„საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან პროფესიული განვითარების საბჭოს შექმნისა და მისი დებულების დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2018 წლის 15 აგვისტოს №01-9/ნ ბრძანებაში ცვლილების შეტანის შესახებ

✨ ჰკითხე AI-ს ამ კანონის შესახებ

საქართველოს მინისტრის ბრძანება მოქმედი ადგილობრივი მმართველობა სოციალური დაცვა ჯანმრთელობა

მიღების თარიღი

04.10.2019

გამომცემი ორგანო

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი

ნომერი

№01-65/ნ

სარეგისტრაციო კოდი

010240030.22.035.016633

გამოქვეყნების წყარო

matsne.gov.ge , 04/10/2019

📥 მინიშნება 1 🧬 მსგავსი 10

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

📥 უკუმითითებები — 1 დოკუმენტი

საქართველოს მინისტრის ბრძანება (1)

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან პროფესიული გან 15.08.2018

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის

ბრძანება №01-65/ნ

2019 წლის 4 ოქტომბერი

ქ. თბილისი

„საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან პროფესიული განვითარების საბჭოს შექმნისა და მისი დებულების დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2018 წლის 15 აგვისტოს №01-9/ნ ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

„საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან პროფესიული განვითარების საბჭოს შექმნისა და მისი დებულების დამტკიცების შესახებ” საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2018 წლის 15 აგვისტოს №01-9/ნ ბრძანებაში (www.matsne.gov.ge; 15/08/2018, სარეგისტრაციო კოდი: 010240030.22.035.016518) შეტანილ იქნეს შემდეგი ცვლილება:

1. ბრძანებით დამტკიცებული პროფესიული განვითარების საბჭოს დებულების მე-2 მუხლის „მ“ ქვეპუნქტი ჩამოყალიბდეს შემდეგი რედაქციით:

„მ) ექიმთა პროფესიული ასოციაციების რეკომენდაციით (დანართი №1²), აძლევს საქართველოში დროებითი დამოუკიდებელი საექიმო საქმიანობის ან ერთჯერადი სამედიცინო მომსახურების უფლებას უცხო ქვეყნის სპეციალისტს, დანართი №1¹-ით დადგენილი წესით;“.

2. ბრძანების დანართი №1-ის (პროფესიული განვითარების საბჭოს დებულება) შემდეგ დაემატოს დანართი №1¹და დანართი №1² შემდეგი რედაქციით:

„დანართი №1¹

უცხო ქვეყნის სპეციალისტისათვის დროებითი დამოუკიდებელი საექიმო საქმიანობის ან ერთჯერადი სამედიცინო მომსახურების უფლების მინიჭების წესი

1. უცხო ქვეყნის სპეციალისტს საქართველოში დროებითი დამოუკიდებელი საექიმო საქმიანობის ან ერთჯერადი სამედიცინო მომსახურების უფლებას აძლევს საბჭო.

2. უცხო ქვეყნის სპეციალისტისათვის საქართველოში დროებითი დამოუკიდებელი საექიმო საქმიანობის ან ერთჯერადი სამედიცინო მომსახურების უფლების მინიჭების მიზნით სამედიცინო დაწესებულებამ საბჭოს სამდივნოს უნდა წარუდგინოს:

ა) განაცხადი უცხო ქვეყნის სპეციალისტის მოწვევის თაობაზე (მოწვევის მიზნის, ვადებისა და ვიზიტის ფარგლებში დაგეგმილი აქტივობების მითითებით);

ბ) უცხო ქვეყნის სპეციალისტის დამოუკიდებელი საექიმო საქმიანობის დამადასტურებელი დოკუმენტი, გაცემული შესაბამისი ქვეყნის კომპეტენტური ორგანოს მიერ (თარგმნილი და ნოტარიულად დამოწმებული);

გ) უცხო ქვეყნის ექიმთა შესაბამისი პროფესიული ასოციაციის წევრობის დამადასტურებელი დოკუმენტი (არსებობის შემთხვევაში);

დ) იმ დაწესებულების მიერ გაცემული დოკუმენტი (რომელიც, ასევე, მოიცავს ინფორმაციას სამუშაო ადგილისა და სამუშაო აქტივობის თაობაზე), სადაც დასაქმებულია აღნიშნული სპეციალისტი (თარგმნილი და ნოტარიულად დამოწმებული);

ე) საქართველოს შესაბამისი ექიმთა პროფესიული ასოციაციის რეკომენდაცია, ამ ბრძანების დანართი №1²-ით განსაზღვრული ფორმატის შესაბამისად, რომელიც აკმაყოფილებს ამ წესის მე-3 პუნქტით განსაზღვრულ მოთხოვნებს.

3. ექიმთა პროფესიული ასოციაციის რეკომენდაცია უნდა ასახავდეს შემდეგ მონაცემებს:

ა) უცხო ქვეყნის სპეციალისტის სტატუსი (დამოუკიდებელი საექიმო საქმიანობის უფლების დამადასტურებელი სტატუსი)/სამეცნიერო (აკადემიური) წოდება (არსებობის შემთხვევაში), პროფესიული გამოცდილება (ხანგრძლივობა), შესაბამისი დარგობრივი ორგანიზაცი(ებ)ის წევრობა (მ.შ. შესაბამისი ქვეყნის დარგობრივი ორგანიზაცია, საერთაშორისო დარგობრივი ორგანიზაცია, არსებობის შემთხვევაში);

ბ) ინფორმაცია ვიზიტის ფარგლებში დაგეგმილი მკურნალობის მეთოდ(ებ)ის შესაბამის უცხო ქვეყანაში, დანერგვა/გამოყენების თაობაზე;

გ) ინფორმაცია ვიზიტის ფარგლებში დაგეგმილი მკურნალობის მეთოდ(ებ)ის საქართველოში შესაბამისი დარგის განვითარებისათვის მნიშვნელობის შესახებ;

დ) ინფორმაცია ვიზიტის ადგილობრივი საკადრო რესურსის უწყვეტი პროფესიული განვითარების/დიპლომისშემდგომი განათლების (პროფესიული მზადების) პროცესზე გავლენის თაობაზე (არსებობის შესახებ).

4. იმ შემთხვევაში, როცა ექიმთა პროფესიული ასოციაციის რეკომენდაცია (დასკვნა) არის უარყოფითი, ის უნდა მოიცავდეს დასაბუთებას უარის თქმის შესახებ (მ.შ., უნდა იყოს დასაბუთებული კონკრეტული არგუმენტებით).

5. საბჭოს სამდივნო განიხილავს სამედიცინო დაწესებულების მიერ წარმოდგენილი განაცხადისა და მასზე თანდართულ დოკუმენტაციის შესაბამისობას ამ წესის მე-2, მე-3 და მე-4 პუნქტებით განსაზღვრულ მოთხოვნებთან.

6. იმ შემთხვევაში, თუ სამედიცინო დაწესებულების მიერ წარმოდგენილი განაცხადი და მასზე თანდართული დოკუმენტაცია აკმაყოფილებს ამ წესის მე-2, მე-3 და მე-4 პუნქტებით განსაზღვრულ მოთხოვნებს, საბჭოს სამდივნო საკითხს, განხილვის მიზნით, წარადგენს საბჭოს უახლოეს სხდომაზე.

7. საბჭოს სამდივნო უფლებამოსილია, უარი უთხრას სამედიცინო დაწესებულებას უცხო ქვეყნის სპეციალისტისათვის საქართველოში დროებითი დამოუკიდებელი საექიმო საქმიანობის ან ერთჯერადი სამედიცინო მომსახურების უფლების მინიჭების საკითხის განხილვის თაობაზე, თუ განაცხადს არ ახლავს ამ წესის მე-2 პუნქტით განსაზღვრული ყველა დოკუმენტი ან/და ექიმთა პროფესიული ასოციაციის რეკომენდაცია (როგორც დადებითი, ასევე უარყოფითი) არ პასუხობს ამ წესის მე-3 და მე-4 პუნქტებით განსაზღვრულ მოთხოვნებს.

8. უცხო ქვეყნის სპეციალისტისათვის საქართველოში დროებითი დამოუკიდებელი საექიმო საქმიანობის ან ერთჯერადი სამედიცინო მომსახურების უფლების მინიჭების თაობაზე საბოლოო გადაწყვეტილებას იღებს საბჭო (მიუხედავად ექიმთა პროფესიული ასოციაციის რეკომენდაციაში მითითებული დასკვნისა), კანონმდებლობით დადგენილი წესით.

9. გამონაკლის შემთხვევებში, ერთჯერადი სამედიცინო მომსახურებისათვის უცხო ქვეყნის სპეციალისტის მოწვევისას, თუ პაციენტს აღენიშნება სიცოცხლისათვის საშიში მდგომარეობა ან ესაჭიროება გადაუდებელი სამედიცინო მომსახურება, უცხო ქვეყნის სპეციალისტს საქართველოში ერთჯერადი სამედიცინო მომსახურების განხორციელებისათვის საჭირო დოკუმენტები შეიძლება გაფორმდეს სამედიცინო მომსახურების მიწოდების შემდეგ.

10. ამ დანართის მე-9 პუნქტით განსაზღვრულ შემთხვევაში სამედიცინო დაწესებულება წინასწარ უზრუნველყოფს საბჭოს შეტყობინებას (სადაც აისახება პაციენტის საიდენტიფიკაციო ინფორმაცია – სახელი, გვარი, პირადი ნომერი, წინასწარი დიაგნოზი, მოწვეული ექიმის სახელი, გვარი, სპეციალობა) გადაუდებელი სამედიცინო მომსახურების განხორციელების თაობაზე, ხოლო ამ დანართით განსაზღვრულ სრულ დოკუმენტაციას საბჭოს წარუდგენს უცხო ქვეყნის სპეციალისტის მიერ საექიმო საქმიანობის განხორციელების თვის მომდევნო თვის დასრულებამდე.

11. უცხო ქვეყნის სპეციალისტისათვის საქართველოში დროებითი დამოუკიდებელი საექიმო საქმიანობის უფლების შეჩერების ან/და გაუქმების შემთხვევაში საბჭოს სამდივნო ვალდებულია, ინფორმაცია აღნიშნულის შესახებ მიაწოდოს შესაბამისი ქვეყნის კომპეტენტურ ორგანოს.

დანართი №1²

ექიმთა პროფესიული ასოციაციის რეკომენდაცია

უცხო ქვეყნის სპეციალისტისათვის საქართველოში დროებითი დამოუკიდებელი საექიმო საქმიანობის ან ერთჯერადი სამედიცინო მომსახურების უფლების მინიჭების თაობაზე

ექიმთა პროფესიული ასოციაციის დასახელება --------------------------------------

საიდენტიფიკაციო კოდი ----------------------------------------------------------------

უცხო ქვეყნის სპეციალიტის სახელი, გვარი ------------------------------------------

ქვეყანა, რომლის მოქალაქეც არის უცხო ქვეყნის სპეციალისტი --------------------

------------------------------------------------------------------------------------------------

უცხო ქვეყნის სპეციალისტის სამუშაო ადგილი (მ.შ. თანამდებობა) ----------------

სამეცნიერო (აკადემიური) წოდება --------------------------------------------------------

პროფესიული გამოცდილება (ხანგრძლივობა) --------------------------------------------

ექიმთა პროფესიული ასოციაცი(ებ)ის წევრობა --------------------------------------------

----------------------------------------------------------------------------------------------------

ინფორმაცია ვიზიტის ფარგლებში დაგეგმილი მკურნალობის მეთოდ(ებ)ის დანერგვა/გამოყენების თაობაზე --------------------------------------------------------------

------------------------------------------------------------------------------------------------------

ინფორმაცია ვიზიტის ფარგლებში დაგეგმილი მკურნალობის მეთოდ(ებ)ის/ აქტუალობის თაობაზე --------------------------------------------------------------

------------------------------------------------------------------------------------------------------

ინფორმაცია ვიზიტის ფარგლებში ადგილობრივი საკადრო რესურსის უწყვეტი პროფესიული განვითარების/დიპლომისშემდგომი განათლების (პროფესიული მზადების) ხელშეწყობის თაობაზე --------------------------------------------------------------

------------------------------------------------------------------------------------------------------

ექიმთა პროფესიული ასოციაციის რეკომენდაცია

დადებითი

უარყოფითი (დასაბუთება) -------------------------------------------------------------------

------------------------------------------------------------------------------------------------------

--------------------------------------------------------------------------------------------“.

[1] რეკომენდაციის თითოეული ველი უნდა შეივსოს გარკვევით, სრულყოფილად.

მუხლი 2

ბრძანება ამოქმედდეს გამოქვეყნებისთანავე.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი		ეკატერინე ტიკარაძე