„შეზღუდული შესაძლებლობების მქონე პირთა საკითხებზე მომუშავე საბჭოს შექმნისა და დებულების დამტკიცების შესახებ“ ზესტაფონის მუნიციპალიტეტის საკრებულოს 2018 წლის 30 მაისის №27 დადგენილებაში ცვლილების შეტანის შესახებ

1. დადგენილების პრეამბულა ჩამოყალიბდეს შემდეგი რედაქციით:

„საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 ნაწილის ,,უ“ ქვეპუნქტის და მე-4 ნაწილის, 61-ე მუხლის მე-2 ნაწილის, ,„ნორმატიული აქტების შესახებ“ საქართველოს კანონის 25-ე მუხლის პირველი  პუნქტის  ,,ბ“ ქვეპუნქტისა  და ,,შეზღუდული შესაძლებლობის მქონე პირთა სოციალური დაცვის შესახებ“ საქართველოს კანონის თანახმად, ზესტაფონის მუნიციპალიტეტის საკრებულო ადგენს:“

2. დადგენილების დანართი №1-ის მე-3 მუხლის  პირველ ნაწილში   შეტანილ იქნეს ცვლილება და  ჩამოყალიბდეს შემდეგი რედაქციით:

„1.საბჭო შედგება 11 (თერთმეტი) წევრისაგან“.

3.  დადგენილების დანართი №1-ის  მე-9 მუხლის მე-4 ნაწილს   დაემატოს ,,ე“ და ,,ვ“პუნქტი  და  ჩამოყალიბდეს შემდეგი რედაქციით:

„ე)  პირადი განცხადება;

ვ)თანამდებობრივი უფლებამოსილების შეწყვეტა იმ დაწესებულებაში, რომლის წარმომადგენელიცაა იგი“.

4.დადგენილების მე-9 მუხლის მე-4 ნაწილის   ,,გ“ ქვეპუნქტში  შეტანილ იქნეს  ცვლილება და  ჩამოყალიბდეს შემდეგი რედაქციით:

„გ) სასამართლომ აღიარა უგზო-უკვლოდ  დაკარგულად, გამოაცხადა გარდაცვლილად ან ცნო მხარდაჭერის მიმღებად“.