„საქართველოს თავდაცვის სამინისტროს სისტემის სამხედრო მოსამსახურეების ფიზიკური ნორმატივებისა და მათი ჩაბარების წესის შესახებ“ საქართველოს თავდაცვის მინისტრის 2017 წლის 9 იანვრის №02 ბრძანებაში ცვლილების შეტანის თაობაზე

საქართველოს თავდაცვის მინისტრის

2018 წლის 31 ოქტომბერი

ქ. თბილისი

1. მე -2 მუხლის მე -3 პუნქტი ჩამოყალიბდეს შემდეგი რედაქციით :

„3. ამ მუხლის მე -2 პუნქტის „გ “ ქვეპუნქტით გათვალისწინებული ნორმატივი შეიძლება შეიცვალოს ამ წესით განსაზღვრული ალტერნატიული ნორმატივით   –  4 000 მეტრზე სპორტული სიარულით , 700 მეტრზე ცურვით , 10 კილომეტრზე ველოერგომეტრით მოძრაობის შესრულებით ან 10 კილომეტრზე ველოსიპედით მოძრაობით , თუ სამხედრო მოსამსახურის ჯანმრთელობის მდგომარეობის გამო მიზანშეუწონელია 3 200 მეტრზე სირბილი ან მას შეუსრულდა 50 წელი .“.

2. მე -5 მუხლის :

ა ) მე -3 პუნქტი ჩამოყალიბდეს შემდეგი რედაქციით :

„3. ალტერნატიული ნორმატივის შესრულებისას შეფასება ხორციელდება დანართი №4-ის შესაბამისად .’’;

ბ ) მე -6-ე პუნქტის „ე ’’ ქვეპუნქტი ჩამოყალიბდეს   შემდეგი რედაქციით :

„ე ) სსიპ – დავით აღმაშენებლის სახელობის საქართველოს ეროვნული თავდაცვის აკადემიის სასწავლო ბატალიონის და ოფიცერთა საწყისი სამხედრო განათლების   მიმართულების სამხედრო მოსამსახურე (გარდა ოფიცერთა საწყისი სამხედრო განათლების მიმართულების სიმულაციის სასწავლო ჯგუფის სამხედრო მოსამსახურისა , რომლისათვის განისაზღვრება თითოეულ ნორმატივში - არანაკლებ 60 ქულა , ხოლო სამივე ნორმატივში - არანაკლებ 180 ქულა ) თითოეულ ნორმატივში მიიღებს – არანაკლებ 70 ქულას , ხოლო სამივე ნორმატივში – არანაკლებ 210 ქულას .";

გ ) მე -9 პუნქტი ჩამოყალიბდეს შემდეგი რედაქციით :

„9. ამ წესის მე -2 მუხლის მე -2 პუნქტით განსაზღვრული ნორმატივების შესრულებაში უარყოფითი შეფასების მქონე სამხედრო მოსამსახურეს უფლება ეძლევა ნორმატივები გადააბაროს არაუმეტეს ორჯერ . ნორმატივების ჩაუბარებლობიდან ერთი თვის ვადაში სამხედრო მოსამსახურე ვალდებულია გადააბაროს ნორმატივები . თუ ნორმატივების პირველი გადაბარებისას სამხედრო მოსამსახურე უარყოფით შეფასებას მიიღებს , ის ჩაირიცხება სპეციალური ფიზიკური მომზადების პროგრამაზე , რომელსაც შეიმუშავებს და საქართველოს თავდაცვის მინისტრს დასამტკიცებლად წარუდგენს საქართველოს შეიარაღებული ძალების გენერალური შტაბის წვრთნებისა და სამხედრო განათლების სარდლობა . სპეციალური ფიზიკური მომზადების პროგრამის განმავლობაში ან მისი დასრულებისას სამხედრო მოსამსახურე ვალდებულია მეორედ გადააბაროს ნორმატივები ამავე პროგრამით განსაზღვრულ ტესტირებაზე . სპეციალური ფიზიკური მომზადების პროგრამაზე ფიზიკური ნორმატივების მეორედ გადაბარებისას უარყოფითი შეფასების მიღების შემთხვევაში , სამხედრო მოსამსახურეს ნორმატივები ჩაბარებულად არ ჩაეთვლება .“.

3. მე -5 მუხლს მე -9 პუნქტის შემდეგ დაემატოს 9¹ პუნქტი შემდეგი რედაქციით :

„9. ამ წესის მე -2 მუხლის მე -2 პუნქტით განსაზღვრული ნორმატივების შესრულებაში უარყოფითი შეფასების მქონე სსიპ – დავით აღმაშენებლის სახელობის საქართველოს ეროვნული თავდაცვის აკადემიის სასწავლო ბატალიონის იუნკერი /ოფიცერთა საკანდიდატო კურსის მსმენელი ვალდებულია მხოლოდ ერთხელ , ერთი თვის ვადაში გადააბაროს ნორმატივები , ხოლო გადაბარებისას უარყოფითი შეფასების მიღების შემთხვევაში , მას ნორმატივები ჩაბარებულად არ ჩაეთვლება .“.

4. დანართი №4 ჩამოყალიბდეს შემდეგი რედაქციით :

„დანართი №4

ალტერნატიული ნორმატივის   შესრულება და შეფასება

მუხლი 1. ალტერნატიული ნორმატივის (4 000 მეტრზე სპორტული სიარული ) შესრულება

1. ალტერნატიული ნორმატივის (4 000 მეტრზე სპორტული სიარული ) დროს საჭიროა იგივე ადგილმდებარეობის გამოყენება , რაც 3 200 მეტრზე სირბილის დროს .

2. ყოველი სამი სამხედრო მოსამსახურის შემოწმებას უნდა ესწრებოდეს ერთი მეთვალყურე , სულ მცირე ქულების ერთი ჩამნიშვნელი , უსაფრთხოების , კონტროლისა და სამედიცინო მომსახურების უზრუნველყოფის პერსონალი .

3. კომანდაზე − „დაიწყეთ “ სამხედრო მოსამსახურემ უნდა იაროს ყოველგვარი ფიზიკური დახმარების გარეშე .

4. ამ ვარჯიშის დროს მოვარჯიშის ტერფი მთლიანად უნდა ეხებოდეს ზედაპირს (სურათი 4) დაუშვებელია სირბილი . ამ შემთხვევაში მოვარჯიშე უნდა მოიხსნას ტესტირებიდან .

5. სამხედრო მოსამსახურეს ეწერება ქულები მისი შესაძლებლობების , სქესისა და ასაკის   გათვალისწინებით .

6. სამხედრო მოსამსახურემ მანძილი უნდა დაფაროს სქესისა და ასაკისათვის გათვალისწინებულ დროში .

7. სიარულის დასასრულს სამხედრო მოსამსახურე აბარებს სამკერდე ნომერს და გადადის დასვენებისათვის გამოყოფილ ადგილზე .

         სურათი 4. ალტერნატიული ნორმატივის (4 000 მეტრზე სპორტული სიარული ) შესრულების წესი

8. ალტერნატიული ნორმატივის (4 000 მეტრზე სპორტული სიარული ) შეფასება ხორციელდება შემდეგი ცხრილის შესაბამისად :

შენიშვნა : 1. ალტერნატიული ნორმატივის შესრულება (4 000 მეტრზე სპორტული სიარული ) ფასდება 60 ქულით .

მუხლი 2. ალტერნატიული ნორმატივის (700 მეტრზე ცურვა ) შესრულება

1. ალტერნატიული ნორმატივის (700 მეტრზე ცურვა ) შესრულებისათვის საჭიროა შერჩეულ იქნეს 25 ან 50-მეტრიანი აუზი (სურათი 5). შერჩეულ აუზზე არ უნდა იყოს რაიმე სახის საფრთხე და დაბრკოლება .

2. ყოველი სამი სამხედრო მოსამსახურის შემოწმებას უნდა ესწრებოდეს ერთი მეთვალყურე , სულ მცირე ქულების ერთი ჩამნიშვნელი , უსაფრთხოების , კონტროლისა და სამედიცინო მომსახურების უზრუნველყოფის პერსონალი .

3. ცურვის დაწყებამდე მოცურავის ტანი უნდა ეხებოდეს აუზის კედელს .

4. კომანდაზე − „დაიწყეთ “ სამხედრო მოსამსახურემ უნდა დაიწყოს ცურვა ყოველგვარი ფიზიკური დახმარების გარეშე .

5. შესაძლებელია ცურვის სხვადასხვა სახეობის ილეთების გამოყენება .

6. ბრუნის გაკეთების დროს მოცურავე უნდა შეეხოს აუზის კედელს .

7. ალტერნატიული ნორმატივის (700 მეტრზე ცურვა ) შესრულებისას ყვინთვა არ არის ნებადართული , წინააღმდეგ შემთხვევაში სამხედრო მოსამსახურე იხსნება ნორმატივის შესრულებისაგან და ნორმატივი ეთვლება ჩაუბარებლად .

8. სამხედრო მოსამსახურეს ეწერება ქულები მისი შესაძლებლობების , სქესისა და ასაკის   გათვალისწინებით .

9. სამხედრო მოსამსახურემ მანძილი უნდა დაფაროს სქესისა და ასაკისათვის გათვალისწინებულ დროში .

სურათი 5. ალტერნატიული ნორმატივის (700 მეტრზე ცურვა ) შესრულების წესი

10. ალტერნატიული ნორმატივის (700 მეტრზე ცურვა ) შეფასება ხორციელდება შემდეგი ცხრილის შესაბამისად :

შენიშვნა : ალტერნატიული ნორმატივის (700 მეტრზე ცურვა ) შესრულება ფასდება 60 ქულით .

მუხლი 3. ალტერნატიული ნორმატივის (10 კილომეტრზე ველოერგომეტრით მოძრაობა ) შესრულება

1. ალტერნატიული ნორმატივის (10 კილომეტრზე ველოერგომეტრით მოძრაობა ) შესრულებისათვის (სურათი 6) საჭიროა ტესტირების ჩატარების ადგილზე იდგეს ველოერგომეტრი , მასზე უნდა იყოს დამაგრებული სპიდომეტრი . ტესტირების ჩატარების ადგილის სიგანე უნდა იყოს 180 სმ , ხოლო სიგრძე 365 სმ .

2. ყოველი სამი სამხედრო მოსამსახურის შემოწმებას უნდა ესწრებოდეს ერთი მეთვალყურე , სულ მცირე ქულების ერთი ჩამნიშვნელი , უსაფრთხოების , კონტროლისა და სამედიცინო მომსახურების უზრუნველყოფის პერსონალი .

3.  კომანდაზე − „დაიწყეთ “ ირთვება წამმზომი და სამხედრო მოსამსახურემ უნდა დაფაროს 10 კილომეტრი , რომელიც ნაჩვენები უნდა იყოს სპიდომეტრზე .

4. ვარჯიში სრულდება ყოველგვარი ფიზიკური დახმარების გარეშე .

5. სამხედრო მოსამსახურეს ეწერება ქულები მისი შესაძლებლობების , სქესისა და ასაკის   გათვალისწინებით .

6. ვარჯიშის მეთვალყურე აცხადებს დროს ყოველ 30 წამში ბოლო   2 წუთის განმავლობაში , ხოლო ყოველ წამში - ბოლო 10 წამის განმავლობაში .

7. ვარჯიშის დასასრულს სამხედრო მოსამსახურე აბარებს სამკერდე ნომერს და გადადის დასვენებისათვის გამოყოფილ ადგილზე .

8. ალტერნატიული ნორმატივის (10 კილომეტრზე ველოერგომეტრით მოძრაობა ) შესრულებისას სამხედრო მოსამსახურის მიერ ვარჯიშის შეწყვეტის შემთხვევაში სამხედრო მოსამსახურე იხსნება ნორმატივის შესრულებისაგან და ნორმატივი ეთვლება ჩაუბარებლად .

სურათი 6. ალტერნატიული ნორმატივის (10 კილომეტრზე ველოერგომეტრით მოძრაობა ) შესრულების წესი

9. ალტერნატიული ნორმატივის 10 კილომეტრზე ველოერგომეტრით მოძრაობის შეფასება ხორციელდება შემდეგი ცხრილის შესაბამისად :

შენიშვნა : ალტერნატიული ნორმატივის (10 კილომეტრზე ველოერგომეტრით მოძრაობა ) ფასდება 60 ქულით .

მუხლი 4. ალტერნატიული ნორმატივის (10 კილომეტრზე ველოსიპედით მოძრაობა ) შეფასება

1. ალტერნატიული ნორმატივის (10 კილომეტრზე ველოსიპედით მოძრაობა ) შესრულების დროს (სურათი 7) უპირატესობა ენიჭება ერთსიჩქარიან ველოსიპედს , თუმცა შეიძლება მრავალსიჩქარიანი ველოსიპედის გამოყენებაც . ამ შემთხვევაში უნდა შემოწმდეს , რომ ველოსიპედისტი ტესტირების დროს იყენებს მხოლოდ ერთ სიჩქარეს .

2.  ალტერნატიული ნორმატივის 10 კილომეტრზე ველოსიპედით მოძრაობით ვარჯიშის ჩატარება შესაძლებელია გზატკეცილზე ან დასერილ ადგილმდებარეობაზე .

3. შერჩეულ დისტანციაზე არ უნდა იყოს რაიმე სახის საფრთხე და დაბრკოლება (მაგ : მოლიპული ზედაპირი , დაბინძურებული ტერიტორია , უსწორმასწორო ზედაპირი და სხვა ).

4. ტესტირების ჩატარების დროს 10 სამხედრო მოსამსახურისაგან შემდგარ ჯგუფს უნდა ამოწმებდეს ერთი მეთვალყურე და სულ მცირე ქულების ერთი ჩამნიშვნელი . ველორბოლას უნდა ესწრებოდეს კონტროლისა და სამედიცინო მომსახურების უზრუნველყოფის პერსონალი .

5. კომანდაზე − „დაიწყეთ “ სამხედრო მოსამსახურემ 10 კილომეტრზე ველოსიპედით უნდა იაროს ყოველგვარი ფიზიკური დახმარების გარეშე .

6. ველორბოლის დროს სამხედრო მოსამსახურე ტესტირების დასრულებამდე ინარჩუნებს მის მიერ შერჩეულ ერთ სიჩქარეს . დაუშვებელია სიჩქარის შეცვლა , მარშუტიდან გადახვევა . ამ შემთხვევაში მოვარჯიშე უნდა მოიხსნას ტესტირებიდან ;

7.  სამხედრო მოსამსახურეს ეწერება ქულები მისი შესაძლებლობების , სქესისა და ასაკის   გათვალისწინებით ;

8. სამხედრო მოსამსახურემ მანძილი უნდა დაფაროს ასაკისა და სქესისათვის გათვალისწინებულ დროში .

9. ნორმატივის დასასრულს სამხედრო მოსამსახურე აბარებს სამკერდე ნომერს და გადადის დასვენებისათვის გამოყოფილ ადგილზე .

სურათი 7. ალტერნატიული ნორმატივის (10 კილომეტრზე ველოსიპედით მოძრაობა ) შესრულების წესი

10. ალტერნატიული ნორმატივის (10 კილომეტრზე ველოსიპედით მოძრაობა ) შეფასება ხორციელდება შემდეგი ცხრილის შესაბამისად :

შენიშვნა : ალტერნატიული ნორმატივის შესრულება (10 კილომეტრზე ველოსიპედით მოძრაობა ) ფასდება 60 ქულით .