„საქართველოს ფინანსთა სამინისტროს სტრუქტურული ქვედანაყოფების დებულების დამტკიცების თაობაზე“ საქართველოს ფინანსთა მინისტრის 2017 წლის 31 მარტის №106 ბრძანებაში ცვლილების შეტანის შესახებ

საქართველოს ფინანსთა მინისტრის

2024 წლის 4 დეკემბერი

ქ. თბილისი

1. მე-9 მუხლის:

ა) მე-9 პუნქტს დაემატოს შემდეგი შინაარსის „დ“ ქვეპუნქტი:

„დ) სახელმწიფო ფინანსების სტატისტიკის სამმართველო.“;

ბ) მე-11 პუნქტის შემდეგ დაემატოს შემდეგი შინაარსის მე-12 პუნქტი:

„12. ფისკალური რისკების მართვის დეპარტამენტის მეორადი სტრუქტურული ერთეულებია:

 ა) სპეციფიკური ფისკალური რისკების ანალიზისა და მართვის სამმართველო;

ბ) სახელმწიფო საწარმოთა ფინანსური ზედამხედველობის  სამმართველო.“.

2. 36-ე მუხლის „კ“, „ლ“, „ნ“ და „ო“ ქვეპუნქტები ამოღებულ იქნეს.

3. 36¹ მუხლის შემდეგ დაემატოს შემდეგი შინაარსის 36² მუხლი:

„მუხლი 36². სახელმწიფო ფინანსების სტატისტიკის სამმართველო

სახელმწიფო ფინანსების სტატისტიკის სამმართველოს ამოცანები და ფუნქციებია:

ა) სახელმწიფო ფინანსების სტატისტიკის სამუშაოთა ორგანიზება და მონაცემთა გავრცელება ქვეყანაში მიღებული სტატისტიკური მეთოდოლოგიითა და საერთაშორისო სავალუტო ფონდისა და სხვა საერთაშორისო ორგანიზაციების რეკომენდაციათა გათვალისწინებით;

ბ) სახელმწიფო ფინანსების სტატისტიკის საერთაშორისო სტანდარტებთან შესაბამისობის უზრუნველყოფისათვის წინადადებათა მომზადება;

გ) სტატისტიკური ინფორმაციის შეგროვება, სტრუქტურირება და ფინანსთა სამინისტროს ვებგვერდზე განთავსების უზრუნველყოფა.“.

4. 47-ე და 48-ე მუხლები  ჩამოყალიბდეს შემდეგი რედაქციით:

„მუხლი 47. ფისკალური რისკების მართვის დეპარტამენტის ამოცანებისა და ფუნქციების განხორციელების უფლებამოსილება

ფისკალური რისკების მართვის დეპარტამენტის ძირითად ამოცანებსა და ფუნქციებს ახორციელებენ აღნიშნულ დეპარტამენტში შემავალი სამმართველოები.

მუხლი 48. სპეციფიკური ფისკალური რისკების ანალიზისა და მართვის სამმართველო

სპეციფიკური ფისკალური რისკების ანალიზისა და მართვის სამმართველოს ამოცანები და ფუნქციებია:

ა) წარმოდგენილი პროექტების/რეგულაციების ფისკალური რისკის ანალიზი, შეფასება და დასკვნის მომზადება;

ბ) ფისკალური რისკების მართვის მიზნით რეკომენდაციების შემუშავება წარმოდგენილ პროექტებსა და არსებულ რეგულაციებზე;

გ) სახელმწიფოს წილობრივი მონაწილეობით შექმნილ საწარმოთა ფინანსური მონაცემების შეგროვება მათგან მომდინარე ფისკალური რისკების/პირობითი ვალდებულებების იდენტიფიცირებისა და შეფასების მიზნით;

დ) პირობით ვალდებულებებთან დაკავშირებული ფისკალური რისკების იდენტიფიცირება, შეფასება და მათ მართვასთან დაკავშირებული რეკომენდაციების შემუშავება;

ე) საინვესტიციო პროექტების შეფასება და შერჩევაში მონაწილეობა დამტკიცებული მეთოდოლოგიის თანახმად, ფისკალური რისკების გამოვლენის და შეფასების მიზნით, ასევე პროექტებთან მიმართებით წარმოდგენილ ანალიზებში გამოყენებული დაშვებების მართლზომიერების ანალიზი;

ვ) ფისკალური რისკების რეგულარული ანალიზი და მათი საჯაროობის უზრუნველყოფა;

ზ) სახელმწიფო საწარმოების ფინანსური და არაფინანსური შედეგების შეფასება, შემდგომში სახელმწიფო საწარმოთა ფისკალური რისკებისა და აგრეგირებული ანგარიშის მომზადებისა და გამოქვეყნების მიზნით;

თ) საჯარო და კერძო თანამშრომლობის არსებული ჩარჩოს რეგულარული ანალიზი, პოტენციური ხარვეზების გამოვლენა და მათ აღმოსაფხვრელად რეკომენდაციების შემუშავება.“.

5. 48-ე მუხლის შემდეგ დაემატოს შემდეგი შინაარსის 48¹ მუხლი:

„მუხლი 48¹. სახელმწიფო საწარმოთა ფინანსური ზედამხედველობის  სამმართველო

სახელმწიფო საწარმოთა ფინანსური ზედამხედველობის  სამმართველოს ამოცანები და ფუნქციებია:

ა) სამთავრობო სექტორს მიკუთვნებულ სახელმწიფო საწარმოთა სახელმწიფო ფინანსების სტატისტიკის სახელმძღვანელოს მიხედვით კომპილაციის პროცესის ხელშეწყობა, რაც მოიცავს სამთავრობო სექტორს მიკუთვნებული სახელმწიფო საწარმოების კვარტალურ და წლიურ მონიტორინგს, შესაბამისი საანგარიშო პერიოდების შესრულების ანგარიშების მომზადებას;

ბ) საჭიროების შემთხვევაში, სახელმწიფო ფინანსების სტატისტიკის სახელმძღვანელოს მიხედვით სახელმწიფო საწარმოთა სექტორიზაციის განხორციელება;

გ) საქართველოს სამართლებრივი აქტებით განსაზღვრული სახელმწიფო საწარმოების ფინანსური ზედამხედველობა;

დ) სახელმწიფო საწარმოთა კორპორაციული განზრახვის განაცხადების, ბიზნესგეგმების, ბიუჯეტების და სხვა დაკავშირებული დოკუმენტების განხილვა და დასკვნების მომზადება;

ე) სახელმწიფო საწარმოთა ფინანსური ზედამხედველობის ეფექტურად განხორციელების მიზნით, სახელმძღვანელო პრინციპების და მარეგულირებელი სამართლებრივი აქტების შემუშავება;

ვ) იმ შემთხვევაში, როდესაც საქართველოს ფინანსთა სამინისტრო წარმოადგენს სახელმწიფო საწარმოს წილის/აქციების მმართველს სრულად ან ნაწილობრივ, სამინისტროს მიერ სახელმწიფო საწარმოს აქციონერის/პარტნიორის ფუნქციის შესრულებასთან დაკავშირებული საკითხების განხილვა;

ზ) სახელმწიფოს წილობრივი მონაწილეობით მოქმედ საწარმოთა მიერ მიღებული წმინდა მოგების განაწილებისა და გამოყენების თაობაზე წარდგენილი წინადადებებისა და დოკუმენტების განხილვა;

თ) ფისკალური რისკების ანალიზის დოკუმენტის მომზადების მიზნებისთვის, კომპეტენციის ფარგლებში, სპეციფიკური ფისკალური რისკების ანალიზისა და მართვის სამმართველოსთან კოორდინაცია.“.