შეთანხმება საქართველოს მთავრობასა და მოლდოვას რესპუბლიკის მთავრობას შორის საიდუმლო ინფორმაციის გაცვლისა და ორმხრივად დაცვის შესახებ

მიზანი

წინამდებარე შეთანხმების მიზანია , უზრუნველყოს წინამდებარე შეთანხმების ფარგლებში განხორციელებული , თანამშრომლობის პროცესში გაცვლილი ან შექმნილი საიდუმლო ინფორმაციის დაცვა .

ტერმინთა განმარტება

წინამდებარე შეთანხმების მიზნებისათვის :

1. „საიდუმლო ინფორმაცია “ ნიშნავს სახელმწიფო საიდუმლოების შემცველ ნებისმიერ ინფორმაციას ან მატერიალურ საგანს , მიუხედავად მისი ფორმისა ან ბუნებისა , რომელიც მოითხოვს უნებართვო მოპყრობისაგან დაცვას და რომლის დასაიდუმლოება განხორციელდა მხარეთა შიდასახელმწიფოებრივი კანონმდებლობის შესაბამისად ;

2. „წარმომშობი მხარე “ ნიშნავს იმ მხარის სახელმწიფოს , რომელიც საიდუმლო ინფორმაციას გადასცემს მეორე მხარის სახელმწიფოს ;

3. „მიმღები მხარე “ ნიშნავს იმ მხარის სახელმწიფოს , რომელსაც საიდუმლო ინფორმაცია გადაეცემა მეორე მხარის სახელმწიფოსაგან ;

4. „კომპეტენტური უსაფრთხოების ორგანო “ ნიშნავს ეროვნულ ორგანოს , რომელიც , მხარეთა შიდასახელმწიფოებრივი კანონმდებლობის შესაბამისად , პასუხისმგებელია წინამდებარე შეთანხმების ზოგად შესრულებასა და ზედამხედველობაზე ;

5. „ინფორმაციის გაცნობის საჭიროება “ ნიშნავს პრინციპს , რომლის თანახმად , საიდუმლო ინფორმაციის გაცნობის უფლება შეიძლება მიენიჭოს ფიზიკურ პირს , რომელსაც აქვს ამის დადასტურებული საჭიროება , მხოლოდ მის სამსახურებრივ მოვალეობებთან ან დავალებებთან დაკავშირებით ;

6. „საიდუმლო ინფორმაციასთან ინდივიდუალური დაშვება “ ნიშნავს , მხარეთა შესაბამისი შიდასახელმწიფოებრივი კანონმდებლობის თანახმად , შემოწმების პროცედურის შედეგად მიღებულ დადებით გადაწყვეტილებას , რომელიც განსაზღვრავს ფიზიკური პირის სანდოობასა და საიმედოობას და ადასტურებს , რომ ფიზიკურ პირს აქვს შესაძლებლობა , გაეცნოს საიდუმლო ინფორმაციას ;

7. „საიდუმლო ინფორმაციასთან იურიდიული პირის დაშვება “ ნიშნავს , მხარეთა შესაბამისი შიდასახელმწიფოებრივი კანონმდებლობის თანახმად , შემოწმების პროცედურის შედეგად მიღებულ დადებით გადაწყვეტილებას , რომელიც განსაზღვრავს იურიდიული პირის სანდოობასა და საიმედოობას და ადასტურებს , რომ იურიდიულ პირს აქვს ფიზიკური და ორგანიზაციული შესაძლებლობა , მოეპყრას საიდუმლო ინფორმაციას ;

8. „კონტრაქტორი “ ნიშნავს ერთ -ერთი მხარის სახელმწიფოს იურიდიულ პირს , მათ შორის, სახელმწიფო უწყებას , რომელსაც აქვს საიდუმლო კონტრაქტების დადების უფლებამოსილება ;

9. „საიდუმლო კონტრაქტი “ ნიშნავს ორ ან მეტ კონტრაქტორს შორის დადებულ კონტრაქტს , რომელიც , მხარეთა შიდასახელმწიფოებრივი კანონმდებლობის თანახმად , შეიცავს საიდუმლო ინფორმაციას , ან რომლის საფუძველზე იქმნება საიდუმლო ინფორმაცია ;

10. „მესამე მხარე “ ნიშნავს ნებისმიერ სახელმწიფოს , მათ შორის, მის იურისდიქციაში შემავალ იურიდიულ პირს ან ფიზიკურ პირს , ასევე , საერთაშორისო ორგანიზაციას , რომელიც არ წარმოადგენს წინამდებარე შეთანხმების მხარეს .

კომპეტენტური უსაფრთხოების ორგანოები

1.წინამდებარე შეთანხმების მე -2 მუხლის მე -4 პუნქტით განსაზღვრული კომპეტენტური უსაფრთხოების ორგანოები არიან :

a) მოლდოვას რესპუბლიკისთვის – მოლდოვას რესპუბლიკის უსაფრთხოებისა და დაზვერვის სამსახური ;

b. საქართველოსთვის – საქართველოს სახელმწიფო უსაფრთხოების სამსახური .

2)წინამდებარე შეთანხმების ძალაში შესვლის შემდეგ , კომპეტენტური უსაფრთხოების ორგანოები უშუალოდ აცნობებენ ერთმანეთს საკუთარი საკონტაქტო მონაცემების და მათში ნებისმიერი ცვლილების შეტანის შესახებ .

3.მხარეები , დიპლომატიური არხების მეშვეობით , აცნობებენ ერთმანეთს კომპეტენტური უსაფრთხოების ორგანოებისა და მათი საკონტაქტო მონაცემების ნებისმიერი ცვლილების შესახებ .

4.მოთხოვნის შემთხვევაში , კომპეტენტური უსაფრთხოების ორგანოები აცნობებენ ერთმანეთს საიდუმლო ინფორმაციის მარეგულირებელი საკუთარი შიდასახელმწიფოებრივი კანონმდებლობისა და მასში შესაბამისი ცვლილებების შეტანის შესახებ .

5.კომპეტენტური უსაფრთხოების ორგანოები ითანამშრომლებენ და ინფორმაციასა და გამოცდილებას გაუცვლიან ერთმანეთს უსაფრთხოების სტანდარტების , პროცედურებისა და პრაქტიკის შესახებ , რომელსაც მათი სახელმწიფოები იყენებენ საიდუმლო ინფორმაციის დასაცავად , და , ამასთან , მათ შეუძლიათ ვიზიტების განხორციელება , ერთ -ერთი კომპეტენტური უსაფრთხოების ორგანოს მოთხოვნის საფუძველზე . 

6.წინამდებარე შეთანხმების შესრულებასთან დაკავშირებით კომპეტენტურ უსაფრთხოების ორგანოებს შეუძლიათ , დადონ საიმპლემენტაციო შეთანხმებები .

7.მოთხოვნის შემთხვევაში , კომპეტენტური უსაფრთხოების ორგანოები ერთმანეთს დახმარებას აღმოუჩენენ საიდუმლო ინფორმაციასთან ინდივიდუალური დაშვებისა და იურიდიული პირის დაშვების პროცედურების განხორციელებისას , მხარეთა შიდასახელმწიფოებრივი კანონმდებლობის შესაბამისად .

საიდუმლოობის ხარისხები

მხარეები თანხმდებიან , რომ ქვემოთ მოცემული საიდუმლოობის ხარისხები არის ეკვივალენტური და შეესაბამება მათი შესაბამისი შიდასახელმწიფოებრივი კანონმდებლობით განსაზღვრულ საიდუმლოობის ხარისხებს :

საიდუმლო ინფორმაციის გაცნობა და დაცვა

1.მხარეებმა , საკუთარი შიდასახელმწიფოებრივი კანონმდებლობის შესაბამისად , უნდა მიიღონ ყველა სათანადო ზომა წინამდებარე შეთანხმების ფარგლებში გაცვლილი ან შექმნილი საიდუმლო ინფორმაციის დასაცავად . ასეთ საიდუმლო ინფორმაციას უნდა მიენიჭოს დაცვის ისეთივე ხარისხი , რაც გათვალისწინებულია ეკვივალენტური საიდუმლოობის ხარისხის მქონე ეროვნული საიდუმლო ინფორმაციისათვის , წინამდებარე შეთანხმების მე -4 მუხლის შესაბამისად .

2.წარმომშობმა მხარემ წერილობით უნდა აცნობოს მიმღებ მხარეს გადაცემული საიდუმლო ინფორმაციის საიდუმლოობის ხარისხის ნებისმიერი ცვლილების შესახებ .

3.საიდუმლო ინფორმაციის გაცნობა უნდა შეიზღუდოს ინფორმაციის გაცნობის საჭიროების საფუძველზე იმ ფიზიკური პირების მიმართ , რომლებსაც , საკუთარი შიდასახელმწიფოებრივი კანონმდებლობის შესაბამისად , უფლება აქვთ , გაეცნონ სათანადო საიდუმლოობის ხარისხის მქონე საიდუმლო ინფორმაციას .

4.მოთხოვნის შემთხვევაში , მხარეები , საკუთარი კომპეტენტური უსაფრთხოების ორგანოების მეშვეობით , დაადასტურებენ , რომ ფიზიკურ პირზე ან იურიდიულ პირზე , სანამ მას მიეცემა წარმომშობი მხარის საიდუმლო ინფორმაციის გაცნობის უფლება , გაცემულ იქნა საიდუმლო ინფორმაციასთან ინდივიდუალური დაშვება ან იურიდიული პირის დაშვება . წინამდებარე შეთანხმების ფარგლებში , თითოეული მხარე აღიარებს საიდუმლო ინფორმაციასთან ინდივიდუალურ დაშვებებს და იურიდიული პირის დაშვებებს , რომლებიც გაცემულ იქნა მეორე მხარის შიდასახელმწიფოებრივი კანონმდებლობის შესაბამისად . საიდუმლო ინფორმაციასთან დაშვებები უნდა იყოს ეკვივალენტური , წინამდებარე შეთანხმების მე -4 მუხლის შესაბამისად .

5.ერთი მხარის კომპეტენტური უსაფრთხოების ორგანოს მიერ წინამდებარე შეთანხმების ფარგლებში განხორციელებული შემოწმების პროცედურების დროს , შესაბამისი ინფორმაცია შეიძლება გამოთხოვილ იქნეს მეორე მხარის კომპეტენტური უსაფრთხოების ორგანოსგან . მოთხოვნის მიმღებმა კომპეტენტურმა უსაფრთხოების ორგანომ უნდა განახორციელოს მისი მიწოდება საკუთარი შიდასახელმწიფოებრივი კანონმდებლობის შესაბამისად .

6.წინამდებარე შეთანხმების ფარგლებში , კომპეტენტური უსაფრთხოების ორგანოები დაუყოვნებლივ აცნობებენ ერთმანეთს საიდუმლო ინფორმაციასთან შესაბამის ინდივიდუალურ დაშვებებთან და იურიდიული პირის დაშვებებთან დაკავშირებული ნებისმიერი ცვლილების შესახებ , განსაკუთრებით , მათი გაუქმების ან ხარისხის დადაბლების შესახებ .

7.მიმღები მხარე :

a) საიდუმლო ინფორმაციას გადასცემს ნებისმიერ მესამე მხარეს , მხოლოდ წარმომშობი მხარის წინასწარი წერილობითი თანხმობის შემთხვევაში ;

b) მიღებულ საიდუმლო ინფორმაციას მიანიჭებს გრიფს , წინამდებარე შეთანხმების მე -4 მუხლის შესაბამისად ;

c) საიდუმლო ინფორმაციას გამოიყენებს მხოლოდ იმ მიზნებისათვის , რისთვისაც ის იქნა მიწოდებული , გარდა იმ შემთხვევისა , თუ მისი სხვა მიზნებით გამოყენების თაობაზე წარმომშობი მხარისგან მოპოვებულ იქნა წინასწარი წერილობითი თანხმობა . 

საიდუმლო ინფორმაციის გადაცემა

1. მხარეთა შორის საიდუმლო ინფორმაციის გადაცემა უნდა განხორციელდეს დიპლომატიური არხებით , უფლებამოსილი კურიერის მიერ ან მხარეთა კომპეტენტურ უსაფრთხოების ორგანოებს შორის ორმხრივად შეთანხმებული , სხვა დაცული არხებით .

2.საიდუმლო ინფორმაციის დიდი ზომის საგნების ან დიდი ოდენობის გადატანა უნდა შეთანხმდეს ყოველ კონკრეტულ შემთხვევაში .

3.საიდუმლო ინფორმაციის ელექტრონული გადაცემა უნდა განხორციელდეს მხარეთა კომპეტენტურ უსაფრთხოების ორგანოებს შორის ორმხრივად შეთანხმებული , კრიპტოგრაფიული საშუალებებით .

ენები

წინამდებარე შეთანხმების დებულებების შესრულების ფარგლებში , მხარეები გამოიყენებენ ინგლისურ ენას , ან საკუთარ ოფიციალურ ენებს . ოფიციალური ენის გამოყენების შემთხვევაში თანდართული უნდა იქნეს თარგმანი მეორე მხარის ოფიციალურ ენაზე ან ინგლისურ ენაზე .

საიდუმლო ინფორმაციის თარგმნა და გამრავლება

1.საიდუმლო ინფორმაციის თარგმნა და გამრავლება უნდა განხორციელდეს მიმღები მხარის შიდასახელმწიფოებრივი კანონმდებლობის შესაბამისად და შემდეგი მოთხოვნების დაცვით :

a) ფიზიკური პირები , რომლებიც ახორციელებენ თარგმნას და გამრავლებას , უნდა ფლობდნენ საიდუმლო ინფორმაციასთან სათანადო ინდივიდუალურ დაშვებას , საკუთარი შიდასახელმწიფოებრივი კანონმდებლობის შესაბამისად ;

b) თარგმანი და ასლები უნდა აღინიშნოს და იქნეს დაცული ისევე , როგორც საიდუმლო ინფორმაციის დედანი ;

c) თარგმანი და ასლების რაოდენობა უნდა შეიზღუდოს იმდენად , რამდენადაც ეს აუცილებელია ოფიციალური მიზნებისათვის ;

d)  თარგმანი უნდა ატარებდეს სათანადო აღნიშვნას თარგმანის ენაზე , რომ ის შეიცავს წარმომშობი მხარისგან მიღებულ საიდუმლო ინფორმაციას .

2.საიდუმლო ინფორმაციის თარგმნა და გამრავლება შეიძლება შეიზღუდოს ან გამოირიცხოს წარმომშობი მხარის მიერ .

3. „სრულიად საიდუმლო /SECRET/SECRET“ საიდუმლოობის ხარისხის მქონე საიდუმლო ინფორმაციის გამრავლება უნდა განხორციელდეს მხოლოდ წარმომშობი მხარის წინასწარი წერილობითი თანხმობის შემთხვევაში .

4. „განსაკუთრებული მნიშვნელობის /STRICT SECRET/TOP SECRET“ საიდუმლოობის ხარისხის მქონე საიდუმლო ინფორმაცია არ უნდა გამრავლდეს მიმღები მხარის მიერ და უნდა ითარგმნოს მხოლოდ წარმომშობი მხარის წინასწარი წერილობითი თანხმობის შემთხვევაში .

საიდუმლო ინფორმაციის განადგურება

1.საიდუმლო ინფორმაცია უნდა განადგურდეს იმგვარად , რომ გამოირიცხოს მისი შინაარსის სრულად ან ნაწილობრივ აღდგენა . განადგურება უნდა განხორციელდეს წინამდებრე შეთანხმებისა და მიმღები მხარის შიდასახელმწიფოებრივი კანონმდებლობის შესაბამისად .

2.მიმღებმა მხარემ დაუყოვნებლივ უნდა აცნობოს წარმომშობ მხარეს განადგურების შესახებ .

3. „განსაკუთრებული მნიშვნელობის /STRICT SECRET/TOP SECRET“ საიდუმლოობის ხარისხის მქონე საიდუმლო ინფორმაცია არ უნდა განადგურდეს , არამედ უნდა დაუბრუნდეს წარმომშობ მხარეს , გარდა ამ მუხლის მე -5 პუნქტით გათვალისწინებული შემთხვევებისა .

4.წარმომშობი მხარის მოთხოვნის შემთხვევაში , უნდა მოხდეს საიდუმლო ინფორმაციის უკან დაბრუნება .

5.კრიზისული სიტუაციის ან სხვა გადაუდებელი აუცილებლობის შემთხვევებში , როდესაც შეუძლებელია წინამდებარე შეთანხმების ფარგლებში გაცვლილი ან შექმნილი საიდუმლო ინფორმაციის დაცვა ან უკან დაბრუნება , საიდუმლო ინფორმაცია დაუყოვნებლივ უნდა განადგურდეს . მიმღებმა მხარემ დაუყოვნებლივ უნდა აცნობოს ამის შესახებ წარმომშობ მხარეს .

საიდუმლო კონტრაქტები

1.ერთ -ერთმა მხარემ , რომელსაც სურს საიდუმლო კონტრაქტის დადება მეორე მხარის სახელმწიფოში არსებულ კონტრაქტორთან , ან რომელსაც სურს ერთ -ერთი თავისი კონტრაქტორისთვის უფლებამოსილების მინიჭება , მეორე მხარის სახელმწიფოს ტერიტორიაზე საიდუმლო კონტრაქტის დასადებად საიდუმლო პროექტის ფარგლებში , საკუთარი კომპეტენტური უსაფრთხოების ორგანოს მეშვეობით , მეორე მხარის კომპეტენტური უსაფრთხოების ორგანოსაგან უნდა მიიღოს წინასწარი წერილობითი დადასტურება , რომ შემოთავაზებული შესაძლო კონტრაქტორის მიმართ გაცემულია საიდუმლო ინფორმაციასთან სათანადო საიდუმლოობის ხარისხის იურიდიული პირის დაშვება , და რომ ის ფლობს შესაბამის ობიექტებს , რათა მოეპყრას და შეინახოს იგივე საიდუმლოობის ხარისხის მქონე საიდუმლო ინფორმაცია .

2.წინამდებარე შეთანხმების ფარგლებში დადებული თითოეული საიდუმლო კონტრაქტი უნდა შეიცავდეს :

a) კონტრაქტორის ვალდებულებას , უზრუნველყოს , რომ მისი ობიექტები აკმაყოფილებს სათანადო საიდუმლოობის ხარისხის მქონე საიდუმლო ინფორმაციასთან მოპყრობის აუცილებელ პირობებს ;

b) კონტრაქტორის ვალდებულებას , უზრუნველყოს , რომ ფიზიკურ პირებს , რომელთა საქმიანობა საჭიროებს საიდუმლო ინფორმაციის გაცნობას , მინიჭებული აქვთ საიდუმლო ინფორმაციასთან სათანადო საიდუმლოობის ხარისხის ინდივიდუალური დაშვება ;

c) კონტრაქტორის ვალდებულებას , უზრუნველყოს , რომ ყველა ფიზიკური პირი , რომელსაც უფლება აქვს , გაეცნოს საიდუმლო ინფორმაციას , ინფორმირებულია საიდუმლო ინფორმაციის დაცვასთან დაკავშირებული საკუთარი პასუხისმგებლობის შესახებ , თავისი შიდასახელმწიფოებრივი კანონმდებლობის შესაბამისად ;

d) კონტრაქტორის ვალდებულებას , განახორციელოს საკუთარი ობიექტების უსაფრთხოების პერიოდული შემოწმება ;

e) იმ სფეროების ჩამონათვალს , სადაც შეიძლება შეიქმნას საიდუმლო ინფორმაცია ;

f) შეტყობინების პროცედურას საიდუმლო ინფორმაციის საიდუმლოობის ხარისხის ნებისმიერი ცვლილების შესახებ ;

g) საკომუნიკაციო საშუალებებისა და ელექტრონული გადაცემის საშუალებების ჩამონათვალს ;

h) საიდუმლო ინფორმაციის გადაცემის პროცედურას ;

i) კონტრაქტორის ვალდებულებას , გადაუგზავნოს საიდუმლო კონტრაქტის ასლი საკუთარ კომპეტენტურ უსაფრთხოების ორგანოს ;

j) ქვეკონტრაქტორის ვალდებულებას , შეასრულოს უსაფრთხოების იგივე ვალდებულებები , რასაც კონტრაქტორი ასრულებს .

3.წინამდებარე შეთანხმების ფარგლებში კონტრაქტორების მიერ დადებული თითოეული საიდუმლო კონტრაქტი უნდა შეიცავდეს შესაბამის უსაფრთხოების დანართს , რომელიც , მინიმუმ , დაფარავს შემდეგს :

a) იმ საიდუმლო ინფორმაციის ჩამონათვალს , რომელთან მოპყრობა ხდება საიდუმლო კონტრაქტის ფარგლებში , და მათი საიდუმლოობის ხარისხებს ;

b) გაცვლილი საიდუმლო ინფორმაციის საიდუმლოობის ხარისხის ნებისმიერი ცვლილების შეტყობინების პროცედურას ;

c) გაცვლილი საიდუმლო ინფორმაციის საიდუმლოობის ხარისხის ნებისმიერი ცვლილების შეტყობინების არხებს ;

d) საიდუმლო ინფორმაციის ტრანსპორტირების პროცედურას ;

e) უსაფრთხოების ნებისმიერი ფაქტობრივი ან შესაძლო დარღვევის შეტყობინების ვალდებულებას .

ნებისმიერი საიდუმლო კონტრაქტის უსაფრთხოების დანართის ასლი უნდა გადაეცეს იმ მხარის კომპეტენტურ უსაფრთხოების ორგანოს , რომლის ტერიტორიაზეც მოხდება საიდუმლო კონტრაქტის შესრულება .

4.მხარეთა კომპეტენტური უსაფრთხოების ორგანოების წარმომადგენლებმა შესაძლოა ერთმანეთთან განახორციელონ ვიზიტები , რათა განიხილონ კონტრაქტორის მიერ საიდუმლო კონტრაქტიდან გამომდინარე საიდუმლო ინფორმაციის დასაცავად მიღებული ზომების ეფექტიანობა . ასეთი ვიზიტის შესახებ შეტყობინების წარდგენა უნდა მოხდეს წინასწარ , სულ მცირე , ოცი დღით ადრე .

ვიზიტები

1.ვიზიტები , რომლებიც ითვალისწინებს ერთი მხარის სახელმწიფოს მოქალაქეების მიერ საიდუმლო ინფორმაციის გაცნობას მეორე მხარის სახელმწიფოში , უნდა დაექვემდებაროს მასპინძელი მხარის კომპეტენტური უსაფრთხოების ორგანოს წინასწარ წერილობით თანხმობას .

2.ვიზიტები , რომლებიც ითვალისწინებს საიდუმლო ინფორმაციის გაცნობას , ნებადართული უნდა იქნეს ერთი მხარის მიერ მეორე მხარის ვიზიტორებისათვის მხოლოდ იმ შემთხვევაში , თუ მათ მინიჭებული აქვთ საიდუმლო ინფორმაციასთან სათანადო ინდივიდუალური დაშვება და უფლებამოსილნი არიან , მიიღონ ან გაეცნონ საიდუმლო ინფორმაციას , მათი შიდასახელმწიფოებრივი კანონმდებლობის შესაბამისად .

3.ვიზიტები , რომლებიც ითვალისწინებს საიდუმლო ინფორმაციის გაცნობას მესამე სახელმწიფოს მოქალაქეების მიერ , ნებადართული უნდა იქნეს მხოლოდ მხარეთა კომპეტენტური უსაფრთხოების ორგანოების ურთიერთშეთანხმებით .

4.მასპინძელი მხარის კომპეტენტურმა უსაფრთხოების ორგანომ , სულ მცირე , ოცდაათი დღით ადრე უნდა მიიღოს ვიზიტის შესახებ მოთხოვნა მეორე მხარის კომპეტენტური უსაფრთხოების ორგანოსგან .

5.გადაუდებელ შემთხვევებში , ვიზიტის შესახებ მოთხოვნა გადაცემული უნდა იქნეს , სულ მცირე , შვიდი დღით ადრე .

6.ვიზიტის შესახებ მოთხოვნა უნდა შეიცავდეს :

a) ვიზიტორის სახელსა და გვარს , დაბადების ადგილსა და თარიღს , მოქალაქეობას , პასპორტის ან პირადობის დამადასტურებელი დოკუმენტის ნომერს ;

b) ვიზიტორის თანამდებობის დასახელებას და იმ იურიდიული პირის სახელწოდებას , რომელსაც ვიზიტორი წარმოადგენს ;

c) იმ იურიდიული პირის სახელწოდებას , მისამართს , ტელეფონის /ფაქსის ნომერს , ელ .ფოსტას და საკონტაქტო პირს , სადაც ვიზიტი უნდა განხორციელდეს ;

d) დადასტურებას ვიზიტორის საიდუმლო ინფორმაციასთან ინდივიდუალური დაშვების , მისი საიდუმლოობის ხარისხისა და მოქმედების ვადის თაობაზე ;

e) ვიზიტის საგანსა და მიზანს ;

f.) მოთხოვნილი ვიზიტის სავარაუდო თარიღსა და ხანგრძლივობას ; განმეორებითი ვიზიტების შემთხვევაში , მითითებული უნდა იქნეს სრული პერიოდი , რომლის განმავლობაშიც განხორციელდება ვიზიტები ;

g) თარიღს , ხელმოწერასა და კომპეტენტური უსაფრთხოების ორგანოს ოფიციალური ბეჭდის შტამპს .

7.მხარეების კომპეტენტურ უსაფრთხოების ორგანოებს შეუძლიათ შეადგინონ იმ ფიზიკურ პირთა სიები , რომლებიც უფლებამოსილნი არიან , განახორციელონ განმეორებითი ვიზიტები . ეს სიები ძალაშია , მაქსიმუმ , ერთი წლის ვადით .

უსაფრთხოების დარღვევა

 1.უსაფრთხოების დარღვევის შემთხვევაში , რამაც გამოიწვია წინამდებარე შეთანხმების ფარგლებში გაცვლილი ან შექმნილი საიდუმლო ინფორმაციის ფაქტობრივი ან შესაძლო დაკარგვა , გამჟღავნება ან განადგურება , იმ მხარის კომპეტენტურმა უსაფრთხოების ორგანომ , სადაც განხორციელდა უსაფრთხოების დარღვევა , შეძლებისდაგვარად უმოკლეს ვადაში უნდა აცნობოს მეორე მხარის კომპეტენტურ უსაფრთხოების ორგანოს და დაიწყოს სათანადო გამოძიება .

2.თუ უსაფრთხოების დარღვევა მოხდა სახელმწიფოში , რომელიც არ წარმოადგენს მხარეების სახელმწიფოებს , იმ მხარის კომპეტენტურმა უსაფრთხოების ორგანომ , რომელმაც გასცა საიდუმლო ინფორმაცია მესამე მხარეზე , უნდა განახორციელოს ამ მუხლის პირველი პუნქტით გათვალისწინებული ქმედებები .

3.მოთხოვნის შემთხვევაში , მეორე მხარემ უნდა ითანამშრომლოს გამოძიების საკითხში , ამ მუხლის პირველი პუნქტის შესაბამისად .

4.მეორე მხარეს უნდა ეცნობოს გამოძიების შედეგების შესახებ და მან უნდა მიიღოს ზიანის მიზეზებისა და მოცულობის შესახებ საბოლოო ანგარიშის ინგლისურენოვანი თარგმანი .

ხარჯები

თითოეულმა მხარემ უნდა დაფაროს წინამდებარე შეთანხმების გამოყენებისა და ზედამხედველობის პროცესში გაღებული საკუთარი ხარჯები , თუ მხარეები სხვაგვარად არ შეთანხმდებიან ყოველ კონკრეტულ შემთხვევაში .

დავების გადაწყვეტა

წინამდებარე შეთანხმების განმარტებასთან ან გამოყენებასთან დაკავშირებული ნებისმიერი დავა უნდა გადაწყდეს მხარეებს შორის კონსულტაციების ან /და მოლაპარაკებების გზით .

დასკვნითი დებულებები

1.წინამდებარე შეთანხმება იდება განუსაზღვრელი ვადით და ძალაში შედის უკანასკნელი წერილობითი შეტყობინების მიღების თარიღიდან მომდევნო თვის პირველ დღეს , რითაც მხარეები , დიპლომატიური არხების მეშვეობით , ერთმანეთს ატყობინებენ ძალაში შესვლისთვის აუცილებელი შიდასახელმწიფოებრივი პროცედურების დასრულების შესახებ .

2.თითოეულ მხარეს შეუძლია შეწყვიტოს წინამდებარე შეთანხმების მოქმედება , მეორე მხარისთვის მოქმედების შეწყვეტის შესახებ წერილობითი შეტყობინების , დიპლომატიური არხების მეშვეობით , გაგზავნის გზით . ასეთ შემთხვევაში წინამდებარე შეთანხმება მოქმედებას წყვეტს მეორე მხარის მიერ მოქმედების შეწყვეტის შესახებ შეტყობინების მიღების თარიღიდან ექვსი თვის გასვლის შემდეგ .

3.წინამდებარე შეთანხმების მოქმედების შეწყვეტის მიუხედავად , მხარეებმა უნდა უზრუნველყონ , რომ ყველა საიდუმლო ინფორმაციის დაცვა გაგრძელდეს მანამდე , სანამ წარმომშობი მხარე არ გაათავისუფლებს მიმღებ მხარეს ამ ვალდებულებისაგან .

4.წინამდებარე შეთანხმებაში , მხარეების წერილობითი ურთიერთშეთანხმების საფუძველზე , შეიძლება შეტანილ იქნეს ცვლილებები და დამატებები . ეს ცვლილებები და დამატებები გაფორმდება ცალკე დოკუმენტის სახით , რომელიც წარმოადგენს წინამდებარე შეთანხმების განუყოფელ ნაწილს და ძალაში შედის წინამდებარე შეთანხმების მე -15 მუხლის პირველი პუნქტის შესაბამისად .

შესრულებულია ქ . კიშინეუში , 2018 წლის 5 ოქტომბერს , ორ დედნად , თითოეული ქართულ , რუმინულ და ინგლისურ ენებზე . ყველა ტექსტი თანაბრად ავთენტურია . მხარეთა მიერ წინამდებარე შეთანხმების დებულებების განმარტებისას უთანხმოების შემთხვევაში , უპირატესობა ენიჭება ტექსტს ინგლისურ ენაზე .