„საქართველოს თავდაცვის სამინისტროს მოსამსახურეთა შრომის ანაზღაურების, სოციალური დაცვისა და მატერიალური უზრუნველყოფის პირობების დამტკიცების შესახებ" საქართველოს თავდაცვის მინისტრის 2018 წლის 15 იანვრის №1 ბრძანებაში ცვლილების შეტანის თაობაზე

საქართველოს თავდაცვის მინისტრის

2022 წლის 2 მაისი

ქ. თბილისი

1.  58¹ მუხლის:

ა)  მე-3 პუნქტს  დაემატოს შემდეგი შინაარსის „დ“ ქვეპუნქტი:

„დ) 2500 ლარი – ამ მუხლის მე-2 პუნქტის „ბ“ ქვეპუნქტით განსაზღვრული დანამატიდან, კონტრაქტის გაფორმებიდან 2 წლის შემდეგ.“;

ბ) მე-4 პუნქტი ჩამოყალიბდეს შემდეგი რედაქციით:

„4. სამხედრო მოსამსახურეს, რომელსაც ამ მუხლის მე-2 პუნქტით გათვალისწინებული კონტრაქტის გაფორმების გამო, შეუწყდება ამ მუხლის პირველი პუნქტით გათვალისწინებული რომელიმე კონტრაქტი, მიეცემა შეწყვეტილი კონტრაქტის ფაქტობრივად ნამსახურები ვადის პროპორციული დანამატი. ამ პუნქტით განსაზღვრულ შემთხვევებში ჯამური ვადის გაანგარიშება ხდება კალენდარული დღით.“;

გ)  მე-6 პუნქტის შემდეგ დაემატოს შემდეგი შინაარსის მე-7 პუნქტი:

„7. სამხედრო მოსამსახურეს, რომელსაც 2022 წლის პირველ აპრილამდე გაფორმებული აქვს „ავადმყოფობის გამო შვებულებაში მყოფ სამხედრო მოსამსახურესთან გაფორმებული კონტრაქტის ვადის გაგრძელების წესის შესახებ“ საქართველოს თავდაცვის მინისტრის 2009 წლის 4 მარტის №134 ბრძანებით დამტკიცებული „შეთანხმების ოქმი კონტრაქტის ვადის გაგრძელების შესახებ“, ამ შეთანხმების ოქმის დასრულების შემდეგ მიეცემათ ერთჯერადი დახმარება 7000 ლარის ოდენობით, თუ აღნიშნული კონტრაქტი ითვალისწინებდა ერთჯერადი დახმარების გაცემის ვალდებულებას.“.

2. 58² მუხლის:

ა) მე-6 პუნქტი ჩამოყალიბდეს შემდეგი რედაქციით:

„6. ამ მუხლით განსაზღვრულ შემთხვევებში ჯამური ვადის გაანგარიშება ხდება კალენდარული დღით.“;

ბ)  მე-6 პუნქტის შემდეგ დაემატოს შემდეგი შინაარსის მე-7 პუნქტი:

„7. სამხედრო მოსამსახურეს, რომელსაც 2022 წლის პირველ აპრილამდე გაფორმებული აქვს „შეთანხმების ოქმის დამტკიცების თაობაზე“ საქართველოს თავდაცვის მინისტრის 2011 წლის 22 თებერვლის №120 ბრძანებით დამტკიცებული შეთანხმების ოქმი (დანართი №1), ამ შეთანხმების ოქმით განსაზღვრული სრული ვადის ამოწურვის შემდეგ, მიეცემა დანამატი წლიური 2500 ლარის გაანგარიშებით – 2022 წლის პირველი აპრილიდან აღნიშნული შეთანხმების ოქმით განსაზღვრული ვადის დასრულებამდე დარჩენილი პერიოდის ფაქტობრივად ნამსახურები ვადის პროპორციულად.“.