეველი, რომელიც ფიზიკური მდგომარეობის, კერძოდ, ზედა კიდურების არქონის გამო ვერ ახერხებს ხმის მიცემის პროცედურების დამოუკიდებლად შესრულებას, არ გადის მარკი­რების პროცედურას. ამომრჩევლისათვის საარჩევნო ბიულეტენის გაცემისას ამომრჩეველთა ერთიანი სიის გრაფაში „ამომრჩევლის ხელმოწერა“ უნდა გააკეთოთ ჩანაწერი „ფიზიკური მდგომარეობა“ და დაადასტუროთ ხელმოწერით. (ცესკოს 2012 წლის 21ივნისი დადგენილება №20/2012)

• რეკომენდებულია 10:00, 12:00, 15:00 და 17:00 საათებზე, კენ­ჭისყრის პროცესისთვის ხელის შეუშლელად კომისიის თავმჯდომარის დავალებით გადაითვალოთ მიღებული საარჩევნო ბიულეტენების, თქვენს ხელთ არსებული გამოუყენებელი საარჩევნო ბიულეტენების (კომისიის თავმჯდომარისთვის გადაცემული გაფუჭებული საარჩევნო ბიულეტენების რაოდენობის ჩათვლით და ამომრჩეველთა სიებში ამომრჩეველთა ხელმოწერების რაოდენობები. მონაცემები აცნობეთ კომისიის თავმჯდომარეს. თუ მონაცემებს შორის სხვაობა გამოვლინდა, დაუყოვნებლივ უნდა დაწეროთ ახსნა-განმარტება მიზეზის მითითებით, რომელიც დაერთვება კენჭისყრის შედეგების შემაჯამებელ ოქმს. კენჭისყრის დასრულების შემდეგ, კომისიის თავმჯდომარის დავალებით კვლავ უნდა განახორციელოთ მონაცემთა სისწორის გადამოწმება.

• ამომრჩეველთა რეგისტრატორის ფუნქციის დროებით გადაცემის შემთხვევაში ვალდებული ხართ გადაითვალოთ გამოუყენებელი საარჩევნო ბიულეტენების რაოდენობა (კომისიის თავმჯდომარისთვის გადაცემული გაფუჭებული საარჩევნო ბიულეტენების რაოდენობის ჩათვლით) და გამოაკლოთ თავმჯდომარისგან მიღებულ საარჩევნო ბიულეტენების რაოდენობას, მონაცემი ტოლი უნდა იყოს ამომრჩეველთა სიებში ამომრჩეველთა ხელმოწერების რაოდენობისა. შედეგები აცნობოთ კომისიის თავმჯდომარეს. თუ მონაცემებს შორის სხვაობა გამოვლინდა, დაუყოვნებლივ უნდა დაწეროთ ახსნა-გან­მარტება მიზეზის მითითებით, რომელიც დაერთვება კენჭისყრის შედეგების შემაჯამებელ ოქმს.

დანართი №7

საარჩევნო ყუთისა და ხმის მიცემის და დათვლის სპეციალური აპარატის ზედამხედველი

კომისიის წევრის ფუნქციები

• დარწმუნდით, რომ ამომრჩეველს ჩარჩო-კონვერტში მხოლოდ ერთი ბიულეტენი აქვს.

• განუმარტეთ ამომრჩეველს საარჩევნო ბიულეტენის ხმის მიცემის და დათვლის აპარატში მოთავსების წესი.

• მიუთითეთ ამომრჩეველს დამოუკიდებლად განახორციელოს აღნიშნული ქმედება.

ყურადღება!

• საარჩევნო ყუთთან ერთდროულად ერთზე მეტი ამომრჩევლის მისვლა არ შეიძლება.

• თუ საარჩევნო ბიულეტენი დამოწმებული არ არის რეგისტრატორის ბეჭდით, შეატყობინეთ ამის შესახებ კომისიის თავმჯდომარეს (კომისიის თავმჯდომარე უზრუნველყოფს შესაბამისი რეგისტრატორის მიერ რეგისტრატორის ბეჭდით საარჩევნო ბიულეტენის დამოწმებას, ხმის მიცემის ფარულობის პრინციპის დაცვით).

• მიუთითეთ ამომრჩეველს დაბრუნდეს ამომრჩეველთა რეგისტრატორთან ახალი ბიულეტენის მიღების მიზნით, იმ შემთხვევაში, თუ ხმის მიცემის და დათვლის სპეციალური აპარატი უკან დააბრუნებს საარჩევნო ბიულეტენს (ასეთი ბიულეტენი გაფუჭებულად ჩაითვლება), ამომრჩეველთა რეგისტრატორი ვალდებულია შეუცვალოს ამომრჩეველს გაფუჭებული ბიულეტენი ახლით.

დანართი №8

სპეციალური ჩარჩო-კონვერტების ზედამხედველი კომისიის წევრის ფუნქციები

• უნდა აკონტროლოთ ამომრჩევლების მიერ სპეციალური ჩარჩო-კონვერტების საამისოდ განკუთვნილ მაგიდაზე მოთავსება.

• ყურადღება მიაქციეთ სპეციალური ჩარჩო-კონვერტების რაოდენობას ამომრჩეველთა რეგისტრატორ კომისიის წევრებთან.

• საჭიროების შემთხვევაში შეუვსეთ ამომრჩეველთა რეგისტრატორ კომისიის წევრებს სპეციალური ჩარჩო-კონვერტების რაოდენობა 10-მდე.

• სპეციალური ჩარჩო-კონვერტების საამისოდ განკუთვნილ მაგიდაზე მოთავსების შემდეგ სთხოვეთ ამომრჩეველს, დატოვოს საარჩევნო უბანი.

დანართი №9

გადასატანი საარჩევნო ყუთის წამღები კომისიის წევრის ფუნქციები

(საარჩევნო კოდექსი - მუხლი 66)

ყურადღება!

გადასატანი საარჩევნო ყუთის მეშვეობით კენჭისყრის პროცედურა იწყება კენჭისყრის დღის 9 საათიდან და სრულდება 19 საათზე.

• კენჭისყრის დღის 9 საათიდან კომისიის თავმჯდომარემ უნდა გადმოგცეთ:

• დალუქული გადასატანი საარჩევნო ყუთი;

• გადასატანი საარჩევნო ყუთის სია;

• სპეციალური ჩარჩო-კონვერტები (გადასატანი საარჩევნო ყუთის სიაში არსებული ამომრჩევლების რაოდენობის შესაბამისად);

• სამაგრები (სპეციალურ ჩარჩო-კონვერტში ჩადებული ბიულეტენის დასამაგრებლად);

• ამომრჩეველთა რეგისტრატორის მიერ რე­­გისტრა­ტორის ბეჭდით დამოწმებული საჭირო რაოდენობის საარჩევნო ბიულეტენები;

• საარჩევნო ბიულეტენის შესავსები სპეციალური მარკერები;

• გადასატანი საარჩევნო ყუთის ჭრილის ლუქი (გადასატანი საარჩევნო ყუთი ილუქება გადასატანი საარჩევნო ყუთის მეშვეობით კენჭისყრის დასრულების შემდგომ).

• ამომრჩეველთან მისვლისას სთხოვეთ მას, წარმოადგინოს საქართველოს მოქალაქის პირადობის მოწმობა ან საქართველოს მოქალაქის პასპორტი;

• შეადარეთ ამომრჩევლის პირადი ნომერი გადასატანი საარჩევნო ყუთის სიაში არსებულ პირად ნომერს.

• შეამოწმეთ წარდგენილ დოკუმენტში აღნიშნული ამომრჩევლის სარეგისტრაციო მონაცემებისა და გადასატანი საარჩევნო ყუთის სიაში არსებული მონაცემების შესაბამისობა.

• გადასატანი საარჩევნო ყუთის სიაში ხელმოწერით დაადასტურეთ საარჩევნო ბიულეტენის გაცემა.

• სთხოვეთ ამომრჩეველს, გადასატანი საარჩევნო ყუთის სიაში თავისი გვარის გასწვრივ ხელმოწერით დაადასტუროს საარჩევნო ბიულეტენის მიღება.

• ამომრჩეველს გადაეცით საარჩევნო ბიულეტენი, სპეციალური მარკერი და განუმარტეთ საარჩევნო ბიულეტენის შევსების და ჩარჩო-კონვერტის გამოყენების წესი. კერძოდ, ამომრჩეველმა სპეციალური მარკერით უნდა გააფერადოს საარჩევნო ბიულეტენში მისთვის სასურველი მხოლოდ ერთი საარჩევნო სუბიექტის რიგითი ნომრის გასწვრივ არსებული შესაბამისი ოვალი (ამომრჩეველს მიუთითეთ, გააფერადოს საარჩევნო ბიულტენის ზედა ნაწილში არსებული საცდელი ოვალი);

• სთხოვეთ ამომრჩეველს შევსებული საარჩევნო ბიულეტენი მოათავსოს სპეციალურ ჩარჩო-კონვერტში საარჩევნო ბიულეტენზე არსებულ შესაბამის ნიშნულამდე და დაამაგროს სამაგრით ისე, რომ საარჩევნო ბიულეტენი არ გადმოვარდეს სპეციალური ჩარჩო-კონვერტიდან.

• ამის შემდეგ სთხოვეთ ამომრჩეველს, მოათავსოს სპეციალური ჩარჩო-კონვერტი გადასატან საარჩევნო ყუთში.

• კენჭისყრის დასრულების შემდეგ გადასატანი საარჩევნო ყუთის ჭრილი იმგვარად დალუქეთ, რომ შეუძლებელი იყოს ლუქის დაზიანების გარეშე მისი გახსნა.

• კენჭისყრის დღის არაუგვიანეს 20 საათისა გადასატანი საარჩევნო ყუთი დააბრუნეთ საარჩევნო უბანზე.

• კენჭისყრის შენობაში დაბრუნების შემდეგ კომისიის მდივანს გადაეცით გადასატანი საარჩევნო ყუთის სია, გამოუყენებელი საარჩევნო ბიულეტენები, სპეციალური ჩარჩო-კონვერტები და საარჩევნო ბიულეტენის შესავსები სპეციალური მარკერები. დაელოდეთ კომისიის თავმჯდომარის შემდგომ მითითებებს.

ყურადღება!

• გადასატანი საარჩევნო ყუთის მეშვეობით კენჭისყრაში მონაწილე ამომრჩეველთა მიმართ მარკირება არ გამოიყენება (საარჩევნო კოდექსი-64.5).

• თუ დაირღვა გადასატანი საარჩევნო ყუთის ლუქის მთლიანობა, ამის შესახებ დაუყოვნებლივ აცნობეთ კომისიის თავმჯდომარეს, შეადგინეთ ახსნა-განმარტება მიზეზის მითითებით და ხელი მოაწერინეთ თანმხლებ პირებს.

• თუ კენჭისყრის პროცესში გამოვლინდა, რომ ამომრჩეველმა საარჩევნო სიაში ხელი მოაწერა სხვა ამომრჩევლის გვარის გასწვრივ არსებულ გრაფაში, ასეთ შემთხვევაში ამომრჩეველმა, რომლის გვარის გასწვრივ ფიქსირდება ხელმოწერა, ხელი უნდა მოაწეროს იმავე გრაფაში. აღნიშნულის თაობაზე გადასატანი საარჩევნო ყუთის წამღებმა კომისიის წევრმა უნდა დაწეროს ახსნა-განმარტება (ამომრჩევლის სახელისა და გვარის მითითებით).

• „ფიზიკური მდგომარეობის“ გამო ამომრჩევლის მიერ გადასატანი საარჩევნო ყუთის მეშვეობით ხმის მიცემის შემთხვევაში გადასატანი საარჩევნო ყუთის სიის გრაფაში „ამომრჩევლის ხელმოწერა“ გააკეთეთ ჩანაწერი „ფიზიკური მდგომარეობა“ და ხელმოწერით დაადასტურეთ. (ცესკოს 2012 წლის 21 ივნისი დადგენილება №20/2012).

• „ფიზიკური მდგომარეობის“ მქონე ამომრჩევლის (აგრეთვე იმ ამომრჩევლის, რომელსაც დამოუკიდებლად არ შეუძლია საარჩევნო ბიულეტენის შევსება) ნაცვლად მისი თანდასწრებით საარჩევნო ბიულეტენს ავსებს, სპეციალურ ჩარჩო-კონ­ვერტში ათავსებს, ამაგრებს სამაგრს და კონვერტს გადასატან საარჩევნო ყუთში აგდებს მის მიერ არჩეული პირი (გარდა საარჩევნო კომისიის წევრისა, კანდიდატისა, საარჩევნო სუბიექტის წარმომადგენლისა, პრესისა და მასობრივი ინფორმაციის სხვა საშუალებების წარმომადგენლისა და დამკვირვებლისა) (ცესკოს 2012 წლის 21ივნისის დადგენილება №20/2012).

დანართი №10

ფოტოვიდეოგადაღება საარჩევნო უბანზე
(მომზადებულია საქართველოს ცენტრალური საარჩევნო კომისიის 2012 წლის 24 სექტემბრის №42/2012 დადგენილების მიხედვით)

კენჭისყრის ფარულობის უზრუნველყოფის მიზნით დაუშვებელია:

• კენჭისყრის კაბინის ფოტოვიდეოგადაღება, რათა არ გამჟღავნდეს ამომრჩევლის არჩევანი;

• ამომრჩეველთა სიების საარჩევნო კომისიისათვის განკუთვნილი (სამაგიდო) ვერსიის და სხვა ისეთი ინფორმაციისა თუ მასალის გადაღება, რომელიც საქართველოს საარჩევნო კანონმდებლობით არ განეკუთვნება საჯარო ინფორმაციას.

კენჭისყრის პროცესის ხელშეუშლელად მიმდინარეობის უზრუნველყოფის მიზნით:

• კენჭისყრის შენობაში ყოფნის უფლების მქონე პირებთან ინტერვიუს ჩაწერა დასაშვებია მხოლოდ კენჭისყრის შენობის გარეთ;

• საარჩევნო კომისიის წევრებმა ინტერვიუ უნდა მისცენ კენჭისყრის პროცესში მათ მიერ საკუთარი მოვალეობების შესრულების შეფერხების გარეშე.

კენჭისყრის შენობაში ყოფნის უფლება აქვთ:

• ამომრჩეველს − ხმის მიცემისათვის საჭირო დროის განმავლობაში;

• საუბნო საარჩევნო კომისიის წევრებს და ზემდგომი საარჩევნო კომისიის წევრებს/წარმომადგენლებს;

• საარჩევნო სუბიექტების წარმომადგენლებს (ერთი და იმავე საარჩევნო სუბიექტის არაუმეტეს 1 წარმომადგენელს);

• მედიის აკრედიტებულ წარმომადგენლებს (ერთი და იმავე პრესისა და მასობრივი ინფორმაციის სხვა საშუალების არაუმეტეს 3 წარმომადგენელს);

• რეგისტრირებული ადგილობრივი დამკვირვებელი ორგანიზაციის დამკვირვებლებს (ერთი და იმავე ადგილობრივი დამკვირვებელი ორგანიზაციის არაუმეტეს 1 დამკვირვებელს);

• რეგისტრირებული საერთაშორისო ორგანიზაციის დამკვირვებლებს (ერთი და იმავე საერთაშორისო ორგანიზაციის არაუმეტეს 2 დამკვირვებელს) (მათ შესაძლოა ახლდეთ თარჯიმანი)).

საარჩევნო პროცესის გამჭვირვალობის უზრუნველყოფის მიზნით:

კენჭისყრის შენობაში ყოფნის უფლების მქონე პირებს შეუძლიათ აწარმოონ ფოტოვიდეოგადაღება საუბნო საარჩევნო კომისიის თავმჯდომარის მიერ სპეციალურად გამოყოფილი ადგილიდან, გადაღების სუბიექტიდან/ობიექტიდან არანაკლებ 3 მეტრის დაშორებით, საიდანაც ჩანს საარჩევნო პროცესი.

იმ შემთხვევაში, თუ კენჭისყრის შენობა არ იძლევა 3 მეტრიანი დისტანციის დაცვის საშუალებას, გადასაღებ ადგილს განსაზღვრავს საუბნო საარჩევნო კომისიის თავმჯდომარე.

საარჩევნო პროცესის გამჭვირვალობის უზრუნველყოფის მიზნით:

• კენჭისყრის შენობაში ყოფნის უფლების მქონე პირებს შეუძლიათ დაუბრკოლებლად გადაიღონ საარჩევნო უბნებში კენჭისყრის პროცესი იმ პერიოდში, როდესაც მაღალი საზოგადოებრივი ინტერესის მქონე ამომრჩევლები (პოლიტიკური თანამდებობის პირები, საარჩევნო სუბიექტებისა და პოლიტიკური გაერთიანებების ხელმძღვანელები, რელიგიური ლიდერები) აძლევენ ხმას, რის შემდეგაც ფოტოვიდეოგადამღები აპარატები გატანილი უნდა იქნეს კენჭისყრის შენობიდან.

• ერთსა და იმავე პრესისა და მასობრივი ინფორმაციის სხვა საშუალებას უფლება აქვს, საარჩევნო უბანზე კენჭისყრის პროცესის განმავლობაში ერთხელ, არაუმეტეს 10 წუთისა ფოტოვიდეოგადაღება აწარმოოს ნებისმიერი ადგილიდან, კენჭისყრის ფარულობის უზრუნველყოფით.

• კენჭისყრის შენობაში ყოფნის უფლების მქონე პირებს (მათ შორის, მედიის წარმომადგენლებს, რომლებსაც სურთ ფოტოვიდეოგადაღება აწარმოონ 10 წუთზე მეტი ხნის განმავლობაში) შეუძლიათ კენჭისყრის დღეს მთელი დღის განმავლობაში აწარმოონ ფოტოვიდეოგადაღება საუბნო საარჩევნო კომისიის თავმჯდომარის მიერ სპეციალურად გამოყოფილ ადგილზე განთავსებული სტაციონარული ფოტოვიდეოგადამღები აპარატის მეშვეობით. ამ ადგილიდან უნდა ჩანდეს საარჩევნო ყუთი.