„საქართველოს დაზვერვის სამსახურში სამსახურის გავლის წესის შესახებ“ საქართველოს დაზვერვის სამსახურის უფროსის 2016 წლის 6 აპრილის №59 ბრძანებაში ცვლილების შეტანის თაობაზე

საქართველოს დაზვერვის სამსახურის უფროსის

2024 წლის 4 დეკემბერი

ქ. თბილისი

„1. სამსახურის მოსამსახურე (შემდგომში – მოსამსახურე) არის სამსახურის შტატით გათვალისწინებულ თანამდებობაზე დანიშნული პირი, რომელიც მსახურობს სახელმწიფო სპეციალური წოდებით, აგრეთვე სამსახურის შტატით გათვალისწინებულ თანამდებობაზე დანიშნული სახელმწიფო სპეციალური წოდების არმქონე პირი (სამოქალაქო პირი) და შრომითი ხელშეკრულებით დასაქმებული პირი.“.

„ვ¹) მოსამსახურის მიმართ სისხლის სამართლებრივი დევნის დაწყებისას, საქმეზე საბოლოო გადაწყვეტილების მიღებამდე - სამსახურის უფროსის გადაწყვეტილების შემთხვევაში;“.

„5¹. ამ მუხლის მე-2 პუნქტის „ე“ და „ვ¹“ ქვეპუნქტებით, აგრეთვე მე-5 პუნქტით  გათვალისწინებულ შემთხვევებში მოსამსახურეს არ მიეცემა შრომის ანაზღაურება და არ ეთვლება სახელმწიფო წოდებით ნამსახური პერიოდი.

5². ამ მუხლის მე-2 პუნქტის „ე“ და „ვ¹“ ქვეპუნქტებით გათვალისწინებულ შემთხვევაში მოსამსახურის მიმართ დგება ამ მუხლის მე-5 პუნქტით გათვალისწინებული სამართლებრივი შედეგები.

5³. ამ მუხლის მე-2 პუნქტის „ვ¹“ ქვეპუნქტითა და მე-5 პუნქტით  გათვალისწინებული მოსამსახურის გამართლების შემთხვევაში აღნიშნულ მოსამსახურეს მიეცემა უფლებამოსილების შეჩერების პერიოდში განაცდური შრომის ანაზღაურება და ჩაეთვლება სახელმწიფო სპეციალური წოდებით ნამსახურება. “.

„მუხლი 36. სახელმწიფო სპეციალური წოდებით სამსახური

1. სამსახურში არსებული სახელმწიფო სპეციალური (შემდგომში – სპეციალური) წოდებების ჩამონათვალი განსაზღვრულია საქართველოს მოქმედი კანონმდებლობით.

2. მოსამსახურეს სპეციალური წოდება (მორიგი ან ვადამდე) ენიჭება, თუ მას უკავია თანამდებობა, რომლისთვისაც შტატით განსაზღვრულია მისანიჭებელი წოდების თანაბარი ან უფრო მაღალი წოდება.

3. პროფესიული საჯარო მოხელის კლასი არ მიენიჭება სამსახურის მოსამსახურეს, რომელსაც მინიჭებული აქვს მოსამსახურის თანამდებობრივი  იერარქია და/ან სპეციალური წოდება.“.

„1.  მოსამსახურეს სპეციალური წოდება ენიჭება მისი თანამდებობრივი მდგომარეობის, წელთა ნამსახურობის, კვალიფიკაციისა და სპეციალური მომზადების, აგრეთვე დამსახურების შესაბამისად.

2. სპეციალური წოდება (გარდა უმცროსი სპეციალური  წოდების მქონე პირებისა) მიენიჭებათ მხოლოდ უმაღლესი განათლების მქონე პირებს.“.

„მუხლი 38. სპეციალური წოდებით სამსახურის ზღვრული ასაკი“;

„მუხლი 39. წოდებების მინიჭების თანმიმდევრობა

1. სპეციალური წოდების მინიჭება წარმოებს თანამიმდევრობით. წოდების მინიჭება საფეხურგამოშვებით დაუშვებელია.

2. მორიგი წოდების მინიჭება წარმოებს შესაბამისი წინა წოდების გათვალისწინებით, სპეციალური წოდებით სამსახურის ვადის გასვლისა და დაკავებული თანამდებობის ზღვრული წოდების მისანიჭებელ წოდებასთან შესაბამისობის შემთხვევაში.“.

„1. მოსამსახურეს სპეციალური წოდება ვადამდე ენიჭება:

ა) შეფასების შედეგების მიხედვით;

ბ) განსაკუთრებული დამსახურებისათვის;

გ) კეთილსინდისიერი სამსახურისთვის, წახალისების წესით.“.

„მუხლი 43. წოდების მინიჭებაზე კონტროლი

სპეციალური წოდების მინიჭების ორგანიზაციულ უზრუნველყოფას, თანმიმდევრულ და დროულ მინიჭებაზე კონტროლს ახორციელებს სამსახურის ადმინისტრაციული დირექტორატი.“.