ქალაქ თბილისში ავტოსაგზაო შემთხვევების რაოდენობის შემცირების მიზნით გასატარებელ ღონისძიებათა შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს პარლამენტის დადგენილება
ქალაქ თბილისში ავტოსაგზაო შემთხვევების რაოდენობის შემცირების მიზნით გასატარებელ ღონისძიებათა შესახებ
ბოლო წლებში ქალაქ თბილისში ფეხით მოსიარულენი ან გზით მოსარგებლე სხვა პირები მასობრივად არღვევენ საგზაო მოძრაობის უსაფრთხოების წესებს, რაც იწვევს ავტოსაგზაო შემთხვევების რიცხვის ზრდას, რომლებსაც ხშირად მძიმე შედეგები მოჰყვება. ასეთ ვითარებას ნაწილობრივ განაპირობებს მიწისქვეშა და მიწისზედა გადასასვლელების კეთილმოუწყობლობა.
ზემოაღნიშნულიდან გამომდინარე, საქართველოს პარლამენტი ადგენს:
1. დაევალოს საქართველოს შინაგან საქმეთა სამინისტროს, განსაკუთრებული ყურადღება მიაქციოს საგზაო მოძრაობის უსაფრთხოების წესების დაცვას, პირველ რიგში, ფეხით მოსიარულეთა მიერ.
2. დაევალოს ქ. თბილისის მერიას უზრუნველყოს ა.წ. 1 აგვისტომდე გზებზე მიწისქვეშა და მიწისზედა გადასასვლელების რეაბილიტაციის პროგრამის დაწყება.
3. ეთხოვოს მასობრივი ინფორმაციის საშუალებებს, ფართო საინფორმაციო-შემეცნებითი კომპანია წარმართონ ავტოსაგზაო შემთხვევების რიცხვის შემცირების მიზნით.
4. ამ დადგენილების შესრულების კონტროლი განახორციელონ საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა და დარგობრივი ეკონომიკისა და ეკონომიკური პოლიტიკის კომიტეტმა.
საქართველოს პარლამენტის
თავმჯდომარის მოადგილე მ. მაჭავარიანი
თბილისი,
2005 წლის 3 ივნისი.
№1518–Iს