„დროებითი შრომისუუნარობის გამო დახმარების დანიშვნისა და გაცემის წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2009 წლის 20 თებერვლის №87/ნ ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ:

„დროებითი შრომისუუნარობის გამო დახმარების დანიშვნისა და გაცემის წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2009 წლის 20 თებერვლის №87/ნ ბრძანებაში (www.matsne.gov.ge 20.02.2009წ., 470.230.000.22.035.012.810) შეტანილ იქნეს შემდეგი ცვლილება და ბრძანებით დამტკიცებული №1 დანართის (დროებითი შრომისუუნარობის გამო დახმარების დანიშვნისა და გაცემის წესი) მე-6 მუხლს :

1. 1⁹ პუნქტის შემდგომ დაემატოს შემდეგი შინაარსის 1¹⁰ პუნქტი:

,,1¹⁰. პროკურორისა და პროკურატურის გამომძიებლისათვის დროებითი შრომისუუნარობის გამო გასაცემი დახმარების გაანგარიშების ბაზას წარმოადგენს მისი თანამდებობრივი სარგო და წელთა ნამსახურობის დანამატი.“.

2.  მე-7 პუნქტის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ)  ზეგანაკვეთური ანაზღაურება და დანამატები (ამ მუხლის 1¹, 1³, 1⁴, 1⁵, 1⁶, 1⁸,  1⁹ და 1¹⁰ პუნქტებით გათვალისწინებული შემთხვევების გარდა).

3.  8⁷ პუნქტის შემდგომ დაემატოს შემდეგი შინაარსის 8⁸ პუნქტი:

,,8⁸. პროკურორისა და პროკურატურის გამომძიებლის დროებითი შრომისუუნარობის გამო დახმარების საერთო თანხა განისაზღვრება შეჯამებულად საავადმყოფო ფურცელში მითითებულ თვეში (ყოველ თვეზე ცალ-ცალკე) დღიური თანამდებობრივი სარგოსა და წელთა ნამსახურობის დანამატის გამრავლებით მოცემულ თვეში შრომისუუნარობის გამო გაცდენილ კალენდარულ დღეთა რიცხვზე.“.

4. 9³ პუნქტის შემდგომ დაემატოს შემდეგი შინაარსის 9⁴ პუნქტი:

,,9⁴. ამ მუხლის 8⁸  პუნქტით გათვალისწინებულ შემთხვევაში დღიური თანამდებობრივი სარგოსა და წელთა ნამსახურობის დანამატის გამოთვლა ხდება თვიური შრომის ანაზღაურების (თანამდებობრივი სარგო და წელთა ნამსახურობის დანამატი) გაყოფით შრომისუუნარობის თვის (ყოველ თვეზე ცალ-ცალკე)  კალენდარულ დღეთა რიცხვზე.“.