დუშეთის მუნიციპალიტეტის ტერიტორიაზე მშენებლობის ნებართვისათვის მოსაკრებლის განაკვეთების განსაზღვრის თაობაზე

დუშეთის მუნიციპალიტეტის ტერიტორიაზე მშენებლობის ნებართვისათვის მოსაკრებლის განაკვეთების განსაზღვრის თაობაზე დუშეთის მუნიციპალიტეტის საკრებულოს დადგენილება №22 2024 წლის 26 დეკემბერი ქ. დუშეთი დუშეთის მუნიციპალიტეტის ტერიტორიაზე მშენებლობის ნებართვისათვის მოსაკრებლის განაკვეთების განსაზღვრის თაობაზე საქართველოს ორგანული კანონის „ადგილობრივი თვითმმართველობის კოდექსის“ მე–16 მუხლის მეორე პუნქტის „დ“ ქვეპუნქტის, 24-ე მუხლის პირველი პუნქტის „დ.ბ“ ქვეპუნქტის, 61-ე მუხლის პირველი და მე-2 პუნქტების, 93-ე მუხლის მე-2 პუნქტის, „ადგილობრივი მოსაკრებლების შესახებ“ საქართველოს კანონის მე-3 მუხლის პირველი და მე-6 პუნქტების, მე-5 მუხლის პირველი პუნქტის „ა“ ქვეპუნქტის და მე-6 მუხლის შესაბამისად, დუშეთის მუნიციპალიტეტის საკრებულო ადგენს: მუხლი 1🔗 1. დამტკიცდეს დუშეთის მუნიციპალიტეტის ტერიტორიაზე მშენებლობის (გარდა განსაკუთრებული მნიშვნელობის, რადიაციული ან ბირთვული ობიექტების მშენებლობის) ნებართვისათვის მოსაკრებლის განაკვეთები შემდეგი ოდენობით: ა) ახალასაშენებელი ობიექტის პროექტით გათვალისწინებული განაშენიანების ინტენსივობის კოეფიციენტის (კ-2) საანგარიშო ფართობის თითოეულ კვადრატულ მეტრზე ა.ა) ინდივიდუალური საცხოვრებელი სახლის მშენებლობისთვის: ა.ა.ა) მეორე კლასის საცხოვრებელი სახლისათვის – 2 ლარი; ა.ა.ბ) მესამე და მეოთხე კლასის საცხოვრებელი სახლისათვის – 3 ლარი; ა.ბ) საკურორტო ზონაში სამრეწველო ობიექტის მშენებლობისთვის – 8 ლარი; ა.გ) საცხოვრებელი სახლის (ან/და ბინის) დამხმარე/სამეურნეო შენობა-ნაგებობებისათვის (ავტოფარეხი, სათავსო, ფრინველთა და ცხოველთა სადგომი და სხვ.) – 1 ლარი; ა.დ) სასოფლო-სამეურნეო დანიშნულების მიწით სარგებლობისათვის აუცილებელი შენობა-ნაგებობების, ასევე სასოფლო-სამეურნეო დანიშნულების შენობა-ნაგებობებისათვის – 1 ლარი; ა.ე) ამ პუნქტის „ა.ა“ – „ა.დ“ ქვეპუნქტებით გათვალისწინებული მშენებლობების გარდა, ყველა სხვა მშენებლობისთვის − 5 ლარი. ბ) ხაზობრივი ნაგებობის მშენებლობის შემთხვევაში მოსაკრებლის ოდენობა ახალასაშენებელი ობიექტის პროექტით გათვალისწინებული თითოეული გრძივი მეტრისათვის – 1 ლარი; გ) ისეთი შენობა-ნაგებობის (გარდა ხაზობრივი ნაგებობისა) მშენებლობის შემთხვევაში, რომელსაც არ აქვს განაშენიანების ინტენსივობის კოეფიციენტის (კ-2) საანგარიშო ფართობი, მოსაკრებლის ოდენობა შეადგენს: გ.ა)  II კლასის ობიექტებისთვის – 50 ლარს; გ.ბ) III კლასის ობიექტებისთვის − 200 ლარს; გ.გ) IV კლასის ობიექტებისთვის − 400 ლარს. მუხლი 2🔗 1. მოსაკრებლის გადახდისაგან სრულად განთავისუფლდეს სტიქიური უბედურების შედეგად დაზიანებული ინდივიდუალური საცხოვრებელი სახლის მშენებლობა; 2. სტიქიური უბედურების შედეგად დაზიანებული ყველა სხვა ობიექტის მშენებლობის შემთხვევაში მოსაკრებლის ოდენობა შემცირდეს 80 პროცენტით; მუხლი 3🔗 1. მოსაკრებელი მშენებლობის ნებართვისათვის გადაიხდება ობიექტის მესაკუთრის (ნებართვის მაძიებლის) მიერ წინასწარ, დუშეთის მუნიციპალიტეტის მერიაში  შესაბამისი განცხადებისა და თანდართული დოკუმენტების წარდგენამდე; 2. მოსაკრებელი მშენებლობის ნებართვისათვის მთლიანად ირიცხება დუშეთის მუნიციპალიტეტის ბიუჯეტში. მუხლი 4🔗 დადგენილება ძალაში შედის გამოქვეყნებიდან 15 დღის შემდეგ.დუშეთის მუნიციპალიტეტის საკრებულოს თავმჯდომარეკახაბერ ჩიტაური