მუხლი 191. 1. I, II და III სატრანსპორტო კატეგორიის რადიაციული შეფუთვა შეიძლება დროებით იქნეს შენახული საწყობში სხვა ტვირთთან ერთად, შემდეგი პირობების დაცვით:

ა) რადიაციული შეფუთვის ერთდროული შენახვა ნებადართულია იმ რაოდენობით, რომ სატრანსპორტო ინდექსების ჯამი არ აღემატოს 50-ს;
ბ) რადიაციული ტვირთის შენახვის ადგილი დაშორებული უნდა იყოს გამოუმჟღავნებელი კინო- ფოტო, რენტგენული ფირისა და ფირფიტისგან, აგრეთვე ხელბარგისგან ამ წესის დანართით განსაზღვრილ მანძილზე;
გ) რადიაციული შეფუთვის შემნახველი საწყობის გარე ზედაპირზე დასხივების დოზა არ უნდა აღემატებოდეს 3 მკზვ/ს (0,3 მბერ/ს).
2. ეკვივალენტური დოზის სიმძლავრე სადგურის ფარგლებს გარეთ არ უნდა იყოს 0,3 მკზვ/ს (0,03 მბერ/ს) მეტი მოცემულ ადგილას არსებულ ფონთან შედარებით. დასხივების დოზის სიმძლავრეს აკონტროლებს შესაბამისი სანიტარულ-ეპიდემიალური ორგანოს უფლებამოსილი მუშაკი