„მასპინძელი ქვეყნის მხარდაჭერის კონცეფციის დამტკიცების შესახებ“ საქართველოს მთავრობის 2019 წლის 31 მაისის №258 დადგენილებაში ცვლილების შეტანის თაობაზე

„მუხლი 1. თავდაცვის კოდექსის 130-ე მუხლის მე-2 ნაწილისა და 2005 წლის 2 მარტს ხელმოწერილი „საქართველოსა და ჩრდილოატლანტიკური ხელშეკრულების ორგანიზაციას შორის შეთანხმების“ შესაბამისად და „საქართველოსა და ევროპაში მოკავშირეთა ძალების უმაღლეს შტაბს შორის ნატოს ოპერაციების/წვრთნების განხორციელებისას მასპინძელი ქვეყნის მხარდაჭერის შესახებ“ 2006 წლის 11 მაისის ურთიერთგაგების მემორანდუმის აღსრულების ხელშეწყობის მიზნით:

1. დამტკიცდეს მასპინძელი ქვეყნის მხარდაჭერის კონცეფცია.

2. შეიქმნას მასპინძელი ქვეყნის მხარდაჭერის უწყებათაშორისი კომისია (შემდგომში − კომისია) შემდეგი შემადგენლობით:

ა) საქართველოს თავდაცვის  მინისტრის მოადგილე − კომისიის თავმჯდომარე;

ბ)  საქართველოს თავდაცვის ძალების მეთაურის მოადგილე;

გ)  საქართველოს კულტურისა და სპორტის მინისტრის მოადგილე;

დ) საქართველოს გარემოს დაცვისა და სოფლის მეურნეობის მინისტრის მოადგილე;

ე)  საქართველოს ეკონომიკისა და მდგრადი განვითარების მინისტრის მოადგილე;

ვ)  საქართველოს იუსტიციის მინისტრის მოადგილე;

ზ) საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე;

თ) საქართველოს რეგიონული განვითარებისა და ინფრასტრუქტურის მინისტრის მოადგილე;

ი)  საქართველოს შინაგან საქმეთა მინისტრის მოადგილე;

კ)  საქართველოს ფინანსთა მინისტრის მოადგილე;

ლ) საქართველოს საგარეო საქმეთა მინისტრის მოადგილე;

მ) საქართველოს სახელმწიფო უსაფრთხოების სამსახურის ხელმძღვანელის მოადგილე;

ნ) საქართველოს შინაგან საქმეთა სამინისტროს სახელმწიფო საქვეუწყებო დაწესებულების − საგანგებო სიტუაციების მართვის სამსახურის უფროსის მოადგილე;

ო) საქართველოს შინაგან საქმეთა სამინისტროს სახელმწიფო საქვეუწყებო დაწესებულების − საქართველოს სასაზღვრო პოლიციის უფროსის მოადგილე;

პ) სსიპ − სახმელეთო ტრანსპორტის სააგენტოს, სსიპ − საქართველოს სამოქალაქო ავიაციის სააგენტოს, სსიპ − საზღვაო ტრანსპორტის სააგენტოს, შპს „საქაერონავიგაციის“, სს „საქართველოს რკინიგზისა“ და სხვა სახელმწიფო დაწესებულებათა უფლებამოსილი წარმომადგენლები, უწყებათაშორისი კომისიის ანდა უწყებათაშორისი კომისიის თავმჯდომარის გადაწყვეტილებით.“.