„საქართველოს თავდაცვის სამინისტროს სისტემის სამხედრო მოსამსახურეების ფიზიკური ნორმატივებისა და მათი ჩაბარების წესის შესახებ“ საქართველოს თავდაცვის მინისტრის 2017 წლის 9 იანვრის №02 ბრძანებაში ცვლილების შეტანის თაობაზე

საქართველოს თავდაცვის მინისტრის

2019 წლის 17 მაისი

ქ. თბილისი

1.   მე-5 მუხლის:

ა) მე-6 პუნქტის „ე“ ქვეპუნქტი ამოღებულ იქნეს; 

ბ) მე-9 პუნქტი ჩამოყალიბდეს შემდეგი რედაქციით:

„9. ამ წესის მე-2 მუხლის მე-2 პუნქტით განსაზღვრული ნორმატივების შესრულებაში უარყოფითი შეფასების მქონე სამხედრო მოსამსახურეს უფლება ეძლევა ნორმატივები გადააბაროს არაუმეტეს ორჯერ. ნორმატივების ჩაუბარებლობიდან არაუმეტეს ერთი თვის ვადაში სამხედრო მოსამსახურე ვალდებულია გადააბაროს ნორმატივები. თუ ნორმატივების პირველი გადაბარებისას სამხედრო მოსამსახურე უარყოფით შეფასებას მიიღებს, ქვედანაყოფის ხელმძღვანელი მას წერილობით აფრთხილებს ნორმატივების მეორედ გადაბარებისას უარყოფითი შეფასების მიღების შემთხვევაში სამსახურებრივი შეუსაბამობის საფუძვლით სამხედრო სამსახურიდან დათხოვნის თაობაზე, ასევე განუსაზღვრავს პასუხისმგებელ პირს (სერჟანტთა ან ოფიცერთა შემადგენლობიდან) ნორმატივების ჩაბარებასა და ფიზიკურ მომზადებაში კონსულტირებისა და სათანადო რჩევა-დარიგების მიღების მიზნით. უარყოფითი შეფასების მქონე სამხედრო მოსამსახურე ვალდებულია ნორმატივების პირველი გადაბარებიდან არაუმეტეს ორი თვის ვადაში მეორედ გადააბაროს ნორმატივი. ნორმატივების მეორედ გადაბარებისას უარყოფითი შეფასების მიღების შემთხვევაში, სამხედრო მოსამსახურეს ნორმატივები ჩაბარებულად არ ჩაეთვლება.“.

2.  მე-6 მუხლის მე-3 პუნქტი ჩამოყალიბდეს შემდეგი რედაქციით:

„3. ამ მუხლის პირველი პუნქტის „ა“ და „გ“ - „ზ“ ქვეპუნქტებით განსაზღვრულ შემთხვევებში სამხედრო მოსამსახურე ვალდებულია ფიზიკური ნორმატივები ჩააბაროს შესაბამისი გარემოებების დასრულებიდან არაუმეტეს ორი თვის ვადაში.“.

3. მე-6 მუხლს დაემატოს:

ა)  3¹ და 3² პუნქტები შემდეგი რედაქციით:

„3¹. სამხედრო მოსამსახურე, რომელიც იმყოფება სამსახურებრივ მივლინებაში საზღვარგარეთ ერთ თვეზე მეტი ვადით, ვალდებულია ფიზიკური ნორმატივები ჩააბაროს მივლინების დასრულებიდან არაუმეტეს ორი თვის ვადაში, ხოლო თუ სამხედრო მოსამსახურე იმყოფება სამსახურებრივ მივლინებაში საზღვარგარეთ ერთ თვეზე ნაკლები ვადით, იგი ვალდებულია ფიზიკური ნორმატივები ჩააბაროს მივლინების დასრულების შემდეგ, შესაბამისი ქვედანაყოფის მიერ განსაზღვრულ დროს.

3². სამხედრო მოსამსახურე, რომელიც იმყოფება შვებულებაში, ვალდებულია ფიზიკური ნორმატივები ჩააბაროს/გადააბაროს შვებულების დასრულების შემდეგ, შესაბამისი ქვედანაყოფის მიერ განსაზღვრულ დროს.“;

ბ) მე-5 და მე-6 პუნქტები შემდეგი რედაქციით:

„5. სამხედრო მოსამსახურე საკუთარი სურვილისამებრ თავისუფლდება ფიზიკური ნორმატივების ჩაბარების ვალდებულებისგან, თუ მას ზღვრული ასაკის მიღწევამდე დარჩენილი აქვს ერთი წელი ან ნაკლები.

6. სამხედრო მოსამსახურე, რომელსაც სამხედრო სამსახურში 20 (ოცი) კალენდარული წლის ნამსახურებამდე დარჩენილი აქვს ერთი წელი ან ნაკლები, თავისუფლდება ფიზიკური ნორმატივების ჩაბარების ვალდებულებისგან, თუ იგი პირადი პატაკით სურვილს გამოთქვამს 20 (ოცი) კალენდარული წლის შესრულებისთანავე სამხედრო სამსახურიდან დათხოვნის თაობაზე.“.