„სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბერის №324 ბრძანებაში ცვლილების შეტანის თაობაზე

✨ ჰკითხე AI-ს ამ კანონის შესახებ

საქართველოს მინისტრის ბრძანება მოქმედი სახელმწიფო მმართველობა

მიღების თარიღი

01.11.2024

გამომცემი ორგანო

საქართველოს იუსტიციის მინისტრი

ნომერი

№1027

სარეგისტრაციო კოდი

100110000.22.027.017513

გამოქვეყნების წყარო

matsne.gov.ge , 01/11/2024

📥 მინიშნება 1 🧬 მსგავსი 10 📎 დანართები 1

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

📥 უკუმითითებები — 1 დოკუმენტი

საქართველოს მინისტრის ბრძანება (1)

სპეციალური პენიტენციური სამსახურის მოსამსახურეთა წახალისების წესის დამტკიცების შესახებ 11.09.2018

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს იუსტიციის მინისტრის

ბრძანება №1027

2024 წლის 1 ნოემბერი

ქ. თბილისი

„სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბრის №324 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

„სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბრის №324 ბრძანებით (საქართველოს საკანონმდებლო მაცნე (www.matsne.gov.ge), 11/09/2018, სარეგისტრაციო კოდი: 100110000.22.027.016824) დამტკიცებულ წესში შეტანილ იქნეს შემდეგი ცვლილება:

1. მე-6 მუხლის:

ა) პირველი პუნქტის

ა.ა) „დ“ ქვეპუნქტი ჩამოყალიბდეს შემდეგი რედაქციით:

„დ) სამინისტროს/სამსახურის სიგელით დაჯილდოება;“;

ა.ბ) „ვ“ და „ზ“ ქვეპუნქტები ჩამოყალიბდეს შემდეგი რედაქციით:

„ვ) სამინისტროს/სამსახურის მედალიონით დაჯილდოება;

ზ) სამინისტროს/სამსახურის მედლით დაჯილდოება;“;

ბ) მე-4 პუნქტი ჩამოყალიბდეს შემდეგი რედაქციით:

„4. ამ მუხლის პირველი პუნქტის „დ“–„ზ“ ქვეპუნქტით გათვალისწინებული სამინისტროს/სამსახურის სიგელის, სამკერდე ნიშნის, აგრეთვე სამინისტროს/სამსახურის მედალიონისა და სამინისტროს/სამსახურის მედლის ნიმუშები დადგენილია ამ წესის №1 დანართით.“.

2. მე-8 მუხლის მე-6 პუნქტი ჩამოყალიბდეს შემდეგი რედაქციით:

„6. სამკერდე ნიშნის ჩამორთმევა შეიძლება შესაბამისი სამართლებრივი აქტის საფუძველზე, მოსამსახურის მიერ მძიმე დისციპლინური გადაცდომის ან დანაშაულის ჩადენის შემთხვევაში.“.

3. მე-10 მუხლის:

ა) პირველი–მე-3 პუნქტები ჩამოყალიბდეს შემდეგი რედაქციით:

„1. ამ წესის მე-6 მუხლის „ზ“ ქვეპუნქტით გათვალისწინებული სამინისტროს/სამსახურის მედლით „კანონისა და ღირსების სადარაჯოზე“ (პირველი ხარისხი) ჯილდოვდება უფროსი ან უმაღლესი სპეციალური წოდების მქონე მოსამსახურე, სამსახურებრივი საქმიანობის დროს მიღწეული განსაკუთრებული წარმატების ან/და მართვისას გამოჩენილი ლიდერის თვისებებისა და მაღალი პროფესიონალიზმისათვის.

2. ამ წესის მე-6 მუხლის „ზ“ ქვეპუნქტით გათვალისწინებული სამინისტროს/სამსახურის მედლით „კანონისა და ღირსების სადარაჯოზე“ (მეორე ხარისხი) ჯილდოვდება საშუალო ან უფროსი სპეციალური წოდების მქონე მოსამსახურე, სამსახურებრივი საქმიანობის დროს მიღწეული წარმატების ან/და მაღალი პროფესიონალიზმისათვის.

3. სამინისტროს/სამსახურის მედალი მაგრდება სააღლუმო ფორმის კიტელზე მარცხენა მხარეს, ჯიბის სარქველის თავზე. მედალი მაგრდება მიღების თარიღის თანმიმდევრობის მიხედვით, მარჯვნიდან მარცხნივ.“;

ბ) მე-5 პუნქტი ჩამოყალიბდეს შემდეგი რედაქციით:

„5. სამინისტროს/სამსახურის მედლის თამასები ფორმის კიტელსა და ქურთუკზე მაგრდება მკერდის მარცხენა მხარეს, ჯიბის სარქველის თავზე. თამასები მაგრდება მიღების თარიღის თანმიმდევრობის მიხედვით, მარჯვნიდან მარცხნივ.“.

4. დანართი №1 ჩამოყალიბდეს თანდართული რედაქციით.

მუხლი 2

ეს ბრძანება ამოქმედდეს გამოქვეყნებისთანავე.

საქართველოს იუსტიციის მინისტრი

რატი ბრეგაძე

📎 დანართები (1)

danarti 1027.docx ⬇

დანართი №1

საქართველოს იუსტიციის სამინისტროს/სპეციალური პენიტენციური სამსახურის სიგელის, მედლისა და მედალიონისა და სამკერდე ნიშნის ნიმუშები

საქართველოს იუსტიციის სამინისტროს/სპეციალური პენიტენციური სამსახურის

სიგელი

$C:\Users\zabashvili\Desktop\ჯ ი ლ დ ო\ბრძანების პროექტი 2024\სიგელი 02.jfif$

* საქართველოს იუსტიციის სამინისტროს/სპეციალური პენიტენციური სამსახურის სიგელით დაჯილდოების შესახებ გადაწყვეტილების მიღებისას ფორმაში მიეთითება წახალისების ერთ-ერთი საფუძველი: სამსახურებრივი მოვალეობის სანიმუშოდ შესრულებისათვის, ხანგრძლივი და კეთილსინდისიერი სამსახურისათვის, განსაკუთრებული სირთულის ან მნიშვნელოვანი დავალების შესრულებისათვის.

სამკერდე ნიშანი „უმწიკვლო სამსახურისთვის“

(პირველი ხარისხი)

1 (1)

ავერსი: სამკერდე ნიშანი „უმწიკვლო სამსახურისთვის“ (პირველი ხარისხი) წარმოადგენს ოქროსფერ შვიდქიმიან ვარსკვლავს, რომლის ცენტრში იმავე ფერში გამოსახულია საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების – სპეციალური პენიტენციური სამსახურის ემბლემა.

რევერსი: სამკერდე ნიშნის უკანა მხარეს განთავსებულია სამაგრი.

სამკერდე ნიშანი „უმწიკვლო სამსახურისთვის“

(მეორე ხარისხის)

1 (3)

ავერსი: სამკერდე ნიშანი „უმწიკვლო სამსახურისთვის“ (მეორე ხარისხი) წარმოადგენს ვერცხლისფერ შვიდქიმიან ვარსკვლავს, რომლის ცენტრში იმავე ფერში გამოსახულია საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების – სპეციალური პენიტენციური სამსახურის ემბლემა.

რევერსი: სამკერდე ნიშნის უკანა მხარეს განთავსებულია სამაგრი.

საქართველოს იუსტიციის სამინისტროს/სპეციალური პენიტენციური სამსახურის

მედალი „კანონისა და ღირსების სადარაჯოზე“

(პირველი ხარისხი)

ავერსი: მედალი „კანონისა და ღირსების სადარაჯოზე“ (პირველი ხარისხი) წარმოადგენს ოქროსფერ ჯვარს, ფრთებში მეწამული (წითელი) მინანქრით. ჯვრის ცენტრში, მრგვალი მედალიონის მინანქრის ველზე, გამოსახულია საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების – სპეციალური პენიტენციური სამსახურის ემბლემა. ჯვარი საკიდით უკავშირდება ბაფთას.

რევერსი: ოქროსფერი ჯვარი, რომლის ზედაპირზე ამოტვიფრულია წარწერა ქართულ ენაზე მხედრული ანბანით: „კანონი და ღირსება“ და სამი ციფრი (მედლის ნომერი) – „000“.

ბაფთა არის ლივლივა მეწამული (წითელი) ფერის, გვერდებზე ორი თეთრი ზოლით, ცენტრში ერთი ოქროსფერი ზოლით.

თამასა არის ლივლივა მეწამული (წითელი) ფერის, გვერდებზე ორი თეთრი ზოლით, ცენტრში ერთი ოქროსფერი ზოლით.

საქართველოს იუსტიციის სამინისტროს/სპეციალური პენიტენციური სამსახურის

მედალი „კანონისა და ღირსების სადარაჯოზე“

(მეორე ხარისხი)

ავერსი: მედალი „კანონისა და ღირსების სადარაჯოზე“ (მეორე ხარისხი) წარმოადგენს ვერცხლისფერ ჯვარს, ფრთებში მეწამული (წითელი) მინანქრით. ჯვრის ცენტრში, მრგვალი მედალიონის მინანქრის ველზე, გამოსახულია საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების – სპეციალური პენიტენციური სამსახურის ემბლემა. ჯვარი საკიდით უკავშირდება ბაფთას.

რევერსი: ვერცხლისფერი ჯვარი, რომლის ზედაპირზე ამოტვიფრულია წარწერა ქართულ ენაზე მხედრული ანბანით: „კანონი და ღირსება“ და სამი ციფრი (მედლის ნომერი) – „000“.

ბაფთა არის ლივლივა მეწამული (წითელი) ფერის, გვერდებზე ორი თეთრი ზოლით, ცენტრში ერთი ვერცხლისფერი ზოლით.

თამასა არის ლივლივა მეწამული (წითელი) ფერის, გვერდებზე ორი თეთრი ზოლით, ცენტრში ერთი ვერცხლისფერი ზოლით.

საქართველოს იუსტიციის სამინისტროს/სპეციალური პენიტენციური სამსახურის

მედალიონი

საქართველოს იუსტიციის სამინისტროს/სპეციალური პენიტენციური სამსახურის მედალიონი წარმოადგენს ფერადი ლითონისგან დამზადებულ, მრგვალი ფორმის ნაკეთობას, რომელზეც ამოტვიფრულია საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების – სპეციალური პენიტენციური სამსახურის ემბლემა. მედალიონი განთავსებულია ხის სპეციალურ სადგამზე, რომელზეც ორივე მხრიდან ქართულ ენაზე, მხედრული ანბანით, ამოტვიფრულია წარწერა: „სამსახურებრივი უფლებამოსილების სანიმუშო შესრულებისთვის“.

ხშირად დასმული კითხვები

მოქმედებს თუ არა „სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბერის №324 ბრძანებაში ცვლილების შეტანის თაობაზე?: დიახ, საქართველოს მინისტრის ბრძანება „სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბერის №324 ბრძანებაში ცვლილების შეტანის თაობაზე ამჟამად ძალაშია. ბოლო კონსოლიდირებული რედაქცია — 01.11.2024.
როდის იქნა მიღებული „სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბერის №324 ბრძანებაში ცვლილების შეტანის თაობაზე?: „სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბერის №324 ბრძანებაში ცვლილების შეტანის თაობაზე მიღებულია 01.11.2024. მიმღები ორგანო — საქართველოს იუსტიციის მინისტრი. დოკუმენტის ნომერი — №1027. სარეგისტრაციო კოდი — 100110000.22.027.017513.
რამდენი მუხლისგან შედგება „სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბერის №324 ბრძანებაში ცვლილების შეტანის თაობაზე?: დოკუმენტი შედგება 2 მუხლისგან. თითოეული მუხლი ხელმისაწვდომია ცალკე ბმულით.
რომელი დოკუმენტები უთითებენ „სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბერის №324 ბრძანებაში ცვლილების შეტანის თაობაზე-ზე?: legali.ge-ის ბაზაში 1 დოკუმენტი უთითებს ამ აქტზე — ცვლილებები, კანონქვემდებარე აქტები და სასამართლო გადაწყვეტილებები.
სად არის „სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბერის №324 ბრძანებაში ცვლილების შეტანის თაობაზე-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 01.11.2024 მდგომარეობით.

როგორ დავიმოწმოთ

საქართველოს მინისტრის ბრძანება „სპეციალური პენიტენციური სამსახურის მოსამსახურეთა წახალისების წესის დამტკიცების შესახებ“ საქართველოს იუსტიციის მინისტრის 2018 წლის 11 სექტემბერის №324 ბრძანებაში ცვლილების შეტანის თაობაზე, №1027, 01.11.2024, სარეგისტრაციო კოდი 100110000.22.027.017513 (კონსოლიდირებული რედაქცია 01.11.2024). ხელმისაწვდომია: https://legali.ge/law/6289210/