თბილისის საქალაქო სასამართლოს სამოქალაქო საქმეთა კოლეგიის გადაწყვეტილება №2/2060-25

მოსამართლე  – დავით აკობიძე

სხდომის მდივანი – ანა ბახტაძე

განმცხადებელი – შპს „გლობალ ჯორჯია“

წარმომადგენელი – დავით ბიჭიკაშვილი

დაინტერესებული პირი (აქციონერები) – სს „ჯორჯიან ჰოლდინგის" (ს/ნ:206052108) 2.42788 %-ის მფლობელი აქციონერები

მოთხოვნა – სს „ჯორჯიან ჰოლდინგის“ აქციათა სავალდებულო მიყიდვა.

      სარეზოლუციო ნაწილი:

სასამართლომ იხელმძღვანელა საქართველოს სამოქალაქო საპროცესო კოდექსის მე-8, 39-ე, 243-ე, 249-ე, 257-ე, 309¹⁴, 309¹⁵ მუხლებით,

    გ ა დ ა წ ყ ვ ი ტ ა:

1. შპს „გლობალ ჯორჯიას“ განცხადება აქციათა სავალდებულო მიყიდვის თაობაზე დაკმაყოფილდეს.

2. სს „ჯორჯიან ჰოლდინგის“ (ს/ნ: 206052108) 97.57212% აქციების მფლობელს  შპს „გლობალ ჯორჯიას“ (ს/ნ: 202278285) ნება დაერთოს, მოახდინოს სს „ჯორჯიან ჰოლდინგის“ დარჩენილი აქციების გამოსყიდვა დაინტერესებული პირებისგან (2.42788 %-ის მფლობელი აქციონერებისგან).

3. აქციათა გამოსყიდვის ფასად განისაზღვროს  18,71 ლარი.

4. აქციათა გამოსყიდვის სააღრიცხვო თარიღად განისაზღვროს – 2025 წლის 8 ოქტომბერი – 18:00 საათი.

5.  განმცხადებლის მიერ საქმეზე გადახდილი ბაჟი 500 (ხუთასი) ლარის ოდენობით, დარჩეს სახელმწიფო ბიუჯეტში.

6. გადაწყვეტილება გამოქვეყნდეს „საქართველოს საკანონმდებლო მაცნეს“ ვებგვერდზე.

7. გადაწყვეტილება შეიძლება გასაჩივრდეს მისი გამოტანიდან 14 (თოთხმეტი) დღის ვადაში თბილისის სააპელაციო სასამართლოს სამოქალაქო საქმეთა პალატაში  (ქ. თბილისი, გრ. რობაქიძის გამზირი №7ა), თბილისის საქალაქო სასამართლოს სამოქალაქო საქმეთა კოლეგიის (ქ. თბილისი, დავით აღმაშენებლის ხეივანი №64) მეშვეობით.

8. გადაწყვეტილების გასაჩივრება არ აჩერებს მის აღსრულებას.

მოსამართლე   დავით აკობიძე