2. სააგენტო ვალდებულია:
ა) დაავადების შესახებ გაუგზავნოს შეტყობინება და მიაწოდოს ინფორმაცია ცხოველთა ჯანმრთელობის დაცვის მსოფლიო ორგანიზაციას (OIE), დადგენილი წესით;
ბ) დანერგოს ბლუთანგზე მონიტორინგისა და ზედამხედველობის პროგრამები ამ წესის V თავით განსაზღვრული მინიმალური მოთხოვნების შესაბამისად;
გ) ზრუნველყოს ყველა საჭირო ზომის მიღება, რათა დამცავ და საკონტროლო ზონებში ყველა პირი სრულად იყოს ინფორმირებული ძალაში შესული შეზღუდვების შესახებ და უზრუნველყოს აღნიშნული ზომების სათანადოდ განსახორციელება.
3. ამ წესით განსაზღვრულ ლაბორატორიულ გამოკვლევებს ახორციელებს სამინისტროს სისტემაში შემავალი სსიპ – საქართველოს სოფლის მეურნეობის სამინისტროს ლაბორატორია, რომელიც ვალდებულია თანამშრომლობდეს რეფერენს ლაბორატორიასთან.
ზომები ბლუთანგზე ეჭვის არსებობისას და დადასტურების