„საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიული პირის – გარემოს ეროვნული სააგენტოს მიერ გაწეული მომსახურების სახეებისა და საფასურის დამტკიცების შესახებ“ საქართველოს მთავრობის 2014 წლის 18 აგვისტოს №502 დადგენილებაში ცვლილების შეტანის თაობაზე

დანართი 15

საზღაურის გარეშე გაწეული მომსახურების ან/და გასავრცელებელი ინფორმაციის ჩამონათვალი

1. სტიქიური გეოლოგიური პროცესების ყოველწლიური მონიტორინგის საფუძველზე შედგენილი საინფორმაციო ბიულეტენის მასალები;

2. სახელმწიფო და ადგილობრივი თვითმმართველობის ორგანოების, ცალკეული მოქალაქეების თხოვნისა და გეოლოგიური სტიქიის ფორსმაჟორულ პირობებში გააქტიურებასთან დაკავშირებით ადგილზე ჩატარებული კვლევების საფუძველზე შედგენილი გეოლოგიური დასკვნები;

3. გარემოს ეროვნული სააგენტოს გარემოს დაბინძურების მონიტორინგის დეპარტამენტის მონაცემთა ბაზაში არსებული ინფორმაცია ატმოსფერული ჰაერის, წყლისა და ნიადაგის ხარისხობრივი მაჩვენებლებისა და ატმოსფერულ ჰაერში გამა-გამოსხივების ექსპოზიციური დოზის სიმძლავრის შესახებ.

4. მოკლე და საშუალოვადიანი (10 დღემდე წინსწრებით) საერთო დანიშნულების პროგნოზები საქართველოს რეგიონებისა და პუნქტებისთვის, რომლებიც განთასებულია ვებგვერდზე (www.meteo.gov.ge).

41. სასწავლო, სამეცნიერო-კვლევითი მიზნებისათვის უმაღლეს სასწავლო, სამეცნიერო-კვლევით დაწესებულებებს, მათივე დასაბუთებული მომართვის შემთხვევაში სსიპ – გარემოს ეროვნულ სააგენტოში არსებული პირველადი ჰიდრომეტეოროლოგიური მონაცემები. იმ პირობით, რომ ეს მონაცემები არ იქნება გამოყენებული კომერციული მიზნებისთვის, არ გადაეცემა მესამე პირებს და სსიპ გარემოს ეროვნული სააგენტოს მოთხოვნის შემთხვევაში, მას უსასყიდლოდ გადმოეცემა ზემოთ ხსენებული მონაცემების საფუძველზე ჩატარებული კვლევების შედეგები.

42. მასობრივი ინფორმაციის საშუალებებს, მათი მოთხოვნის შემთხვევაში, შესაბამისი წერილობითი შეთანხმების გათვალისწინებით, საქართველოს გეოგრაფიული რეგიონებისთვის (დასავლეთ საქართველო: სანაპირო ზოლი, დაბლობი, მთა, მაღალი მთა; აღმოსავლეთ საქართველო: ბარი, მთა, მაღალი მთა) მიმდინარე და მომდევნო 3 დღის ამინდის პროგნოზი, საქართველოს ტერიტორიაზე არსებული და მოსალოდნელი სინოპტიკური პირობების მოკლე ტექსტური აღწერითა და ქ. თბილისისთვის ასევე ჰაერის მრავალწლიური მაქსიმალური და მინიმალური ტემპერატურის მითითებით, ხოლო საქართველოს ქალაქებისთვის, დაბებისთვის, საკურორტო და ტურისტული პუნქტებისთვის (თბილისი, სოხუმი, გაგრა, ოჩამჩირე, ბათუმი, ქობულეთი, ფოთი, ხულო, ზუგდიდი, ქუთაისი, ოზურგეთი, ჭიათურა, ამბროლაური, ცაგერი, ონი, მესტია, გორი, ახალგორი, ჯავა, ცხინვალი, სტეფანწმინდა, გუდაური, თიანეთი, ახალციხე, ბორჯომი, ბაკურიანი, თელავი, ყვარელი, სიღნაღი, საგარეჯო, დედოფლისწყარო, ლაგოდეხი) მიმდინარე და მომდევნო 1 დღის ამინდის პროგნოზი.

43. გარემოს ეროვნული სააგენტოს კუთვნილი ჰიდრომეტეოროლოგიური დაკვირვების ხელსაწყოების (სადგურები/საგუშაგოების) განსათავსებლად ფიზიკური და იურიდიული პირების მიერ სათანადო მიწის ფართობების უსასყიდლოდ სარგებლობის უფლებით გადმოცემის შემთხვევაში, ამავე პირების მოთხოვნის შესაბამისად, მათ ტერიტორიაზე განთავსებული დაკვირვების სადგურებიდან/საგუშაგოებიდან მიღებული მონაცემები.

44. ფიზიკური და იურიდიული პირების მიერ გარემოს ეროვნული სააგენტოსთვის უსასყიდლოდ გადმოცემული ჰიდრომეტეოროლოგიური დაკვირვების ხელსაწყოებიდან (სადგურებიდან/ საგუშაგოებიდან) მიღებული მონაცემები ამავე პირებისათვის (მათი მოთხოვნის შესაბამისად).

45. იმ ფიზიკურ და იურიდიულ პირებს, რომლებიც სსიპ – გარემოს ეროვულ სააგენტოს უსასყიდლოდ გადმოცემენ ჰიდრომეტეოროგიურ მონაცემებს ან/და სააგენტოსთვის გაწევენ ჰიდრომეტეოროლოგიური მიზნებისთვის სხვა სახის მომსახურებას.

46. „საჯარო და კერძო თანამშრომლობის შესახებ“ საქართველოს კანონის თანახმად, საჯარო და კერძო თანამშრომლობის პროექტის განხორციელების მიზნით, შესაბამისი უფლებამოსილი ორგანოს დასაბუთებული მომართვის/შუამდგომლობის საფუძველზე, სააგენტოში არსებული/დაცული ჰიდრომეტეოროლოგიური მონაცემები.

5. მეტეოროლოგიური და ჰიდროლოგიური ელემენტებისა და ატმოსფერული მოვლენების შესახებ გამოქვეყნებული მონაცემები (ცნობარები,ეროვნული შეტყობინებები, ანგარიშები).

6. ცნობის მომზადება დაინტერესებული პირის მიერ წარმოდგენილ კოორდინატებში მითითებულ ტერიტორიაზე (ან მის ნაწილზე) ლიცენზიის არსებობა-არარსებობის შესახებ – განაცხადის რაგისტრაციიდან 5 სამუშაო დღეში.

7. ,,სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების 73 მუხლით გათვალისწინებული ვალდებულების – ლიცენზიის ნაწილის ან მთლიანად გადაცემა – განაცხადის რეგისტრაციიდან (დოკუმენტაციის წარმოდგენიდან) სამ სამუშაო დღეში.

8. ,,ლიცენზიებისა და ნებართვების შესახებ“ საქართველოს კანონის მე-15 მუხლით გათვალისწინებული – სალიცენზიო მოწმობის დაკარგვის ან დაზიანების შემთხვევაში დუბლიკატის გაცემა – განაცხადის რეგისტრაციიდან 2 სამუშაო დღეში.