საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირის – შემოსავლების სამსახურის საბაჟო დეპარტამენტის თანამშრომელთა და ამავე დეპარტამენტის საქმიანობაზე ზედამხედველი შემოსავლების სამსახურის უფროსის მოადგილის ფორმის ტანსაცმლის ნიმუშების, სახელმწიფო სპეციალური წოდების განმასხვავებელი ნიშნების აღწერილობისა და მათი ტარების წესის დამტკიცების შესახებ

საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირის – შემოსავლების სამსახურის საბაჟო დეპარტამენტის თანამშრომელთა და ამავე დეპარტამენტის საქმიანობაზე ზედამხედველი შემოსავლების სამსახურის უფროსის მოადგილის ფორმის ტანსაცმლის ნიმუშები, სახელმწიფო სპეციალური წოდების განმასხვავებელი ნიშნების აღწერილობა და მათი ტარების წესი

1. „საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირის – შემოსავლების სამსახურის საბაჟო დეპარტამენტის თანამშრომელთა და ამავე დეპარტამენტის საქმიანობაზე ზედამხედველი შემოსავლების სამსახურის უფროსის მოადგილის ფორმის ტანსაცმლის ნიმუშები, სახელმწიფო სპეციალური წოდების განმასხვავებელი ნიშნების აღწერილობა და მათი ტარების წესი“ (შემდგომში − წესი) განსაზღვრავს სახელმწიფო სპეციალური წოდების მქონე საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირის – შემოსავლების სამსახურის (შემდგომში – შემოსავლების სამსახური) საბაჟო დეპარტამენტის (შემდგომში – საბაჟო დეპარტამენტი) თანამშრომელთა და ამავე დეპარტამენტის საქმიანობაზე ზედამხედველი შემოსავლების სამსახურის უფროსის მოადგილის ფორმის ტანსაცმლის ნიმუშებს (დანართი №1), ამ ფორმის ტანსაცმელზე სატარებელი – სახელმწიფო სპეციალური წოდების განმასხვავებელი ნიშნების აღწერილობასა (დანართი №2) და მათი ტარების წესს.

2. შემოსავლების სამსახურის უფროსის ბრძანებით განსაზღვრული საბაჟო დეპარტამენტის თანამშრომლები ვალდებულნი არიან, სამსახურებრივი მოვალეობის შესრულებისას ატარონ ამ წესის დანართი №1-ით გათვალისწინებული, ინდივიდუალურად მათზე გაცემული ყოველდღიური ფორმის ტანსაცმელი, ამავე წესის დანართი №2-ით გათვალისწინებულ სახელმწიფო სპეციალური წოდების განმასხვავებელ ნიშნებთან ერთად.

3. გამოსასვლელი ფორმა (დანართი №1-ის პლანშეტი №11, პლანშეტი №12, პლანშეტი №13, პლანშეტი №14 და პლანშეტი №15) განკუთვნილია საბაჟო დეპარტამენტის უფროსისა და მისი მოადგილეებისათვის, საბაჟო დეპარტამენტის სტრუქტურული ერთეულების უფროსებისა და მათი მოადგილეებისა და საბაჟო დეპარტამენტის საქმიანობაზე ზედამხედველი შემოსავლების სამსახურის უფროსის მოადგილისათვის.

დანართი №1

ფორმის ტანსაცმლის ნიმუშები

პლანშეტი №1

ქალის/მამაკაცის მაისური და შარვალი – ყოველდღიური ფორმა

მაისური – ლურჯი ფერის, მკლავებზე დატანილი შემოსავლების სამსახურის შევრონით. წინა და უკანა კალთაზე გამოსახულია მანათობელი წარწერა „საბაჟო CUSTOMS“.

შარვალი – ლურჯი ფერის, ტაქტიკური სტილის.

პლანშეტი №2

ქალის/მამაკაცის ჟილეტი – ყოველდღიური ფორმა

ჟილეტი – ლურჯი ფერის, მკლავებზე დატანილი შემოსავლების სამსახურის შევრონით. გაფორმებულია მანათობელი ლენტით, წინა და უკანა კალთაზე გამოსახულია მანათობელი წარწერა „საბაჟო CUSTOMS“.

პლანშეტი №3

ქალის/მამაკაცის პერანგი და შარვალი – ყოველდღიური ფორმა

პერანგი – ლურჯი ფერის, კლასიკური სტილის, მკლავებზე დატანილი შემოსავლების სამსახურის შევრონით.

შარვალი – ლურჯი ფერის, კლასიკური სტილის.

პლანშეტი №4

ქალის/მამაკაცის ქურთუკი თბილი – ყოველდღიური ფორმა

ქურთუკი თბილი – ლურჯი ფერის, მკლავებზე დატანილი შემოსავლების სამსახურის შევრონით. გაფორმებულია მანათობელი ლენტით, წინა და უკანა კალთაზე გამოსახულია მანათობელი წარწერა „საბაჟო CUSTOMS“.

პლანშეტი №5

ქალის/მამაკაცის ქურთუკი თხელი – ყოველდღიური ფორმა

ქურთუკი თხელი – ლურჯი ფერის, მკლავებზე დატანილი შემოსავლების სამსახურის შევრონით. გაფორმებულია მანათობელი ლენტით, წინა და უკანა კალთაზე გამოსახულია მანათობელი წარწერა „საბაჟო CUSTOMS“.

პლანშეტი №6

ქალის/მამაკაცის საწვიმარი ლაბადა – ყოველდღიური ფორმა

საწვიმარი ლაბადა – ლურჯი ფერის. გაფორმებულია მანათობელი ლენტით, წინა და უკანა კალთაზე გამოსახულია მანათობელი წარწერა „საბაჟო CUSTOMS“.

პლანშეტი №7

ქალის/მამაკაცის ნაქსოვი პულოვერი – ყოველდღიური ფორმა

ნაქსოვი პულოვერი – ლურჯი ფერის, მკლავზე დატანილი შემოსავლების სამსახურის შევრონით. გაფორმებულია საცვეთებით.

პლანშეტი №8

ქალის/მამაკაცის კეპი, ნაქსოვი ქუდი – ყოველდღიური ფორმა

კეპი – ლურჯი ფერის, საშუბლე ნაწილში გამოსახული ვერცხლისფერი წარწერით „CUSTOMS“.

ქუდი – ნაქსოვი, ლურჯი ფერის, მარცხენა მხარეს გამოსახული ვერცხლისფერი წარწერით „CUSTOMS“.

პლანშეტი №9

ქალის პერანგი მოკლე და გრძელი სახელოთი და შარვალი – ყოველდღიური ფორმა

პერანგი – თეთრი ფერის, მკლავზე დატანილი შემოსავლების სამსახურის შევრონით. გაფორმებულია ლურჯი კანტით.

შარვალი – ლურჯი ფერის, კლასიკური სტილის.

პლანშეტი №10

ქალის პიჯაკი და ქვედაბოლო – ყოველდღიური ფორმა

პიჯაკი – ლურჯი ფერის, მკლავზე დატანილი შემოსავლების სამსახურის შევრონით. გაფორმებულია ვერცხლისფერი კანტით.

ქვედაბოლო – ლურჯი ფერის, კლასიკური სტილის.

პლანშეტი №11

ქალის/მამაკაცის პიჯაკი – გამოსასვლელი ფორმა

პიჯაკი – ლურჯი ფერის, კლასიკური სტილის, მკლავზე დატანილი შემოსავლების სამსახურის შევრონით. გაფორმებულია ლურჯი კანტით და საყელოს ნაქარგით.

პლანშეტი №12

მამაკაცის პერანგი გრძელი და მოკლე სახელოთი და შარვალი – გამოსასვლელი ფორმა

პერანგი – თეთრი ფერის, კლასიკური სტილის, მკლავზე დატანილი შემოსავლების სამსახურის შევრონით.

შარვალი – ლურჯი ფერის, კლასიკური სტილის.

პლანშეტი №13

ქალის პერანგი გრძელი და მოკლე სახელოთი, ქვედაბოლო და შარვალი –

გამოსასვლელი ფორმა

პერანგი – თეთრი ფერის, კლასიკური სტილის, მკლავებზე დატანილი შემოსავლების სამსახურის შევრონით.

ქვედაბოლო – ლურჯი ფერის, კლასიკური სტილის.

შარვალი – ლურჯი ფერის, კლასიკური სტილის.

პლანშეტი №14

ქალის/მამაკაცის ქუდი – გამოსასვლელი ფორმა

ქუდი მამაკაცის – ლურჯი ფერის, წინაფრიანი, ვერცხლისფერი წნულით. საშუბლე ნაწილში გამოსახულია შემოსავლების სამსახურის კოკარდა.

ქუდი ქალის – ლურჯი ფერის, პილოტური სტილის. საშუბლე ნაწილში გამოსახულია შემოსავლების სამსახურის კოკარდა.

პლანშეტი №15

ქალის/მამაკაცის ჰალსტუხი

გამოსასვლელი ჰალსტუხი მამაკაცის – ლურჯი ფერის, მარეგულირებელი რეზინით.

გამოსასვლელი/ყოველდღიური ჰალსტუხი ქალის – ლურჯი ფერის, მარეგულირებელი რეზინით.

გამოსასვლელი პიჯაკის საყელოს ნაქარგი – ვერცხლისფერი.

გამოსასვლელი ქუდის კოკარდა – ლურჯისა და ვერცხლისფრის კომბინაცია.

პლანშეტი №16

შემოსავლების სამსახურის ემბლემა (შევრონი)

გამოყენებული წარწერები

დანართი №2

სახელმწიფო სპეციალური წოდების განმასხვავებელი ნიშნების აღწერილობა

პლანშეტი №1

სამხრე

პლანშეტი №2

სამკლავური