გორის მუნიციპალიტეტის სოფლების: ქვახვრელსა და უფლისციხის (ქვახვრელის ადმინისტრაციული ერთეული) დასახლებაში არსებული ქუჩების სახელდების შესახებ

1. გორის მუნიციპალიტეტის სოფელ ქვახვრელის (ქვახვრელის ადმინისტრაციული ერთეული) დასახლებაში არსებულ ქუჩებს მიენიჭოს სახელები თანდართული №1 დანართის შესაბამისად (დანართი თან ერთვის ერთ ფურცლად).

2. გორის მუნიციპალიტეტის სოფელ უფლისციხის (ქვახვრელის ადმინისტრაციული ერთეული) დასახლებაში არსებულ ქუჩებს მიენიჭოს სახელები  თანდართული №2 დანართის შესაბამისად (დანართი თან ერთვის ერთ ფურცლად).

3. განკარგულება რეაგირებისათვის გაეგზავნოს მუნიციპალიტეტის მერს. მერიამ მიღებიდან 4 თვის ვადაში უზრუნველყოს ამ განკარგულების შესასრულებლად საჭირო  ღონისძიებების გატარება.

4. განკარგულება  მიღებიდან 10 დღის ვადაში გაეგზავნოს საქართველოს იუსტიციის სამინისტროს მმართველობის სფეროში მოქმედ საჯარო სამართლის იურდიულ პირს საჯარო რეესტრის ეროვნულ სააგენტოს, სახელმწიფო სერვისების განვითარების სააგენტოს, საქართველოს შინაგან საქმეთა სამინისტროსა და საქართველოს ცენტრალურ საარჩევნო კომისიას.

5. განკარგულება გაეგზავნოს „საქართველოს საკანონმდებლო მაცნეს“, რათა განკარგულების მიღებიდან 10 დღის ვადაში  მოახდინოს  ვებგვერდზე მისი გამოქვეყნება.

6. განკარგულება ძალაში შევიდეს ხელმოწერისთანავე.

7. განკარგულების გასაჩივრება შესაძლებელია დაინტერესებული მხარის მიერ მისი გაცნობის დღიდან ერთი თვის განმავლობაში, სარჩელის წარდგენის გზით გორის რაიონულ სასამართლოში (მისამართი: ქალაქი გორი; სერგო ჯორბენაძის ქ.№30).

საკრებულოს თავმჯდომარე                                                                                  დავით რაზმაძე