„დუშეთის მუნიციპალიტეტის ტერიტორიაზე უსახლკაროთა რეგისტრაციისა და თავშესაფრით უზრუნველყოფის წესის დამტკიცების შესახებ” დუშეთის მუნიციპალიტეტის საკრებულოს 2022 წლის 18 მარტის N8 დადგენილებაში ცვლილების შეტანის თაობაზე

ა) მე-2 მუხლის პირველი პუნქტის „დ“ ქვეპუნქტი შეიცვალოს და ჩამოყალიბდეს შემდეგი რედაქციით:

„დ) უსახლკარო სტატუსის მაძიებელი ოჯახი – ნათესაური ან არანათესაური კავშირის მქონე პირთა წრე, რომლებიც ცხოვრობენ ერთად, ეწევიან ერთობლივ შინასამეურნეო საქმიანობას და უსახლკარო ოჯახად რეგისტრაციის მოთხოვნით წარმოადგინეს განაცხადი სრულწლოვანი წარმომადგენლის მეშვეობით ან ერთობლივად.“;

ბ) მე-3 მუხლის პირველი პუნქტის „ა“ ქვეპუნქტი შეიცვალოს და ჩამოყალიბდეს შემდეგი რედაქციით:

„ა) რეგისტრირებულია დუშეთის მუნიციპალიტეტის ტერიტორიაზე;“

გ) გაუქმდეს მე-3 მუხლის პირველი პუნქტის „დ“ და „ე“ ქვეპუნქტები;

დ) მე-3 მუხლის მე-5 პუნქტის „ბ“ ქვეპუნქტი შეიცვალოს და ჩამოყალიბდეს შემდეგი რედაქციით:

„ბ) მარტოხელა პენსიონერს (ამ პროგრამის მიზნებისთვის მარტოხელა პენსიონერი არის პირი, რომელსაც არ ყავს შვილები და/ან მარჩენალი);“;

ე) მე-4 მუხლის პირველ პუნქტს დაემატოს „დ“ ქვეპუნქტი შემდეგი რედაქციით:

„დ) საჯარო სამართლის იურიდიული პირის „საჯარო რეესტრის ეროვნული სააგენტოს მიერ გაცემული ცნობა იმის შესახებ, რომ უძრავ ნივთებზე უფლებათა რეესტრში არ ფიქსირდება პირის საკუთრების ან სარგებლობის უფლება საცხოვრებელ სადგომზე ან საცხოვრებლად ვარგის უძრავ ნივთზე.“;

ვ) მე-4 მუხლის მე-2, მე-3, მე-4, მე-5 პუნქტები ჩამოყალიბდეს შემდეგი რედაქციით:

„2. დუშეთის მუნიციპალიტეტის მერიაში შემოსულ განცხადებებს დუშეთის მუნიციპალიტეტის ტერიტორიაზე პირის უსახლკაროდ რეგისტრაციასთან დაკავშირებით შეისწავლის და განიხილავს კომისია ამ წესისა და საქართველოს კანონმდებლობის შესაბამისად და იღებს დასკვნას:

ა) პირის უსახლკაროდ რეგისტრაციის თაობაზე; 

ბ) პირის უსახლკაროდ რეგისტრაციაზე უარის თქმის თაობაზე.

3. კომისიის დასკვნის საფუძველზე გადაწყვეტილებას ბრძანების ფორმით იღებს დუშეთის მუნიციპალიტეტის მერი. ბრძანების პროექტს ადგენს მერიის ჯანმრთელობისა და სოციალური დაცვის სამსახური.

4.უსახლკაროდ რეგისტრირებული პირები ჯანმრთელობისა და სოციალური დაცვის სამსახურის მიერ  აღირიცხებიან თავშესაფრის მომლოდინე უსახლკარო პირთა სიაში.

5. უსახლკაროდ რეგისტრირებული პირის თავშესაფრით უზრუნველყოფის შესახებ გადაწყვეტილებას იღებს დუშეთის მუნიციპალიტეტის მერი საკრებულოს თანხმობით, ამ წესით დადგენილი პრიორიტეტების გათვალისწინებით, დუშეთის მუნიციპალიტეტის მიმდინარე შესაძლებლობებისა და არსებული  რესურსების შესაბამისად.“;

ზ) მე-5 მუხლის პირველი პუნქტის „ა“ ქვეპუნქტი შეიცვალოს და ჩამოყალიბდეს შემდეგი რედაქციით:

„ა) ოჯახის ყველა წევრი რეგისტრირებულია დუშეთის მუნიციპალიტეტის ტერიტორიაზე;“;

თ) გაუქმდეს მე-5 მუხლის პირველი პუნქტის „გ“ და „დ“ ქვეპუნქტები;

ი) მე-6 მუხლის პირველ პუნქტს დაემატოს „დ“ ქვეპუნქტი შემდეგი რედაქციით:

„დ) საჯარო სამართლის იურიდიული პირის „საჯარო რეესტრის ეროვნული სააგენტოს მიერ გაცემული ცნობა იმის შესახებ, რომ უძრავ ნივთებზე უფლებათა რეესტრში არ ფიქსირდება ოჯახის წევრთა საკუთრების ან სარგებლობის უფლება საცხოვრებელ სადგომზე ან საცხოვრებლად ვარგის უძრავ ნივთზე.“;

კ) მე-6 მუხლის მე-2, მე-3, მე-4, და მე-5 პუნქტები ჩამოყალიბდეს შემდეგი რედაქციით:

„2.დუშეთის მუნიციპალიტეტის მერიაში შემოსულ განცხადებებს დუშეთის მუნიციპალიტეტის ტერიტორიაზე ოჯახის უსახლკაროდ რეგისტრაციასთან დაკავშირებით შეისწავლის და განიხილავს კომისია ამ წესისა და საქართველოს კანონმდებლობის შესაბამისად და იღებს დასკვნას:

ა) ოჯახის უსახლკაროდ რეგისტრაციის თაობაზე; 

ბ) ოჯახის უსახლკაროდ რეგისტრაციაზე უარის თქმის თაობაზე.

3. კომისიის დასკვნის საფუძველზე გადაწყვეტილებას ბრძანების ფორმით იღებს დუშეთის მუნიციპალიტეტის მერი. ბრძანების პროექტს ადგენს მერიის ჯანმრთელობისა და სოციალური დაცვის სამსახური.

4.უსახლკაროდ რეგისტრირებული ოჯახები ჯანმრთელობისა და სოციალური დაცვის სამსახურის მიერ  აღირიცხებიან თავშესაფრის მომლოდინე უსახლკარო ოჯახთა სიაში.

5. უსახლკაროდ რეგისტრირებული ოჯახის თავშესაფრით უზრუნველყოფის შესახებ გადაწყვეტილებას იღებს დუშეთის მუნიციპალიტეტის მერი საკრებულოს თანხმობით, ამ წესით დადგენილი პრიორიტეტების გათვალისწინებით, დუშეთის მუნიციპალიტეტის მიმდინარე შესაძლებლობებისა და არსებული  რესურსების შესაბამისად.“.