წალენჯიხის მუნიციპალიტეტის ლიის ადმინისტრაციული ერთეულის პირველი ქუჩის ნაწილისთვის კოტე სამუშიას სახელის მინიჭების თაობაზე

1. წალენჯიხის მუნიციპალიტეტის ლიის ადმინისტრაციული ერთეულის პირველი ქუჩის  ნაწილს  სსიპ – ლიის თემის (პალური)  №2 საჯარო სკოლიდან ( ს/კ 47.02.39.001)  ზურაბ აკობიას (ს/კ 47.02.39.129) სახლის ჩათვლით   მიენიჭოს კოტე სამუშიას სახელი.

2. წალენჯიხის მუნიციპალიტეტის მერიამ ამ განკარგულებასთან დაკავშირებით 4 თვის ვადაში უზრუნველყოს კონკრეტული ღონისძიებების გატარება (აბრების, ფირნიშების და ა.შ. დამზადება).

3. ეს განკარგულება  მისი მიღებიდან 10 დღის ვადაში გაეგზავნოს საქართველოს იუსტიციის სამინისტროს მმართველობის სფეროში მოქმედ სსიპ – სახელმწიფო სერვისების განვითარების სააგენტოს, საქართველოს შინაგან საქმეთა სამინისტროს, საქართველოს ცენტრალურ საარჩევნო კომისიას, საჯარო რეესტრის ეროვნულ სააგენტოსა და სსიპ „საქართველოს საკანონმდებლო მაცნეს“ გამოსაქვეყნებლად;

4. განკარგულება ძალაშია გამოქვეყნებისთანავე.

5. განკარგულება შეიძლება გასაჩივრდეს, კანონით დადგენილი წესით, გაცნობიდან ერთი თვის ვადაში, ზუგდიდის რაიონულ სასამართლოში (მის. ქ. წალენჯიხა, ლაღიძის ქ. №12).

წალენჯიხის  მუნიციპალიტეტის  საკრებულოს თავმჯდომარე   კორნელი სალია