„ახალგორის მუნიციპალიტეტის საკრებულოს რეგლამენტის დამტკიცების შესახებ“ ახალგორის მუნიციპალიტეტის საკრებულოს 2014 წლის 22 დეკემბრის №26 დადგენილებაში ცვლილების შეტანის შესახებ

1. დანართს დაემატოს „თავი V¹.  გენდერული თანასწორობის საბჭო“.

                                თავი  V¹. „გენდერული თანასწორობის საბჭო“

34¹. საკრებულოს გენდერული თანასწორობის საბჭოს სტატუსი და ძირითადი ფუნქციები

1. საკრებულოს გენდერული თანასწორობის საბჭო (შემდგომში საბჭო) არის საკრებულოს სათათბირო-საკონსულტაციო ორგანო, რომელიც „გენდერული თანასწორობის შესახებ“ საქართველოს კანონის შესაბამისად განიხილავს მუნიციპალიტეტში გენდერული თანასწორობის დაცვის მდგომარეობას, შეიმუშავებს წინადადებებს ადგილზე დისკრიმინაციის გამოვლენისა და აღმოფხვრის უზრუნველსაყოფად;

2.  საქართველოს პარლამენტთან არსებულ გენდერული თანასწორობის საბჭოსთან კოორდინირებული მუშაობის წარმართვა;

3. გენდერული უთანასწორობის შემთხვევაში, მისი აღმოფხვრის უზრუნველსაყოფად წინადადებების შემუშავება და საქართველოს პარლამენტის გენდერული თანასწორობის საბჭოსთვის წარდგენა;

4.  გენდერული თანასწორობის მისაღწევად ცალკეული ღონისძიებების შემუშვება და დაგეგმვა;

5. გენდერული თანასწორობის საკითხის შესწავლასთან დაკავშირებული ინფორმაციის და დოკუმენტაციის გამოთხოვა და მიღება;

6.  გენდერული თანასწორობის დარღვევის თაობაზე შემოსული განცხადებების, დოკუმენტაციის და სხვა ინფორმაციის განხილვა, კომპეტენციის ფარგლებში მათზე რეაგირების მოხდენა და შესაბამისი რეკომენდაციების შემუშავება;

7.  წინადადებებისა და რეკომენდაციების მომზადება და საკრებულოსათვის ან/და საქართველოს პარლამენტის გენდერული თანსწორობის საბჭოსათვის წარდგენა;

8.  საბჭოს საქმიანობის შესახებ ანგარიშის მომზადება და წელიწადში ერთხელ საკრებულოსათვის წარდგენა.

34².     საბჭოს უფლებამოსილება 

1.  გენდერული თანასწორობის საკითხებთან დაკავშირებით წარმოადგინოს მუნიციპალიტეტი;

2.  გენდერული თანასწორობის  საკითხების შესწავლისა და განხილვისას მოიწვიოს სხვადასხვა უწყების წარმომადგენლები, არასამთავრობო და საერთაშორისო ორგანიზაციების წარმომადგენლები, დამოუკიდებელი ექსპერტი.

34³.   გენდერული თანასწორობის საბჭო იქმნება და საბჭოს საქმიანობა განისაზღვრება დებულებით, რომელსაც დადგენილებით ამტკიცებს საკრებულო.

2. დანართის 79 მუხლი: „კენჭისყრის ზოგადი წესი“ მე-11 პუნქტი ჩამოყალიბდეს შემდეგი რედაქციით“:

11. საკრებულოს წევრი კენჭისყრის დროს ნებას გამოხატავს ერთ-ერთი შემდეგი ფორმით: „მომხრე“, „წინააღმდეგი“, „თავი შეიკავა“.