თბილისის საქალაქო სასამართლოს სამოქალაქო საქმეთა კოლეგიის გადაწყვეტილება №2/1431-25

წარმომადგენელი – დავით ბიჭიკაშვილი

დაინტერესებული პირები – სს „მესხეთის“ (ს/ნ: 208142419) 1.67222%-ის მფლობელი აქციონერები

მოთხოვნა – სს „მესხეთის“ აქციათა სავალდებულო მიყიდვა

 

სარეზოლუციო ნაწილი

სასამართლომ იხელმძღვანელა საქართველოს სამოქალაქო საპროცესო კოდექსის მე-8, 39-ე, 243-ე, 244-ე, 248-ე, 249-ე, 257-ე, 309¹⁴, 309¹⁵ მუხლებით

 

გადაწყვიტა:

1. შპს „დჯ ჯგუფის“ განცხადება აქციათა სავალდებულო მიყიდვის თაობაზე დაკმაყოფილდეს.

2. სს „მესხეთის“ (ს/ნ: 208142419) 98.32778% აქციების მფლობელ შპს „დჯ ჯგუფს“ (მყიდველი) ნება დაერთოს, მოახდინოს სს „მესხეთის“ დარჩენილი აქციების გამოსყიდვა დაინტერესებული პირებისგან (1.67222%-ის მფლობელი აქციონერებისგან).

3. აქციათა გამოსყიდვის ფასად განისაზღვროს 118.41 (ას თვრამეტი ლარი და ორმოცდაერთი თეთრი) ლარი.

4. აქციათა გამოსყიდვის სააღრიცხვო თარიღად განისაზღვროს 8 ოქტომბერი, 2025 წელი, 18:00 საათი.

5. განმცხადებლის მიერ საქმეზე გადახდილი ბაჟი 500 (ხუთასი) ლარის ოდენობით დარჩეს სახელმწიფო ბიუჯეტში.

6. გადაწყვეტილების სარეზოლუციო ნაწილი გამოქვეყნდეს საკანონმდებლო მაცნეში.

7. გადაწყვეტილება შეიძლება გასაჩივრდეს მისი გამოტანიდან 14 (თოთხმეტი) დღის ვადაში თბილისის სააპელაციო სასამართლოს სამოქალაქო საქმეთა პალატაში, თბილისის საქალაქო სასამართლოს სამოქალაქო საქმეთა კოლეგიის მეშვეობით (მისამართი: ქ. თბილისი, დავით აღმაშენებლის ხეივანი №64). აქციათა სავალდებულო მიყიდვის შესახებ გადაწყვეტილების გასაჩივრება არ აჩერებს მის აღსრულებას.

 

 მოსამართლე                                                                         ლიანა კაჟაშვილი