№2 საპყრობილისა და მკაცრი რეჟიმის სასჯელაღსრულების დაწესებულების (ქ. ქუთაისი) შექმნის შესახებ
🕸️ გრაფი — კავშირების ვიზუალიზაცია
📥 უკუმითითებები — 2 დოკუმენტი
ცვლილებები (1)
დოკუმენტის ტექსტი
სახელმწიფო სარეგისტრაციო კოდი 100.070.000.22.027.007.872
საქართველოს იუსტიციის მინისტრის
ბრძანება №2149
2005 წლის 24 ნოემბერი
ქ. თბილისი
№2 საპყრობილისა და მკაცრი რეჟიმის სასჯელაღსრულების დაწესებულების (ქ. ქუთაისი) შექმნის შესახებ
საქართველოს იუსტიციის სამინისტროს დაქვემდებარებაში არსებული სასჯელაღსრულების დაწესებულებებისა და მათში განთავსებული კონტინგენტის უსაფრთხოების უზრუნველყოფის, საცხოვრებელი და სანიტარიულ-ჰიგიენური პირობების გაუმჯობესების მიზნით, 1999 წლის 22 ივლისის „პატიმრობის შესახებ” საქართველოს კანონის მე-6 მუხლის მე-2 პუნქტისა და 1996 წლის 29 ოქტომბრის საქართველოს კანონის „ნორმატიული აქტების შესახებ” 36-ე მუხლის მოთხოვნათა შესაბამისად, ვბრძანებ:
1. შეიქმნას №2 საპყრობილისა და მკაცრი რეჟიმის სასჯელაღსრულების დაწესებულება (ქ. ქუთაისი);
2. სასჯელაღსრულების დეპარტამენტმა (შ. კოპაძე):
ა) წარმოადგინოს წინადადებები №2 საპყრობილისა და მკაცრი რეჟიმის სასჯელაღსრულების დაწესებულების შექმნასთან დაკავშირებით გასატარებელი ორგანიზაციული ღონისძიებების თაობაზე;
ბ) ამ ბრძანების ამოქმედებასთან დაკავშირებით იუსტიციის სამინისტროს სასჯელაღსრულების დეპარტამენტს (შ. კოპაძე) დაევალოს, უმოკლეს ვადებში უზრუნველყოს მოქმედი კანონმდებლობით გათვალისწინებული პირობების შესაბამისად, მსჯავრდებულთა სარეჟიმო პირობების მიხედვით გადანაწილება სასჯელაღსრულების დაწესებულების, მსჯავრდებულთა უსაფრთხოებისა და დაცვის ოპტიმალური ღონისძიებების განხორციელების გზით.
3. ბრძანება გაეცნოს სასჯელაღსრულების დეპარტამენტის პირად შემადგენლობას.
4. კონტროლი აღნიშნული ბრძანების შესრულებაზე დაევალოს სასჯელაღსრულების დეპარტამენტის თავმჯდომარეს (შ. კოპაძე).
5. ამ ბრძანების გამოქვეყნებისთანავე ძალადაკარგულად გამოცხადდეს:
ა) „№2 საპყრობილისა და მკაცრი რეჟიმის სასჯელაღსრულების დაწესებულების (ქ. ქუთაისი) შექმნის შესახებ” საქართველოს იუსტიციის მინისტრის 2005 წლის 5 ოქტომბრის №1795 ბრძანება (სსმ III, 2005წ., №118, მუხ. 1305);
ბ) „№2 საპყრობილისა და მკაცრი რეჟიმის სასჯელაღსრულების დაწესებულების (ქ. ქუთაისი) შექმნის შესახებ” საქართველოს იუსტიციის მინისტრის 2005 წლის 5 ოქტომბრის №1795 ბრძანებაში ცვლილების შეტანის შესახებ” საქართველოს იუსტიციის მინისტრის 2005 წლის 14 ნოემბრის №2088 ბრძანება (სსმ III, 2005წ., №134, მუხ.1483).
6. ეს ბრძანება ამოქმედდეს 2005 წლის 27 ნოემბრიდან.
კ. კემულარია