სათბობ-ენერგეტიკის სამინისტროს ენერგოზედამხედველობისა და სათბობის ხარისხის დეპარტამენტის მიერ გაწეული ფასიანი მომსახურების ტარიფების დამტკიცების შესახებ

სახელმწიფო სარეგისტრაციო კოდი 010.240.070.11.110.005.035

საქართველოს სათბობ-ენერგეტიკის მინისტრის

ბრძანება №01

2003 წლის 8 იანვარი

ქ. თბილისი

სათბობ-ენერგეტიკის სამინისტროს ენერგოზედამხედველობისა და სათბობის ხარისხის დეპარტამენტის მიერ გაწეული ფასიანი მომსახურების ტარიფების დამტკიცების შესახებ

„ენერგეტიკის შესახებ“ საქართველოს კანონის მე-8 მუხლის შესაბამისად, ვბრძანებ:

1. დამტკიცდეს სათბობ-ენერგეტიკის სამინისტროს ენერგოზედამხედველობისა და სათბობის ხარისხის დეპარტამენტის მიერ გაწეული ფასიანი მომსახურების ტარიფები (დანართი № 1).

2. ბრძანება ძალაშია მისი გამოქვეყნების დღიდან.

                                                                                                      დ. მირცხულავა

 

დანართი №1

საქართველოს სათბობ-ენერგეტიკის სამინისტროს ენერგოზედამხედველობისა და სათბობის ხარისხის დეპარტამენტის მიერ გაწეული ფასიანი მომსახურების ტარიფები

საქართველოს სათბობ-ენერგეტიკის სამინისტროს ენერგოზედამხედველობისა და სათბობის ხარისხის დეპარტამენტის მიერ გაწეული ფასიანი მომსახურების ტარიფები განისაზღვრება მომსახურების შემდეგი სახეობებისათვის:

1. ქსელში მისაერთებელი ახალი ან რეკონსტრუირებული ელექტროდანადგარების (დანადგარი, რომელშიც წარმოიქმნება, გარდაიქმნება, გადაიცემა, განაწილდება, მოიხმარება ელექტრული ენერგია) ტექნიკური მდგომარეობის შემოწმება, გარდა საყოფაცხოვრებო დანიშნულების ელექტროტექნიკური დანადგარებისა, შემდეგი სიმძლავრეების მიხედვით:

ა) 50კვტ-მდე                     200 ლარი

50კვტ-ის ზემოთ, 200 ლარს დამატებული ყოველ 1კვტ-ზე 4,8 ლარი;

ბ) სატრანსფორმატორო ქვესადგურის ტექნიკური მდგომარეობის შემოწმება შემდეგი სიმძლავრეებით:

100კვა-მდე                                                            300 ლარი

100კვა-დან 250კვა-ს ჩათვლით               500 ლარი

400კვა-დან 630კვა-ს ჩათვლით               800 ლარი

1000კვა-და ზევით                                                1000 ლარი;

გ) საჰაერო ელექტროგადამცემი ხაზის ტექნიკური მდგომარეობის შემოწმება შემდეგი ძაბვის მიხედვით:

საჰაერო გადამცემი ხაზი 6-10კვ             1მ        0,72 ლარი

საჰაერო გადამცემი ხაზი 0.4კვ    1მ        0,36 ლარი

დ) საკაბელო ელექტროგადამცემი ხაზის ტექნიკური მდგომარეობის შემოწმება, შემდეგი ძაბვის მიხედვით:

საკაბელო ხაზი 6-10კვ      1მ        1,02 ლარი

საკაბელო ხაზი 0,4კვ        1მ        0,54 ლარი.

2. ელექტროენერგეტიკულ სფეროში საკვალიფიკაციო ცოდნის შემოწმება 1 კაცი – 15 ლარი;

3. ელ.ტექნიკური პერსონალის სწავლება ტექნიკური ექსპლოატაციისა და უსაფრთხოების ტექნიკის წესებში 1 სთ – 5,4 ლარი.

შენიშვნა: ტარიფებში გათვალისწინეულია დამატებითი ღირებულების გადასახადი.