„საქართველოს შინაგან საქმეთა სამინისტროს მმართველობის სფეროში შემავალი სახელმწიფო საქვეუწყებო დაწესებულების − საგანგებო სიტუაციების მართვის სამსახურის სისტემაში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2019 წლის 17 იანვრის №4 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2025 წლის 8 მაისი

ქ. თბილისი

1. მე-18 მუხლის მე-6 პუნქტის შემდეგ დაემატოს შემდეგი შინაარსის 6¹ და 6² პუნქტები:

„6¹. საგანგებო სიტუაციების მართვის სამსახურის სახანძრო-სამაშველო ძალების დეპარტამენტში მთავარი სამმართველოს უფროსის ან/და მთავარი სამმართველოს უფროსის მოადგილის თანამდებობაზე, მინისტრის თანხმობით, სამსახურის უფროსის გადაწყვეტილებით, შეიძლება დაინიშნოს სრული ზოგადი განათლების მქონე პირი მხოლოდ შემდეგი გარემოების არსებობისას:

ა) აქვს შესაბამის სფეროში მუშაობის არანაკლებ 5 წლის გამოცდილება;

ბ) გავლილი აქვს სახანძრო ან/და სამაშველო მიმართულების რომელიმე სპეციალური პროფესიული საგანმანათლებლო პროგრამა, სპეციალური მომზადების, გადამზადების ან/და კვალიფიკაციის ამაღლების კურსი/პროგრამა;

გ) პიროვნული თვისებების, გამოცდილების, პროფესიული უნარ-ჩვევებისა და სამსახურის პერიოდში მიღწევების გათვალისწინებით.

6². იმ შემთხვევაში, თუ შესაბამისი თანამდებობა ითვალისწინებს როგორც სპეციალური წოდებით, ასევე საჯარო მოხელედ ან სამოქალაქო პირად მიღების შესაძლებლობას, მაშინ ამ მუხლით განსაზღვრული, განათლებასთან დაკავშირებული მოთხოვნები ვრცელდება საჯარო მოხელისა და სამოქალაქო პირის მიმართაც.“.

2. 27-ე მუხლის მე-7 პუნქტი ჩამოყალიბდეს შემდეგი რედაქციით:

„7. ამ წესის მე-18 მუხლის მე-5, მე-6 და 6¹ პუნქტებით გათვალისწინებულ შემთხვევებში თანამდებობაზე დანიშნულ პირს უფროსი სახელმწიფო სპეციალური წოდების – სამოქალაქო უსაფრთხოების მაიორის მინიჭებისას უმაღლესი განათლება არ მოეთხოვება.“.

3. 41-ე მუხლის მე-2 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) თანამდებობასთან შეუთავსებელი საქმიანობის განხორციელების გამო (გარდა შრომითი ხელშეკრულებით დასაქმებული პირისა);“.

4. 45-ე მუხლი ჩამოყალიბდეს შემდეგი რეაქციით:

„მუხლი 45. გათავისუფლება ან/და დათხოვნა თანამდებობასთან შეუთავსებელი საქმიანობის  განხორციელების გამო

მოსამსახურე შეიძლება დათხოვნილ იქნეს ან/და გათავისუფლდეს სამსახურიდან ამ წესის მე-7−მე-9 მუხლებით გათვალისწინებული შეუთავსებლობის, ასევე „საჯარო სამსახურში ინტერესთა შეუთავსებლობისა და კორუფციის შესახებ“ საქართველოს კანონითა და სხვა ნორმატიული აქტებით გათვალისწინებული თანამდებობასთან შეუთავსებელი საქმიანობის განხორციელების გამო.“.