„საქართველოში თამბაქოს კონტროლის ღონისძიებათა გაძლიერების მიზნით სამთავრობო კომისიის შექმნის შესახებ“ საქართველოს მთავრობის 2013 წლის 15 მარტის №58 დადგენილებაში ცვლილების შეტანის თაობაზე

„მუხლი 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-6 მუხლის პირველი პუნქტისა და 29-ე მუხლის შესაბამისად, საქართველოში თამბაქოს კონტროლის ღონისძიებათა შემუშავებისა და განხორციელების ხელშეწყობის მიზნით, შეიქმნას თამბაქოს კონტროლის სამთავრობო კომისია (შემდგომში − კომისია) შემდეგი შემადგენლობით:

საქართველოს პრემიერ-მინისტრი − კომისიის თავმჯდომარე;

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის  მინისტრი − კომისიის თავმჯდომარის  მოადგილე;

საქართველოს განათლების, მეცნიერების, კულტურისა და სპორტის  მინისტრი − კომისიის წევრი;

საქართველოს იუსტიციის მინისტრი − კომისიის წევრი;

საქართველოს შინაგან საქმეთა მინისტრი −  კომისიის წევრი;

საქართველოს ფინანსთა მინისტრი − კომისიის წევრი;

საქართველოს ეკონომიკისა და მდგრადი განვითარების  მინისტრი − კომისიის წევრი;

საქართველოს რეგიონული განვითარებისა და ინფრასტრუქტურის მინისტრი − კომისიის წევრი;

საქართველოს გარემოს დაცვისა და სოფლის მეურნეობის მინისტრი − კომისიის წევრი.

მუხლი 2. დაევალოს  საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულ სსიპ − ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულ ცენტრს, შეასრულოს კომისიის სამდივნოს ფუნქცია.“.