„საავტომობილო, სპეციალური და ჯავშანსატანკო კოლონების, პირადი შემადგენლობის, შეიარაღების, სამხედრო ტექნიკისა და სატრანსპორტო საშუალებების გაცილების ინსტრუქციის დამტკიცების შესახებ“ საქართველოს თავდაცვის მინისტრის 2017 წლის 10 ივლისის №50 ბრძანებაში ცვლილების შეტანის თაობაზე

საქართველოს თავდაცვის მინისტრის

2018 წლის 12 დეკემბერი

ქ. თბილისი

1. პირველი მუხლის პირველი პუნქტი ჩამოყალიბდეს შემდეგი რედაქციით:

„1. წინამდებარე ინსტრუქცია განსაზღვრავს საქართველოს ტერიტორიაზე საქართველოს  თავდაცვის სამინისტროს თავდაცვის ძალების სამხედრო პოლიციის დეპარტამენტის (შემდგომ – სამხედრო პოლიციის დეპარტამენტი) სამხედრო პოლიციის აღმოსავლეთ და დასავლეთ ბატალიონების საპატრულო ეკიპაჟების (შემდგომ – საპატრულო ეკიპაჟები) მიერ სპეციალური მანქანების გამოყენებით, „საგზაო მოძრაობის შესახებ“ საქართველოს კანონის შესაბამისად, ობიექტის დაგეგმილ მარშრუტზე გადაადგილებისას მათი გაცილების წესებს.“.

2. მე-9 მუხლის „ა“ ქვეპუნქტი ჩამოყალიბდეს შემდეგი რედაქციით:

„ა) საპატრულო ეკიპაჟების მოქმედება უნდა შეესაბამებოდეს „საგზაო მოძრაობის შესახებ“ საქართველოს კანონს, შესაბამის ნორმატიულ და ინდივიდუალურ აქტებს, რომლებიც განსაზღვრავენ საქართველოს თავდაცვის სამინისტროს თავდაცვის ძალებზე რიცხული ტექნიკის გამოყენებისა და ექსპლოატაციის წესებს, ასევე, გაცილების დამკვეთის ბრძანებებს ობიექტის გადაადგილების შესახებ;“.