„საქართველოს განათლების, მეცნიერებისა და ახალგაზრდობის სამინისტროსა და მის სისტემაში შემავალი ორგანოების მიერ გაცემული დოკუმენტების, ასევე საგანმანათლებლო დაწესებულებების მიერ თავიანთი უფლებამოსილების ფარგლებში გაცემული დოკუმენტების აპოსტილით დამოწმების/ლეგალიზაციის უზრუნველსაყოფად საჭირო ინფორმაციის გამოთხოვისა და მიწოდების წესის დამტკიცების შესახებ“ საქართველოს განათლებისა და მეცნიერების მინისტრისა და საქართველოს იუსტიციის მინისტრის 2016 წლის 10 აგვისტოს №93/ნ–№170 ერთობლივ ბრძანებაში ცვლილების შეტანის თაობაზე

„მუხლი 3. დოკუმენტების აპოსტილით დამოწმების/ლეგალიზაციის უზრუნველსაყოფად საჭირო ინფორმაციის გამოთხოვისა და მიწოდების ვადები

1. სააგენტო ამ წესის მე-2 მუხლის პირველი პუნქტით გათვალისწინებულ განცხადებას, მისი მიღებიდან არაუგვიანეს მომდევნო სამუშაო დღისა, ხოლო 2 სამუშაო დღის ვადაში დაჩქარებული მომსახურების მოთხოვნის შემთხვევაში, – მისი მიღების დღეს, მართვის ელექტრონული საშუალებების გამოყენებით, უგზავნის ცენტრს.

2. ამ წესის მე-2 მუხლის მე-3–მე-9 პუნქტებით გათვალისწინებულ ქმედებებს ცენტრი ახორციელებს „საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – სახელმწიფო სერვისების განვითარების სააგენტოს და დელეგირებული უფლებამოსილების ფარგლებში საკონსულო თანამდებობის პირის მიერ გაწეული მომსახურების ვადების, ამ მომსახურებისათვის დაწესებული საფასურების ოდენობების და საფასურის გადახდის წესის დამტკიცების შესახებ“ საქართველოს მთავრობის 2011 წლის 29 დეკემბრის №508 დადგენილებით დადგენილი მომსახურების გაწევის ვადის გათვალისწინებით, არაუგვიანეს მომსახურების გაწევის წინა სამუშაო დღისა.“.