„კასპის მუნიციპალიტეტის ტერიტორიაზე განთავსებული საზოგადოებრივი მნიშვნელობის დაწესებულებებში ესთეტიკური და კოსმეტიკური პროცედურების წარმოებისას ტექნიკური რეგლამენტის ნორმების შეუსრულებლობისა და ამ საქმიანობის რეგისტრაციის გარეშე განხორციელების თაობაზე საქართველოს ადმინისტრაციულ სამართალდარღვევათა კოდექსის 431 და 432 მუხლებით გათვალისწინებული სამართალდარღვევისას ადმინისტრაციულ სამართალდარღვევის ოქმის შევსების, ჩაბარების, წარმოების, აღრიცხვა-ანგარიშგების წესის დამტკიცების შესახებ“ კასპის მუნიციპალიტეტის საკრებულოს 2017 წლის 21 აპრილის №8 დადგენილებაში ცვლილებების შეტანის თაობაზე

ა)  დადგენილების მე-3 მუხლში შევიდეს ცვლილება და ჩამოყალიბდეს შემდეგი რედაქციით;

„მუხლი 3. საქართველოს ადმინისტრაციულ სამართალდარღვევათა კოდექსი 43^​1 და 43² მუხლებით გათვალისწინებული სამართალდარღვევისას, ადმინისტრაციული სამართალდარღვევის ოქმის შედგენის უფლებამოსილება მიენიჭოს კასპის მუნიციპალიტეტის მერიის ზედამხედველობის სამსახურს.";

ბ)   დადგენილებით დამტკიცებული დანართი №2-ის მე-2 მუხლში შევიდეს ცვლილება და ჩამოყალიბდეს შემდეგი რედაქციით:

„მუხლი 2. ადმინისტრაციული სამართალდარღვევის ოქმის შედგენაზე უფლებამოსილი თანამშრომლები

ადმინისტრაციული სამართალდარღვევის ოქმის შედგენაზე უფლებამოსილნი არიან კასპის მუნიციპალიტეტის მერიის ზედამხედველობის სამსახურის პირველადი სტრუქტურული ერთეულის ხელმძღვანელი, ამავე სამსახურის შესყიდვების ხარისხისა  და უნებართვო საქმიანობის კონტროლის მეორადი სტრუქტურული ერთეულის ხელმძღვანელი და საჯარო მოხელეები.";

გ) დადგენილების მე-6 მუხლში შევიდეს ცვლილება და დადგენილებით დამტკიცებული დანართი №3 შეიცვალოს ახალი დანართი  №3-ით.