„გურჯაანის მუნიციპალიტეტის ტერიტორიაზე ბინადარი შინაური ცხოველების (ძირითადად, ძაღლები და კატები) მოვლა-პატრონობის და მათი პოპულაციების მართვის წესის დამტკიცების შესახებ“ გურჯაანის მუნიციპალიტეტის საკრებულოს 2021 წლის 24 ნოემბერის №14 დადგენილებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
მუნიციპალიტეტის საკრებულოს დადგენილება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
გურჯაანის მუნიციპალიტეტის საკრებულოს დადგენილება №33 |
|
2022 წლის 4 თებერვალი ქ. გურჯაანი |
1. დადგენილების პრეამბულა ჩამოყალიბდეს შემდეგი რედაქციით:
„საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „რ“ ქვეპუნქტის, 61-ე მუხლის 1-ლი და მე-2 პუნქტებისა და „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად,გურჯაანის მუნიციპალიტეტის საკრებულო ადგენს:“
2. დადგენილებით დამტკიცებული დანართის „გურჯაანის მუნიციპალიტეტის ტერიტორიაზე ბინადარი შინაური ცხოველების (ძირითადად, ძაღლები და კატები) მოვლა-პატრონობის და მათი პოპულაციების მართვის წესის“:
ა) მე-3 მუხლის პირველი პუნქტი ჩამოყალიბდეს შემდეგი რედაქციით:
„1. პატრონიანი ცხოველი – ცხოველი, რომელსაც მოცემული პერიოდისათვის ჰყავს მეპატრონე და იმყოფება მეპატრონის კონტროლქვეშ. აგრეთვე ცხოველი რომელსაც ამ წესის მე-4 მუხლის მე-2 პუნქტის შესაბამისად მინიჭებული აქვს პატრონიანი ცხოველის სტატუსი.“
ბ) მე-4 მუხლის მე-2 პუნქტი ჩამოყალიბდეს შემდეგი რედაქციით:
„2. ცხოველს პატრონიანის სტატუსი ენიჭება მეპატრონის მიერ წინამდებარე წესით განსაზღვრული პირობებით, ცხოველის რეგისტრაციის მომენტიდან.“
გ) მე-6 მუხლის მე-2 პუნქტის „კ“ ქვეპუნქტი ჩამოყალიბდეს შემდეგი რედაქციით:
„კ) დამხმარე არაძირითადი საქმიანობის სახით, სხვადასხვა შინაური ცხოველების მოვლა-პატრონობასთან დაკავშირებით კერძო პირებისათვის მომსახურების გაწევა (შინაურ ცხოველთა ტრანსპორტირება, დროებით მოვლა-პატრონობა, აგრეთვე სააგენტოს წესდებით გათვალისწინებული სხვა სახის მომსახურება) შესაბამისი საფასურით;“
დ) მე-7 მუხლის პირველი პუნქტი ჩამოყალიბდეს შემდეგი რედაქციით:
„1. ა(ა)იპ „მიუსაფარი შინაური ცხოველების მართვის კახეთის ინტერმუნიციპალური სააგენტო“ წარმოადგენს საქართველოს სამოქალაქო კოდექსისა და საქართველოს ორგანული კანონის „ადგილობრივი თვითმმართველობის კოდექსის“ 21-ე მუხლის და 1061 მუხლის მე-2 პუნქტის შესაბამისად შექმნილ, წევრობაზე დაფუძნებლ არასამეწარმეო (არაკომერციული) იურიდიულ პირს, რომელიც იქმნება მუნიციპალიტეტების (გურჯაანი, თელავი, ახმეტა, საგარეჯო, სიღნაღი, ლაგოდეხი, ყვარლი, დედოფლისწყარო) ერთობლივი საქმიანობის განხორციელების ორგანიზებისათვის;“
|