„ზუგდიდის მუნიციპალიტეტის საკრებულოს დებულების (რეგლამენტი) დამტკიცების შესახებ“ ზუგდიდის მუნიციპალიტეტის საკრებულოს 2017 წლის 14 ნოემბრის №1 დადგენილებაში ცვლილების შეტანის თაობაზე

ა)  მე-18 მუხლის მე-5 პუნქტი ჩამოყალიბდეს შემდეგი რედაქციით და დაემატოს  5¹  და 5² ქვეპუნქტები:

„5. თუ საკრებულოს თავმჯდომარის არცერთი მოადგილე არ არის არჩეული ან საკრებულოს თავმჯდომარის მოადგილეთა მიერ უფლებამოსილების განხორციელება შეუძლებელია, საკრებულოს თავმჯდომარის მოვალეობას ასრულებს საკრებულოს უხუცესი წევრი.

5¹. საკრებულოს თავმჯდომარის პირველი მოადგილე კოორდინაციას უწევს საკრებულოს საფინანსო-საბიუჯეტო და სარევიზიო და  ეკონომიკის, ურბანული განვითარებისა და  ქონების მართვის საკითხთა  კომისიებს, ასრულებს  საკრებულოს თავმჯდომარის დავალებებს.

5². საკრებულოს თავმჯდომარის მოადგილეები  კოორდინაციას უწევენ საკრებულოს  იურიდიულ, სამანდატო და ადამიანის ულებათა დაცვის, ჯანდაცვისა და სოციალურ, განათლების, კულტურის, სპორტის, ახალგაზრდულ და გენდერულ საკითხთა კომისიებს, ასრულებენ საკრებულოს თავმჯდომარის სხვა  დავალებებს.“;

ბ) მე-18 მუხლის მე-6 პუნქტი ჩამოყალიბდეს შემდეგი რედაქციით:

„6. საკრებულოს თავმჯდომარის პირველ მოადგილეს და მოადგილეს უფლება არა აქვს, ეწეოდეს სამეწარმეო ან ანაზღაურებად საქმიანობას გარდა სამეცნიერო, პედაგოგიური და შემოქმედებითი საქმიანობისა. საკრებულოს თავმჯდომარის პირველი მოადგილე/მოადგილე იმავდროულად არ შეიძლება იყოს საკრებულოს კომისიის ან ფრაქციის თავმჯდომარე.“;

გ) მე-19 მუხლის მე-2 პუნქტის  ,,დ“ ქვეპუნქტი ჩამოყალიბდეს შემდეგი რედაქციით:

,,დ. ამტკიცებს (გარდა ახლადარჩეული საკრებულოს პირველი სხდომისა) საკრებულოს იურიდიულ, სამანდატო და ადამიანის უფლებათა დავის  საკითხთა კომისიის მიერ განსაზღვრულ და წარდგენილ საკრებულოს კომისიებში პროპორციული წარმომადგენლობის კვოტებს;“

დ) 23-ე მუხლის მე-5 პუნქტი ჩამოყალიბდეს შემდეგი რედაქციით:

,,5. საკრებულოს წევრი ვალდებულია იყოს ერთი, მაგრამ არაუმეტეს ორი კომისიის წევრი.“;

ე) 25-ე მუხლის მე-3  პუნქტი ჩამოყალიბდეს შემდეგი რედაქციით:

,,3. საკრებულოს კომისიის სხდომის ოქმს აფორმებს და ამ რეგლამენტის 131-ე მუხლით დადგენილი წესით აქვეყნებს საკრებულოს აპარატი.“;

ვ) 27-ე მუხლის მე-3  პუნქტის ,,ბ“ ქვეპუნქტი  ამოღებულ იქნეს;

ზ) 28-ე მუხლის პირველი  და მე-3 პუნქტები ჩამოყალიბდეს შემდეგი რედაქციით:

„1. საკრებულოს კომისია უფლებამოსილია შეუდგეს მუშაობას თუ დადგენილი კვოტების შესაბამისად დამტკიცებულია კომისიის შემადგენლობა. კომისიის თავმჯდომარის არჩევამდე კომისიას გაუძღვება კომისიის წევრთაგან უხუცესი წევრი.“;

,,3. საკრებულოს კომისიის სხდომებს იწვევს და წარმართავს კომისიის თავმჯდომარე, ხოლო რეგლამენტის 26-ე მუხლის მე-3 პუნქტით გათვალისწინებულ შემთხვევებში და წესით კომისიის უხუცესი წევრი. კომისიის სხდომები იმართება კომისიის სამუშაო გეგმის შესაბამისად.“;

თ) 51-ე მუხლის  პირველ პუნქტის „ა“ ქვეპუნქტის შემდეგ დაემატოს შემდეგი შინაარსის ,,ა¹’’ ქვეპუნქტი:

„ა¹. მუნიციპალიტეტის მერის წინადადებით.“;

ი) 131-ე მუხლის  მე-3 პუნქტის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) მუნიციპალიტეტის საკრებულოს, მუნიციპალიტეტის საკრებულოს კომისიისა და მუნიციპალიტეტის საკრებულოს ბიუროს ოქმები შესაბამისი სხდომის გამართვიდან 10 დღის ვადაში.“;

კ) ამოღებულ იქნეს 131-ე მუხლის მე-3 პუნქტის ,,გ“ და ,,დ“ ქვეპუნქტები.