„საჯარო სამართლის იურიდიული პირის – შემოსავლების სამსახურის სტრუქტურული ერთეულების დებულების დამტკიცების თაობაზე“ შემოსავლების სამსახურის უფროსის 2011 წლის 2 ივნისის №2742 ბრძანებაში ცვლილების შეტანის შესახებ

2. ბრძანებით დამტკიცებული „საჯარო სამართლის იურიდიული პირის – შემოსავლების სამსახურის ანალიტიკური დეპარტამენტის დებულების“ (დანართი №14):

ა) მე-5 მუხლის:

ა.ა) „ა¹“ ქვეპუნქტი ჩამოყალიბდეს შემდეგი რედაქციით:

„ა¹) შესაბამისი სტრუქტურული ერთეულების ჩართულობით, წლიური საოპერაციო გეგმების შემუშავების და დამტკიცების კოორდინაცია, მათი შესრულების მონიტორინგი და შედეგების ანალიზი;“;

ა.ბ) „ა³“ ქვეპუნქტი ჩამოყალიბდეს შემდეგი რედაქციით:

„ა³) გადამხდელთა კანონშესაბამისობის რისკის მართვის მოდელების ჩამოყალიბება და შესაბამისი სტრუქტურული ერთეულების ჩართულობით ჩამოყალიბებული მოდელების იმპლემენტირება საოპერაციო გეგმებში;“;

ა.გ) „ტ“ ქვეპუნქტის შემდეგ დაემატოს შემდეგი შინაარსის „ტ¹“ -ტ⁷“ ქვეპუნქტები:

ტ¹) შემოსავლების სამსახურის სტრატეგიის შემუშავება;

ტ²) შემოსავლების სამსახურის სტრატეგიის ფარგლებში განსახორციელებელი რეფორმებისა და ყოველწლიური სამოქმედო გეგმის შემუშავება;

ტ³) დაგეგმილი რეფორმებისა და ყოველწლიური სამოქმედო გეგმის შედეგებისა და შეფასების კრიტერიუმების განსაზღვრა და საჭიროების შემთხვევაში განახლება;

ტ⁴) დაგეგმილი რეფორმებისა და ყოველწლიური სამოქმედო გეგმის განხორციელების მონიტორინგისა და ანგარიშგების, მართვის საინფორმაციო სისტემის შემუშავება;

ტ⁵) დაგეგმილი რეფორმებისა და ყოველწლიური სამოქმედო გეგმის განხორციელების კოორდინაცია, მონიტორინგი და შედეგების ანალიზი;

ტ⁶) დაგეგმილი რეფორმებისა და ყოველწლიური სამოქმედო გეგმის შედეგების ანალიზის საფუძველზე შესაბამისი წინადადებების შემუშავება და ცვლილებების ინიციირება;

ტ⁷) შემოსავლების სამსახურის სტრატეგიის ფარგლებში განსახორციელებელი რეფორმებისა და ყოველწლიური სამოქმედო გეგმის შესრულების წლიური ანგარიშის მომზადება და სამსახურის ხელმძღვანელობისთვის წარდგენა.“;

ბ) მე-7 მუხლს დაემატოს შემდეგი შინაარსის „ი“ ქვეპუნქტი:

„ი)„რეფორმებისა და დაგეგმვის სამმართველო.“;

გ) მე-8 მუხლის:

გ.ა) „ა³“ ქვეპუნქტი ამოღებულ იქნეს;

გ.ბ) „ა⁵ ქვეპუნქტი ჩამოყალიბდეს შემდეგი რედაქციით:

„ა⁵) გადამხდელთა კანონშესაბამისობის რისკის მართვის მოდელების ჩამოყალიბება და შესაბამისი სტრუქტურული ერთეულების ჩართულობით ჩამოყალიბებული მოდელების იმპლემენტირება საოპერაციო გეგმებში;“;

გ.გ) „გ“ ქვეპუნქტი ჩამოყალიბდეს შემდეგი რედაქციით:

„გ) გასვლითი და კამერალური საგადასახადო შემოწმებების დაგეგმვის მიზნით, საგადასახადო მონაცემთა ავტომატიზებული სისტემისა და ერთიანი ელექტრონული საინფორმაციო ბაზებში არსებული ან/და სხვა მიღებული ინფორმაციის ანალიზის საფუძველზე გამოვლენილ რისკის მქონე გადასახადის გადამხდელების შესახებ აუდიტის დეპარტამენტისათვის ინფორმაციის წარდგენა. აუდიტის დეპარტამენტის მიერ ჩატარებული საგადასახადო შემოწმებების შედეგების განზოგადება;“;

გ.დ) „ზ“ ქვეპუნქტი ამოღებულ იქნეს;

გ.ე) „კ“ და „ლ“ ქვეპუნქტები ამოღებულ იქნეს;

გ.ვ) „მ“ ქვეპუნქტი ჩამოყალიბდეს შემდეგი რედაქციით:

„მ) გადამხდელთა კანონშესაბამისობის რისკების მართვისთვის საჭირო მონაცემთა ბაზებში არსებული ინფორმაციის ხარისხის კონტროლი და შესაბამისი სტრუქტურული ერთეულების ჩართულობით ხარისხის კონტროლის მექანიზმების შემუშავება;“;

გ.ზ) „ო¹“ ქვეპუნქტი ამოღებულ იქნეს;

გ.თ) „პ“ ქვეპუნქტი ჩამოყალიბდეს შემდეგი რედაქციით:

„პ) მესამე მხარისაგან მისაღები ინფორმაციის იდენტიფიცირება, ინფორმაციის მისაღები შესაბამისი ფორმების შემუშავება;“;

გ.ი) „რ“ ქვეპუნქტი ამოღებულ იქნეს;

დ) მე-10 მუხლის:

დ.ა) „ვ“ ქვეპუნქტი ჩამოყალიბდეს შემდეგი რედაქციით:

„ვ) შესაბამისი სტრუქტურული ერთეულების ჩართულობით მონაცემთა ბაზებში არსებული ინფორმაციის ხარისხის კონტროლი და ხარისხის კონტროლის მექანიზმების შემუშავება;“;

დ.ბ) „ვ“ ქვეპუნქტის შემდეგ დაემატოს შემდეგი შინაარსის „ვ¹“ ქვეპუნქტი:

„ვ¹) გადამხდელთა მიერ დეკლარაციების დროულად წარმოდგენის უზრუნველსაყოფად მონაცემთა დამუშავება, მონიტორინგი და შესაბამისი ღონისძიებების დაგეგმვა;“;

დ.გ) „თ“ ქვეპუნქტი ჩამოყალიბდეს შემდეგი რედაქციით:

„თ) არარეგისტრირებული გადამხდელების შესახებ ინფორმაციის ანალიზი და შესაბამისი ღონისძიებების დაგეგმვა;“;

ე) 10² მუხლის შემდეგ დაემატოს შემდეგი შინაარსის 10³ მუხლის:

„მუხლი 10³. რეფორმებისა და დაგეგმვის სამმართველო:

რეფორმებისა და დაგეგმვის სამმართველოს ფუნქციებია:

ა) შემოსავლების სამსახურის სტრატეგიის შემუშავება;

ბ) შემოსავლების სამსახურის სტრატეგიის ფარგლებში განსახორციელებელი რეფორმებისა და სტრატეგიის სამოქმედო გეგმის შემუშავება;

გ) დაგეგმილი რეფორმებისა და სტრატეგიის სამოქმედო გეგმის შესრულების ინდიკატორების განსაზღვრა და საჭიროების შემთხვევაში განახლება;

დ) დაგეგმილი რეფორმებისა და სტრატეგიის სამოქმედო გეგმის განხორციელების კოორდინაცია, მონიტორინგი და შედეგების ანალიზი;

ე) დაგეგმილი რეფორმებისა და სტრატეგიის სამოქმედო გეგმის შედეგების ანალიზის საფუძველზე, შესაბამისი წინადადებების შემუშავება და ცვლილებების ინიცირება;

ვ) შესაბამისი სტრუქტურული ერთეულების ჩართულობით, წლიური საოპერაციო გეგმების შემუშავების და დამტკიცების კოორდინაცია, მათი შესრულების მონიტორინგი და შედეგების ანალიზი;

ზ) სტრუქტურული ერთეულების/სტრუქტურული ქვედანაყოფების ანგარიშგების სისტემის შემუშავება და საჭირო ინფორმაციის შეგროვება;

თ) საოპერაციო გეგმებით წინასწარ განსაზღვრულ და ფაქტობრივ შედეგებს შორის არსებული შეუსაბამობების ანალიზი და შესაბამისი რეკომენდაციების შემუშავება;

ი) სამსახურის სტრატეგიის ფარგლებში განსახორციელებელი რეფორმების, სტრატეგიის სამოქმედო გეგმისა და საოპერაციო გეგმის შესრულების შუალედური/წლიური ანგარიშის მომზადება და სამსახურის ხელმძღვანელობისთვის წარდგენა;

კ) შემუშავებული წლიური საოპერაციო დაგეგმვის მეთოდოლოგიაში საჭიროების შემთხვევაში ცვლილებების ინიცირება;

ლ) კომპეტენციის ფარგლებში, გადასახადის გადამხდელის, მისი წარმომადგენლისა და სხვა დაინტერესებული პირის კორესპონდენციის განხილვა;

მ) შემოსავლების სამსახურის ხელმძღვანელობის ცალკეული დავალებებისა და მითითებების შესრულება.“.

3. ბრძანებით დამტკიცებული „საჯარო სამართლის იურიდიული პირის – შემოსავლების სამსახურის რეფორმებისა და დაგეგმვის დეპარტამენტის დებულება (დანართი №16) ამოღებულ იქნეს.