„მცხეთის მუნიციპალიტეტის კერძო სამართლის იურიდიული პირის ძირითადი საშუალებების გასხვისებისა და სარგებლობის უფლებით გადაცემის, ქონების საწყისი საფასურის, ქონების სარგებლობის უფლებით გადაცემისას ქირის საფასურის და ქირის საწყისი საფასურის განსაზღვრის და ანგარიშსწორების წესის დამტკიცების შესახებ“ მცხეთის მუნიციპალიტეტის საკრებულოს 2022 წლის 20 აპრილის №12 დადგენილებაში ცვლილებების შეტანის თაობაზე

1. დადგენილების პრეამბულა  ჩამოყალიბდეს ახალი რედაქციით:

„საქართველოს ორგანული კანონის  ადგილობრივი თვითმმართველობის კოდექსი“ 24-ე მუხლის პირველი პუნქტის „ე.ა“ ქვეპუნქტის, 61-ე მუხლის მეორე პუნქტის და 106¹ მუხლის მე-10 პუნქტის, საქართველოს ორგანული კანონის „ნორმატიული აქტების შესახებ“ 25-ე მუხლის პირველი პუნქტის „ბ“ ქვეპუნქტისა და „მუნიციპალიტეტის ქონების პრივატიზების, სარგებლობისა და მართვის უფლებებით გადაცემის, საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესების დამტკიცების შესახებ“ საქართველოს მთავრობის 2014 წლის 8 დეკემბრის №669 დადგენილების საფუძველზე.“.

2. დადგენილებით დამტკიცებული დანართის  მეორე მუხლს დაემატოს შემდეგი შინაარსის  4¹ პუნქტი:

„4 ^1. ძირითადი საშუალებები – უძრავი და მოძრავი ქონება, რომელიც გამოიყენება კერძო სამართლის იურიდიული პირების მიერ საკუთარი ფუნქციების შესასრულებლად, უფლებამოსილების განსახორციელებლად.“.