„საჯარო სამართლის იურიდიული პირის – საქართველოს სტატისტიკის ეროვნული სამსახურის დებულების დამტკიცების შესახებ“ საქართველოს მთავრობის 2013 წლის 31 დეკემბრის №406 დადგენილებაში ცვლილების შეტანის თაობაზე

1.  მე-7 მუხლის მე-2 პუნქტი ჩამოყალიბდეს შემდეგი რედაქციით:

„2. საქსტატის დეპარტამენტებია:

ა) სტრატეგიული დაგეგმვის და კოორდინაციის  დეპარტამენტი;

ბ) საერთაშორისო და საზოგადოებასთან ურთიერთობების დეპარტამენტი;

გ) შიდა აუდიტის დეპარტამენტი;

დ) ინფორმაციული ტექნოლოგიების დეპარტამენტი;

ე) ეროვნული ანგარიშების დეპარტამენტი;

ვ) ბიზნეს სტატისტიკის დეპარტამენტი;

ზ) ფასების სტატისტიკის დეპარტამენტი;

თ) სოციალური სტატისტიკის დეპარტამენტი;

ი) სოფლის მეურნეობისა და გარემოს სტატისტიკის დეპარტამენტი;

კ) მოსახლეობის აღწერისა და დემოგრაფიული სტატისტიკის დეპარტამენტი;

ლ) საგარეო ვაჭრობისა და უცხოური ინვესტიციების სტატისტიკის დეპარტამენტი.“.

2. მე-9 მუხლის:

ა) სათაური ჩამოყალიბდეს შემდეგი რედაქციით:

„მუხლი 9. საქსტატის სტრუქტურული ერთეულების ძირითადი ფუნქციები“;

ბ) პირველი პუნქტი ჩამოყალიბდეს შემდეგი რედაქციით:

„1. სტრატეგიული დაგეგმვის და კოორდინაციის დეპარტამენტის ძირითადი ფუნქციებია:

ა) სტატისტიკური მეთოდოლოგიის, სტანდარტებისა და კლასიფიკაციის შემუშავება, კოორდინაცია და მონიტორინგი; 

ბ) სტატისტიკური მონაცემების ხარისხის უზრუნველყოფა, კოორდინაცია და მონიტორინგი; 

გ) სტატისტიკურ სამუშაოთა პროგრამების შემუშავება, კოორდინაცია და მონიტორინგი;

დ) საქსტატის სტრატეგიული და პოლიტიკის დოკუმენტების შემუშავების უზრუნველყოფა და მათი შესრულების მონიტორინგი;

ე) სამართლებრივი უზრუნველყოფა;

ვ) საბიუჯეტო და საფინანსო-ეკონომიკური საქმიანობის კოორდინაცია და მართვა;

ზ) ბუღალტრული აღრიცხვა და ანგარიშგება;

თ) ფინანსური და არაფინანსური აქტივების დაცვა და ინვენტარიზაცია; 

ი) ადამიანური რესურსების მართვა და განვითარება;

კ) საქმისწარმოების განხორციელება;

ლ) საარქივო საქმიანობის განხორციელება;

მ) შესაბამის დოკუმენტებზე საიდუმლოების რეჟიმის დაცვა;

ნ) სახელმწიფო შესყიდვების ორგანიზება, განხორციელება და ანგარიშგება;

ო) სამეურნეო და მატერიალურ-ტექნიკური უზრუნველყოფა;

პ) საქართველოს კანონმდებლობით გათვალისწინებული სხვა უფლებამოსილებების განხორციელება.“;

გ)  პირველი პუნქტის შემდეგ დაემატოს შემდეგი შინაარსის 1¹ პუნქტი:

„1¹. საერთაშორისო და საზოგადოებასთან ურთიერთობების დეპარტამენტის ძირითადი ფუნქციებია:

ა) საზოგადოებასთან ურთიერთობის უზრუნველყოფა;

ბ) ადგილობრივ და საერთაშორისო ორგანიზაციებთან ურთიერთობის უზრუნველყოფა;

გ) საქსტატის საბჭოსა და მრჩეველთა საბჭოს საქმიანობის ორგანიზაციული უზრუნველყოფა;

დ) სტატისტიკურ მონაცემთა გავრცელებასთან დაკავშირებული საქმიანობის კოორდინაცია და უზრუნველყოფა;

ე) საქსტატის საქმიანობის ანგარიშის მომზადების კოორდინაცია;

ვ) მასობრივი ინფორმაციის საშუალებებთან კომუნიკაციის უზრუნველყოფა;

ზ) საჯარო ინფორმაციის ხელმისაწვდომობის უზრუნველყოფა;

თ) საქსტატის საქმიანობის ფოტო-და ვიდეომომსახურების კოორდინაცია და უზრუნველყოფა;

ი) საქართველოს კანონმდებლობით გათვალისწინებული სხვა უფლებამოსილებების განხორციელება.“;

დ) მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) საქსტატის სტრუქტურული ერთეულებისა და ტერიტორიული ორგანოების საქმიანობის შემოწმება;“.