„საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის – გარემოს ეროვნული სააგენტოს მიერ გაწეული მომსახურების სახეებისა და საფასურის დამტკიცების შესახებ“ საქართველოს მთავრობის 2014 წლის 18 აგვისტოს №502 დადგენილებაში ცვლილების შეტანის თაობაზე

✨ ჰკითხე AI-ს ამ კანონის შესახებ
საქართველოს მთავრობის დადგენილება მოქმედი მუნიციპალური ქონება გარემოსოფლის მეურნეობა
მიღების თარიღი
21.08.2025
გამომცემი ორგანო
საქართველოს მთავრობა
ნომერი
№365
სარეგისტრაციო კოდი
040030000.10.003.025259
გამოქვეყნების წყარო
matsne.gov.ge , 22/08/2025
📥 მინიშნება 1 🧬 მსგავსი 10 📎 დანართები 1
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

საქართველოს მთავრობის დადგენილება (1)

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

 

საქართველოს მთავრობის

დადგენილება №365

2025 წლის 21 აგვისტო

ქ. თბილისი

 

„საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის – გარემოს ეროვნული სააგენტოს მიერ გაწეული მომსახურების სახეებისა და საფასურის დამტკიცების შესახებ“ საქართველოს მთავრობის 2014 წლის 18 აგვისტოს №502 დადგენილებაში ცვლილების შეტანის თაობაზე
მუხლი 1
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის – გარემოს ეროვნული სააგენტოს მიერ გაწეული მომსახურების სახეებისა და საფასურის დამტკიცების შესახებ“ საქართველოს მთავრობის 2014 წლის 18 აგვისტოს №502 დადგენილებაში (www.matsne.gov.ge, 20/08/2014, 040030000.10.003.018122) შეტანილ იქნეს ცვლილება და დადგენილების:

1. პირველი − მე-5 მუხლები ჩამოყალიბდეს შემდეგი რედაქციით:

„მუხლი 1. „გარემოს დაცვის შესახებ“ საქართველოს კანონში ცვლილების შეტანის თაობაზე“ 2011 წლის 24 ნოემბრის საქართველოს კანონის მე-2 მუხლის შესაბამისად, დამტკიცდეს საქართველოს გარემოს დაცვისა და სოფლის მეურნეობის სამინისტროს საჯარო სამართლის იურიდიული პირის – გარემოს ეროვნული სააგენტოს (შემდგომში – სააგენტო) მიერ გაწეული მომსახურების სახეებისა და საფასურის თანდართული ნუსხა:

ა) „გეოლოგიის  დეპარტამენტის მიერ გაწეული მომსახურების საფასური“ (დანართი №1);

ბ) „გარემოს დაბინძურების მონიტორინგის დეპარტამენტის მიერ გაწეული მომსახურების საფასური“  (დანართი №2);

გ) „ჰიდრომეტეოროლოგიური დაკვირვების პირველადი მონაცემების საფასური“ (დანართი №3);

დ) „წლებისა და თვეების მიხედვით მრავალწლიური ჰიდრომეტეოროლოგიური პარამეტრების მნიშვნელობების გაცემა/ მომზადების საფასური“ (დანართი №4);

 ე) „კლიმატური და მრავალწლიური ჰიდროლოგიური მახასიათებლები და მათი საფასური“ (დანართი №5);  

ვ) „სხვადასხვა პროცენტული უზრუნველყოფის ფაქტობრივი და მოდელირებული ჰიდრომეტეოროლოგიური პარამეტრების მომზადების საფასური“ (დანართი №6);

ზ) „ჰიდრომეტეოროლოგიური პროგნოზების საფასური“ (დანართი №7);

თ) „ჰიდრომეტეოროლოგიური დაკვირვების ავტომატური პუნქტებიდან მონაცემების უწყვეტ რეჟიმში მიწოდების საფასური“ (დანართი №8);

ი) „ექსპედიციური მეთოდით სპეციალიზებული ჰიდრომეტეოროლოგიური სამუშაოების შესრულების საფასური“ (დანართი №9);

კ) „სანაპირო ზონების ჰიდროლოგიურ-მორფოდინამიკური კვლევების საფასური“ (დანართი №10);

ლ) „ჰიდრობიოლოგიური, იქთიოლოგიური, ბაქტერიოლოგიური კვლევებისა და წყლის ხარისხობრივი მაჩვენებლების განსაზღვრის საფასური“ (დანართი №11);

მ) „კერძო საკუთრებაში არსებულ მიწის ნაკვეთზე მოშენებული თეთრყვავილას ბოლქვების ან/და ყოჩივარდას გორგლების რესურსისა და მათი მოპოვების შესახებ დასკვნების მომზადების საფასური“ (დანართი №12);

ნ) „სოჭის გირჩის თესლმსხმოიარობის კვლევის საფასური“ (დანართი №13);

ო) „თევზჭერის სერტიფიკატის დამოწმებისა და თევზსაჭერი/ თევზჭერასთან დაკავშირებული გემის ავტორიზაციის საფასური“ (დანართი №14);

პ) „გარემოზე ზემოქმედების შეფასების პროცესში სკოპინგის დასკვნის, გარემოსდაცვითი გადაწყვეტილების სხვა პირისათვის სრულად გადაცემის შესახებ გადაწყვეტილების, ატმოსფერული ჰაერის დაბინძურების სტაციონარული წყაროებისა და მათ მიერ გაფრქვეულ მავნე ნივთიერებათა ინვენტარიზაციის ტექნიკური ანგარიშისა და გარემოსდაცვითი გადაწყვეტილების დაჩქარებული წესით გაცემის/განხილვის მომსახურების ვადები/საფასური და საფასურის დაბრუნების პირობები“ (დანართი №15);

ჟ) „საზღაურის გარეშე გასაწევი მომსახურების ან/და გასავრცელებელი ინფორმაციის ჩამონათვალი“ (დანართი №16).“.

მუხლი 2. ამ დადგენილების პირველი მუხლის „ა“ – „პ“ ქვეპუნქტებით გათვალისწინებული დანართებით განსაზღვრული მომსახურების გაწევის ვადის ათვლა იწყება თანხის ჩარიცხვის (ან გადახდის ქვითრის წარდგენის) დღიდან და მთავრდება შესაბამისი მომსახურებისათვის დადგენილი ვადის ბოლო სამუშაო დღის დასრულებისთანავე.

მუხლი 3. დადგენილებით დამტკიცებული სააგენტოს მომსახურების საფასური არ ვრცელდება:

ა) საქართველოს გარემოს დაცვისა და სოფლის მეურნეობის სამინისტროზე, მისი წერილობითი მოთხოვნის არსებობის შემთხვევაში;

ბ) საქართველოს იუსტიციის სამინისტროს ცენტრალურ აპარატსა და მის სისტემაში შემავალ სახელმწიფო საქვეუწყებო დაწესებულებაზე − სპეციალურ პენიტენციურ სამსახურზე;

გ) საქართველოს პროკურატურაზე;

დ) საქართველოს შინაგან საქმეთა სამინისტროს, საქართველოს თავდაცვის სამინისტროსა და საქართველოს ფინანსთა სამინისტროს შესაბამისი სამსახურების საგამოძიებო დანაყოფებზე – სისხლის სამართლის საქმეების გამოძიებისას;

ე) საქართველოს შინაგან საქმეთა სამინისტროს სახელმწიფო საქვეუწყებო დაწესებულებაზე − საგანგებო სიტუაციების მართვის სამსახურზე;

ვ) სახელმწიფო აუდიტის სამსახურზე – აუდიტორული საქმიანობის განხორციელების მიზნებისთვის საჭირო ინფორმაციის გამოთხოვისას;

ზ) საქართველოს ინფრასტრუქტურის სამინისტროზე, ბუნებრივი საფრთხეების ფორსმაჟორულ გარემოებებში ჩასახვის/გააქტიურების შემთხვევებში, ინფორმაციის/მონაცემების მიწოდებაზე;

თ) საქართველოს რეგიონული განვითარების სამინისტროზე, ბუნებრივი საფრთხეების ფორსმაჟორულ გარემოებებში ჩასახვის/გააქტიურების შემთხვევებში, ინფორმაციის/მონაცემების მიწოდებაზე.

მუხლი 4. ამ დადგენილების №16 დანართით განსაზღვრული ინფორმაციის გავრცელებას/გაცემას და მომსახურების გაწევას სააგენტო ახორციელებს საზღაურის გარეშე, ამავე დანართით განსაზღვრული პირობების გათვალისწინებით.

მუხლი 5. სახელმწიფო და საერთაშორისო ტენდერებსა და პროექტებში (მათ შორის, საგრანტო პროექტებში) მონაწილეობის შემთხვევაში, ასევე აღნიშნული პროექტებიდან გამომდინარე წარმოშობილ სამართლებრივ შედეგებთან/ურთიერთობებთან დაკავშირებული უფლებამოსილებების განხორციელების მიზნით, სააგენტოს უფლება აქვს, არ იხელმძღვანელოს ამ დადგენილების პირველი მუხლის „ა“ – „ლ“ ქვეპუნქტებით განსაზღვრული დანართებით ან განახორციელოს საქმიანობა შესაბამისი საზღაურის გარეშე.“.

2. დანართები: №1 − №16 ჩამოყალიბდეს თანდართული რედაქციით.

3. დანართი №17 ამოღებულ იქნეს.

მუხლი 2
დადგენილება ამოქმედდეს გამოქვეყნებისთანავე.

პრემიერ-მინისტრიირაკლი კობახიძე
📎 დანართები (1)
ნორმატიული-აქტი-17 ⬇

დანართი N16

საზღაურის გარეშე გასაწევი მომსახურების ან/და გასავრცელებელი ინფორმაციის

ჩამონათვალი

  1. სტიქიური გეოლოგიური პროცესების ყოველწლიური მონიტორინგის საფუძველზე შედგენილი საინფორმაციო ბიულეტენის მასალები.

  2. სახელმწიფო და ადგილობრივი თვითმმართველობის ორგანოების, ცალკეული მოქალაქეების თხოვნისა და გეოლოგიური სტიქიის ფორსმაჟორულ პირობებში გააქტიურებასთან დაკავშირებით ადგილზე ჩატარებული კვლევების საფუძველზე შედგენილი გეოლოგიური დასკვნები.

  3. ბუნებრივი საფრთხეების ზონირების რუკების - საქართველოს თავდაცვის სამინისტროსთვის, საქართველოს ინფრასტრუქტურის სამინისტროსთვის, საქართველოს რეგიონული განვითარების სამინისტროსთვის და სახელმწიფო საქვეუწყებო დაწესებულება - საგანგებო სიტუაციების მართვის სამსახურისთვის გადაცემა, მათი წერილობითი მომართვის არსებობისას, იმ პირობით, რომ ამ პუნქტით გათვალისწინებული დაწესებულებების მიერ მათზე გადაცემული ბუნებრივი საფრთხეების ზონირების რუკები არ იქნება გამოყენებული კომერციული მიზნებისათვის ან/და არ გადაეცემა მესამე პირებს საქართველოს მთავრობის თანხმობის გარეშე.

  4. სსიპ გარემოს ეროვნული სააგენტოს გარემოს დაბინძურების მონიტორინგის დეპარტამენტის მონაცემთა ბაზაში არსებული ინფორმაცია ატმოსფერული ჰაერის, წყლისა და ნიადაგის ხარისხობრივი მაჩვენებლების შესახებ.

  5. სასწავლო, სამეცნიერო-კვლევითი მიზნებისათვის უმაღლეს სასწავლო, სამეცნიერო კვლევით დაწესებულებებს, მათივე დასაბუთებული მომართვის შემთხვევაში სსიპ – გარემოს ეროვნულ სააგენტოში არსებული პირველადი და წარმოებული სტანდარტული (მონაცემი, რომელიც უკვე გაანგარიშებულია და ხელმისაწვდომია მონაცემთა ბაზებში) ჰიდრომეტეოროლოგიური მონაცემები იმ პირობით, რომ ეს მონაცემები არ იქნება გამოყენებული კომერციული მიზნებისთვის, არ გადაეცემა მესამე პირებს და სსიპ გარემოს ეროვნული სააგენტოს მოთხოვნის შემთხვევაში, უსასყიდლოდ გადმოეცემა ზემოთ ხსენებული მონაცემების საფუძველზე ჩატარებული კვლევების შედეგები. არასტანდარტული მონაცემის მოთხოვნის შემთხვევაში, ასეთი ტიპის დაწესებულებებს შეეხებათ მონაცემის დამუშავების საფასური, შესაბამისი მონაცემის დადგენილი ღირებულების 20%-ის ოდენობით.

  6. მასობრივი ინფორმაციის საშუალებებს, მათი მოთხოვნის შემთხვევაში, შესაბამისი წერილობითი შეთანხმების გათვალისწინებით, საქართველოს გეოგრაფიული რეგიონებისთვის და დასახლებული პუნქტებისთვის მიმდინარე და მომდევნო 3 დღის ამინდის პროგნოზი, საქართველოს ტერიტორიაზე არსებული და მოსალოდნელი სინოპტიკური პირობების მოკლე ტექსტური აღწერით.

  7. „საჯარო და კერძო თანამშრომლობის შესახებ“ საქართველოს კანონის თანახმად, საჯარო და კერძო თანამშრომლობის პროექტის განხორციელების მიზნით, შესაბამისი უფლებამოსილი ორგანოს დასაბუთებული მომართვის/შუამდგომლობის საფუძველზე, სააგენტოში არსებული/დაცული ჰიდრომეტეოროლოგიური მონაცემები.