ცვლილება ნომერი სამი ამერიკის შეერთებულ შტატებსა და საქართველოს შორის 2015 წლის 22 დეკემბრით დათარიღებულ „ინკლუზიური და მდგრადი ეკონომიკური ზრდა” განვითარების მიზნის შესახებ საგრანტო შეთანხმებაში განვითარების მიზნის შესახებ საგრანტო შეთანხმება #AAG-114-G-16-00002 22 მარტი, 2018
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
„ინკლუზიური და მდგრადი ეკონომიკური ზრდისთვის“ ამერიკის შეერთებულ შტატებსა და საქართველოს შორის 2015 წლის 22 დეკემბრით დათარიღებულ განვითარების მიზნის შესახებ საგრანტო შეთანხმებაში
საგრანტო შეთანხმებაში განვითარების მიზნის შესახებ საგრანტო შეთანხმება №AAG-114-G-16-00002 22 მარტი, 2018
ვინაიდან გრანტის მიმღებმა და USAID-მა („მხარეები”) 2015 წლის 22 დეკემბერს გააფორმეს შეთანხმება საქართველოში ინკლუზიური და მდგრადი ეკონომიკური ზრდის განვითარების მიზნის ხელშეწყობისთვის, როგორც ეს აღწერილია წინამდებარე შეთანხმების დანართ 1-ში („განვრცობილი აღწერა”);
ვინაიდან 2016 წლის 22 დეკემბერს გრანტის მიმღებმა და USAID-მა ხელი მოაწერეს ცვლილება ნომერ ერთს და 2017 წლის პირველ სექტემბერს ხელი მოაწერეს ცვლილება ნომერ ორს, რომელთაგან ორივე წარმოადგენს შეთანხმების განუყოფელ ნაწილს;
ვინაიდან, გრანტის მიმღებსა და USAID-ს სურთ შეთანხმებაში კვლავ შეიტანონ ცვლილება იმისათვის, რომ (ა) გაიზარდოს გრანტის მთლიანი ოდენობა $33,614,040-ით, $28,079,635-დან $61,693,675-მდე; (ბ) გაიზარდოს USAID-ის მთლიანი მიახლოებული მონაწილეობა $22,285,060-ით, $71,454,675-დან $93,739,735-მდე; გ) გაიზარდოს გრანტის მიმღების მონაწილეობა $11,204,680-ით, $9,359,878-დან $20,564,558-მდე; და დ) შესაბამისად განახლდეს ფინანსური გეგმა.
აღნიშნულის გათვალისწინებით, შეთანხმების მხარეები თანხმდებიან, რომ შეთანხმება უნდა შეიცვალოს შემდეგნაირად:
1. შეთანხმების 3.1 (ა) პუნქტი, რომელსაც მინიჭებული აქვს სახელწოდება „გრანტი“ წაიშლება მთლიანად და შესაბამისად შეიცვლება შემდეგით:
„(ა) გრანტი. წინამდებარე შეთანხმებით განსაზღვრული ამოცანის შესრულების ხელშეწყობის მიზნით, 1961 წლის უცხოური დამხარების შესახებ აქტის, მასში შეტანილი ცვლილებების გათვალისწინებით და წინამდებარე შეთანხმების პირობების დაცვით აშშ-ს საერთაშორისო განვითარების სააგენტო (USAID) გრანტის მიმღებისათვის გამოყოფს თანხას, რომელიც არ უნდა აღემატებოდეს სამოცდაერთ მილიონ ექვსას ოთხმოცდაცამეტი ათას, ექვსას სამოცდათხუთმეტ ამერიკის შეერთებული შტატების („აშშ”) დოლარს ($61,693,675) („გრანტი”)”. 2. შეთანხმების 3.1 (ბ) პუნქტის „USAID-ის მთლიანი მიახლოებითი მონაწილეობა" პირველ წინადადებაში “თანხა $71,454,675” წაიშლება და შეიცვლება თანხით “$93,739,735”. 3. შეთანხმების 3.2 (ბ) პუნქტის „გრანტის მიმღების მონაწილეობა" პირველ წინადადებაში „თანხა $9,359,878” წაიშლება და შეიცვლება თანხით „$ 20,564,558”. 4. დანართ 1, დამატება ა-ში სახელწოდებით ფინანსური გეგმა წაიშლება მთლიანად და შეიცვლება შემდეგით:
5. ზემოაღნიშნული ცვლილებების გარდა, ხელშეკრულების ყველა სხვა ტერმინი და პირობა უცვლელია და რჩება ძალაში. რომლის დასტურადაც, ამერიკის შეერთებული შტატები და საქართველო, რომლებიც მოქმედებენ სათანადოდ უფლებამოსილი წარმომადგენლების მეშვეობით, ხელს აწერენ წინამდებარე ცვლილება ნომერ სამს თავიანთი სახელებით და ამ ცვლილების დასაწყისში მითითებულ დღეს, თვესა და წელს:
ცვლილება ნომერი სამი „ინკლუზიური და მდგრადი ეკონომიკური ზრდისთვის“ ამერიკის შეერთებულ შტატებსა და საქართველოს შორის 2015 წლის 22 დეკემბერით დათარიღებულ განვითარების მიზნის შესახებ საგრანტო შეთანხმებაში. |