1. საერთო კრებაზე დგება ოქმი. ოქმში მიეთითება:
ა) საერთო კრების გამართვის თარიღი და ადგილი;
ბ) ოქმის ნომერი;
გ) საერთო კრებაზე განხილული საკითხ(ებ)ი და მიღებული გადაწყვეტილება, კენჭისყრის შედეგების ჩათვლით;
დ) საერთო კრებაზე დამსწრე საერთო კრების წევრთა რაოდენობა;
ე) სხვა ინფორმაცია (საჭიროების შემთხვევაში).
2. საერთო კრების ოქმს ხელს აწერს რჩეული ან, წინამდებარე დებულების მე-11 მუხლის მე-4 პუნქტის შესაბამისად, საერთო კრების თავმჯდომარეობაზე უფლებამოსილი პირი და სხდომის მდივანი.
3. საერთო კრების გადაწყვეტილება, შესაბამის სხდომაზე მიღებული ოქმის ფორმით, რჩეულის ან, წინამდებარე დებულების მე-11 მუხლის მე-4 პუნქტის შესაბამისად, განსაზღვრული პირის მიერ რეაგირებისთვის წარედგინებათ მუნიციპალიტეტის შესაბამის ორგანოებს კრების გამართვიდან 7 სამუშაო დღის ვადაში.
4. სხდომის ოქმი ინახება მუნიციპალიტეტის მერიაში.