„საჯარო სამართლის იურიდიული პირის – აწარმოე საქართველოში დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2017 წლის 29 მაისის N1-1/217 ბრძანებაში ცვლილების შეტანის თაობაზე

საქართველოს ეკონომიკისა და მდგრადი განვითარების მინისტრის

2019 წლის 28 სექტემბერი

ქ. თბილისი

1. დებულების მე-2 მუხლის მე-2 პუნქტს დაემატოს „ნ“ ქვეპუნქტი  და ჩამოყალიბდეს შემდეგი რედაქციით:

„ნ) სააგენტოს სტრატეგიული მიმართულებების შესაბამისად პროგრამების მონიტორინგი, ანალიზი და შეფასება.“.
2. დებულების მე-4 მუხლის მე-2 პუნქტს დაემატოს „ვ“ ქვეპუნქტი და ჩამოყალიბდეს შემდეგი რედაქციით:
„ვ) ანალიზის, მონიტორინგის და შეფასების დეპარტამენტი;“.
3.  დებულების მე-5 მუხლს დაემატოს მე-5¹ პუნქტი და ჩამოყალიბდეს შემდეგი რედაქციით:
„5¹. ანალიზის, მონიტორინგის და შეფასების დეპარტამენტის ამოცანები და ფუნქციებია:
ა) სააგენტოს ყველა  პროგრამისთვის შესაბამისი მონიტორინგის სისტემის ჩამოყალიბება, აღნიშნული სისტემის პერიოდული განახლება;
ბ) სააგენტოს ყველა პროგრამის მონიტორინგის განხორციელების უზრუნველყოფა;
გ) სააგენტოს პროგრამების  შედეგების საზომი მაჩვენებლების შემუშავება და აღნიშნული მაჩვენებლების მეშვეობით პროგრამების შედეგების პერიოდული გაზომვა შედეგებზე დაყრდნობით პროგრამის სრულყოფისათვის განსახორციელებელი  ცვლილების ინიცირება;
დ) სააგენტოს  დეპარტამენტების სამუშაოს გაზომვადი მაჩვენებლების სისტემის ჩამოყალიბება და პერიოდული განახლება;
ე) სამეწარმეო, საექსპორტო და საინვესტიციო სფეროსთან დაკავშირებული საჭირო ანალიტიკური კვლევების იდენტიფიცირება და განხორციელება;
ვ)   სააგენტოს ანალიტიკური ინფორმაციით უზრუნველყოფა;
ზ) კომპეტენციის ფარგლებში განცხადებების, საჩივრების, წერილების განხილვა/მომზადება ან/და განხილვაში/მომზადებაში  მონაწილეობა;
თ) სააგენტოს პროგრამების დაგეგმვასა და სტრატეგიული  მიმართულებების განსაზღვრაში მონაწილეობა.“.