საქართველოს თავდაცვის სამინისტროს სისტემაში სამხედრო დისციპლინის უზრუნველყოფის ღონისძიებათა შესახებ

საქართველოს თავდაცვის სამინისტროს სისტემაში სამხედრო დისციპლინის უზრუნველყოფის ღონისძიებათა შესახებ საქართველოს თავდაცვის მინისტრის ბრძანება №33 2024 წლის 5 მარტი ქ. თბილისი საქართველოს თავდაცვის სამინისტროს სისტემაში სამხედრო დისციპლინის უზრუნველყოფის ღონისძიებათა შესახებ თავდაცვის კოდექსის 138-ე მუხლის მე-11 ნაწილის, 144-ე მუხლის მე-8 ნაწილის, 145-ე მუხლის მე-3 ნაწილისა და 149-ე მუხლის მე-3 ნაწილის „გ.გ“ ქვეპუნქტის საფუძველზე, ვბრძანებ: მუხლი 1🔗 დამტკიცდეს: ა) საქართველოს თავდაცვის სამინისტროს სისტემის სამხედრო მოსამსახურეთა წახალისების გამოყენების წესი (დანართი №1); ბ) საქართველოს თავდაცვის სამინისტროს სისტემის სამხედრო მოსამსახურეთა დისციპლინურ გადაცდომათა ნუსხა (დანართი №2); გ) დისციპლინური ოქმის ფორმა (დანართი №3); დ) დისციპლინური ოქმის შედგენაზე უფლებამოსილი თანამდებობის პირების ნუსხა (დანართი №4); ე) დისციპლინური პასუხისმგებლობის დაკისრების უფლებამოსილების მქონე თანამდებობის პირების ნუსხა (დანართი №5); ვ) სადისციპლინო საბჭოების რაოდენობა, ტერიტორიული განსჯადობა და შემადგენლობა (დანართი №6). მუხლი 2🔗 ამ ბრძანებით დამტკიცებული დანართი №2 გავრცელდეს ამ ბრძანების გამოქვეყნებამდე დაწყებულ დისციპლინურ წარმოებაზე თავდაცვის კოდექსის 135-ე მუხლით დადგენილ დისციპლინურ პასუხისმგებლობასთან დაკავშირებული ნორმის უკუძალის წესის გათვალისწინებით. მუხლი 3🔗 ძალადაკარგულად გამოცხადდეს „სადისციპლინო წესდების აღსრულების ღონისძიებათა შესახებ“ საქართველოს თავდაცვის მინისტრის 2016 წლის 12 აპრილის №23 ბრძანება. მუხლი 4🔗 ეს ბრძანება ამოქმედდეს გამოქვეყნებისთანავე. საქართველოს თავდაცვის მინისტრიირაკლი ჩიქოვანი